رواية معتز في كندا اول روايه ليا خطرطريه ماره

1. بسم الله الرحمن الرحيم


2. يارا عمرها 18 سنه وتدرس تالت ثانوي كانت يارا حلوه بمعنى الكلمه


3. رزان: طيب يلا سي يوو


4. ريما : باي

بسم الله الرحمن الرحيم

طبعا اول شي حبيت اقولو قبل لاأبدأ بالروايه انو دي الروايه من تأليفي انا كلي أحاسيس بس بصراح هدي اول روايه اكتبها وزي ما انتو عارفين يعني صراحتا مدري كيف بتطلع انا مره اتشجعت لمن قريت اكتر من روايه سعوديه يعني مافيا سهل من اني اكتب روايه وطبعا قدرت اني اكتب دي الروايه وهيا زي ماقلتلكم الروايه الأولى ليا وسوري طولت عليكم
نبدأ بالروايه :
اول شي بعرفكم على الشخصيات المهمه في الروايه وباقي الشخصيات رح تعرفوها وانتو تقرو الروايه
اهم الشخصيات : ( عبد الله _ رياض _ فؤاد ) >> اخوان
عائله عبد الله >> ابو هاني
دلال >> ام هاني
هاني عمرو 27 سنه متزوج وحده اسمها سحر هاني كان حلو ويجي منو بشكل عام وسحر كانت زي القمر من جد
سها عمرها 22 سنه وتدرس طب سها كانت طويله ونحيفه وبيضه وكانت برضو يجي منها
ريما عمرها 19 سنه اول سنه لها في الجامعه ريما كانت ملامحها شويه جريئه ورجوليه بس حلوه
شهد عمرها 16 سنه اول ثانوي ملامحها كانت بريئه وطفوليه
عائلة رياض >> ابو نايف
رجاء >> ام نايف
نايف عمرو 24 سنه يشتغل مع ابوه في الشركه نايف كان عادي بس ملامحو حلوه
حنين عمرها 20 سنه تدرس مع ريما وبنفس الاختصاص حنونه كانت حلووه مره وملامحها جذابه
رزان عمرها 16 سنه وتدرس اولى ثانوي كانت عاديه وملامحها عاديه بس جسمها كاان خيال وصوتها مره جونان لما تغني
عائله فؤاد >> ابو زياد
سوزان >> ام زياد
زياد عمرو 20 سنه ويدرس صيدله وكان احلى عيال عمو

يارا عمرها 18 سنه وتدرس تالت ثانوي كانت يارا حلوه بمعنى الكلمه

افنان عمرها 16 سنه وتدرس اولى ثانوي مع شهد ورزان وكان شكلها حلو ونعووم
طبعا كانو التلاته العوايل دايما مع بعض يفرحو مع بعض ويزعلو مع بعض ولاعمرو احد فكر انو يزعل التاني وعيال العم كأنهم اخوان لانو كل شويه مع اعمامهم وعيالهم ماكان بينهم رسميات ابدا ولا يغطو على بعض العيال و البنات
يوم من الأيام ريما حست بطفش لانو هما كانو دوبهم في بدايه الاجازه الكبيره مامر منها غير اسبوع واحد بس قررت انها تخرج مع بنات عمها
دقت على رزان
رزان : هلا والله
ريما : اهلين كيفك وكيف العيال وابو العيال
رزان : ههه ياخفتك دي الي ماطبتليها .. ايوا ريما ايش عندك داقه مو من عوايدك العاده انا الي اسأل
ريما : وجع اكلتيني سدي حلقك واسمعي لا كف يجيكي من الجوال
رزان : اخلصي اش عندك
ريما : بت ايش رايك اليوم نخرج وربي مره طفش وزهق وقرف
رزان : اوكي ماعندي مانع بس فين ندشر ؟
ريما : يختي جده قد ايش كبرها وكلها اماكن فله نروح أي مكان
رزان : ام طيب دقيتي على بنات عمي فؤاد ؟
ريما : لا لسه دحينا بدق عليهم يلا قولي لأخواتك يجهزو وانا بعد صلاة المغرب بكون عند بابكم

رزان: طيب يلا سي يوو

ريما : باي

ريما دقت على افنان وقالتلها على الخرجه طبعا كل وحده راحت تدحلس ابوها (تدحلس = يعني ترضي ) وهما عارفين انهم محا يقولو لأ على فكره نسيت اقولكم انو التلاته الاخوان رجال اعمال ومعروفين ولهم اسمهم وعندهم فلوس كتير ومدلعين لاخر درجه
بعد ادان المغرب كلهم لبسو العبي يستنو ريما وسها وشهد يمروهم
رزان دقت على ريما
رزان : الو
ريما : هلا
رزان : فينكم
ريما : ههه احنا تحت يامخ يلا انزلي
رزان : اوكي باي
ريما : بايات
نزلت حنين ورزان من الدرج وسمعو صوت اخوهم بيناديهم ووقفو
نايف كان متشدد شويه على اخواتو
حنين : هلا نايف
نايف : فين رايحه انتي وهيا
حنين : نايف اشبك نبا نروح مع بنات عمي ونتمشى
نايف : ومين الي يبا يوديكم >> قالها بصراخ
حنين : ناا ..اايف اشبكم مع سواق عمي عبد الله
نايف : لا والله من جد >> قالها وهوا معصب
حنين : ايوا عادي بابا وماما دارين عننا ورضيو وخلاص البنات برى نبا نخرج
نايف : استني انا الي حأوصلكم
حنين : ليش تتعب نفسسك مالو داعي احنا نبا نروح مع السواق
نايف : لا يكتر دحين البس واجي
حنين تكلم رزان : اوف يعني مو متعب غير نفسو
رزان : ياشيخه ترى انا اخاف منو مره اول ما اشوفو جسمي كلوي تقشعر
طلعت رزان وحنين ونايف من البيت
شهد اول ماشافت نايف حست بالارتباك ماتدري ليش
شهد كانت تحب نايف بس كانت تقول انو هوا اكبر منها بكتير ايش يبغى منها
نايف كلم سها وقلها : انزلو وتعالو اركبو سيارتي يلا
سهى استغربت : ليش ؟
نايف : من غير ليش عشان لاكل وحده ترجع على بيتها >> قالها وهوا حااقد عليهم
سهى وريما وشهد نزلو من السياره وقالو للسواق يرجع البيت وركبو سيارة نايف كانت كاديلاك .... بعد شويه ماكفتهم السيارة قال نايف : وجع بس لاتحشرو نفسكوم انزلو بنركب الجمس ..
راح وشغل الجمس وركبت حنين قدام جنب نايف ووراهم سها ورزان وشهد وريما ووصلو لبيت عمهم فؤاد وبنات عمهم فؤاد معصبين لأخر درجه عشانهم اتأخرو عليهم
ركبو البنات افنان ويارا معاهم واستغربو من نايف
نايف يكلمهم فين تبو تروحو ؟
كل وحده سارت تصرخ تبا دا المكان والتانيه دا
حقد عليهم نايف من ازعاجهم وقال بصووت عالي : انطموا
طبعا كل البنات يخافو من نايف سكتو البنات
نهايه البارت الأول ...
طبعا ازا عجبتكم راح اكمل