روايتنا الأولى صدك الي هد حيلي والجفا لي علني

ام انا راح احط الجزء الأول وان شاء الله البدايه تنال اعجابكم
و أهم شي الآراء والانتقادات
خاصةً ان حنا ببدايه القصه

الج الأول زء
‎في آخر يوم من الاختبارات النهائية من الفصل الدراسي الثاني
‎عالساعه 5:30 الفجر دخلت أم ريم على بنتها تجلسها ..طفت اللمبات وشالت الحاف :ريم تبغين ترسبين؟؟ هآآ؟
‎وتصارخ :ريم أشوف يلا قومي
‎ريم وهي نايمه على كتابها :ام مابي يمه
‎أمها :هذا الي بتجنني ..يلا قوومي أشوف ريوم
‎ريم قامت بطريقه مضحكه وشهقت وهي مبحلقه عيونها :بقا لي فصل ماذاكرته ياربي!!
‎أمها تهاوشها :محد قالك مقابله الخراب هالنت .. لا قلت لك بأيام المراجعه امسكي لك كتاب ينفعك ماتطيعين
‎ريم عشان تخلص من محاظرة أمها قالت بمرح وهي تقرص خد أمها : أمزح معك وش فيك صدقتي؟
‎وراحت ركض للحمام وأنتم بكرامه قبل ماتمسكها أمها
‎طلعت ولبست مريولها ومشطت شعرها وخلته ذيل حصان بطريقه عشوائيه وحلوه لبست جزمتها ..وراحت للكراج ركبت سيآرة ابوها تنتظره
‎وجلست تقرا الفصل الي بقالها قرايه
‎بعد ساعه ونص بالضبط كانت بقاعة الاختبار
‎وبعد نص الوقت طلعت وصادفت بنت عمها نوف بثاني ثنوي
‎نوف الي مثل ريم برجتها :هلا يآدوبه ها وشسويتي
‎ريم :بلا ماتدرين فصل قريته قرايه بس حليت كويس بس فقره لعبت بأومها
‎نوف وكنه العيد :أجل أنا ألفت كتاب جديد
‎صادفوا بنت عمهم سارا الي بكبر ريم لكنها بويه وتحب تجنن البنات بحركات شاذه ماهي من طبيعتها
‎نوف :أهلين سارا
‎سارا تخشن صوتها وتناظر بريم :هلا بالزين هلا
‎ريم بعادتها :هلا قلبو
‎سارا مسويه فيها خقت :عيدي وش قلتي
‎ريم بقرف : جووزي عاد
‎نوف :خلصيني من خققانك وامشي
‎سارا بغزل وابتسامه تغيضهم :إلا من حبك ماتوب
‎ريم ضربت راس سارا بشويش :مقرفه وربي
‎ومشت عنهم
‎سارا لنوف وهي عاضه شفتها وعيونها على ريم:اخ جسمها يذبح
‎نوف تصارخ:هي تراك تعديتي الحدود يامقرفه ومشت ورا ريم ..
‎سارا لحقتهم ونزلوا للكفتيريا
‎بعد الدوام
‎.. دخلت ريم بيتهم وهي تصارخ :ياه وأخيرا خلصت اختبارات وخلصت مدرسه وناسه
‎جاها صوت أمها:وراك جامعه يابت لاتستعجلي
‎ريم وهي تبوس خد أمها :يا أمي ياقلبي الجامعه راحه مافي مذاكره كثير وجدول على كيف كيفك ياسلام
‎أمها :أقول آخلصي علي وروحي نامي الليله العشا عند جدك
‎ريم :أوف ماصدقنا نخلص أختبارات تجيني جمعات..ياربي متى أموت وارتاح
‎أمها ضحكت على طريقتها بس سوت حالها معصبه:أقوول اهجدي يابت وعلى غرفتك
‎اتجهت لغرفتها وهي طايره من الوناسه بعد خلصت دراسه وش تبغى أكثر من كذا هع هع
‎بس النسبه كانت شاغله بالها كثيير
‎راحت دايركت عالفراش
‎جا ببالها أحمد ..وفجأة ابتسمت لاشعوري وتخدرت وناامت
‎العائله
‎ عبد الرحمن صقر العبدالعالي 65 سنه
‎ رجل أعمال ومن أكبر تجار المملكه .. وله هيبه عند حضوره المجالس
‎لكنه حنون وطيب ومرح عند عايلته
‎زوجته نوره متوفيه من 15 سنه .. يحبها مره ومتعلق فيها الى الآن
‎ابنائه :
‎الأبن الاكبر:صقر بو مشاري 45 سنه .. رجل أعمال ويهتم بعياله وخاصةً دلوعته ريم
‎زوجته ياسمين ام مشاري40 سنه .. مرأة طيبة وحبوبه .. سيدة أعمال
‎فاتحه لها صالون راقي وفخم .. وعلى مستوى .. أنيقة وتحب المظاهر
‎ابنائهم:
‎مشاري:25 سنه يدرس بأمريكا بولاية انديانا تخصصة هندسه ميكانيكيه هذي آخر سنه له ويتخرج مع عمع طلال الي بكبره
‎سعود :24 سنه فاشل في دراسته .. تخرج ودخل معهد يأخذ دورة اسعافات أوليه مع
‎ولد عمه عبدالرحمن .. وطبعاً دخلوا من بعد دف وتعب من جدهم
‎ريم:18 سنه .. بنت حبوبه ومرحه .. فيها غرور لكن مايبين عليها مره ..
‎ونقول عنها عزيزة نفس ..
‎ الابن الثاني :محمد بو عبد الرحمن 43 سنه رجل أعمال وكل خطوه يخطيها في شغله
‎مع أخوه صقر .. طيب وحنون لكنه حازم شويه
‎زوجته مريم ام عبد الرحمن 39 سنه موجهه في مدرسة ثانوية .. طيبه وحبوبه
‎ابنائهم:
‎ عبد الرحمن: 24 سنه .. فاشل في دراسته ومثل ماذكرنا دخل دورة اسافات أوليه مع سعود
‎ووبعدها أجبرهم جدهم انهم يمسكون فرع مصنع صغير بدل الجلسه في البيت ..ثقيل
‎ .. وهادئ..وعليه برود يفور الدم .. العلك مايفارق فمه
‎فهد: 22 سنه بالجامعه .. قسم هندسه معماريه .. هادئ .. وفيه غموض نوعاً ما .. متقلب المزاج
‎مادري ليه حسيت انه يشبه شاهيد كابور > الممثل الهندي
‎سارا: 19 سنه .. متأخره سنه و توها مخلصه ثالث ..
‎بويه وتحب لوك البويات .. عنيده .. لكنها مرحه وحبوبه
‎عبد العزيز: 17 سنه مقبل على ثالث ثنوي .. خبل ويموت على بنت عمه
‎انتوا من الأحداث راح تعرفون مين هي ! ..
‎الأبن الثالث:خالد بو محمد .. صغير تو عمره 37 شبابي بقوه يحب زوجته الي تزوجها عن حب .. مثقف .. ومدرس لغه عربيه
‎زوجته أميره ام محمد تدور رضا زوجها وعيالها 33 سنه .. مدرسة لغة انجليزية
‎وكمان هي مثقفه .. ودايم هي وزوجها يتاحورون وتناقشون
‎ ابنائهم:
‎ نوف:17 سنه مقبلة على ثالث ثانوي .. فيها رجه وتحب المغامرات ..
‎دانه : 15 سنه مقبله على أولى ثنوي خبله .. ومراهقة كل يوم تخق على واحد
‎محمد : 4 سنوات يجنن والله ^.^
‎الأبن الرابع وأخر االعنقود : طلال 25 سنه .. يدرس برا مع مشاري ولد اخوه
‎مرح ويحب المزح .. صوته عذب و حلو مره ويعرف يلقي ويكتب أشعار
‎ويغني
‎وطبعا فيه شخصيات مهمه راح تدخل في القصه عن طريق الاحداث ..
‎عالساعه 7 ونص في بيت بو مشاري
‎كان سعود جالس في الصاله يشوف فلم عارضينه على ام بي سي مكس
‎جاته امه : وش جابك هنا مارحت الشركه اليوم
‎سعود يضحك: خ لا يمه أخذت اجازه اليوم
‎امه:وليه ان شالله وش فيك
‎سعود بمكر :تمرضت عند ابوي وصدقني خ
‎امه تشهق : ياللي ماتستحي اصبر علي والله اعلم ابوك
‎سعود بسرعه يبوس راس امه : امزح وربي صدق تعبان حتى شوفي المسيني
‎وياخذ يدها ويحطها على جبينه
‎امه ضحكت على حركاته ماكنه مقبل على ال 25 كنه بزر
‎امه تذكرت ريم : رووح جلس ريم عشان تجهز للعزيمه يبغالها ساعتين
‎سعود يتطنز : خ ياليت بس ساعتين
‎امه معصبه شوي : كم اقول لك لاتضحك لي بالخاء
‎سعود : خ
‎امه ناظرته بعصبيه وسكتت
‎سعود : اه هجري ه >~ يمثل انه مو عارف ..شسوي يمه وربي هذي ضحكتي
‎امه تخزه :غيرها طيب
‎سعود : اه ه ه ه ه طيب
‎رقى فوق لغرفة ريم وهو يضحك : خ
‎فتح الباب وسكر المكيف وشغل النور
‎راح لريم ودقها من ظهرها: ريم
‎ريم : ........
‎سعود وهو يضربها بقوه على ظهرها : ريم
‎ريم نقزت من السرير : اح ..
‎وتفرك عيونها : وانت ماتعرف تجلس
‎سعود يقهرها : والله هذي طريقتي
‎ريم بعصبيه وهي تعدل بجامتها :طيب اذا هذي طريقتك لاتجلسني مره ثانيه .. ..ودخلت الحمام وصفقت الباب بأقوى ماعندها
‎سعود مات ضحك: خ >~ ادري (ضحكته بايخه هع هع خ>تعادت)
‎ عالساعه 8 ونص الليل
‎في بيت الجد
‎دخل بو عبد الرحمن مع زوجته و وياهم سارا وعبدالعزيز
‎سلموا عليهم وجلسوا
‎بو صقر : وين فهوود ودحوم ماجاوا معكم
‎بو عبدالرحمن : في الطريق جايين يبه وبعدين كبروا وانت مازلت تدلعهم
‎الجد بو صقر :وين كبرووا وانا لسى اشوفك طفل
‎الكل : ههه
‎جلسو بالصاله
‎الجد بو صقر : وانتي ليه ماتغيرين هاللبس الي كنه لبس صبيان
‎ام عبد الرحمن : والله ذابحتني ماتطيع..دايماً اقولها بس تعيي
‎سارا بصوتها الي تتصنعه : افا عليك ياجدي هذي ملابس هالايام وش فيها يعني
‎سارا كانت لابسه برمودا جنز واسع وعليه سلاسل معلقه
‎وقميص مقلم بأبيض واحمر واسع مره وصاير مبهدل > كنها هندي
‎الجد بو صقر :الحكي معك مامنه فايده ماتفهمين
‎سارا باست راس جدها : الا زعلك ياجدي وربي مايهون
‎الجد بو صقر : اي قصي علي بهالحكي
‎سارا : ههه لا والله ماعشت لو اقص عليك
‎.. والجد مع محمد سووالف
‎وعبد العزيز مرقووع جالس لحاله ينتظر حبيبة قلبه تجي وتشرف مع اهلها >~ ياترى مين !!؟
‎بعد مرور نص ساعه تجمعت الاسر كلها بس بقى سعود ودحوم
‎البنات كانوا بجهه وهم بجهه بعيده عن الحريم
‎والشباب مع آبآئهم في المجلس
‎جا دحوم وسعود ودخلوا المجلس : السلام عليكم
‎جدهم استلمهم : لا ولاعليكم السلام هذي جيه ,,كان ماجيتوا صارت 11 وانتم توكم مشرفين بالله هذا احترام لي ولا لابآئكم
‎ المساكين لكن الشرهه مو عليكم الشرهه على ابائكم الي مسرحينكم على كيفكم
‎بومشاري توه تكلم : يب
‎بو صقر معصب: اش ولا كلمه .. عيال واحفاد آخر زمن
‎سعود جته ضحكه وقال بشويش : بالع مسجل بو صقور من دخلنا وهو يززنا
‎جا عبدالرحمن تقدم لجده وباس راسه : يبه حقك علينا آسفين بس صادفنا حادث بالطريق وأخرونآ
‎الجد رخى من عصبيته ونسى السالفه وقال: لاحول ولاقوة الا بالله .. عسى ماحد مات
‎الكل : ههه
‎الجد مستغرب : قلت شي يضحك .. !!
عند الحريم وبالأخص جهة البنات
‎دانه : بنات وش أسوي صرت بسرعه اخق
‎البنات كلهم : ههه
‎سارا وتطالع ريم بشذوذ مصطنع: وانا دايماً خاقه
‎دانه طنشت: عاد انتي حاله شاذه وخاصه
‎ريم تكلم دانه : لانك صرتي مراهقه ههه فأكيد بتخقين
‎نوف : يو عاد الله يعينك مره الخقق صعب ويتعب
‎سارا تطالع ريم : مرا مرا يتعب
‎ريم خزتها وماردت
‎نوف بعصبيه : سارا كم مره اقول لك خلي شذوذك هذا بالمدرسه مع البنات الي زيك هنا في بيت اهلك احترمي عالاقل
‎او خقي لك على وحده ثانيه
‎ريم تفاعلت معها : من جد ترى انا انقرف واكره نفسي
‎سارا تهديهم : طيب طيب ماصار الا الخير لاتاكلوني وثانياً حتى انتي يانوف ..خقه > وتغمز لها
‎دانه : اوه خلاص انا فقدت الامل فيها هذي اشك انها بنت استغفر الله
‎ريم تسد ضحكتها :شكلها جنس ثالث
‎البنات ماعدا سارا : ههه
‎سارا بنظرات خبث وابتسامه جانبيه خبيثه وضابطه دور الشاذه : مقبوله منك يالغلا
‎عند الرجال
‎كانوا مشغوليين بالسوالف وفجأه قطع سوالفهم صوت الجد بو صقر: عزيز جيب لي مويه من المطبخ الله يرضى عليك
‎عزيز يقول لسعود الي جمبه : شمعنى يقول لي انا
‎سعود وهو يضحك : خ لانك ابزرنا
‎عزيز طالعه بنص عين وقام
‎مادرى سعود ان الكل سمع
‎بو صقر : اجلس عزيز ..قوم سعود جيب لي المويه
‎الكل :ههه
‎سعود متفشل بس ضحك : خ حاضر يبه من عيوني ..
‎الجد بعبوس: مع ضحكته الماصخه
‎الكل : ههه
‎راح سعود المطبخ من جهة الحديقه بحيث انه مو لازم يمر على الحريم .. توه بيدخل الا يصدم في الجسم المتجه نحوه بقووه
‎من قوة الصدمه طااح وصار نايم على ظهره وهي عليه بحضنه
‎سارا بعصبيه مزدوجه بالاحراج تقوم وتصارخ : انت ماتشوف
‎سعود انحرج مره من الموقف هو بعد بس جلس يطالعها مستغرب مين الغلطان عشان تصارخ : لو سمحتي مو انا الغلطان عشان تقولين ماتشوف انتي الي ماتشوفين
‎ومره ثانيه ماتصارخين على الي اكبر منك فاهمه > ودقها على طرف راسها
‎سارا دقته على طرف راسه بجرأه : مو انت الي تدقني على راسي كذا فاهم
‎سعود اخذ يدها ولواها بقوه
‎سارا حاولت ماتبين الالم ولاتطلع صوت يدل على انها تتعور
‎شدد سعود وهو يلوي يدها لين حس انها بتنسكر
‎سارا وهي ترص على اسنانها عشان مايطلع صوت من الالم : ياحمار
‎سعود لوى يدها اكثر لين شهقت سارا : مين الحمار ؟
‎سارا بقوه عشان يفكها : انت
‎سعود لووىى على يدها اكثر : مين ماسمع
‎سارا على صوتها وقالت بقووه : ابليس
‎سعود جاته ضحكه بس مسك نفسه : شفيه ابليس ؟
‎سارا وهي مغمضه عيونها : ابليس الحمار
‎سعود فك يدها وتركها بقووه :عبالي بعد ..زين سمعيني
‎اللبس هذا ما اشوفك تلبسينه مره ثانيه .. شبابنا الي هم شبابنا مايلبسون هاللبس تجين انتي وتلبسينه وين قاعدين حنا فيه
‎وشعرك هذا ماتقصينه تخلينه يطول .. وكانك تبين تقصينه ..قصيه بس قص زي البنات البقيه ..وصوتك هذا ما ابي اسمعه .. ابغى اسمع صوتك الطبيعي ..الي الله خلقك عليه
‎سارا حاطه يدها على خصرها وهي مبتسمه بسخريه : باللهي !! كمل بعد ايش اوآمر ثانيه !!
‎بعدين بعصبيه قالت وتأشر على وجهه بعصبيه : ابوي الي هو ابوي مآ آمرني بهالأوآمر التافهه ,, يجي وآحد مثلك يامرني بها ..تحلم ياشيخ
‎سعود مسك صبعها بقوه لين ماخلاها تتألم : اصبعك هذا ماينمد على الي اكبر منك ..اوكي ..وكيف تبين تخلين ابوك يأمرك وهو للأسف ماشايف اللي حنا نشوفه
‎وبتنفذين الي قلت لك اياه ..
‎سارا جرت ايدها من يده : انت بأي حق تمسك يدي هاه ؟؟ صدق ماتستحي على وجهك ولانت هامني ولا اوامرك واجب اني انفذها ..وثانياً انت مين عشان تتأمر فيني ..ههه قال ايش قال تنفذين أوامري قال
‎ياخي طير
‎سعود بابتسامه وببرود اعصاب : بنشوف ..
‎ومشى بآبتسامة نصر للمطبخ يصب لجده مويه
‎وتركها عند الحديقه تغلي من داخلها وتتوعد فيه .. ورجعت داخل جمب الحريم بجهة ثانيه وبحاله ثانيه
!!
‎>~(كانت تركض سارا لانها كانت مصورة ريم بجوالها وتضحك عليها وتوها جت ريم بتاخذ جواالها ثم قامت ترككض بسرعه عشان ماتلحق عليها )
‎تعشوا وخلصوا والبنات لاحظوا تغير مزاج سارا المفاجئ بس بنفس الوقت ارتاحوا من تعليقاتها على ريم
..
‎الجد بو صقر دخل على الحريم
‎وسلموا عليه وحده وحده نسوان عياله
‎ولما وصل للبنات : هلا هلا بحبايبي هلا ياقلب عبدالرحمن انتوا
‎ريم حضنته على طول : فديتك جدوو شخبارك وحشتني
‎الجد يطقها بشويش على كتفها : بس خنقتيني
‎نووف تجرها من شعرها : بس جا دوري
‎وتضم جدهاا : ها يبه شلونك وشلون نواري وياك
‎جدها يسد ضحكته ويسوي معصب : مين نوري بعد
‎دانه من ورا نووف : من غيرها الشغاله
‎ماحست ريم الا بيد تضربها ع ظهرها : آآآآآي ياجدي مو انا وربي
‎البنات ضحكوا عليها : ههه
‎ريم عصبت بس مسكت نفسها : ياجدي قلت لك مو انا
‎نوف : ههه ياجد انا الي قلت نواري وبعدين وشفيها الشغاله وش زينها
‎الجد ضرب بيده على ظهر نوف : إذا سمعتك تقولين كذا ياويلك
‎نوف تبوس راس جدها : ههه طيب
‎بوصقر انتبه لسارا وهدوءها : مو من عوايدك سارووه
‎سارا مالها خلق : وش الي مو من عوايدي يبه ؟
‎ بوصقر: هادئه اشووفك عكس من اول ماجيتي
‎سارا : لا يبه مافيني شي بس راسي مصدع
‎بوصقر: سلامتك .. يلا بنات البسوا عباياتكم العيال يبوون يسلمون على الحريم
‎لبسوا البنات ودخلوا العيال سلموا على حريم اعمامهم والبنات وجلسوا جمبهم
‎ومن حظ عبدالعزيز انه كان جالس بالصوفا الي حذى نوف ومرتبك وحالته حاله
‎وفهد طبعاً حاس فيه ولاعب بآوومه لعب
‎فهد يقول بصوت عالي : اقول عزوز حبيبي وش فيك احسك مو على بعضك
‎عزيز يخزه وكنه يقوله اسكت : لا مافيني شي
‎ام عبد الرحمن : فيك شي عزوز؟
‎عزيز وهو يلعن فهههد بداخله : لا يمه مافيني شي بس راسي مصدع
‎بوصقر: وش فيهم عيالك كلهم مصدعين قبل شوي سارا والحين عزووز
‎فهد انفجر ضحك على شكل عزيز : ههه
‎سعود حس : خ
‎بوصقر عصب على سعود : سعود
‎سعود ارتعد من صوته وهو معصب : سم يبه !
‎بوصقر بعصبيه مصطنعه: اضحك عدل زي الناس ولا انثبر
‎الكل : ههه
‎أم سعود بمزح : يستاهل الي يجيه منك..كم مره انا وابوه نهزأه ونقول له يضحك زي الناس بس مو فايد فيه
‎سارا خزته من فوق لتحت ومرسومه على شفتها ابتسامه استهزاء
‎سعود رد لها ابتساامة برود
‎واهي انقهرت ولفت وجهها
‎.. صار كل الموجودين يتطنزون على ضحكته
‎وهو انفجر : بس خلاص من زين ضحكاتكم يعني
‎عبدالرحمن :يلا عن اذنكم انا قايم البيت ..جالس من الصبح وتعبان
‎بوصقر : طبعاً تجلس من الصبح ..اجل وشو له الدوام
‎كلمت ريم نوف بأذنها وفجأه بصوت عالي البنات : ههه
‎ابائهم وامهاتهم خزوهم يعني سكتوا
‎بوصقر : هيي وين انتم قاعدين فيه ؟
‎فهد طلع لسانه : ويو فشلووهم خ
‎عبد الرحمن : خير ليكون تعاديت من الي مايتسمى؟
‎سعود يضرب عبد الرحمن الي كان واقف قبال جده : اجل انا الي ما اتسمى ها ؟؟
‎وقضوا الجلسه سوالف وكالعاده البنات كل شووي يضحكون وصوتهم يعلى وتجيهم تهزيئه من جدهم ولا أمهاتهم
‎جات الساعه 2 ونسوآ انفسسهم بالسواالف والحكي
‎فهد يبغى يوهق عزيز : اقوول عزوز جيب لي حمود
‎حمود اخو نوف وحلا ..كان جالس بحضن نوف
‎..سمعت نوف وقامت وجابته لفهد ... اخذه فهد وهو انقهر ..ليش سمعتني كنت ابغى عزيز يجيبه
‎عزيز حس بأخوه : ههه
‎نوف وهي ترجع لمكانها مستغربه
‎عزيز حس على عممره وسكت
‎نوف: ههه وش فيك عزيز
‎عزيز صار وجهه كذا !!!!: ها لا مافيني شي ..مافيني شي
‎سارا لاشعوري ضحكت على شكل نوف وعبدالعزيز : خ
‎الكل التفت لها مستغرب حتى ضحكتها تغيرها !
‎سعود باحتقار واستهزاء : لهالدرجه ضحكتي عاجبتك؟
‎ريم : وع من زينها ..عاديت الكل
‎دانه تطنز : لا وربي مره نعومه خ
‎سعود : اشوف الكل قلب ضحكته زيي.. لالا جميع الحقوق محفوظه لضحكتي
‎عبد الرحمن رافع حاجب: من زينها
‎ريم تقول لعبدالرحمن وهي تتخصر :اشووفك قلدت علي
‎عبدالرحمن مستغرب : انا ؟
‎ريم : ايوا
‎عبدالرحمن: على ايش؟
‎ريم : من زينها
‎عبدالرحمن متنرفز من سخافتها بس سلك لها : ههه الكلمه مسجله باسمك؟
‎الكل:ههه
‎؟ الجد : اسمعووا متى النتايج
‎كلهم: بكره
‎الجد : عبدالعزيز سارا ريم نوف دانه بكره من تاخذون نتايجكم على بيتي على طول ..لاتروحون بيوتكم ..بشروني قبل
‎مثل كل سنه زي ماتعودنا ..
‎كلهم : ان شالله يبه
‎الجد :والي مايجيب امتياز شنو؟
‎كلهم : مابووه سفر
‎الجد صفق لهم : حافظيين ماشالله عليكم
‎الكل : ههه
‎عالساعه 2 ونص الكل وصل بيته
‎انسدحت ريم على طول وهي تفكر في نسبتها وتدعي ربها انها ماتجيب اقل 96%
‎بعد 7 ساعات
‎ابطال قصتنا على ابوااب مدارسهم
‎ريم سارا دانه عبدالعزيز
‎خايفين حد الخوف
‎وكل واحد يدعي ربه انه امتيآز
‎ماعدا وحده الآنسه نووف ..مطنشه بقوه واصلاً ماكانت ناويه تاخذ شهادتها بس صراخ امها عليها هع
يتبع

تابع الج الأول زء
‎في المدرسه كانت مومصدقه نسبتها وودها لو تطير بالسما
‎تقول للاستاذه: استاذه من جدك هذي شهادتي ؟
‎الاستاذه مستغربه : ليه في خطأ ؟
‎ريم تضحك: ههه لا لا يا استاذه بس ماني مصدقه
‎الاستاذه ضحكت عليها : ههه مبروك تستاهلين
‎ريم ابتسمت لها : الله يبارك فيك
‎نوف اخذت شهادتها واهي ميته ضحك : ههه
‎ياربي وانا الي كنت اقول لو اجيب 80 زين .. وربي زين مني طلعت بهالنسبه
‎شنو زين الا !!!!!!!!مدري شقول بس غير الحمدلله ياربي
‎سارا ..الحمدلله هذي النسبه الي تووقعتها على تعبي
‎ولو اني تووقعت اكثر بس يلا الحدلله ولا اقل منها
‎دانه مكشره : ايش يا استاذه ؟ وربي مايصير
‎..كيف الرياضيات جيد جداً ..صحيح زفت انا بس مو كذا ؟؟
‎الاستاذه : وش فيك يا دانه وربي متأكدين من كل شي ..وبعدين احمدي ربك غيرك مو قادر ينجح
‎دانه تنهدت : الحمدلله ..مشكوره يا استاذه
‎الاستاذه تبتسم لها : العفوو
‎اما عند عبدالعزيز
‎كان متردد بين انه يدخل ويأخذ النتيجه .. أو يتركها وما يأخذها
‎خايف ينصدم من نتيجته .. بس بالأخير توكل على الله ودخل وهو يسمي بالله
‎اتجه لطاولة استاذه وظل ساكت يناظر بالاستاذ بمعنى شهادتي وينها
‎الاستاذ ببرود : عندك ماده مانجحت فيها
‎عبدالعزيز فتح عيونه بقوه : كيف بالله ..
‎وكمل بتردد : الكيميا ؟؟؟
‎الأستاذ طنشه ومد له ورقه يوقع فيها ..
‎عبدالعزيز مد يدنيه ووقع بيد مرتجفه ويدور بباله "لحظه الحين .. كل الناس نجحوا وأنا بأجلس أذاكر
‎.. صحيح اني أهملت .. لكن مو لهالدرجه الي تخليني أسقط بماده "
‎ثواني إلا وينصدم بإستاذه المبتسم ببرود : لا ياعبدالعزيز .. مبروك جيدجداً
‎عبدالعزيز بنظرات مليانه حقد .. خلت الاستاذ يندم على حركته البايخه
‎وقال بدون نفس : طيب وينها الشهاده
‎الاستاذ يمد له الشهاده : تفضل
‎عبدالعزيز أخذها بقوته من القهر وطلع من الغرفه وهو متنرفز
‎بس انصدم بنسبته .. رفع حاجب وكمل مشيه لبرا المدرسه
‎وصل بيت جده وشاف سايق عمه خالد وبدا قلبه يدق ياربييه اكيد نوف فيه ..وش اسوي انا قلبي قلبي اهجد يااقلبي
‎جلس بالسياره لين نوف نزلت مع ريم وسارا ودانه وهم يضحكون الا دانه مكشره
‎نزل عبدالعزيز وهو يضحك:ها بنات بشرووا
‎كلهم قالوا بصوت عالي : متاز
‎عبدالعزيز ضحك معهم :باللهي؟؟؟ كلكم
‎البنات : ايواا ..وانت
‎عبدالعزيز :ههه تووقعوا
‎نوف :ههه اكيد جيد جداً
‎عبدالعزيز حزت الكلمه بخاطره و تغيرت ملامح وجهه خصوصا أنها من نوف..:تعالوا داخل تعرفون
‎دخلوا بيت جدهم لقوه في استقبالهم : اهلين فيكم نورتوا .. ها بشرووني
‎البنات : ممتاز ياجدي ممتاز
‎الجد انبسط مره : لا جد ؟؟ الف مبروك
‎كلهم : الله يبارك فيك يبه
‎الجد التفت لعبدالعزيز : وانت بشر ؟
‎عبدالعزيز وبوجهه ابتسامه : تووقع
‎الجد يفكر : جيد ؟
‎البنات : ههه
‎ريم : قويه
‎وتصفق يدها بيد نوف
‎سارا : لا اشوف اخوي طايح من عينكم
‎عبدالعزيز : باللهي انتي سارا
‎سارا تستهبل : لاقرينتها
‎عبدالعزيز: اجل كيف تدافعين عني
‎سارا : لماشفتهم كلهم ضدك ولا مو من حلاتك
‎الكل : ههه
‎الجد : اخلص علي بشرني ها ؟
‎عبدالعزيز يحك رقبته : جيد جداً
‎الجد وهو مو راضي : السنه الجايه أبغاها تكون أفضل بكثير
‎نوف حشرت عمرها تبي تنقذ عبدالعزيز من محاظره جدها الي بتبدأ : جدي بآارك لي أخذت 93 ونص !!!
‎عبدالعزيز فتح عيونه عالآخر : احلفي؟
‎نوف وهي ترفع ياقة عبايتها خ : احمم اكيد
‎عبدالعزيز خق عليها بهالحركه وابتسم : ياليتها نسبتي
‎نوف : ليه أنت كم؟؟؟؟؟؟؟؟
‎عبدالعزيز ابتسم لها : 85
‎ريم متخصره : جدي تراي لي ساعه وانا انتظرك تسأل عن نسبتي
‎سارا متكتفه ورافعه حاجب : وانا بعد
‎دانه منزله راسها : انا بعد جددو بتسأل ولا ؟
‎الجد مع نوف وعبدالعزيز:ههه
‎الجد بوصقر راح لريم وقرص خدودها : امووت بالزعلانين ..كم نسبتك ؟
‎ريم وهي تفك يده من خدودها : اي .. توقع
‎الجد : اوه تعبت وانا اتوقع ..انتي قول
‎ريم وهي تضمه: 97 ياجدي
‎الجد : كفو هذا بنتي ريم ..والله تعبك مايروح هدر وهديتك علي
‎ريم : تسلم والله ياجدي
‎سارا : ادري مب تسألني بس بقولك نسبتي 95
‎الجد : الله يبشرك بالخير ..وولو اني على هاللبس الي تلبسينه ماتوقعت تجيبين زي هالنسبه مو لايق
‎سارا عصبت : لا ؟؟ وشدخل ملابسي بالمدرسه والمذاكره .. لكن الشرهه علي تعبت عمري وانت مو معبرني
‎يلا مع السلامه عبدالعزيز وصلني البيت ابشر امي وابوي ..هم الي بيفرحون بنسبتي ..وصدت وتوها بتفتع الباب
‎الجد : ههه يابنتي
‎..التفت عليه سارا بهدوء : نعم
‎الجد جا لهم ولوى اذنها :من قالك ماني فرحان بنسبتك
‎سارا تتألم : آي جدي اذني اتركني
‎الجد ترك اذنها : ها اجل شفيك زعلتي
‎سارا : انت تقول مو لايق عليك هالنسبه وماتوقعت ومادري ايش ..وش شايفني ..طبل
‎ريم : ههه كثري منها ..مدري وش دخل الطبل
‎نوف : من القهر ماتدري وش تقول ههه
‎عبدالعزيز يناظر نوف طول الوقت وهي مستغربه من نظراته بس اكتفت بابتسامه عشان يمكن يلف نظره عنها ..بس مو فايد
‎الجد :مو تزعلين تراي امزح معك
‎وبشويش قال : بس من جد ..بطلي لبسك هذا طيب ؟
‎سارا تسكت جدها : امرك يبه
‎الجد :عفيه
‎التفت الجد على دانه الي شوي ودموعها تطيح :ياعمري يا داانه بشريني
‎دانه وهي حاطه ايدها على خدها : زفت
‎الجد: افا !
‎ريم : مابتسافرين معنا ؟!
‎عبدالعزيز يضحك: ههه شف هذا الي هامها !
‎نوف :ههه من جد
‎سارا : دانه اخذت 94 ومو عاجبها الغبيه
‎كلهم افتحوا عيونهم عالآخر : من جد ؟!
‎ريم : يااخبله .. وربي نسبتك حلووه .. وبعدين وش بتستفيدين منها
‎عبدالعزيز منقهر : اي والله 94 ..تدرين دانه وانا في ابتدائي ومتوسط واولى ثنوي ..مايهمني عساني 50 اخذ ..يادانه وربي بس تتعبين وبعدين
‎بح كل شي يروح عالفاضي ..حتى حنا حنا الي بثاني وثالث ثنوي ..ماتفيد نسبتنا الا 30 بالميه
‎وروايه تقول 15 بالميه
‎ريم رصت ع اسنانها من القهر : من جد قهههر
‎نوف : اوف بقوه
‎سارا ساكته وهي تطالع بأشكالهم وتضحك بداخلها
‎عبدالعزيز يكمل بإنفعال : من جدك الحين مسويه مناحه على هالنسبه .. أخ ليتها نسبتي
‎الجد : اسمعوا ..هالكلام الفاضي مابغى اسمعه ..البنت شاطره ومهتمه تخربونها ليش ..
‎عبدالعزيز: مانخربها يبه بس من جد قهر
‎الجد : ماعليه ..اذا ماجتهدت من الحين ..بعدين حتى الكتاب مابتعرف تمسكه ..صح ؟
‎الكل : صح
‎الجد التفت على دانه يحاكيها كنها طفله : ياقلب جدك ماتزعلين من نسبتك ..عشان نسبتك حلوه طيب ؟
‎ابتسمت دانه برضى من بعد كلامهم : طيب
‎نوف : ترااني غرت يبه
‎عبدالعزيز مبتسم ويطالعها ويقول بقلبه (ياقلب عبدالعزيز)
‎ريم : من جد ترى انا الي انا هي ريم ماقلت لي كذا
‎نوف : لا والله وشفيك يعني واذا انتي ريم
‎الجد صفق بقوه : يلا على بيوتكم
‎عبدالعزيز : ههه جدي طرده ؟
‎الجد : اي موعاجبكم ؟ يلا على بيتوكم وبشروا اهاليكم وقولوا لهم ..بعد بكره على المزرعه
‎وبننام فيها يومين
‎كلهم : مشكور جدي
‎الجد سالم : يلا يلا بدون مطرود
‎ريم : انت طردتنا وخلصت
‎الكل : ههه
‎الجد : لحظه عبدالعزيز أبغاك شوي لاتروح
‎بعد ماراحوا البنات .. جلس عبدالعزيز وهو حاسه قلبه بالي بيقوله جده
‎الجد بأسلوب ماعرف يفسره عبدالعزيز : أنت جبت 85 صح ؟
‎عبدالعزيز : أي !
‎الجد بدون مقدمات : بالله عليك ياعبد العزيز ماحز بخاطرك يوم شفت كل وحده من بنات عمك تتنافس بنسبتها
‎وأنت نسبتك تكون بهالمتسوى
‎عبدالعزيز منزل راسه بإحراج
‎الجد بحده : لا لا .. لاياعبدالعزيز .. ماعاش من يحني راسك .. خل راسك دوم مرفوع .. ولا بيوم تنزله
‎تذكر أنك تقدر تسوي المستحيل .. لكن يبغاله جهد .. مو بيجي لك كل شي وأنت مكتوف يدينك
‎عبدالعزيز بابتسامه خفيفه : والله مدري وش أقوولك ب
‎الجد يقاطعه : لاتقول ولا شي .. بس السنه الجايه أبغاك تبرد قلبي وترفع روسنا
‎ويكمل بحنيه : والله ياولدي ,, لو تشد حيلك وترفع من مستواك السنه الجايه ..
‎راح تشوف كل الي يسرك … وكل الي بخاطرك ..
‎ابتسم عبدالعزيز وتقدم يبوس راس جده : والله كلامك درر ياجدي
‎وراح احتفظ بنصيحتك ان شاء الله وأعمل بها
--
‎دخلت ريم بيتهم وبصوت عالي : يمه يبه سعود
‎باركوالي
‎جاها أبوها من وراها : بس بطيتي أذني .. ها ياروح بابا كم النسبه؟
‎ريم تدلع على ابوها : أول قول لي وشهي هديتي
‎أبوها من يفكر:ام على حسب النسبه
‎ريم :طيب إذا قلت لك
‎سبعه وتسعين ؟
‎ابوها يضمها : ياعمري عالشاطره ألف ألف مبروك
‎ريم :الله يبارك فيك يبه
‎جاهم سعود من غرفته وهو يفرك عينه ويتثاوب: بشري عسى سقطتي
‎ريم تتخصر : والله مو مثلك أنا .. لاياحبيبي سبعه وتسسعين .. وزودها نص بعد
‎سعود بحلق عيونه بشكل مضحك : جد ؟؟وربي منتي هينه سبعه وتسعين ..كان طقيتيها ميه ..بس اكيد هالنسبه بتطلع من خشتك دامك 24 ساعه قبال كتبك
‎وكمل بضحكه سخيفه : ك
‎بو مشاري بابتسامه : اسم الله على بنتي ,,تبي تصكها بعين ..صل عالنبي
‎سعود يكش : مالت عليها من بنت ..انا لو بنتي طلعت مثل هالعمه ..تبريت منها
‎ريم بغرور : يحصل لك بس !
‎سعود : ولو حصل لي مابغيت
‎ريم : يبه هذا بينرفزني ..تراه مره شايف نفسه
‎بو مشاري : ماعليك منه قولي لي بنات عمك وش نتايجهم ..عبدالعزيز الفالح ههه ؟
‎ريم : ههه يعني كويس
‎بو مشاري : بشري ؟
‎ريم : نوف 93 وعزيز 85
‎سعود : يلعن آووم بليسه يقول لي كوويس لو أخذت 40 بالميه والحين جايب لي 85 ..
‎بو مشاري بنظره : والله مثل طقتك أنت وأمثالك
‎سعود يتلفت يمين يسار وهو يكح
‎بو مشاري : وساره وباقي البنات كم ؟
‎سعود يوم سمع طريا ساره ..رفع حاجبه وابتسم ينتظر اجابة ريم
‎ريم : ام كنها 95 الا صح 95
‎سعود بتعجب : باللهِ ..طلعت مهي بهينه سارا
‎ريم :ههه لا هي من البدايه شاطره
‎سعود : كويس كويس كلكم شطاار ..ودانه طيب
‎ريم :ههه الغبيه جايبه 94 ومو عاجبتها نسبتها
‎سعود انقهر منها : أأأأأأأأأأأأأ ..انا يقهروني الي كذا ..صايره لي مصريه
‎بو مشاري رفع حاجب مو عاجبه كلام سعود
‎سعود كح والتفت
‎جاتهم امهم : ها بشري حبيبتي ؟
‎ريم جات لامها وحبتها على راسها : .. سبع وتسعين
‎امها : جد؟؟ الف الف مبروك حبيبتي تستاهلين ..جلعني اشووفك معرسه
‎ريم : ههه متى بس
‎جاها ابوها وطقها على راسها بشوويش : استحي على وجهك عاد
‎وكمل طريقه لفوق يرتاح
‎سعود : بنات آخر زمن
‎ام مشاري : زمان كننا من طاري العرس نستحي وننزل روسنا لاجابوا طاريه ..وانتوا ..ياكافي كنكم ماشايفين خير
‎ريم : ههه .. وبغمزه : يمه لاتكذبين .. اصلاً توك أنتي من جيلنا .. سامعه الكلام هذا من جدتك وجايه تسمعينه لي
‎ام مشاري ترمي عليها المخده الي بجنبها : أقول بس أكرمينا بسكووتك .. أجل انا كذابه
‎سعود يناظر ريم بتريقه : خخ خ . فشلوها !!
‎دخلوا نوف ودانه بيتهم وشافوا امهم وابوهم جالسين يفطرون >فطورهم اليوم متأخر
‎نوف : الصلام عليكوم
‎دانه تطقها :سلمي عدل لايعصب عليك ابوي
‎خالد : ههه فديتها دانه هي الي تعرفني زين ,,المهم بشروني ؟
‎دانه وهي تقعد عالكرسي : توقعوا
‎نوف بلقافه: دانه اخذت 94 الغبيه ومو عاجبها
‎دانه قامت تطق نوف على كتفها : ملقوفه ,,تراها اخذت 93
‎أميره تضحك عليهم : ههه طيب ليش كل وحده تقول نسبة الثانيه ..هذا حنا عرفنا
‎نوف : ماافي مبروك ؟
‎ابوها : الف مبروك حبيباتي ..تستاهلون ..ومن بكره الف فيكم الشررقييه كلها تاخذوون لكم الي تبون
‎نوف ودانه تقدموا لراسه وباسوه ..
‎نوف : تسلم يبه والله ..والله ان نسبتي ماجبتها لهداياك جبتها عشان اشوف الفرحه في عيونك انت وامي
‎ابوها يمزح معها : ههه الي يسمع انتي تعبانه عليها ..جات من عقلك الذكي ماشالله عليك
‎الكل : ههه
‎دخلوا عبدالعزيز وساره
‎شافوا امهم وابوهم مع عبدالرحمن جالسين ,,والهدوء يعم على الصاله ونوعاً مآ الجو كئيب
‎عبدالعزيز : وش فيكم ؟؟
‎بوعبدالرحمن : بشروا ياعيال كم نسبكم
‎عبدالرحمن :قبل لاتقول ..لحظه خلني اتوقع نسبكم
‎ام عبدالرحمن : خلصووني ياعيال قولوا كم ؟
‎سارا : عبدالعزيز اخذ 85 وانا 95
‎كلهم يوجهون كلامهم لساره : مبروك
‎ساراه : الله يبارك فيكم
‎بو عبدالرحمن رماه بنظره وتو بيتكلم
‎إلا عبدالعزيز قام يقاطعه وهو رافع يدينه بإنفعال : الله يخليكم !!
‎كافي محاظره جدي ..
‎ام عبدالرحمن : تستاهل ماجاك
‎عبدالعزيز يضيع السالفه : وين فهد
‎ام عبدالرحمن : طالع
‎عبدالعزيز توجه لغرفته بانسحاب .. يرتاح من كلامهم !
انتهى !
توقعاتكم \
* الشعور الي ينبع من قلب ساره لسعود .. هل كان .. حقد أم بداية حب .. ؟؟
والعكس صحيح .. (سعود) ؟؟
* عبد العزيز ... وحبه الكبير لبنت عمه نووف .. هل هو حب حقيقي أو مراهقه
.. وهل تتوقعون أن نوف تعرف بحقيقة مشاعره تجاهها ... وهل ستابدله الشعور ؟؟
وراح يدخلون شخصيات عن طريق الأحداث .. ياترى كيف بيكون تأثيرها على أبطال القصه
وهناك الكثير الكثير .. من الأحداث الشيقه ..
تابعونا !

ماشاء الله بدايه حلوه
حبيت الشخضيات .. وخاصة شخصية سعود ..
يعطيكي العافيه .. وننتظر التكمله

كتكوته ..
انتي الأحلى حبيبتي ..
والبارت الثاني بعد شوي ..
يلا فرشات نبغى تشجييع !!!!

البارت الثاني
‎دخلوا عبدالعزيز وساره ‎شافوا امهم وابوهم مع عبدالرحمن جالسين ,,والهدوء يعم على الصاله ونوعاً مآ الجو كئيب ‎
عبدالعزيز : وش فيكم ؟؟
‎بوعبدالرحمن : بشروا ياعيال كم نسبكم ‎
عبدالرحمن :قبل لاتقول ..لحظه خلني اتوقع نسبكم
‎ام عبدالرحمن : خلصووني ياعيال قولوا كم ؟
‎سارا : عبدالعزيز اخذ 85 وانا 95
‎كلهم يوجهون كلامهم لساره : مبروك
‎سارا : الله يبارك فيكم
‎بو عبدالرحمن رماه بنظره وتو بيتكلم ‎إلا عبدالعزيز قام يقاطعه وهو رافع يدينه بإنفعال : الله يخليكم !! ‎كافي محاظره جدي .. ‎
ام عبدالرحمن : تستاهل ماجاك
‎عبدالعزيز يضيع السالفه : وين فهد
‎ام عبدالرحمن : طالع
‎عبدالعزيز توجه لغرفته بانسحاب .. يرتاح من كلامهم !
‎ بعد يومين
..في المزرعه ‎كانت المزرعه مرتبه بشكل حلو .. من برا كانت فيها زراعه حلوه ومنظمه ..والنخل الطويل معطي شكل احلى ‎ومن داخل الغرف شكلها راقي ماكنها وسط نخيل ,,
الاثاث مرتب بسيط ورايق .. ‎بها كم غرفة نوم عشان الايام الي يجون فيها ينامون ‎كانوا البنات جالسات وسط الحشيش
‎ريم : سمعتوا عن حلا بنت خالتي ؟
‎كلهم : وش فيها !
‎ريم : ياربي عليها وربي كسرت خاطري ‎نوف : وش فيها ؟؟؟!
‎ريم : فسخت خطوبتها
‎كلهم : باللهي !!!!!!!!..ليه طيب ؟
‎ريم : وربي ..مدري تقول مو متفاهمين ..توي امس مكلمتها وسألتها عن خطيبها قالت لي !!سألت امي قالت صحيح
‎نوف : كانت تحبه
‎ريم : وهذا انا الي مستغربه منه ..تحبه موت وفجأه كذا ..سألت امي عن السبب كنها قامت تغير السالفه احترمت نفسي وانثبرت
‎سارا : مسكينه ماتستاهل
‎دانه : خطيبها هذاك عرفته الحلو
‎كلهم : فاضيه
‎ريم : الحين البنت منفصله وهي تفكر في خطيبها من جد فاضيه وماعندك سالفه
‎دانه : ههه لا بس ذكرته
‎نوف : الله يسهل عليها ‎
كلهم : آمين
‎سارا : طيب بنات انا طفشت قوموا عن هنا ..وش رايكم نسبح في البركه
‎ريم : قولي ق ؟
‎سارا : والله ليه لا
‎نوف : نسبح وهي مكشوفه ‎دانه : واي
وناسه ويجون الشباب يطلون علينا
‎البنات : ههه
‎ريم : رايحه فيها اختك
‎نوف : اعرفها الحماره خ ‎سمعت
سارا ضحكة نوف وتذكرت سعود وعبست .. ‎
سارا : قوموا بنات نكلم جدو دحوم يكلم الشباب مايطلعون برا عشان نسبح
‎دانه : اصغر عيالك دحوم ههه ‎
دخلوا على جدهم الي كانوا الشباب حذاه وهو يسولف معهم
‎الجد : حياكم الله يابنات ..
‎فهد متحمس : تعالوا تعالوا اسمعوا سوالف الحب العميق
‎كلهم : ههه
‎الجد : استح على وجهك ..اسمع وانت ساكت ‎,,جلسوا البنات جنب جدهم اليمين والشباب على يساره
‎الجد: ايه اكمل
‎ريم : لا لا عيد من البدايه
‎سعود : كان يقول لنا كيف حب امي نوره ‎البنات صرخوا : جد ؟؟؟
‎نوف : عيد عيد الله يخليك
‎الجد : ههه والله السالفه ومافيها اني كنت احبها من زمان ‎قبل لاخطبها من يوم كانت ام 8 سنوات وانا اروح بيت عمي واشوفها كنا دايماً نتضارب على اتفه الاشياء ‎واذا جاء عمي سألنا تقول دحوم الي سوا ودحوم الي قال وعمي يضربني عشانها وانا اروح البيت اعلم ابوي عليها وهو يضربها
‎كلهم : ههه
‎سعود : طيب وشهي المواقف الي تصير بينكم ؟؟
‎الجد وهو يتذكر نوره ويبتسم ويترحم بقلبه عليها ويدعي لها : ههه لو بقول المواقف الي تصير مابخلص
‎عبدالرحمن بابتسامه وهو متشوق : يبه قوول انا تحمست
‎كلهم : يبه يلا قول
‎الجد : الله يسلمكم كنت مره برا البيت رحت اجيب لابوي غرض من واحد بيته بنفس حارتنا وانا راجع للبيت شفت 3 اولاد يضربون في بنيه ويضربون فيها ‎انا جيت ركضت شفتها نوره ..وقتها مادري شصابني اخذت في الاولاد ضررب موب صاحي لين هجوا من الحاره ‎رجعت شفتها جالسه وتصيح يوم جيت لها قالت تكفى دحوم لاتعلم امي وابوي اخاف يضربوني ‎قلت لها : طيب ليش انتي طالعه لحالك ‎قالت لي نوره ببراءه : ابي ادور لعبتي
‎قطع عليهم سعود وهو مندمج : تدورها بالشارع ؟؟
‎كلهم : ههه
ريم: اسكت بس يبه كمل
‎الجد : ‎قلت لها : قومي اوصلك البيت ‎وصلتها البيت ويوم جت بتدخل التفت علي وقالت لي عبدالرالحمن ‎قلت لها نعم ‎قالت مشكور ‎,,ودخلت بيتهم ‎ومن ذاك اليوم ومعد فيه هوااش ‎ههه وبعد سنوات كبرنا وصارت تتحجب عني وقليل اجلس معها بس شلونك نوره الحمدلله انت شلونك الحمدلله بخير ‎لين جاها واحد من عيال خالتها خطبها وقتها جن جنوني وقلت لازم اخطبها قبل لاتوافق عليه ‎خطبتها وخيروها بيني وبين ولدت خالتها اختارتني وماخيبتني ‎وهذا هي راحت وقلبي معها ..دمعت عيون الجد ومسحها بسرعه عشان ماحد يحس فيه ,,
بس كلهم شافوه وتأثروا مره من الموقف ‎استغربوا كلهم يوم سمعوا شهاق ريم ‎كانت ريم تمسح دموعها بكف عبايتها وقالت بعفويه من غير ماتحس : يبه ابغى زوجي يكون مثلك
‎كلهم استغربوا بس سكتوا .. فعلاً ماتنلام ,,كل بنت تتمنى واحد بوفاء وحب واخلاص ‎جدهم ‎الجد : الله يرزقك بالي تتمنينه يابنتي ‎
عبدالعزيز : الله يرحمها
‎كلهم : آمين
‎الجد : أشوف عطيتكم وجه يلا قوموا قوموا ‎دانه : يوو نسينا وشو له جايين
‎سعود : خ هذا انتوا اذا سمعتوا سوالف تنسون كل شي
‎سارا : يااي ماكنكم انتوا الي من قبل تسمعون له
‎سعود ببتسامه تحرق قلب سارا : سوالف جدي غير
‎نوف : يبه نبغى نسبح بالبركه
‎عبدالرحمن برفعة حاجب : ..البركه مكشوفه
‎ريم : ومكشوفه ؟؟ مو لازم تطلعون اجلسوا هنا لين نخلص
‎فهد : بسرعه ترانا مابننحبس عشانكم
‎سارا : المهم رايك جدي ,, موافق
‎الجد : اكييد ..بس انتبهوا لاتغرقون البسو كفرات المويه
‎كلهم : ههه ‎
نوف : يبه من جدك ؟
‎عبدالعزيز يتريق : اي ليه لا؟
‎ريم : اتخيل شكلنا بس ههه
‎الجد : روحوا بس
‎راحوا البنات لبسوا البكيني حقهم وطبوا في البركه ‎وانواع الهبال والصراخ والي تغرق الثانيه والي تطيح بكلة الثانيه ‎
جاهم جدهم وصرخ : بنات
‎البنات سكتوا
‎الجد: صراخكم واصل لعندنا ‎البنات سكتوا وكل وحده تطالع بالثانيه وانفجروا ضحك
‎الجد : بعد تضحكون ؟؟ قوموا يلا قوموا
‎ريم : يبه الله يخليك نبغى شويه
‎الجد : تصارخون ؟
‎االبنات بصوت واحد : لا
‎الجد : نصف ساعه بس وتطلعون
‎البنات : ان شاء الله
‎راح الجد والبنات رجع صراخهم
‎نوف : بنات نفسي اترقص بالمسبح
‎ريم بحماس : قومي قومي جيبي جوالي اشغل اغنيه نستهبل عليها
‎نوف بحماس : طيب انا قايمه اجيب جوالي ‎اخذت المنشفه الي كانت معلقتها وحطتها على جسمها وجابت الجوال وشغلت على آه ونص وطبت بالبركه ‎دانه تسوي نفسها تكح : كحح كحح غبار ياقدمك
‎ريم : من جد !
‎نوف وهي تروح جهة الدرج في البركه : كيفي مشتهيه ارقص مصري عليها
‎سارا الي كانت حاطه اكواعها على طرف البركه وقالت بخبث مصطنع : طيب ورينا شطارتك
‎دانه : يؤؤ نسيت ان معنا رجال بالبركه مايصلح !!
‎البنات : ههه ‎
نوف وقفت على درجه وبدأت ترقص مصري وتهز خصرها والبنات يدقون ويصفقون معها
‎بنفس الوقت بالمطبخ كان يصب له عصير ليمون من الثلاجه وسمع صوت صراخ برا ونسى سالفة البنات انهم يسبحون بالبركه ‎التفت للنافذه الي كانت تظهر الاجسام الي بالخارج وتفاجأ بالي شافه وشهق ‎وعلى طول لف وجهه وقال من الخرعه : استغفرالله ياربي … وقلبه بدأ يدق
‎دخلت ام عبدالرحمن المطبخ : هلا فهد ‎فهد بارتباك : هجري هلا يمه .. هلا شخبارك
‎ام عبدالرحمن بابتسامه : بخير .. وش عندك ‎فهد : لا بس كنت أشرب عصير لان راسي مصدّع شوي .. تبغين شي !
‎ام عبدالرحمن بابتسامه : سلامتك .. الله معك ‎فهد طلع من المطبخ وراح جهة الرجال من الجهة الخلفيه وهو منحرج من الموقف ويحمد ربه ‎انها مانتبهت انه شافها
‎بعد ساعه تقريباً
‎عند الحريم ‎أميره : طيب وشو السبب ماسألتي اختك ؟
‎ام مشاري : الا سألتها قالت شي مو مقنع .. تقول اكتشفت انه يلعب
‎ام عبدالرحمن : ما اصدق كانت اختك مره فرحانه فيه ‎
ام مشاري : الله يعوضها خير ان شالله
‎ام عبدالرحمن واميره : آمين ‎..
دخلوا البنات عليهم وشعورهم تقطر موويه وعيونهم وأنفهم حمر
‎اميره : سابحين في البركه ؟
‎ام مشاري : اناعارفه كله منك انتي ياريم ,,قلت لك بلاش سبوح في البركه الشتا قبل علينا والجو بارد
‎ريم : ههه لا يمه مو انا سارا
‎سارا رافعه حاجب : الحين حطيتيها فيني ؟
‎ام عبدالرحمن : طيب روحوا جففوا شعوركم لاتستمرضون
‎البنات: طيب
‎البنات في الغرفه وانووااع العفسه ‎الي تاكل والي تمشط شعرها والي تستشوره يعني بإختصار جلسة بناات
‎دانه : نووف وين جنزي ؟
‎نوف : مدري يمكن الي انا لابسته
‎دانه : الا هذا هو ..ياربي ليه لبستيه
‎نوف : مدري اخذت وبس
‎دانه لبست جنز ثآني مع بلوزا حمرا
‎نوف تكلم ريم :عيونك حمرا يآمجنونه
‎ريم تحك عيونهآ : لاني ما أغمض بالمويه
‎سارا : وع كيف تتحملين
‎ريم : عندي لكم شي يحبه بطنكم هع
‎البنات : هاتييه
‎دخلت عليهم أميره وجهها فيه آثار صدمه وحزن ‎
كلهم التفتوا عليهآ ‎نوف بخوف : يمه وشفيه ! ‎أميره بتردد : ريم ... خالتك ام حلا ..
‎ريم نشف دمها و بالموت طلعت منها الكلمه: ش شفي ها !
‎أميره بحزن وماتدري كيف تقولها : ت توفت!!
‎ريم والصدمه بانت على وجهها .. قعدت بكل قوتها على السرير وهي منكسره ودموعها تسيل ‎فجأه تذكرت امها كيف يمكن تكون حالتها بهالوقت !! ‎
ريم من بين دموعها : يمه !!!
‎نزلت ركض وماستغربت من الموقف الي شافته ‎ام مشاري تبكي بحرقة قلب : آآآآآآآآآآآآآه كانت حاسه .. امس كنت اكلمها كانت توصيني على حلا .. ‎وترجع تبكي وتصاارخ !! ودوني الرياض ابغى اشوف اختي
‎تقدمت ريم وهي تكتم شهقاتها عشان ماتزيد امها .. ‎ضمتها وصاروا هم الثنتين يبكون
,,

‎ بجهه اخرى بعيد عن الشرقيه ..
‎الرياض
‎جالسة بزاوية من احدى زوايا غرفتها
‎لامه حالها .. وتبكي بحرقه
‎: يممه وينك رحتي وتركتيني لحالي
‎.. انا من لي غيرك
‎ويين اروح من بعدك يايمه .. آآآآآآه
‎رفعت راسها بسرعه على صوت فتحة الباب
‎حلا متفاجأة بوسط بكائها:عمي ناصر !!
‎ناصر متلثم بشماغه وعيونه حمراء
‎واضح عليه انه كان يبكي
‎قامت له ضمته بقووه و دموعها تنهمر على خدها بدون توقف
‎حلا من بين شهقاتها العاليه: عممي شفت شلون امي راحت وتركتني لحالي
‎ناصر يواسيها: بس ياعيون عمك مايصير كذا ..
‎مايجوز على الميت الا الرحمه ..
‎وبعدين ليه تقولين تركتك لحالك انا وين رحت !!
‎حلا لساتها تبكي بقوه:ع عممي انت ماتدري شقد صعووبة ف فقد اال الام .. م و بس الام ح تى الاب
‎ناصر: حبيبتي حلا .. هذا ابتلاء من ربي
‎.. و اذا احب العبد ابتلاه
‎لازم تجتازين الاختبار ..وتخلين ايمانك بربك قوي
‎كمل بحزن: شوفيني انا فقدت امي وابوي من صغري .. بعدها فقدت اخوي اللي هو ابوك ..اللي اعتبرته امي وابوي من بعدهم .. هذاني للحين عايش حياة طبيعيه
‎حلا وهي تكتم شهقاتها بعدت عنه: ط يب ..
‎ناصر بحنان:حبيبتي اسمعي .. انا الحين نزلت السعوديه .. بظل اسبوع وبالكثير اسبوعين
‎وبعدها لازم ارجع كندا .. وانتي لك الخيار ..
‎يا انك تجين معي كندا ونرسل اوراقك الجامعه تدرسين هناك او انك تنتقلين لبيت خالتك بالشرقيه ..
‎هي كلمتني وقالت انها جاية لك
‎حلا تنسكب دموعها بهدوء: عمي والله الحين ماقدر افكر بشي خلني ارتاح وبعدها يصير خير
‎ناصر: اوكي حبيبتي انتي ارتاحي ..
‎واذا احتجتي شي تلاقيني بالبيت
‎ نرجع للشرقيه
‎وبالتحديد المزرعه
‎ام مشاري منهاره :الحين لازم اروح لبنت اختي
‎مايصير اخليها لحالها .. التفتت وطاحت عينها على دانه اللي متأثرة ودموعها على خدها وبجنبها سارا اللي تحاول انها ماتبين دموعها
‎:احد منكم يتصل على سعوود لازم اكلمه يوديني لبنت اختي
‎دانه بهدوء: ان شاء الله خالتي .. واخذت جوال ام مشاري تتصل عليه
‎سارا مدت يدها بسرعه وقالت بصوت حاد:دانه هاتي الجوال انا اكلمه << ماتدري ليه قالت لها كذا .. يمكن تبغى تشوفه هو اصله متماسك وقوي .. ولا يظهر قوته عليها هي بس
‎قامت من مكانها وبعدت عن صوت البكا والصراخ
‎اتصلت عليه وهي تدعي انه مايرد
‎ندمت على لقافتها يجاها احساس انها ماتبغى تشوفه في لحظة ضعفه
‎او حتى تسمع صوته لانها ممكن تتهور وتسخر منه
‎لكن خاب ظنها وبعد 3 رنات رد بصوته الحزين المبحوح وقال بلهفه: هلا يالغاليه كيفك؟؟
‎سارا بهدوء:سعود تعال خالتي تبغاك
‎سعود عدل صوته وماعرف مين يكلمه: اح احم .. ها مين ؟؟
‎سارا تحاول انها تخشن صوتها: احم .. انا سارا
‎سعود نسى سالفتها وكل همه حال امه: سارا امي كيف حالها ؟؟ ..تكفين ابغى اشوفها .. ادري انها منهاره
‎.. سوي لي طريق الحين جاي لها
‎سارا بتهور: اقول ماني بشغالة ابوك اسوي لك طريق
‎ومدري وشو ..وكملت باستهزاء: تعال ياحبيب امك تبغااك داخل وشوف لك حد غيري يسوي لك طريق .. هه
‎سعود يتكلم من بين اسنانه بغضب:
‎الحين انا مالي خلق لتفاهاتك ..
‎الظاهر ان عمي مارباك عدل
‎سارا بتردد .. : اقول ..
‎بعدها تشجعت و كملت بقسوه وباستهزاء : أقول لاتبكي علينا .. شاطر يتظاهر بقوته علي بس
‎وسكرت الخط بوجهه
‎وراحت بسرعه صعدت فوق قفلت على حالها الغرفه
‎وهي ترتجف : ياغباائك ياسارا .. يااغبائك .. الرجال ماله ساعه متلقي خبر وفاة خالته.. وحالته ماتسر وانتي تتهزين فيه كذا
‎.. بس هو يستاهل ماجاه .. عشان يعرف انه مهوب قدي
‎والله مدري مدري اش جاني
‎طول عمري ماحقدت على أحد هالكثر .. يمكن عشانه تدخل بكل شي فيني وعصب علي و ابوي اللي هو ابوي مامره تجرأ وقالي هالحكي !!
‎بعدها الكل مشى من المزرعه
‎ورجعوا لبيوتهم
‎وسعود اخذ امه و مشوا لخط الرياض
‎اما ريم اصرت انها تروح معاهم لولا ان
‎سعود اقنعها انها تظل عشان تجهز كل شي
‎لبنت خالتها اللي راح تجي بكره
‎عشان العزا اللي راح يسوونه ببيت بومشاري
‎وسارا اللي تتجنب شوفة سعود نادمة على حقارتها معاه وتحاول تقنع روحها انه يستاهل اللي جاه مع انه مشغول بوفاة خالته وحال امه اللي مايسر و ماله خلق لتفاهاتها
‎اما باقي ابطالنا متأثرين على حال ام مشاري و ريم
‎وسعود
‎نروح لجهة بعييدة جداً عن الشرقيه
‎او حتى الرياض
‎أمريكا
‎بولاية انديانا ..
‎فتح باب الشقة بمرح وهو رافع تذكرتين
‎: مشاريوه .. ان شاء الله بكره حنا راكبين الطياره
‎مشاري اللي كان مستلقي عالصوفا
‎نط وباس خشم طلال: بعددي يابو دحوم
‎والله كنت خايف مانلقى حجز الا بعد شهر
‎طلال يجلس عالصوفا بغرور: ههه ايه بعد عمك ميب هين ..
‎مشاري يجلس بالصوفا اللي قباله: واللي يرحم والديك بس الحين انت وجه وجه عم
‎طلال: اقوول استح على خشتك ولا مافي روحه للسعوديه ..
‎مشاري فز يبوس راس طلال وهو يستهبل : لالا كلش ولا نزلتي للسعوديه
‎طلال: ههه ايه زين كذا ..
‎بس تصدق مدري وش هالمعجزة اللي صارت
‎وصار فيه آخر 3 مقاعد .. والله كنت رايح اجرب حظي
‎وكمل بمرح:
‎طلع حظي يحرق الصخر
‎مشاري بمرح:قول ماشاء الله لايطير حظك هذا
‎وانا اللي ابتلش .. وتغيرت تعابير وجهه للجديه :تعاال قرب قرب
‎طلال يقرب بحذر : خير وش فيه
‎مشاري يقال انه يحصنه: تف تف قل اعوذ برب الفلق تفف
‎طلال بعد بصراخ وهو منقرف: وع يامقرف انت
‎مشاري وهو يضحك: ههه
‎مافيها شي اذا حضنتك عشان حظك مايروح
‎ونقعد هنا على حساب حظك
‎طلال يلتفت يدور شي حواليه يرميه عليه
‎ماشاف الا علبه الكلينكس .. رماها عليه .. لكن مشاري مسكها بمهاره بحركه سريعه
‎وطلال يقوله بعصبيه مصطنعه: تتهزى على حظي انت وخشتك
‎مشاري بضحكه مكتومه:ههه لا كل شي ولا اني
‎اتهزى ماعاش من يتهزى عليك ياعمي
‎طلال: والله الشرهه مهيب عليك الشرهه علي انا اللي مسانعك و ظليت معاك لين تخلص الماده هذي
‎ولا انا وش مقعدني معك للحين
‎مشاري يتطنز: والله عاد قلبك الحنون مايقدر يخليني لحالي بعد ماتعودت عليك .. تدري يمكن اضيع من دونك واحمل الماده مره ثانيه
‎طلال طنش كلامه وقام: اقوول قم بس قم
‎رتب كل اغراضك .. ان شاء الله مهب جايين هنا
‎الا زياره يعني لاتنسى شي
‎مشاري : آآآآه والله مهوب مصدق اني اخييرا خلصت دراسه 6 سنوات عذاب ..
‎طلال: اييه والله .. لكن حسيت ان هالسنوات ما امداها طارت
‎وبعد هالحديث اللي دار بينهم كل واحد توجه لغرفته يجمع اغراضه وهو يعد الساعات متى يرجع لوطنه الغالي لأهله و ناسه !
‎نرجع للسعوديه ..
‎بالتحديد الخبر .. وبالتحديد بيت بومشاري
‎كانت ريم مشغوله بتجهيز غرفة حلا ..
‎اللي هي بالاساس غرفة العاب قديمة حق
‎ريم .. وتقريبا صارت مخزن فيه بعض الاشياء
‎اللي مايحتاجونها ..
‎واقفه قدام الشغاله اللي تشيل كل شي
‎وتطلعه برا .. او ترميه بكيس الزباله
‎مابقى الا كم من شي وتخلص
‎و توها الشغالة اخذت كرتون صغير بترميه الا
‎ريم صرخت: يامجنونه انتي خليه هذي الباربي حقتي ..
‎سرياتي الشغاله : أنتي كبير .. أيش يبغى في هذا
‎.. كلاص انا في ياخذ حق بنت مال انا
‎ريم رغم الحزن اللي بداخلها الا انها ماتقدر تظل صامته اكثر:
‎انتي وش علييك هذا حق بنتي انا ..
‎وسحبت كرتون الباربي من يد الشغاله
‎سرياتي تطول لسانها: الهمدلله والشكر انا مجنون ولا انتي
‎ريم: اقول انتكتمي وكملي شغلك احسن
‎سرياتي تكمل شغل وتتحلطم
‎ريم تتحلطم هي الثانيه : شغالات آخر زمن
‎وبعد ساعتين تقريبا الغرفة نظفت ..
‎ كانت مايبغى لها صبغ وحتى الارضيه مناسبه
‎بس يبغالها طقم غرفة نوم (سرير ودولاب ..الخ)
‎و ريم ماصدقت على الله تخلص
‎رمت بحالها عالسرير و طقتها نومه
‎ اليوم الثاني
‎ام مشاري في بيت اختها
‎جلست من الصبح على حيلها
‎عشان تعلم الشغالة على شغلها
‎وبعد ماخلصوا ترتيب اغراض حلا
‎قرروا انهم يمشون قبل الظهر
‎و ام مشاري قالت للشغاله تجهز الفطور
‎وتصعده لحلا ماعاد فيها حيل تصعد وتنزل
‎من الحزن و وجع القلب
‎ام مشاري شافت الشغاله تنزل مع صينية الفطور
‎سألتها: ليش ماوديتي الفطور؟
‎الشغالة: هيا يقول مايبغى اكل الهين .. ممكن
‎هي في يبكي
‎ام مشاري بدموعها اللي تذرف على خدها:الله يهديك يابنت اختي
‎مدري اداري حالي ولا ادرايك
‎بعد نص ساعه اتصل سعود يقول
‎لأمه انهم بيمشون للشرقيه .. وناصر اصر انه
‎يلحقهم مع حلا ..
‎وبالفعل بعد عشر دقايق ..
‎انطلقوا السيارتين لطريق الشرقيه
‎ومعاهم حلا اللي عيونها مافارقت البيت الين اختفى من نظرها و دموعها تنسكب بهدوء
‎وقلبها اللي يشتعل نيران مابين فرقى اعز ناسها و
‎بين فرقى كل ذكرياتها وطفولتها اللي عاشت اغلبها
‎في ذا البيت اللي خرجت منه بكل بساطه ويمكن ماتعود له ثاني !!
‎في أمريكا
‎بولاية أنديانا
‎وبمطار بوليس
‎الساعه 5 العصر بتوقيت أمريكا
‎مشاري وطلال
‎ جالسين في كوفي من كوفيهات المطار ينتظرون نداء رحلتهم
‎ مشاري بطفش:ياخي طفشت .. كم باقي على الرحله؟
‎ طلال رافع حاجبه:ياخي .. أنت مافيك صبر ؟
‎رفع ايده وناظر ساعته اللي تدل على ذوقه الراقي .. وكمل:باقي 5 دقايق على النداء
‎مشاري بطفش:ايه زين ..زين
‎مرت الخمس دقايق وسمعوا نداء الرحله
‎قاموا من مقاعدهم .. وخلصوا الاجراءات وصعدوا الطياره
‎مشاري يهمس لطلال وهم داخلين على ترحيب المضيفه:
‎اقول طلول حنا أي درجه؟
‎طلال بنفس الهمس:ايه ماقلت لك .. مالقيت مقاعد فاضيه الا بالدرجه السياحيه وبالموت ..
‎مشاري: اييه .. ان شاء الله نطير بمكنسه .. أهم شي نوصل للأحباب والأهل..
‎طلال يدفه بشويش :ههه طيب امش امش لداخل شوف كيف المظيفه تخزنا بعيونها.. ووجه كلامه للمظيفه:هاي سويتي ههه
‎وبسرعه مشى
‎مشاري:الله يخسك ياطلول خ لاتخليني اعلم جدي
‎طلال يجلس على مقعده وعيونه على بنت كانت تناظرهم من زمان :شوف شوف ميشو
‎الظاهر هالبنيه معجبة بنا .. من ركبنا الطياره وهي تقز فينا ..
‎مشاري يجلس بجنبه وهو يناظرها ويلف على طلال: عاد ياليتها حلوه ..
‎الله يخسها لاعبه بحالها لعب .. وش هالقمة اللي على راسها بس خ
‎الا يجي رجال شايب اجنبي يوقف فوق راس مشاري: Excuse me
‎مشاري رفع راسه للشايب وطلال التفت له
‎مشاري: خير يالشيبه بغيت شي .. الا يضربه طلال على راسه وبضحكه : تكلم عدل
‎والشايب على راسه علامة استفهام ونظره بين التذكرة اللي بيده .. والمقعد اللي عليه مشاري :
‎عذراً .. لكن رقم هذا المقعد يطابق رقم مقعدي الذي مسجل بالتذكرة:
‎طلال يضحك: ههه صدق انك خبل .. اجل ماشفت رقم مقعدك على طول سنعت معي
‎مشاري بتحلطم : وانا وش دراني .. حسبت انك حاجز لي بجنبك .. ويلف راسه على الشايب ويعتذر له :
‎آسف , لم ألاحظ ذلك :
‎وقام من كرسيه وكمل حكيه للشايب: تفضل في مقعدك
‎و طلع التذكرة من جيبه .. شاف رقم كرسيه .. وطلع بجنب البنت اللي يتكلمون عنها و كان مقعدها
‎في المقاعد الوسطيه .. وتوجه بقهر لمقعده وجلس .. وهو يتحلطم
‎اما طلال من شاف مشاري جالس بجنب ذيك البنت انسدح ضحك و الشايب خايف منه يحسبه مجنون ويضحك بدون سبب
‎مشاري يتحلطم : طليل النذل اوريه .. بظل جالس هنا حوالي 12ساعه تقريبا اف
‎الا البنت اللي بجنبه شاقة الضحكة : اش بك يازلمي عم بتحاكي حالك ..
‎مشاري لف لها وهو عابس وجهه: أيش .. عفوا ايش بغيتي اختي
‎ام كشة مبسوطه: ايه عم ب أول حاكم بتحاكي حالك .. انا بأجي ودردش معك لحتى رفه عنك
‎مشاري: لا مش ..
‎ الا وتجي ذيك البنت الشقرا وعيونها العسلية وعليها
‎اناقه غير شكل وتجلس بجنبه بس بالجهه الثانيه وتحط رجل على رجل
‎وتجي وراها بنت كمان حلوة بس الاولى احلى ..
‎مشاري وهو فاهي فيها: يالله حيه
‎التفتت البنت الحلوة عليه بغرور : عفوا ..تحاكيني أنا؟؟ .. وتلف على صاحبتها وهي تتكلم بقرف
‎: اقول سومه مالقيتي الا هالدرجة تحجزي عليها ..
‎سومه صاحبتها وهي تناظره بنظرات: والله ياسوسو احمدي ربك اني لقيت حجز لي ولك ..
‎سوسو: افف .. ايه والله
‎مشاري تفشل وانقهر وهو يقول في خاطره ( خ مسكينه تسببت في هالبنيه جاء من يتسبب فيني )
‎ نرجع للشرقيه ..
‎وفي فيلا بوعبدالرحمن ..
‎الكل متجمع ع الطاوله يفطر .. وكل واحد غارق بأفكاره وكلن في همه ..
‎بوعبدالرحمن .." أنا لازم أبذل كل جهدي في هالمشروع كافي خساير .."‎
أم عبدالرحمن تناظر زوجها .. " مدري وشفيه بوعبدالرحمن مهموم هالكم يوم .. الله يعينه ويوفقه ان شاء الله ... "
‎عبدالرحمن .. " ليش بس انا اللي ماكملت الجامعه !! .. كل عيال عماني متفوقين وهذا مشاري وعمي طلال يدرسون برا ..
‎وشوي وهم راجعين بالشهاده .. أنا لازم اثبت لأبوي وللكل اني مب فاشل وأقدر اسوي مثل الشباب واحسن.."
‎فهد " آآآآه .. انا ليش ما أنسى !!! .. هه أنسى !!! .. شلوون أنسى وانا حسيت بطعنه بقلبي من أقرب الناس لي.. حسيت أني مغفل واكبر مغفل .. مغفل ....."
‎سارا .. " ياترى وش حال سعود .. هل هو مفتكر فيني ؟؟ .. صحيح اني اكرهه بس ماكان قصدي اكلمه بهالطريقة .. اف بالطقاق اللي يطقه ......"
‎عبد العزيز .. " آآه يانوف .. بلاك مادريتي وش اللي بقلبي لك .. آآخ وش القلب اللي عليك ..
‎أصدق ماتحس فيني !! .. شكلي بتعذب على ما أنال اللي في خاطري ........ "
‎ظلوا دقايق على هالحال .. وكل واحد منهم يفكر بهمه ..
‎ قطع حبل افكارهم سارا اللي تكلمت فجأة و وجهت كلامها لأمها : يمه .. يمه !!
‎ام عبدالرحمن: هلا يمه !
‎سارا: خالتي ام مشاري وصلت ؟؟
‎ام عبدالرحمن: لا والله .. كلمتها قبل نص ساعه قالت توهم راح يمشون ..
‎سارا: اها
‎ابوعبدالرحمن: الله يوصلهم بالسلامه ..
‎الكل: ان شاء الله ..
انتهى

‎* حلا وعيشتها ببيت خالتها .. هل تتوقعون انها راح تتأقلم بسرعه .. ولا راح تواجه صعوبات على ماتتعود ؟
‎* مشاري وطلال وظهورهم في الروايه .. هل بيكون دائم وله حيز كبير فيها ولا دور عادي ؟
‎* موقف فهد مع نوف هل راح يكون سبب لقصه تكون بينهم .. ولا مجرد موقف مر على الوايه ؟
‎* وياترى فهد .. والي بقلبه .. والمعاناة الي عاشها سنين والي تحسسه بالنقص بعد ماكتشف الطعنه من اعز الناس
‎>-- وش فيه فهد ؟!
*‎ عبدالعزيز : هل راح يعترف لنوف بحبه لها لاجل يوصل لمبتغاه .. ولا راح يكتم ويشوف القدر إلى وين بيوصله ؟
‎* ساره وسعود .. إلى وين راح يوصلهم حقدهم لبعض؟
كل هذا راح تعرفونه مع المتابعه !

متابعه معك يا عسل