قرب كمآان ب قلمي

_ في الحي الصغير ذات الممرات الضيقه والبيوت الصغيره _
_في بيت ابو شوق _ كان المكان يعمه الهدوء
شوق/يما .. يما
شوق/يماا وينك
طلعت ام شوق من المطبخ /نعم يمه
شوق/يمه وين بلوزتي الحمرا
ام شوق/مدري يمه مهيب كبتك
شوق/لا يمه مب هناك
ام شوق/دوريها زيين يمه
...
_ في الحي البعيد ذات الممرات الوسيعه والبيوت الضخمه والكبيره _
_في البيت الكبير - بيت الجد - _ كانو الحريم جالسين بالصاله والبنات معهم
حنان:جدتي لايكون اشتقتي له
الجده واهي مستحيه:استحي يابنت
حنان:اووبس جدتي توردت
الجده تضرب ملاك/يلي ماتستحين
ملاك/جدتي اناا مالي دخل آي اناا ملاك اكي حنان آي جدتي يألم
ام فارس كانت اهي الي جنب ملاك حضنتهاا وباستهاا /المك حبيبتي
استحت ملاك و وردت/شوي
حنان واهي تصرخ من قوة الضربه الي اجتها/آه جدتي شوي شوي علي يمه هذا بدل ماتحضنيني اناا
ام فارس/لأنك تستاهليين
الكل ضحك على شكل حنان
بعدها بكم ساعه رجع الكل ع بيته
في اليوم الي بعده
-في بيت ابو شوق-
شوق/يمه لمتى واحناا بنظل كذا مقطوعين من الشجره لحد يسأل عنا ولا احد يعرفنا
ام شوق بحزن/ايشش نسوي يابنتي
شوق/يمه كلمي جدي يممه مو معقول اناا وانتي ببيت بروحنا ومحد عندنا لو يطب علينا حرامي او شي منو لناا
نزلت راسها ام شووق بنتهاا معاها حق في كل الي قالته
قررت تكلم ابوهاا بالاول ترددت بس بعدين تذكرت بنتها واتصلت
ابوهاا بحده/نعم
يوه اشتاقت لذا الصوت 25 سنه ماشافته ولا سمعت صوته
ام شوق/شلونك يباا
ابوهاا /............"لارد"
ام شوق بأصرار/شلونك يباا
ابوهاا/الحمد لله للحين عايشين
مافهمت ام شوق قصد ابوهاا بس ماعرفت شتقول زوجي مات واناا وبنتي بروحناا
ام شوق/يباا
حن ابووهاا هذي ضناه مستحيل يقسى عليهاا بعد هالسنين مهما كان بتضل بنته
ابوهاا بحنان/سمي يباا
ام شوق حست بنبرته ذي مهد لهاا كلام كثير
ام شوق/يباا اناا بروحي
مافهم ابوهاا وش قصدهاا/كيف
ام شوق/يباا سالم توفى "طاحت دمعه على خدهاا لماا تذكرته"والحين اناا وبنتي حرييم بروحناا محد عندناا احناا مقطوعين من الشجره لا اهي عندها ابو او اخو تستند عليه ولا اناا عندي يباا الدنيا مالهاا اماان واحناا حريم ببيت بروحنا
ابوهاا /طيب ليه ماقلتين من زمان ليه توك تتصلين ليه ما اتصلتين من قبل
نزلت راسها ام شوق وبحزن/خفت انك ترفض مكالماتي مثل قبل
ابوهاا /طيب المغرب بجيكم
فرحت ام شوق الا طارت من الفرحه بعد هالسنين كلها ابوها بيجيها بنفسه حمدت ربهاا وقامت تبشر بنتهاا
........
ملاك واهي نايمه ع سريرها وتكلم ليان/ام ليان تعالي عندي
ليان/توك امسس شايفتني لهدرجه اشتقتي لي
ابتسمت ملاك/لاما اشتقت لك بسس ملانه ماكو احد بالبيت غيري انا وامي نايمه
ليان/ما اتوقع امي توافق بتقول امسس شايفتهاا
ملاك/تيب عطيني اناا بقول لهاا
ليان /اوكي اناا بسكر وانتي اتصلي ع البيت واذا اهي ردت قولي لها
ملاك/واذا مو اهي
ليان/مايبيلها تفكير قولي مرت عمي موجوده او ام فارس موجوده اي شي
ملاك/استحي
ليان/اجل خلاص
ملاك/لالا تيب خلاص بتصل
سكرت ملاك من ليان واتصل ع بيتهم
رد فارس /الوو
ملاك/السلام عليكم كيفك فارس
فارس ماعرفهاا/وعليكم السلام الحمد لله
ملاك/مرت عمي موجوده
فارس/ميين اقول لهاا
ملاك/ملاك
فارس"ملآك غريب ايش تبي من امي "/كيفك بنت العم
ملاك/منيحه
فارس/لحظه بنادي امي
فارس/يمه يمه
ام فارس/نعم يمه
فارس/يمه التلفون
ام فارس/منوو
فارس/ملاك
استغربت ام فارس /هلا يمه
ملاك/هلا خالتي شلونك..؟
ام فارس/بخير يمه انتي شلونك واخبار امك
ملاك/نسأل عنك
ام فارس/سألت عنك العافيه يمه
ملاك/خالتي
ام فارس/امري يمه
ملاك/طلبتك خلي ليان تجي عندي
ام فارس/يمه توكم امسس شايفين بعض
ملاك/طيب خالتي بس والله طفشت بالبيت بروحي خليها تجي عندي
ام فارس/مثل ماتبين يمه الحين اخلي فارس يوديهاا
التفت فارس لما سمع اسمه
ام فارس/مع السلامه يمه
فارس/شالسالفه يمه
ام فارس/قم ود اختك بيت عمك
....
-في بيت ابو فيصل-
فواز/ريم ريم
نزلت ريم من الدرج/ناديتني
فواز/وين جوالي
ريم /واناا ايش عرفني
فواز/موو انتي الي اخذتيه امسس
ريم/ايووه بس رديته لك
فواز/افف وينه ذا
فيصل/اوو فواز تباعد عن التلفزيون
تباعد فواز عن التلفزيون رفع الخداديه الي موجوده ع الكنب ورماها بعشوائيه وجات في وجه فيصل
فيصل/اوه فواز شفيك ماتشوف انت
فواز/فيصل مو رايق لك
............
في البيت الكبير
حلا/يبا وين بتروح ..؟
الجد/عندي شغل
حلا/تيب ماتصل عزيز
ساره من سمعت اسم ابوها نطت عندهم/بابا جاا
حلا/لا ياقلبي ماجاا
حزن الجد على بنت ولده وتضايق من عبد العزيز البنت مالها ذنب يسوي فيها كذا طلع من البيت
حلا/غريب مدري شفيه ابووي توه قبل شوي يسولف معي
...
دخلت ام شوق على بنتهاا لقتهاا نايمه على سريرها وتبكي
ام شوق بحنان/ليه تبكين يمه
شوق/يمه اناا تعبت ليه اناا غير عن الناس ليه البنات احسسن مني
ام شووق/احسن منك في ايشش
شوق بين دموعهاا/كل شي عندهم ابوو لبسهم احسسن مني بيتهم لا وفي المدرسه كل يوم شنطه جديده ومريول جديد واغراض جديده تعبت يمه اناا ماعندي اخت او اخوو اشتكي لهم ولا عندي صديقه تواسيني اذا بكيت ولا عندي ابوو يخاف عليي ويصرف عليي اناا ماعندي الا شي واحد واذا فقدته حياتي وموتي واحد يممه لالاتتركيني ماعندي الا انتي في حياتي اذا رحتين يمه اناا مستحيل اعيش بعدك
حضنتهاا امهاا وصارت تبكي معاهاا اهي مابيدهاا شي على بنتهاا
ام شوق/انتي ارتاحي الحين واناا بصحيك المغرب جدك بيجي عندناا
شوق تباعدت عن حضن امهاا/بيجي
ام شوق ابتسمت لبنتهاا/ايي يمه
شوق/يممه يعني بيصير عندني جد وجده وعيال خال وخاله يممه اناا كم خال وخاله عندي
ام شوق ببتسامه واهي تتذكر اخوانهاا/عندك 4 خوال و 3 خالات
شوق/وناسه يمه عندهم بنات بعمري
نزلت راسهاا ام شوق/مدري يمه بس اكيد
شوق واهي تحضن امهاا/ربي يخليك ليي يمه ولا يحرمني منك
.....
كانت ملاك جالسه بالحديقه تنتظر ليان تجي ولابسسه ..
Download 09022413530895 jpg
وصلت ليان وملاك كانت تتصفح مجله مانتبهت الى السياره الي دخلت
نزلت ليان وفارس كان يحوس بالسياره انتبه ان ليان نسيت شنطتها نزل يبي يعطيها اياهاا بس وقف لما شاف ملاك كان شكلهاا يجنن
فارس واهو يتقدم لهم/احم احم
اخترعت ملاك وتخبت ورا ليان
فارس واهو يعطي ليان شنطتهاا/نسيتيهاا
استحت ملاك لأن لبسها قصير واهو شافها كذا اماا اهو تمنى مايروح
فارس/خالد هناا
ملاك بخجل/لا مب هناا
فارس/امم تيب عن اذنكم
راح فارس واهو مشغول باله يفكر بملاك
...
نوف نازله من الدرج مسرعه واخذت الرموت كنترول من نواف وحط ع mpc4
انقهر نواف من حركتهاا/نووف ماتشوفيني اطالع
نووف/وانت ماتشوف ان فاتني نص المسلسل
نواف/طيب ليه ماتقومين فوق
نوف/وليه مب انت تروح فووق
نواف توه بيقوم الا يرن التلفون
نواف بعصبيه خفيفه/الوو
خافت ريم/الوو
هدى نواف وابتسم/اهليين كيفك ريم
لفت نووف عليه وابتسمت /ياخي اثقل
نواف ويبعد التلفون عن ثمه/مو شغلك
ريم/اناا بخير وانت كيففك
نواف/بخير دامك بخير
ريم/شفيك اول مارديت معصب وربي خرعتني
نواف/ابد بس نوف عليها حركات مثل خشتهاا
ريم/ههه اماا عاد وينهاا اهي الحين اوريها شغلهاا
ابتسم نواف واعطى التلفون نوف
نوف/ياميت اهلين وسهلين ولك اشتأت الك >>تتكلم سوري خخ
...
كلم ابوو ام شوق امهاا وفرحت كثير
وفي المغرب راحوا لهم
ترن ترن >>صوت الجرس خ
ع طول نطت شوق فتحت الباب واهي مبتسمه بس اختفت ابتسامتهاا لما شافت الي ع الباب
سكرت الباب ودخلت
ام شوق/وين جدك وجدتك
شوق بقهر/مو اهم هذي الشحاته
ترن ترن>>الجرس .. ..
نطت شوق مره ثانيه وفتحت الباب ابتسمت هذا جدي وهذي جدتي
شوق/تفضلوا
دخلوا الجد والجده البيت وكان صغيير اهم استغربوا ان بنتهم وبنتهاا عايشه فيه
ام شوق واهي تحضن امهاا/يمه اشتقت لك اخبارك يممه
الجده واهي تمسح دموعهاا/كيف كذا يمه نهون عليك وماتتصلين ولا شيي
ام شوق واهي تحضن ابوهاا/شلوونك يبه
الجده واهي تاخذ شوق في حضنهاا/فديتك يممه شلونك
شوق بخجل/الحمد لله شلونك انتي "سكتت شوي"جدتي
ضمتهاا اكثر الجده/اناا بخيربشوفتك انتي وامك
.....
كانت حلا بالصاله تلعب مع ساره
حلا/سارونه قلبي روحي قولي الى ميري تييب لي مويه
ساره/تييب حلا بابا متى بيرد
حلا/قريب
انفتح الباب وصرخت حلا /يباا يماا عبد العزيز ات... (سكتت حلا الا انصدمت وجمدت بمكانهاا)
الجد/دخلوا يباا
حلا بعلامة تعجب كبيره/يبا يماا
ام شوق بفرح ممزوج بحزن/حلا
حلا/تعرفيني
ام شوق راحت تركض وحضنة حلا وحلا واقفه مكانها مثل الصنم
ام شوق/حلا اناا اناا عبير اختك
حلا بصدمه/عبير
طلعت ساره من الصاله وراحت الى جدهاا وحضنته/جدوو منو هذول..
....
انتهى البارت الثاني اتمنى انكم استمتعتوا بقراءته..
انتظر الردود..
.
.
.
.

بصراحه روايه في قمه الروعه
بنتظرك يااعسوله
لاتحرميننا
ودي