رواية يارب ادوم ايامنا سوا

الفصل الثاني
ابو عبد العزيز رجع الرياض هو ترك عياله اول اسبوع في بيت ابوه
ابو عبد العزيز دخل بيته {البيت ام عبد العزيز}:السلام عليكم
العيال كلهم: وعليكم السلام كلهم سلمو على ابوهم
عبد العزيز:عظم الله اجرك يبه
ابو عبد العزيز:اجرنا واجرك
ام عبد العزيز{مريم}:الحمدالله على سلامتك تو مانور البيت عزوز قم نادي خوانك قلهم ينزلون يسلمون على ابوك
عبد العزيز:انشالله وطلع فوق لغرفهم ولقى ريم قاعدة تذاكر قالها: انت ماتملين مذاكرة ابوي رجع من الجنوب نادي خالد ونزلوا بسرعة سلموا على ابوي
ريم:احلف ابوي رجع من ابها ياالله اطلع وانا وراك
وبعد خمس دقايق نزلو ريم وخالد عند ابوهم
سلموا على ابوهم وجلسو معاه ساعه
ابو عبد العزيز بهدوء:مريم تعالي الحقيني فوق بلغرفه ابكلمك بسالفه
مريم: انشالله
************************************************** *********************
خالد:عزوز
عبد العزيز:نعم
خالد:ايش تتوقع ابوي يبغى من امي
عبد العزيز:واناايش يدريني
ريم:الحمدالله والشكر ليش مستعجل كلهم خمس دقايق وتقولنا امي السالفه ليش مستعجل
خالد:انتي محد كلمك لاحذفك بلجزمه الحين
ريم:يمه خوفتني
************************************************** *********************من الجهة الثانيه فوق
ابو عبد العزيز:شوفي من اليوم ورايح عيالي بسكنون هنيه في نفس البيت الي احنا فيه
مريم وبدت تعصب:لي مايروحون بيت جدهم ولا عند خوالهم ولا قالولك فاتحه دار ايتام
ابو عبد العزيز:هذولا عيالي و انا المسئول عنهم
مريم: والله هذي غلطتك محد ضربك على ايدك وقالك تزوج وترى مالي شغل بعيالك هذا بيتي ونا ادخل الي ابيه وعيالك مابيهم
ابو عبد العزيزبعصبيه:شوفي ياعيالي يسكنون هني ياورقه طلاقك بتكون عندك باقرب وقت
وبعد نقاش طويل
قدر ابو عبد العزيز يخلي مريم توافق بعد محاولات وتهديدات ظلت ثلاثه ساعات
نزلت مريم معصبه من الغرفه بعد اما ابو عبد العزيز ظل في الغرفه يرتاح
خالد :اقول يمه ابوي اشفيه متضايق
عزوز:اكيد عشان زوجته ماعتقد في شي ثاني مضايقه
مريم:أي عشان عيال زوجته يبي يجيبهم يسكنون هني في بيتي
عبد العزيز:يمه هذا بيتتك وانت حرة فيه وقولي لابوي انك ماتبينهم خلهم يعيشون بيت جدي ولا خوالهم
مريم:قلتله مارضي
عزوز:ليش مايرضى هذا بيتتك مو بيته عشان يوافق ولا يرفض
مريم:اذا رفضت بطلقني
ريم:طيب متى بيجون
عزوز:وانتِ هذا الي يهمك ويقلد صوته طيب متى بيجون
مريم:قال في هااليومين ولا وبعد يبنا نرتب لهم غرف
خالد:لاو صرنا خدم لهم
مريم:الود ودي اخليهم ينامون باالملحق
ريم:يمه حرام عليكي مهما كان ترى يظلون خوانا
عبد العزيز:اقول سكتي هذا الي ناقص عيال نوير يصيرون اخوانا
مريم :اقول سكتوا دورا لنا حل لاهل البلشه
عبد العزيز: انا ماقول الا انطفشهم الين مايطلبون هم من ابوي يوديهم بيت خوالهم او بيت جدي
عبد العزيز عمر24سنه طويل شعره طويل يشبه ابوه كثيركان جماله مبهر لدرجه ان البنات هم الي يلاحقونه ويسمونه جنتل مان وكان الغرور راكبه من راسه لساسه وكان يسمع كلام امه في كل صغيرة وكبيرة
اما خالد :كان عادي جدا يشبه امه عمر23 دايما برى البيت كان البيت مجرد فندق ينام
أما ريم فكانت حلوة شعرها بني على أمها واصل لحد ظهرها جسمهاا حلو كثير وكانت بيضاء بس كانت انطوائيه عمرها16سنه
في بيت ابو محمد (الجد)
الجدة :يابنيتي قومي حطي لقمه في فمك من الصباح ماكلتي شي
ميار :مابي مو مشتهيه اخواني وينهم
تحت جالسين مع جدهم انتي الي حاكرة نفسك بلغرفه
تحت في الصاله في قسم الرجال
ابو عبد العزيز:خلاص يبى انا اليوم باخذ عيالي معاي
الجد:تاخذهم وين توديهم الله يهداك خلهم عندنا
الجده:وانا اقول نفس كلام ابوك خلهم عندنا ترى مابيرتاحون بيت مريم وانا اعرف مريم عدل مستحيل تعتبرهم مثل عيالها
ابو عبد العزيز:غصبن عنها تعاملهم مثل امهم اصلا انا قلتلها ياتعتبرهم مثل عيالها يابطلقها
الجد:شوف هذولا عيالك والي تشوفه صح سوه
طلعت الجدة ونادت ميار تنزل عند ابوها
ابو عبد العزيز:ميار جهزي اغراضك انتي واخوانك
ميار:ليش وين بنروح
ابو عبد العزيز:بتروحون معاي البيت
ميار:عند زوجتك
ابو عبد العزيز:ايه
ميار:يبه ماابي اروح معاك خلني هنيه انا مرتاحه بيت جدي
ابو عبد العزيز:انا قررت ولازم تيجين معي اليوم
ميارقامت من مكانه وهي تبكي من قلبها لانها عارفه انها ماراح تشوف خير من مرت ابوها بس ماقدرت تجادل ابوها
طلعت لغرفتها جهزت اغراضها واغراض اخوانهاوجدتها
ابو عبد العزيز:جهزتي كل شي
ميار:ايه
ابو عبدالعزيزحس انه بنته فيها شي ماهي دايما الي يشوفها كان يقول في خاطرها اكيد متاثرة عشان امها
المهم
وصلو البيت ميار اول مادخلت البيت تفاجائت كان البيت فيلا كبيرة وحديقه ومسبح بعكس بيتهم الي كان اربع غرف وصاله ضغير ومافي لاحديقه ولا هم يحزنون
ابو عبد العزيز:ميار اشفيكي لي واقفه
ميار:يبى انا خايفه
ابو عبد العزيز حاط ايده على كتف بنته:من ايش خايفه
ميار:يبى خايفه من زوجتك اكيد ماتبينه خلنا نروح بيت جدي احسن لنا ولها
ابو عبدالعزيز:
زوجتي ماتقدر تسويلك شي بعدين من قالك انها ماتبيكم انا قلتلها وبلعكس استانست وجهزتلكم غرف بعد
ميار:صدق والله استانست
ابو عبدالعزيز:أي صدق عمري قلتلك شي وكذبت عليكي
ارتاحت ميار لكلام ابوها مع انها دايما تسمع عن زوجه الاب بس قالت امكن مرت ابوها غير
دخلو البيت كان البيت فاضي مافي احد
ابو عبد العزيز:سميرة سميرة
سميرة:نعم بابا {خدامه حبشيه تشتغل عندهم من 15 سنه
ابو عبد العزيز:وين ماما وين عيال
سميرة:ماما فوق بلغرفه وعيال كلو بلغرفه
ابو عبد العزيز:خلاص طيب شيلي هلاغراض فوق وبعدين سويلي شاهي
عبد العزيز نازل من على الدرج شاف ابو مع جالس مع ميار واخته وشايل الولد الصغير قاعد يلعب معاه
جالس يتكلم من قلبه الحين هذولا البزران الي يبي يطلق امي عشانهم خلني اروح اقول لامي احسن
طق طق طق
مريم:مين
عبد العزيز:انا يمه عزوز
دخل عبد العزيز قبل ماتقوله امه ادخل :يمى تراهم جو
مريم:بسم الله وشفيك كذا مين الي جو
عبد العزيز:ابوي وعياله
مريم:وجع بها السرعه خليني انزل قبل مايعصب ابوك الحين ويفشلني قدامهم
عبد العزيز:لايمه لاتخافين تراهم بزران
مريم:حتى ولو لازم احسسهم انا لي هيبه بهالبيت عشان يسولي الف حساب
عبد العزيز:وانا بعد ناديتك عشان كذا
نزلت مريم وولدها عبد العزيز
ابو عبدالعزيز شافهم نازلين من الدرج: وينكم فكرت محد بلبيت
مريم:فوق كنت نايمه بلغرفه ماكنت ادري انك بتجي بدري العادة تيجي متاخر
الااقول وراء بنتك ماتسلم ولا ماعلمتها امها كيف تسلم
ميار استوعبت انها ماتحركت من مكانها من يوم شافت مرت ابوها قامت على طول سلمت على خالتها
ابو عبد العزيز:مريم شيلي راكان ودي الغرفه شكله فيه النوم
مريم بعصبيه:عشتو ليش قالولك خدامه ولدك الخاصه خل اخته تشيله
ابو عبد العزيز: بعصبيه ميار ماتعرف الغرفه
مريم:تسال الخدامه
ميار على طول قامت تبي تشيل اخوها من ابوها
ميار:يبى عطني راكان انا بشيله
ابو عبد العزيز:رفض يعطي ميار راكان وقال مريم قومي شيليه
مريم قامت شالت الولد وهي معصبه لانه ماتبي ابو عبد العزيز يكسر شخصيتها وهيبتها قدام عياله
عبد العزيز: يبى انا رايح تبون شي
ابو عبدالعزيز: سلامتك انا مابي شي بس اسال اخواتك اذا يبون شي
عبد العزيز بتافف تبون شي
ميار:لا سلامتك
عبد العزيزطلع من الباب وهو معصب:اخر زمن نصير خدم لهم
نزلت ريم وسلمت على اختها
ريم:كاني شايفتك بس وين مادري
ميار:ماذكر اني شفتكِ
ابو عبد العزيز ارتاح لعلاقه ريم مع ميار فتدخل عرض وقال:شفتيها بلمدرسه
ميار وريم طالعو ابوهم بنظرات استغراب
ريم :بلمدرسه
عبد العزيز:ايه انتي واختك بنفس المدرسه
ريم طيب لي ماقلتلي عشان اتعرف عليها من قبل
ابو عبد العزيز: انتي ماسالتني عشان اقولك وبعدين انتي ماصارلك اكثر من اسبوعين من يو انتقلتي دخلتي هلمدرسه وبعدها اجازتو يعني ماداومتي الا على ايام الامتحانات
ميار:يعني انتي توك جديدة بهالمدرسه
ريم:ايه انتقلت لان هلمدرسه اقرب لبيتنا
نزلت مريم من فوق وبعدها على طول طلع ابو عبد العزيز ينام
مريم طارت من الفرحه على طول راحت عند ميار وسحبت شعرها وقالت
شوفي انتي اطلعي غرفتك ولا ابي اشوف رقعه وجهك قدامي فاهمه
مياروهي تصيح:اي تكفين فكي شعري
مريم: قولي فاهمه
ريم حاطه ايده على فمها:يمه حرام عليكي فكي البنت
مريم :انتي مالك شغل
ميار:والله فاهمه واوعدك اني ماطلع من الغرفه
مريم فكتهاورمته على الارض
ريم راحت مع ميار وودتها غرفتها مع رنيم
رنيم نامت على طول
ميار ترتب اغراضها واغراض اخوانها وهي تفكر بقلبها:الحين من اول يوم شفت هلاستقبال اجل لو عشت معاهم اش بتسوي طيب ابوي ماقالي انها استانست يوم قالها اننا بنجي عندهم ليش تكلمني بهطريقه شكلها ماتبينا ياترى ابوي كان يبي يريحني وقالي كم كلمه عشان اقتنع ولا امكن زوجته فيها شي مضا يقها آه آه آه يارب يكون في شي مضايقها جلست الى اذان الفجر غلبها النوم نامت على الارض (ميار كانت تحب النوم على الارض كانت تحس براحه اكثر من السرير عشتن كذا نامت على الارض)
طق طق طق ماحد يرد
فتحت الباب لقت الكل نايم
ريم بصوت واطي: ميار ميار
لامن مجيب
ريم بصوت اعلى:ميار ميار
ميار قامت قامت مفزوعه
ريم:بسم الله عليكي وشفيكي اخترعتي
ميار:هآ ولا شي
ريم كل هل الفزعه وما فيكي شي
ميار:ها لابس حلمت حلم موزين
ريم:اهاهذا عشانك نايمه على الارض
مياربيقلبها:طول عمري انام على الارض وما احلم هلاحلام :.اي يمكن كلامك صح
ريم:طيب يلا قومي ماراح تصلين
ميار :الاالحين بقوم بصلي نزلت ريم وتركت ميار
نزلت من الغرفه شافت واحد جديد ماشافته امس جلس يطالع فيها وكانه يوقول مين هذي
خالد بقلبه:مين هذي وش جابها لاتكون وحده من صديقات ريم نايمه عندنا غريبه عمر ريم ماسوتها اجل مين بتكون
ميار كانت راجعه غرفتهابس خالد لحقها ومسكها من ايدها
خالد كان من النوع يحب مطاردة البنات
ميار بخوف وتنهيده:هئ مين انته اشتبي
خالدبمكر وبصوت خافت وكان حاط ايدها على خدها:انا خالد ياقمر
ميار بعدت ايده:ابعد عني دخلت ريم
ريم:خالد ابوي تحت ينتظروانت قاعد هنا وخلو التعارف بعد ماترجع من المسجد
خالد ارتبك من دخلت ريم لاكن في نفس الوقت استغرب:ليش ماقالت شي ليش ماعصبت
خالد:ريم عادي اتعرف عليها
ريم:أي عادي احد منعك تتعرف على اختك
خالد متفاجئا: ايش اختي
اتمنى اشوف ردودكم والا ماراح اكمل

روعه
يسلموا

خالد متفاجئا: ايش اختي
ميار نفس الشي متفاجئه لاكن ظلت ساكته
ريم:خلود وش ذا الاستهبال الزايد روح الحق ابوي ينتظرك تحت ومشت وتركته
لحقتها ميارنزلت توضت وودتها غرفه الصلاة
ميار بقلبها :ناس فاضيه غرفه صلاة انا كنت لما اصلي اصلي بغرفتي ولا غرفه صلاة ولا هم يحزنون
صلت وطلعت غرفتها
جلست فوق السرير الي اول مرة تجلس عليه حست براحه كبيرة كان السرير كبير يعني مو حق شخص كان لشخصين
خالد وريم تحت
خالد:انتي مينلاالبنت الي فوق
ريم:هذي ياعم خالد اختك الي قال ابوي بيجون عندنا انته نسيت
خالد:اه تذكرت ولي ماقلتولي انهم جو
ريم:انته متى جلست بها البيت عشان نقولك
بعدين لها الدرجه متشوقلهم اناا اتذكر يوم ابوي قال لامي انهم بيجون عندنا عصبت الظاهر شكلك غيرت رايك
خالد:لا ماغيرت
ريم:طيب انا طالعه بنام تبي شي
خالد: ابيكي تنقلعين من وجهي ياام الاخبار الشينه
ريم:الله يسامحك انا ام الاخبار الشينه
ولا مقهور انها طلعت اختك فكرتها وحدة تانيه
خالدبارتباك:اقول انقلعي ولا بلجزمه
ريم وهي طالعه :يمه خوفتي
رمى الجزمه لاكن مالحقت توصل كانت ريم تطلع الدرج بسرعه
في بيت ابو طلال
ام طلال: اخوك امس اخذ عيال من بيت جدهم
ابو طلال: قلناله خلهم بيت جدهم ولا خوالهم مارضي الله يهديه
ام طلال:الله يهديه
دلال:عمي كم عنده عيال من زوجته الثانيه
ام طلال:عنده بنتين وولد
دلال:كم اعمارهم:في وحده اصغر منك بسنه واثانيه صغير ماعرف كم عمرها بس الصغير يقولون لسه ماكمل سنه
دلال:يمه انتي قد شفتيهم
ام طلال :لا مااشوفهم الا في المناسبات
دلال: اها طيب وش اسميهم
ام طلال:انتي مسوي تحقيق بنروح اليوم بليل وشوفي كل شي بنفسك
اعطيكم نبذة عن بيت ابو طلال
ابو طلال عمرة55 اكبر من ابو عبد العزيز بسنتين ماعندي كلام كثير عنه الى انه طيب ومهتم ببيته كثير وكان دائما متفهم
ام طلال زوجه ابو طلال
طلال الولد الكبير عمره 24سنه داخل كليه هندسه طيران كان طويل وعريض اسمر سمار فاتح عيون عسليه كان قمه في الجمال
اما لؤي كان عمره 20 سنه كان يشبه ابوه اولى سنه كليه تقنيه معلومات كان دمه خفيف يحب يطفر البنات حتى اخته يطفرها
دلال :اخر العنقود والبنت الوحيدة عمرها 18سنه دلوعه ابوهاوامها حليوة شعرها قصير لحد كتفها
في ساعه تسعه الكل مجتمع بيت ابو عبد العزيز
ريم:ميار ماراح تنزلي
ميار:لا ماعرفهم
ريم:عادي تعرفي عليهم بعدين دلال وهيفاء تحت ذابحيني يبوني اقولك تنزلين
ميار:ومين دلال وهيفاء
ريم:انتي الحين انزلي بعدين بتتعرفين عليهم
ميار ماكانت تبي تنزل بس ريم اصرت انها تنزل على اساس انها تتعرف على بنات عمها وعمتها الي ماعمرها شافتهم
نزلت ميار وكانت ريم قدامها ورنيم ماسكة ايدها
ميار اول ماشافت الكل جالس بصاله تراجعت على طول ورى وكانت تقول بقلبها:ياربي وش هذا معقوله الي اشوفها شلون ابوي يوافق على هشي
ريم:ميار وشفيكي رجعتي
ميار:ماتشوفين الي جالسين بصاله
ريم :الا اشوف
ميار:طيب مين الشباب الي جالسين
اها هذولا عيال عمي محمد
ميار:وانتي عادي تكشفين عليهم
ريم :أي عادي يالله تحركي تراكي طولتي
ميار:لاماراح اجي معاك برجع فوق الغرفه
ريم:انتي تبين ترجعين عشان عيال عمي
ميار:ايه
ريم:ترى ابوي لو درى بيزعل
ميار:ليش يزعل
ريم:مادري بس ابوي وعمي يعصبون لو احد قال بيتغطى يقولون انتو مثل الاخوان
جلست ريم تقنع ميارالى ماوافقت لاكنها بقلبها مو راضيه ومو مرتاحه لانها عمرها ماجلست مع احد غريب غير ابوها واخوالها
كملت مشيها وسلمت على عمها وعمتهاوالبنات لاكنها ماسلمت على أي واحد من الشباب
طلال يكلم لؤي بصوت واطي:هذي لي ماتسلم علينا مين شايفه نفسها
لؤي:انته ليش مقهورحتى انا ماسلمت علي
طلال مو مقهور ولا شي بس بس اشمعنا ريم تسلم علينا
لؤي:ريم غير متعوده علينا اما هذي ماتعرفنا ومتربيه ببيت غير يعني امها غير وام ريم غير
يدخل خالد وسط طلال ولؤي:وشفيكم تتكلمون بصوت واطي
طلال:لا بس كنا نقول ان اخواتكم مايشبهونكم
خالد:أي انا احلى منهم صح
طلال:أي انتو ماشالله طول وجمال وكل شي زين فيكم
خالد :تتطنز
طلال:أي اطنز اموت واعرف مين ضحك عليك و قال انك حلو
خالد:الاخ معجب ولا ناوي يعرس عشان كذا يطالع في البنات
طلال :لالا لايروح فكرك بعيد انا مافكر بلبنات الحين
خالد :ليش عمرك وصل 24 يعني يمديك تتزوج واذا على الوظيفه بتلقى على طول
طلال:افكر اكمل دراستي واشتغل بعدين افكر بلزواج
خالد:عادي تزوج وكمل دراستك
طلال:لا ماينفع انا لما اتتزوج ابي اكون انا المشئول على زوجتي مو ابوي يصرف علي لحد ماتزوج
دلال تكلم ميار:اقول انتي بااي مدرسه
ميار: مدرسه ال(-------)
اجل انتي وريم بنفس المدرسه
ميار:أي ابوي امس قالي
دلال بستغراب:ليش انتو ماتعرفون بعض من زمان
ميار:لا امس اول مرة اشوفها
دلال:اها
هيفاء داخله عرض:اقول بنت خالي نحن لازم نتعرف على بعض اكثر يعني تزورينا ونزورك
ميار:انشالله
ميار كانت طول الوقت جالسه تحس انها غريبه حتى الكلام تحس ان مايطلع الى بلغصب وبذات وجود الشباب بينهم الي وترها اكثر
ابو عبد العزيزيسال الجميع:كم باقي اسبوع وتخلص الاجازة
ريم:هي ثلاثه اسابيع راح اسبوع باقي اسبوعين
ابو عبد العزيز:زين اجل اش نروح الدمام ونحجز شاليهات لمدة اسبوع
الكل استانس الاميار الي انصدمت من كلام معقوله ابوي ينسى امي بهسرعه امي ماصار لها شهر من توفت وابوي يقول شاليه ودمام ليش مو معقوله اذا كان طول عمرة مفرق بينا
هم عيشه ملوك ونحن ولا شي بس اذا هو بروح انا ماراح اروح معه اذا هو عنده وحدة ثانيه تنسيه انا ماعندي احد بدل امي ومستحيل يكون في احد يحل مكانها
ابو عبد العزيز جاب هلفكرة عشان يفرح عياله يوم شافهم متضايقين وفي نفس الوقت يتعرفون اكثر على عيال عمهم وعمتهم ميار سرحانه بافكارة يعني كانت في الجلسه جسم بدون روح وكل شوي يخطر على بالها افكار عمرها مافكرت فيها تفكر شلون تعيش مع ناس ماتعرفهم ماتعودت عليهم وناس مايبونها بينهم
عبد العزيز:ميار
ميار---------------------
عبدالعزيزبصوت اعلى شوي:هي انتي يابنت
ميار برتباك:ها نعم تكلمني
عبد العزيز:أي اكلمك قومي روحي جيبيلي ماي
مياربقلبها> الحين كل هلخدم وجاي عندي بس انا ماراح اصير ضعيفه قدامه<
وين اختك
عبدالعزيزبصوت واطي وبعصبيه: وانت مو اختي بعدين انا اخوكي الكبير ولازم تسويلي قيمه وتحترميني
ميارحست بخوف من نظرات عبد العزيز قامت على طول وهي تقول بقلبها معقوله

عبدالعزيزبصوت اعلى شوي:هي انتي يابنت
ميار برتباك:ها نعم تكلمني
عبد العزيز:أي اكلمك قومي روحي جيبيلي ماي
مياربقلبها> الحين كل هلخدم وجاي عندي بس انا ماراح اصير ضعيفه قدامه<
وين اختك
عبدالعزيزبصوت واطي وبعصبيه: وانت مو اختي بعدين انا اخوكي الكبير ولازم تسويلي قيمه وتحترميني
ميارحست بخوف من نظرات عبد العزيز قامت على طول وهي تقول بقلبها معقوله يشوفني مثل اخته ريم اجل لي يكلمني بهطريقه
احسن شي اودي المويه قبل مايعصب علي واتفشل
اعطت عبد العزيز المويه
عبد العزيز:أي خليك كذا لما اقولك شي تسوينه
ميار مثل ماقلتلكم احلى شي فيها نظراتها الي توحي للي يشوفها انها مغروره بعد ماكلمها عبد العزيز ناظرته وبعده على طول لفت وجهه وجلست
عبد العزيز الي تنرفز من نظرات اخته له وحس انها سفهته قدام الكل مع انه مافي احد انتبه بس مثل ماقلتلكم عبد العزيز انسان معتجرف ومتكبر ومايحب احد ينزل من مقامه
كان خالد ولؤي يتلمون ويسولفون وبينهم طلال
طلال قام من مكانه
خالد افا وين رايح
طلال مو رايح مكان بس بجلس هناك عند عزوز
لؤي ليش نحن مو مالين عينك ولا تبي تروح عند الي جالسه جنبه
لا مو مالين عيني ماجلس مع بزران
خالد:اخس يالكبير
طلال :تكلم هو ولف ظهره عنهم كبير غصبن عنك انته وياه
اول ماجلس طلال عند عبد العزيز قامت ميار على طول من مكانه
طلال:افا ليش قمتي
ميار :ماعرفت ترد
تدخل عزوز على طول وكانه ينتقم منها
خلها تروح قلعتها مابي اشوف رقعه وجهه
ميار:عصبت من حركة عبدالعزيز وقالت بكبرياء: عاد انا الي متلهفه عليك ماقدر افارقك وراحت وناظرت طلال وعبد العزيز وراحت على طول قربت من اختها ريم
طلال:اقول عزوز اشفيك على البنت
عبد العزيز:مافيني شي بس ماتشوفها رافعه خشمها علينا وكانه البيت بيتها
طلال:امكن هذا طبعها بعدين انتو المفروض تكونون رهيفين معاها وهي اكيد بتغير طبعها
عبدالعزيز: انته الحين لي مهتم فيها ماعندك غير هسالفه
طلال:اسف ماكان قصدي
عبد العزيز:لا عادي
خالد بصوت عالي:ترانا جوعانين
لؤي:انته ماتشبع اربع وعشرين ساعه تاكل
خالد:وانا ايش اكلت
لؤي:توك من ربع ساعه ماكل صحن الفطاير
خالد:الفطاير ماتكفي اصلا الفطاير انا اعتبرها مقبلات
مريم:الحين بنحط العشا
جلسو البنات يسولفون الى وقت العشاء دخلو غرفه كبير اسمها غرفه الطعام كان فيها طاوله كبيرة ولاجلست اوصف ماراح اخلص وصف من كبرها وشكلها
هيفا:اقول ميار كم نسبتك
ميار:98%
في هلحظة هيفاء ندمت على سوالهاخافت ميار تسالها نفس السوال ودلال نفس حالت هيفاء وخافت بذات من ابوها ولؤي لايطنز
ابو طلال: شوفو النسب ماشاء الله سمعتوا كم قالت نسبتها ولا اعيد واقولها من جديد
هيفاء ودلال :سمعنا
خالد:وبعض الناس ليش مايردون ماسمعوا
ريم:انا مو كسلانه عشان اسمع الحمدالله نسبتي 88% بعدين اهم شي انجح مو النسبه
خالد:استحي على وجهك الناس تقول 98 وهي فرحانه ب88 المفروض تنكتمين
ريم:انا عاجبتني ولي مو عاجبه يقلب وجهه
لؤي بلقافه:مانبي نقلب وجهنا اش بتسوين يعني
ريم كانت تحب لؤي بس لؤي ماكان يدري عنها ولا احد يدري
ريم:ماراح اسوي شي
لؤي:اعترفي انك ماتقدرين تسويلنا شي
ريم:انته وش دخلك اصلا الكلام كان بيني انا وخالد وش دخلك عرض
خالد:وهي صادقه انته وش دخلك بين الاخوان
لؤي:الحين هذا جزئي ادافع عنك والله طلعت مو كفوا
خالد:اقول لاتصيح علينا بس
قامت ميار من طاوله الاكل
ابو عبدالعزيز:وين رايحه ماكلتي شي
لا الحمدالله شبعت بعدين بطلع بشوف عبودي
ابوعبدالعزيز:ايه جيبيه معك من الصباح ماشفته
ميار:انشالله
وبعد ماشربو الشاي الكل رايح لبيته
هيفاء وهي طالعه:اقول ريم
ريم:هلا
هيفاء:اتعالي عندنا يوم الخميس انتي واختك بصراحه شكلها مسكينه طفشاانه
ريم:انتي نسيتي انا يوم الخميس بنروح الدمام
هيفاء: أي والله نسيت اجل نتقابل في الشاليه
ريم :انشالله يلا روحي ابوكي ينتظرك بسياره
هيفاء:طردة بسرعه تبين الفكة مني
ريم:أي عشان اشتاقلك لما يوم الخميس يلا روحي
هيفاء: اوكي باي
الكل راح لبيته\\\\\\\ صح انتو اكيد تقولون ايش صار بين ميار وزوجة ابوها طول الجلسه وليش ماجبت سيرتها انا ماجبت سيرتها لان ماصار شي ولا دار بينهم أي كلام
ا\الكل طلع غرفته ينام ماعادا ميار كانت طالعه ومريم جالسه تحت
مريم باسلوب هادي:اقول ميار
ميار :هلا خالتي
مريم بنفس الاسلوب:شوفي من اليوم ورايح انتي بغرفه واختك بغرفه
ميار فرحت من اسلوب خالتها وقالت بخاطرها اكيد خالتي طيبه مثل ماقال ابوي وامكن كان في شي مضايقها
بس اخوكي راكان بنام عندك انتي بتكونين مسؤله عنه
ميار:انشالله خالتي
مريم:ترى هذا مو عشانك عيونك بس عشان ابوكي والناس مايقولو زوجه ابوهاظالمه
ميار:لاخالتي محد يقدر يقول عنك كذا
مريم:ولي متاكدة كذا
ميار برتباك:انتي شكلك طيبه وماتوقع احد يتكلم عنك
كانت ميار تمدح خالتها علشان تتقرب من خالتها
مريم:ماعلينا من هلكلام انا بروح انام
ميار:نوم العوافي
مريم :بقلبها الله لايعافيكي >طلعت بدون ماترد عليها<
مياربقلبها:ياربي هذي ليش تكرهني انا ماسويتلها شي خليني اروح اسال الخدامه وين غرفتي
مرة الاسبوع وكانه سنه بلنسبه لميار كان كل الي في البيت ينظر لها نظرة المتهم عشان كذا قررت انها تبقى بغرفتها
اليوم السفر لدمام والكل استعد
ميار كانت رافضه انها تروح عشان كذا قالت لابوها لاكن ابوها اصر انها تروح
مريم قررت انها تتبع سياسه جديد مع عيال زوجها وبذات ميار وفكرتها انها تكون طيبه ورحيمه مع عهم وكانهم عيالها قدام زوجها والناس اما من وراء الناس تراويهم نجوم الظهر
الفصل الثالث
الكل نزل وكل واحد راح لسيارته
حجزوا للرجال شاليه والحريم شاليه والشباب شاليه
الكل نزل من الشاليه عند الشاطي كانو البنات ضحك وسواليف على اخر درجه اما ميار كانت ساكته كانت تحس نفسها مخنوقه ودها تصرخ باعلى صوتها بس ماتدري ايش تقول قامت من مكانها جلست مكان بعيد شوي كانت ودها تبكي وتقول كل الي بقلبها بدون ماحد يسمعها
هيفاء:ريم اختك وينها
ريم شوفيها جالسه هناك
هيفاء ليش جالسه بروحها
ريم:وش دراني عنها روحي شوفيها انا ماكلمتها شفتها متضايقه قلت اخليها براحتها
هيفاء انا بروح اشوف اشفيها
ريم:بروح معك
دلال تبون تروحون وتخلوني مع الحريم بروح معاكم
هيفاء:جلست اول وحدة بجنب ميار تماما ممكن نجلس عندك
ميار :تفضلوا
هيفاء :جالسه لوحدك في ايش تفكرين
ميار: لامافكر بشي
الشباب قامو من مكانهم هم بعد راحو لشاليه وشغلو المسجل لاعلى الصوت كان كل الي عند البحر يسمع
اليوم الاول عدا على خير
اما مريم ظلت شايله راكان وكانه ولدها وكل ماتحاول ميار تشيله مريم ترفض وتقولها لالا خليها عندي انتي روحي استانسي مع البنات حتى النوم خلته ينام عندها
اليوم الثاني
ميار قامت بدري من ساعه تسعه تحس انها نشيطه البنات كلهم نايمين مانامو الى ساعه 4الفجر
شافت من القزاز الي في الغرفه الناس عند البحر وطيور النورس قررت انها تلبس عباتها وتنزل
وهي نازله شافت اخوها راكان حصلته صاحي شالته ونزلت تحت
جلست عند البحر واخوها يلعب بلرمل
تذكرت ايام كانو يجون مع امها كيف كانت تلعب بللرمل وتسوي اشكال تمت تطالع في اخوها وتبكي على الايام الي راحت وتشوف اخوها الصغير الي راح يعيش بدون ام طول عمره وخالتها الي باين عليها ماهي هينه وشلون راح تقدر تعيش معاها
راكان:(سوفي سوفي)
ميارتطالع مكان ياشر راكان
ميار:وش جابه هذا كانت تبي تقوم لاكن
طلال اول ماشافها ابتسم وجلس عندها:صباح الخير
ميار بصوت ماينسمع:صباح النور
طلال:ايش اخبارك
ميار:الحمدالله بخير
طلال حس من صوتها انها مخنوقه او كانت تبكي
طلال:اقول بنت عمي صاحيه بدري اليوم
ميار:الحمدالله شبعت نوم
طلال :اقول في احد مضايقك
ميار كانت ودها تتكلم مع أي شخص بس مايكون واحد ماتعرفه تبي اخت صديقه مو ولد عمها او احد غريب لاكن في نفس الوقت ماقدرت تقاوم او تتكلم جلست تبكي
طلال جلس يطالعها مثل الاهبل م فاهم السالفه بعدين قال:طيب قولي مين مضايقك
ميار:------------------------
طيب ممكن تعتبريني مثل اخوكي وتتكلمين معي
ميار:مافيني شي
طلال :كل هلبكي ومافيكي شي
ميار:قلتلك مافيني شي غصب يعني يكون فيني شي وقامت على طول من مكانها
لاكن طلال لحقها ومسكها من ايدها كان يعتبرها مثل اخته دلال
طلال:مانتي رايحه الى لما تقوليلي وش فيكي
ميار تنرفزت من حركته الماصخه:وانت مين حضرتك عشان اقولك وش فيني
طلال:قلتلك اعتبريني اخوكي اخوكي الكبير
ميار:---------------------------
طلال:طيب ايش رايك نمشي شوي
ميار:بروح انام
طلال:توك قايله انك شبعتي نوم
ميار: وين تبينا نمشي
طلال ببتسامه شاقه الحلج:بوديكي مكان يعجبك عشان لما اسافر تذكريني
ميار:وين مسافر
طلال:بكمل دراستي
وهم يمشون
طلال:ايش رايك نركب الدبابات
ميار:لاماحب اخاف منها
طلال:ياخوافه اجل اركبي معي في نفس الدباب
ميارانقهرت من طلبه:لا قلتلك ماحب اركبها
طلال ماطالع فيها سحب ايدها وركب وركبها وراه
ميار:تكفى طلال خلني انزل
طلال:مافي شي يخوف اذا مشينا بيعجبك وبتقولين لاتوقف
ميار من كثر ماهي خايفه حاولت تنزل لاكن طلال يوم حس انها بتنزل ركب وراه وخلاها قدام
طلال:مافي حركة
ميار:تكفى حرام عليك خليني انزل ماحبه
طلال:وانا قلتلك ماراح تنزلين بعدين اقص ايدي اذا ماعجبتك
طلال بدء يسوق الدبابه
ميار كانت ميته من الخوف لاكن بعدين هدت لان طلال ماكان يسرع
طلال يوم شافها ماهي خايفه وكانها تعودت على الوضع زاد من السرعه الى ماصارت سرعته جنونيه مسكين على باله بيعجبها لاكن للاسف يوم زاد السرعه فرامل الدباب وقفت الدبابه ماهي راضي توقف وطلال كان حاس بس ماتكلم لان شاف ميار ميته من الخوف من سرعته ولسوء الحظ كان في خيل والعربه تمشي قدامهم دعم الدبابه انقلبت الدبابه فوق مياراما طلال اول ماتقلب طاح بعيد عن الدباب
ميار فقدت الوعي تماما
طلال حاول يقوم الى عندها
طلال:ميار ميار ردي انتي بخير فيكي شي
مسك راسه لقاه كله دم مات من الخوف حس انه ذبحها
اتصل على دلال على طول
دلال بصوت نايم:الو
طلال بصوت خايف:دلال تعالي بسرعه
دلال حست ان طلال فيه شي:ا طلال اش فيك وش صاير
طلال :انتي تعالي بعدين اقولك
دلال:طيب انته وين
طلال:انتي تعالي عند سيارتي وانا بجيكي
دلال:طيب الحين نازله
طلال:لاتقولي لاحد انك جايه عندي
دلال:انشالله ماراح اقول لاحد اصلا كلهم نايمين
اخذ ميار وحطها بسيارة
دلال اول ماوصلت السيارة شهقت باعلى صوتها:هىء اشفيها
طلال:اركبي بسرعه بعدين اوقولك
ركبت دلال بلمقعد الخلفي وفوقها ميار حاولت تصحيها بس مافي فايده
طلال كان يمشي بسرعه جنونيه الى ماوصلو الى اقرب مستشفى
طلع الدكتور:والد البنت فين
طلال :انا اخوها يادكتور خير طمني
الدكتور :لا خير انشالله كلها نص ساعه وتصحى
بس ممكن تقولي أي سبب الحدسه
طلال جلس يشرح للدكتور الوضع الدكتور تفهم الوضع
ميار قامت من وعيها كانت دلال جالسه بجنبها
ميار:اه ه راسي
دلال:الحمدالله على سلامتك خوفتينا عليكي
ميار:أي دلال ابي امي وينها
دلال ماعرفت شتقولها:انتي ارتاحي الحين امك راحت شوي وبتيجي
دلال طلعت عند طلال عشان تطمنه اما ميار حاولت تذكر الحادثه الى ماتذكرت
دلال:طلال طلال
طلال:ها بشري صحيت
دلال:ايه بس
طلال:بس ايش
دلال :مدري اشفيها سالتني عن امها
طلال:وش قلتيلها
دلال:قلتلها راحت شوي وبترجع
طلال:انتي ليش قلتيلها بترجع
دلال:ووش تبيني اقولها
طلال جلس ساكت يفكر بمصيبته
طلال كان يحاول يهدي نفسه بكم كلمه:لا اكيد هذا من اثر الصدمه أي من اثر الصدمه
طيب ينفع ادخل اشوفها
دلال:ايه بس لحظه اقولها
دلال:ميارطلال يبي يدخل
ميار بتعب:ايه بس اعطيني طرحتي
دلال اعطت ميار طرحتها وراحت تنادي طلال

روعة يالله كملي
أنتظرك

دلال اعطت ميار طرحتها وراحت تنادي طلال
دلال:طلال ادخل
دخل طلال :السلام عليكم
ميار:وعليكم السلام
طلال:الحمدالله على سلامتك بنت عمي
ميار:الله يسلمك
طلال:خوفتينا عليكي
مياربتعب:انا قلتلك اني ماحب اركب الدبابات بس انت اصريت
طلال:والله انا اسف ماكنت اقصد
ميار:لا ماله داعي تتاسف ماصار شي
دلال بخبث:كل هذا وماصار شي تراني بعلم ابوي
طلال:انتي ايش دخلك انا بكلمه وبتفاهم معاه
ميار:ابي اطلع
طلال:لحظه خليني اخلص الاوراق مع الدكتور وارجع
في الشاليهات
في قسم الحريم
الكل يدور ميار ودلال
اتصلوا على الرجال ماحد شافهم اتصلو على جوال طلال مغلق
اما مريم كانت تسوي نفسها ميته من الخوف وصلت الى درجه انها تبكي عليها والكل يهديها
الشباب طلعوا يدورون على طلال
ابو عبد العزيز ابو طلال ابو وليد (ابو هيفاء)ماتركو مكان مادورا فيه
في سيارة طلال كان طلال منبه دلال انها ماتتكلم بكلمه كان وده يقول لميار بس ماقدر
الساعه 6 المغرب وصلو الشاليهات
لوئ:وين كنتوا نحن ندور عليكم وانتم تتمشون
طلال نازل من السيارةدلال نازله وماسكه ميار من ظهرها
اول ماشافوه ميار سكتوا
ابو عبدالعزيز:بسم الله عليكي يابنيتي وش صار لك
مياربارهاق:ماصار شي يبى لاتشغل بالك
ابو عبدالعزيز:شلون ماصار شي وذا الشاش الي في راسك
طلال:عمي ميار تعبانه الدكتور قال لازم ترتاح انا افهمك السالفه
طلعت ميار ودلال لشاليهات الحريم طبعا سين وجيم دلال فهمتهم انها اصرت على ميار انها تركب الدباب وانا طلال راح معاهم نفس المكان وركب في دبابه بروحه
مريم اول ماشافت ميار استقبلتها بلاحضان
ميار ماستغربت من اسلوب خالته الظاهر الاسبوع الي راح تعلمت في اسلوب خالته المتقلب
طلعت ميار للغرفه على طول عشان ترتاح وتنام
ساعه 11 قامت ميار من نومها لقيت الينات يلعبون مونابولي وخالتها جالسه بجنبها
رفعت راسها وقامت
مريم:قمتي الحمدالله على سلامتك
ميار:الله يسلمك خالتي ليش متعبه عمرك وجالسه هني
مريم ببتسامه شاقه الحلج:لاتعب ولا شي المهم انتي ماكلتي شي من الصباح قومي كلي كم لقمه وانزلي عند ابوكي قلقان عليكي مانام
ميار:انشالله
ميار كانتتبي تروح تاكل بس تذكرت ابوها قالت انزل اطمنه بعدين اكل
نزلت من الشاليه كان المكان برا كله شباب بس لحسن الحظ كانت شاليهات الرجال قريبه من بعض اول ماوصلت اتصلت على ابوها على جواله
ابو عبدالعزيز:الو
ميار:هلا يبى شخبارك
ابو عبدالعزيز:بخير دامك بخير ----شخبارك انتي الحين انشالله زينه
ميار:بخير الحمدالله --- بس انا الحين تحت يعني لو ماعليك امرياليت تنزل
ابو عبدالعزيز:وشحقه انزل ادخلي انتي
ميار:لايبى ماقدر ادخل بعدين زوج عمتي موجود
ابو عبدالعزيز:لا ماحد هو موجود طلع ينام
انتي ادخلي المجلس على طول مافي غيري انا وعمك واخوانك
ميار:طيب دقايق واكون عندك
دخلت وهي تطالع يمين وشمال ---بس عشان الحذر واول ماشافت المجلس دخلت على طول ببتسامه
لاكن سرعان ماختفت الابتسامه
ميار بقلبها:اخواني بس وطلال موجود مادري ابوي ليش يعتبر عيال العم مثل الاخوان
السلام عليكم
الكل :وعليكم السلام
ابو طلال:هلا والله يبنيتي قربي قربي عندي
ميار بحيا:شخبارك عمي
ابو طلال:بخيرالحمدلله شخبارك انتي وشلون راسك
الحمدالله بخير احسن من اول
ابو طلال:كل هذا من راس دلال مادري متى بتعقل هلبنت ماقول الى الله يهديها
ميار تطالع طلال بخبث:الله يهديها ويهدينا
خالد:عن اذنك انا بطلع اشم هوا تبون شي
الكل:الله معاك جلسو يسولفون ربع ساعه تقريباً
ميار عن اذنكم ان طالعه
ابو عبدالعزيز:وين رايحه توك جايه ماكملتي حتى ساعه
ميار :مرة ثانيه انشاالله
ابو عبدالعزيز:خذي راحتك اهم شي اطمنه عليكي
أبو طلال:بتروحين هلوقت بروحك
ميار:عادي مثل ماجيت ارجع
ابو طلال:لامايصير طلال قم وصل بنت عمك
ميار:لاعمي مايحتاج انا بروح لوحدي اشحقه تقيمه
طلال:لا عادي يالله قومي
قامت ميار بدون أي كلمة
وهم يمشون للشاليه
طلال:ميار
ميار:ها
طلال تفاجاء من اسلوبها:انتي زعلانه
ميار:أي زعلانه واحمد ربك اني ماقلت لاحد وجلست تقلد صوته وهو يكلم دلال:دلال قوليلهم انك انتي وميار كنتو مع بعض وانا كنت في دبابه بروحي
طلال:والله انا اسف ماكنت ادري ان راح يصيركذا
ميار بعصبيه:حتى ولو انت تدري ان ركوبي معك غلط ليش سحبتني غصبن عني
انتي ماكنت معارضه انك تركبي معاي انتي ماكنت تركبين لانك خايفه بعدين ان معتبرك مثل دلال
ميار:كنت مستحيه اقولك ارتحت الحين بعدين انت من متى تعرفني عشان تعتبرني مثل اختك
طلال:انا مالومك اذا ماتبين تعتبريني مثل اخوكي لانك ماتعودتي علينا
ميار:----------------
طلال:بعدين اذا ماكنتي تثقي فيني اسالي اختك ريم وبنت عمتك هيفاء شلون اعاملهم مثل اخواتي ولا انتي تبيني اعاملك غير عنهم
ميار:مابيك تعاملني مثل اختك
طلال:وشلون تبيني اعاملك
ميار:لاتتعامل ولا تتكلم معاي
طلال:وش قصدك
ميار: اوف منك انا تعبانه وبروح ارتاح
طلال:طيب خذي راحتك بس مرة ثانيه لاتكوني عصبيه بزياده خلي عندك اسلوب تفاهم
ميار حست انها عصبت بزيادة :اسفه ماكنت اقصد
طلال:لا عادي انا مازعل من اخواتي
ميار:يالله مع السلامه مشكورة على التوصيله
طلال :انتبهي على نفسك وخذي دواكي من عند دلال
ميار:انشاالله
دخلت الشاليه وهي تذكر نفسه شلون عصبت مشيت لحد المطبخ ماكان في احد اخذت لها كوب عصير وكيك وجلست على الطاوله :صدق اني وحده غبيه شلون ارفع صوتي عليه مهما صار يعتبر رجال المفروض مارفع صوتي عليه
بس هو غلط اه ه ه ياربي وش اسوي عساه مافهمني غلط يوم قلتله لاتعتبرني مثل اختك يالله رحمتك وش الي يصيرلي من اولها مع هلناس تصير لي هلمواقف اوف مليت من هلافكار البايخه يفكر مثل مايفكر اطلع فوق عند البنات اريحلي
من الجهه الثانيه
طلال يمشي عند البحروشارد بافكارة يالله وش هلبنت كل شي فيها غريب ماهي مثل ريم ولا هيفاء ولا اختي دلال حتى ريم وهيفاء لما اهاوشهم يسكتون هذي ماتسكت اعتذر لها وهي ترد على بدل الكلمه عشر لالا لازم اادبها مايصلح بنت ترد علي بها الشكل ومين انا عشان اادبها صدق اني غبي احمد ربي سكتت ماتكلمت على الي سويته وماكلمت احد
بس الصراحه يحقلها يكون فيها غرور كل هلجمال وماتصير مغرور بصراحة تنحب وليش مااحبها هي قالتلي مابيك تعتبرني مثل اختك وانا ماراح اعتبرها مثل اختي بعاملها معامله خاصه تستاهل محد قالها تقولي مابيك تعتبرني مثل اختك
كانو البنات يلعبون مونابولي
ميار:ماخلصتو لحد الحين تلعبون
ريم:لاماخلصنا تعالي ساعديني
ميار:وش اساعدك فيه
ريم:مادري ماعندك أي فكرة تخليني اكسب ا
ميار:معليش ماقدر اساعدك ماقد لعبتها
دلال:ههه اصلا حتى لو ساعدوكي عشرة ماراح تغلبيني
هيفاء:أي انتي شاطرة علينا بس لاكن مع غيرنا فاشله
دلال:ومين تقصدين بغيرنا
هيفاء:اقصد اخوانك
دلال:على الاقل فالحه في شي مو مثلك انتي وياه لاتقدرون على البنات ولا على الاولاد
الا صدق ميار ماقد لعبتيها
ميار:لا ماقد لعبتها
هيفاء: تعالي تعالي اعلمك
دلال:لالا ياشيخه ماراح تعرف تتعلم انا الي اعلمها
ميار:لاتطاقو تطاقو احسن
ريم: انا عندي حل
الكل:وشو الحل
ريم:نخلي الاولاد يلعبون معنا
دلال:أي والله فكرة بكلم طلال بقوله نحن جايين عندكم نلعب
ميار:لاوالله وليش ماتعلموني انتو ا بدل ماتودوني عند الاولاد
دلال:نحن بنعلمك وبعدين بنروح عند هم نلعب معاهم فهمتي كيف
ميار:أها فهمت الحين بس انا ماراح اروح معكم روحو انتوا
ريم:ميار فديتك نحن نبي يصير عددنا اكثر عشان نغلبهم بعدين كل ماصار العدد اكثر تصير متعه اكثر
ميار:حشى لعب كورة ماهوب مانبولي
اتصلت دلال على طلال الي وافق على طول شكله مدمن على هلعبه ومالقى غير لوي اما عبدالعزيز كان نايم وخالد مارضي راح عند ربعه هلولد عند ربع في كل مكان
ميارماقدرت تعارض خافت يسالونها ليش او دلال تشك بشي
في مجلس الرجال
دخلو البنات االمجلس كانت ميار بالاخير
طلال:بل بل كلكم ونحن بس اثنين
ريم:وين اخواني
لوي :عزوز نايم وخالد طلع برىء
ريم :اها
طلال:وانشالله كلكم بتلعبون
دلال:اجل وش تبي انت تبي نصنا يلعب ونص الثاني يطالع بس
ميار بفرح وكانها لقت مخرج:اجل انا ابي اطالع بس
دلال:ليش هو مسلسل عشان تطالعين انتي الثانيه
ريم:هههاي حلوة مسلسل
طلال:هذا جزاها انها عطتكم مكان تلعبون صدق ماعندكم احساس
ميار:اكتفت بابتسامه لان مافي شي ينقال
طلال بقلبه وين ذاك السان الطويل الي كان قبل ساعه ولا شاطرة علي لما اكون بروحي
:يالله فكرو ميار ومين الي بيلعبون
هيفاء:مين قال اننا حددنا ميار
ميار:ومين قالك اني بلعب
طلال:محد قالي بس انا اخترتك
ميار:وعلى أي اساس اخترتني
طلال:مدري اهم شي اني اخترتك وبس وانت عليكي تختارين وحدة منكم
ميار:ماراح اختار انتي مثل ماخترتني اختار وحدة فيهم
طلال بخبث:ماقدر افرق بين اخواتي
ميار انصدمت من كلمته عرفته من كلمته انه فهمها اول غلط
ريم داخله عرض:نعم نعم وش معنى ميار قدرت تفرقها
طلال:ميارهي تعرف ليش غير -------ماعلينا الحين بنسوي سحب الي يجي اسمه هو الي بيلعب
ميار عضت على شفايفها بقهر:ليتني سكتت ولا قلت ولا حرف
اما البنات على طول نفذو المطلوب وسو سحب وطلع اسم هيفاء
بعد ماخلصو العب البنات كانو رايحين لبسو عباياتهم
طلال بتروحون بروحكم
دلال:أي مننا اربعه
طلال يقلد صوت دلال:مننا اربعه الي يشوفكم عشرة يالله امشو قدامي وانا بمشي وراكم
مشو الى عند الباب كانت ميار اخر وحدة وكانها متقصدة تتاخر بعد مادخلو كل البنات وقفت ميارتطالع في طلال
طلال:اشفيكي تطالعين فيني كذا مو ناويه تدخلي
ميار:لا ماراح ادخل الى لما افهم سالفتك
طلال وحاطط ايدة الثنتين على بعض :أي سالفه
ميار:مو توك قلتلي اليوم انك تعتبرني مثل اختك
طلال :أي قلت
اجل ليش تقول ميار غيار
طلال:لانك قلتي مابيك تعتبرني مثل اختي
ميار:لاني كنت تعبانه وماكنت عارفه ايش اقول
طلال:وانا لما سالتك ايش قصدك ماوضحتي قلتي تعبانه وبروح ارتاح صح
ميارتوترت ماعرفت ايش تتكلم:-أي صح بس ب س
طلال:بس ايش كملي ليش سكتي
ميار:اوه انت النقاش معك اكبر غلط ودخلت فوق وتركته لوحدو عند الباب
طلال:والله شكلي زودتها بس هي الي تخليني اعاملها غير
دلال:وين كنتي ساعه تحت
ميارسرحانه ومعصبه:------------------
دلال:هي نحن هنا
ميار:ها
دلال:لا شكلك في عالم ثاني قولي تفكرين في مين
مياربقلبها افكر في الزفت اخوكي شلون اتخلص منا:الا اقولك اخوكي هذا الي اسمه طلال شلون تتفاهمون معاه
دلال:ههه نتفاهم معاه بلغه الاشارة
ميار:دلالو اتكلم جد
دلال:نتفاهم معاه عادي بس قوليلي ليش هسوال
ميار:لا عادي مجرد سوال
دلال:اقول ميار
ميار:لالاتقولين ابي انام مو وقت سواليف
دلال:وجع طول اليوم نايمه الحين بعد بتنامين
مياردخلت في السرير:اول نمت عشان الابرة المهدئه اما الحين نوم طبيعي
دلال:أي صح شلون راسك باقي يعورك
ميار:توك تسالين ------الحمدالله الم خفيف بس
دلال:احمدي ربك سالت احسن من الي ماسال ابدا
ميار:مين تقصدين
دلال:ولا احد يالله تصبحين على خير
ميار:اوانت من اهل الخير
مر الاسبوع على خير رجعو كلهم الرياض استعدادا للمدارس
اول يوم من ايام الدراسه
دخلت هلمرة ميار مع ريم في نفس الوقت
نورة ومها جو بدري
مها ونورة صديقات ميار
مها صديقه ميار من ايام الابتدائي صارت اسرارهم وحده كل وحدة تفهم الثانيه يعني

يتشابهون في اشياء كثيرة
اما نورة حبوبه طيبه ودبدوبه تعرفت على ميار ومها من سنتين لانها كانت ساكنه في المنطقه الشرقيه
المهم نرجع لقصتنا
نورة:مهاوي
مها:هلا
نورة ميار جات
مها:وينها ماشوفها
نورة:شوفيها هناك جالسه تسولف مع البنت الي هناك
مها:أي بنت ماشوفها
نورة:البنت الي شعرة بني حاطه ربطه زهريه
مها:أي صح شفتها
مها:والله لارويها تيجي اول يوم ولا تسلم علينا راحت تتعرف على بنات جديدات
نورة:اقول مهاوي اشرايك نختفي الى وقت الطابور بعدين نطلع
مها:وين نروح
نورة:انتي تعالي معاي وانا اقولك
ميار:يالله ريما انا بروح عند صديقاتي تبين شي
ريم:بتروحين يعني اجلس بروحي
ميار: ليش وين صديقاتك
ريم:مافي احد منهم جا كلهم يجون متاخرين
ميار:اشرايك تيجين معي اعرفك على صديقاتي
ريم:استحي خلاص اني روحي انا بنتظر لحد مايجون
ميارمسكت ايد ريم ومشت:اقول امشي معاي بلا حيا بلا بطيخ
ميار:غريبه
ريم :وش هي الغريبه
ميار:بلعادة نورة ومها يجون قبلي
ريم:ليش هما يجون مع بعض
ميار:أي لانهم جيران
ريم:امكن صار شي خلاهم يتاخرون
ميار:امكن
ريم:اشرايك نتمشى لحد مايجون
ميار:نمشي نمشي شورانا
من الجهة الثانيه
مها:نورو شوفي شكل ميار ضاربه صداقه مع هلبنت
نورة أي والله شكلك صادقه من متى وميار تعرف بنات اولى
مها:وش دراني انا حسب علمي ميار ماعندها صديقات في اولى كلهم من ثالث
نورة:مهاوي ابقولك شي بس اخاف تكفخيني
مها :قولي ماراح اكفخك
نورة:قولي وعد
مهابنفاذ صبر:وعد
نورة:اخاف ميار تكون معجبه بهلبنت بصراحه البنت حلوة وشعرة جنان وجسمها حلو يعني بصراحه كل شي فيها حلو
مها:ترى لو ماوعدتك كان كفختك ميار ماعندها هلحركات هي بروحها تبي تتخلص من البنات المعجبات تبينها هي كمان تعجب يهلبنت
نورة:امكن البنت معجبه بميار
مها:ياغبيه انتي ماتعرفين ميار كثر ماعرفها انا ميار ماتحب البنات الي عندهم هلحركات اقول امشي امشي بس دق الجرس والبنات صفو بلطابور ونحن منحاشين
ميارواقفه تفكر:معقوله يتاخرون كل هلوقت لايكونون غايبين وما قالولي
بو
ميار التفت على ورى:جيتو
مها:أي جينا
وتبادلو السلام ولاحضان مثل اول يوم بدراسه تعرفون مايحتاج اشرحلكم
ميار:وينكم ليش تاخرتو
نورة:ماتاخرنا بلعكس جينا قبلك
ميار تطالع في مها ونورة بستغراب بدون كلام
مها:وش فيكي تطالعينا كذا
مياركلاني مافهمت شلون جيتو قبلي
نورة: انا اقولك جينا قبلك كنا جاين نسلم عليكي لقيناكي واقفه مع وحدة وداقه معاه سوالف
ميار: وش دخل هلوحد الي تمنعكم تسلمون علي
نورة:اجل تروحين تسلمين على البنات ونحن صديقاتك حافظات اسرارك تسلمين علينا اخر شي ونحن جالسن ندور عليكي في كل مكان من بين البنات
ميار ضحكت:شوي شوي علي اول شي اعرفي من هلبنت لي كنت واقفه معاه بعدين تكلمي
مها:ومين هلبنت الي ناويه تخطفك مننا
ميار:توقعو
مها:ياكرهي لهلكلمه ماحب افكر
ميار:هذي اختي ياصديقاتي العزيزات
مها ونورة يطالعون في ميار وفاتحات عيونهم :مين
ميار:ماراح اعيد كلامي
مها:لالا تكفين قولي الصدق من متى اختك تدرس هني
ميار:من زمان
نورة:بس انا ماعرف انك ما عندك اخوات في الثانوي انا لما سالتك قلتي عندك اخت وحدة بلاإبتدائي
ميار:أي بس هذي اختي من ابوي
نورة:عندك اخوات من الاب
ميار:شكلك يبغالك قعدة بعدين اشرحلك كل شي
في اخر النهار
نورة طلعت راحت بيتها
اما مها ظلت بلمدرسه تنتظر اخوها
مها ونورة يجون مع بعض لاكن كل وحد ترجع مع اخوها
مها:اقول ميار
ميار:قولي
مها:شلون مرت ابوكي معك
ميار:مادري
مها:ميارو بلا استهبال اذا ماتبين تتكلمين قولي مابي اقول مو تقوليلي مادري
ميار:مااستهبل
مها:شلون ماتدرين
ميار جلست تقول لمها عن عن طبيعه مرت ابوها المتقلب خلال الثلاث الاسابيع الي راحت
مها:ميار عمري انتي لازم تسمعين كلامها وتعتبرينها مثل امك وصدقيني اذا احترمتيها مثل ماكنتي تحترمين امك هي بنفسها بتحبك وبشوفك مثل وحده من بناتها
ميار:وهذا الي قاعدة اسويه احاول ارضيها بكل الوسائل
ميار رجعت البيت وكانت في قمة الفرح امكن لانها لقيت صديقتها مهاوي بدل الناس الاغراب الي عايشه معاهم الي هم اخونها طبعا
مريم كانت جالسه مقابل زوجها وميار جالسه بجنب ابوها وداقه سوالف معاه وباقي البيت كلهم فوق الي نايم والي يتسبح كل واحد مشغول
مريم تطالع ميار بغيظ وبقهروتقول من قلبها:صدق ماتستحي تتكلم مع ابوها كانه صديقها موا بوها والله ماخلي هليوم يعدي على خير
في المغرب ابو عبد العزيز راح شغله
انتفتح باب الغرفه بطريقه غريب ميار على طول قامت من مكانه حست ان خالتها مهيب طبيعيه كانها تبي تذبحها
مريم:ماشالله قاعدة بغرفتك وانا ساعه انادي
ميار:خالتي والله ماسمعتك
مريم:لاتقولين خالتي خلخلت حلوجك قومي غسلي ملابسك انته واخوانك
مياربخوف:انشالله الحين بقوم اغسلها
ميار طلعت من الغرفه بسرعه البرق داخله على غرفه الغسيل
مريم:وين وين رايحه
ميار:بغسل الملابس
مريم:لاتكونين تبين تغسلينها بلغساله
ميار:أي اجل اشلون اغسلها
مريم بصوت عالي:غسليها بايدك اخاف تتخرب الغساله لانها توها جديده بعدين ملابسك انا قلت للخدامه تحطها بسطح اطلعي فوق وغسليها
ميار:بس ماعرف اغسل الملابس بايدي
مريم :مو شغلي تعلمي
وراحت وتركت ميار بحيرتها
ميار:يالله شلون اغسل وانا عمري ماغسلت بلغساله عشان اغسل بايدي
يالله بلييز ابي ردودكم وتوقعاتكم

روعه كملي
والله لجد
غير

انا الورد
انتي الاروع قلبي نورتي
انشالله راح اكمل بس ابي اشوف ردود اكثر