رواية عمري ما تمنيت شئ قد ما تمنيت اشوفك روايه رومانسيه جريئه ولا تخلو من الوناسه و

1. سلطان:هاه دكتور طمني ايش فيها الجوهره؟!!

رواية
صباح/مساء الخير
كيفكم
جايبه لكم رواية عمري ما تمنيت شئ قد ما تمنيت اشوفك
روايه رومانسيه جريئه ولا تخلو من الوناسه والصرقعه واخليكم مع:
البارت الاول
ام راكان(الجوهره) تكلم بالموبايل:سلطان جهزت الهدايا والزينه
ابو راكان(سلطان): اكيد هذي دلوعتي وكل شئ يجهز لها بثواني
الجوهره: حلو الحين صار كل شئ جاهز لحفلة ميلاد ريوم.. الله لا يحرمني منك..
سلطان:ولامنك حبيبتي.. متى راجعه من السوق؟!!
الجوهره: الحين احاسب الاغراض اللي معي واجي
سلطان:اوكي.. انتظرك باي..
الجوهره: بحفظ الله..
اخذ (بيجي) السواق الاغراض من الجوهره واتجهوا للبيت وهم بالطريق حست الجوهره باحساس غريب يكتمها على قلبها طلعت من شنطتها صوره صغيره لعائلتها::
الجوهره(معلمه) تتمتع بجمال راائع حنونه كثير والكل يحبها
سلطان: (رجل اعمال) يحب زوجته وعياله كثير خصوصا دلوعته الريم ملامحه بدويه وحاده واحلى ما فيه الغمازات بوجهه
راكان:(17 سنه)يتمتع بجمال ابوه الانف طويل وحاد العيون ناعسه الغمازات بوجهه تظهر من ابتسامه خفيفه حواجبه كثيره شوي بس مرسومه وعلى صغر سنه جسمه رياضي
الريم(10 سنوات) دلوعة العائله شبيهة امها بكل شئ حتى في الصفات اخذت من جمال امها الكثير عيونها وسيعه وكحيله ولونها عسلي فاتح شعرها اسود وفمها صغير مثل حبات التوت وعندها غمازه وحده في خدها اليمين
ضمت الجوهره الصوره لصدرها ودمعت عيونها وكانها تودعهم وتشوفهم لاخر مره
في البيت
الجوهره تاخرت كثير وسلطان يدق عليها ولا ترد وبدا القلق يبان على وجهه وفجاه حس باحساس غريب ما قدر يفسره: خير اللهم اجعله خير..
الريم وهي نازله مع الدرج:باباتي
سلطان: ياعيون باباتك
الريم: مو كان ماما تاخرت وين ماما؟!! والله خايفه عليها
سلطان ضمها وقال: لا تخافين حبيبتي شوي وتجي امك
سكتوا الاثنين وساد بينهم الصمت حطم الهدوء اللي بينهم صوت موبايل سلطان وكان رقم غريب رد سلطان عليه:آلو:السلام عليكم
سلطان:وعليكم السلام اخوي من معي؟؟: انت سلطان ال----------
سلطان وبدا يفقد اعصابه:ايه انا سلطان منو انت؟!!: معاك المستشفى ال-------- للاسف زوجتك والسواق صار لهم حادث ونقلهم الاسعاف عندنا السواق بالعنايه المركزه اما زوجتك بغرفة العمليات
سلطان بصدمه كبيره: العمليات..ليه ايش فيها الجوهره؟!! ايش صار لها؟!!: انت تعال وتعرف كل شئ
قفل سلطان الخط بدون ما يتكلم اخذ مفاتيح سيارته واتجه بسرعه للمستشفى دخله وراح الى غرفة العمليات وجلس ينتظر ساعات على نار خايف كثير على الجوهره ومو متخيل حياته بدونها بعد ساعتين تقريبا طلع الدكتور

سلطان:هاه دكتور طمني ايش فيها الجوهره؟!!

الدكتور: للاسف ما قدرنا نسعفها كان عندها نزيف حاد بالدماغ ادّى للوفاه..عظّم الله اجرك..
سلطان من عظم الصدمه طاح عالكرسي بدون أي حركه مو مصدق اللي صار زوجته وحبيبته راحت للابد مر عليه شريط ذكرياتهم كان حبهم من كانوا صغار وكيف توجوا هالحب بالزواج وكيف كانت فرحتهم براكان والريم;وقف تفكيره شوي على راكان والريم شلون اقولهم امكم ماتت شلون اقول شلون؟!!
طلع ابو راكان من المستشفى ومو عارف وين رايح بس تذكر عياله راح البيت اخذ عياله وداهم بيت جدتهم
راكان يقفل باب السياره:يبه
لف عليه ابوه وبعيونه الف دمعه وكلمه
راكان:وين امي؟!!
بهالوقت وبدون ما يحس ابو راكان نزلت دمعته لف وجهه للجهه الثانيه ما كان يبي راكان ينتبه لها بس صار عكس اللي يبي كان راكان مصدوم لانه اول مره يشوف دمعة ابوه فتح باب السياره وقال: يبه قلتلك وين امي؟!!
ابو راكان:امك راحت ياراكان راحت
راكان بدت دموعه تخونه:شلون امي راحت شلون امي ما راحت انت تكذب
حرك ابو راكان السياره مسرع وراح لكل مكان زاره مع الجوهره
مرت ايام العزاء الثلاثه بثقل ومراره عالكل كانت الجوهره محبوبه من الكل
راكان والريم هالفتره كانوا عند جدتهم ابوهم كان يرفض يشوفهم بالذات الريم كان يبي أي شئ ينسيه الجوهره وهو يظن انه اذا شاف الريم بيتذكرها لانها تشبه الجوهره كثير بعد 4 اشهر رجعوا الريم وراكان لبيتهم...
بعد مرور 8 سنوات
حدثت تغييرات كبيره في حياة ابو راكان(سلطان),راكان, والريم
ابو راكان بعد وفاة زوجته ب5 سنوات تزوج بعهود انسانه طيبه وحبوبه تحب سلطان وعياله كثير
راكان صار عمره25 سنه يدرس بالخارج ببريطانيا اخر سنه له
الريم عمرها 18 سنه تدرس ثالث ثانوي صارت معاملتها مع ابوها رسميه كثير صارت تقضي اكثر وقتها عند جدتها اللي تعتبرها امها الثانيه
ابي تفاعل وردود ترفع الراس بعدها اكمل البارت الثاني