روايتي الثانيه كل عشق الأرض فينا برعاية عشاق القناص

1. والزعل ماهو نهايه ... ولو يموت الحاسدينا

(( بسم الله الرحمن الرحيم ))
" روايتي الثانيه "
// كل عشق الأرض فينا //
كلمات : الأمير / نواف بن فيصل ( أسير الشوق )
كل طيب الدنيا فينا ... وكل عشق الارض فينا
وكل مافينا محبه ... والله لايغير علينا
يادفاي بعز بردي ...ياشقاي ان زاد وجدي
يابعد روحي وبعدي ... ايه ورب العالمينا
ماتغيرت وظروفي ... تشهد وتشهد حروفي
طبعنا نكرم ونوفي ... ونشتري من يشترينا
ماعلينا بالعواذل ... همهم تحصيل حاصل
لو يعملون العمايل ... عنهم لا مادرينا
رافعين الراس رايه.. حبنافوق الوشايه

والزعل ماهو نهايه ... ولو يموت الحاسدينا

أعود إليكم من جديد وفي جعبتي رواية جديده! أرجوا أن تنال رضاكم واستحسانكم ... تفضلوا " اعتبروها عيديتي " : : : :
قررت أن أخطو خطوةً جديده في مسار الرواية والذي أرجوا أن يعجبكم ففي روايتي الأولى " الحب الأول " جسدت الحب الأول بكل أنواعه ولكن هذه المره سيسود المرح ممتزجاً بالفرح والحزن وبعض الجد .. حاولت أن أطيل السيناريو لأنني لاحظت أن روايتي الأولى تقليدية نوعاً ما والسيناريو ركيك قليلاً وأنتجت لكم بعد عناء شهر كامل رواية " كل عشق الأرض فينا " << قبل دقيقه اخترت العنوان خ وهذا أحد عيوبي ما عندي عنوان مناسب . وكما استخدمت الواقيعه ستظل روايتي هذه أيضاً من الواقع والآن أترككم مع روايتي : : :
// كل عشق الأرض فينا //
{ الجزء الأول }
نهال جالسه تطق باب غرفة خالتها لينا وأنوااع النغمات والتدبيج << يعني الضرب بقوٌة !!
نهال : لينوه!! بسرعه!!!
لينا فتحت الباب بملل وبرود وهي تحك راسها قالت : يوه! خير يا طير ؟!!
نهال : واللي يتصبح بهالوجه يشوف خير ؟!
لينا : أوه منك! وش عندك اليوم خلصيني أنا مشغوله!!
نهال : وجع الحين الساعه 6,45 دقيقه وإنت ماخلصتي ؟!
لينا : لأ وش عندك ؟!
نهال : لا يا عمري بس المدرسه والباص يستنى تحت!!
لينا : أف!! قولي له يصبر وإلا ماياخذ الراتب!
نهال : عاشت اللي تهدد! أقول امشي بلا كلام فاضي!
لينا : بس 10 دقايق وأنزل ok ؟!
نهال : هين!! أنا أوريك !
وتحط الغطى على وجهها لأنها أصلاً كانت جاهزه ولابسه العبايه وتركض لينا مسكتها عند الدرج ...
لينا : بليز نهوله! علشان خاطري دقيقه ألبس عبايتي وأجيك!
نهال : يللا بدأ العد 60 – 59 – 58 ...
وتبدأ نهال تعد ولينا خايفه تتأخر لبست العبايه ومسكت الشنطه وحطت بها مشط ومرايه علشان تكمل في المدرسة! والحمد لله تداركت نفسها وركبوا الباص وهناك ....
رؤى : أوهايوا قوسايمس !<< صباح الخير بالياباني !!
لينا : وصلت " japanies " << يعني اليابانية !
نهال : أوهايوا رؤى كيفك ؟!
رؤى : بخير ... هيه لينوه وش فيك ؟
لينا : أبي أنام !!
الكل : ههه !!!!
لينا >< : ليش قلت شيء يضحك ؟
رؤى : ههه لا أبداً !
لينا : الحمد لله والشكر صحوني إذا وصلنا !
نهال : أقول رؤى ذاكرت امتحان القواعد ؟
رؤى : لا والله كنت " فيري بيزي " !
نهال : إخص ! وش عندك ؟
رؤى : my boss my hero !!!!!!!
نهال : نعم ؟!!!
رؤى : دراما يابانيه جديده !!
نهال : ايه قولي كذا !!
رؤى : بس والله فله! عن مدرسه !
نهال – طلعت عيونها - : فيها طلاب حلوين ؟!
رؤى – تغمز - : أفاا عليك بس فيها واحد يدنن !
نهال : منهو ؟ منهو ؟!!
رؤى : سر !!!!!!!!
نهال : يللا عاد بلا سخافه !
رؤى : لا عاد ولا ثمود أخاف تاخذينه مني !
نهال : أقوول بس أنا نهال أحب واحد ياباني ؟!
رؤى >< : وش فيهم طايحين من عينك ؟!
نهال : لأنهم يذكروني بشغالتنا !
رؤى : هيه! حدك عاد ! << وجميع بنات الباص انفجعوا من هالصراخ !
لينا : هيه بس بس هدوء يالله صباح خير !
سكتت رؤى وجهها أحمر ونهال ماتت ضحك . وأخيراً وصلوا المدرسه ....
دخلوا الفصل لينا جلست عالجدار كالعاده جنب رنا صديقتهم وبنت جيرانهم. ونهال ورؤى الثالث جنب بعض وكانت أول حصه " علوم " دخلت المعلمه :
المعلمة : يللا يا بنات الواجب !
لينا أول من وقف ما حلت – كالعاده –
المعلمة : لينا ؟!
لينا تضحك : استاذه حفظتي اسمي ههه!
المعلمة : تضحكين ؟! أكيد بحفظ اسمك لأن هاذي المره العاشره ! يللا عمكتب الاستاذه " ندى " ... !
هنا لينا انقلبت 180 درجة وتغير لون وجهها نزلت راسها للأرض! والخوف باين عليها
نهال – حست وقالت - : أبلهت لا الله يخليك المديره أرحم!
لينا : إيه يا أستاذه الله يوفقك ؟
المعلمة : طبعاً ! المديرة طيبة وإنتم ملسونات ما تنفع لكم إلا ندى يللا قدامي وبدون نقاش واللي ما حلت تروح مع لينا بسرعه !!
ما كان فيه إلا لينا أخذتها الاستاذه لمكتب المساعده واللي هي / استاذه ندى /
ياترى ليش لينا تخاف من ندى ؟
من هي ندى ؟
.....
هنا أنهي الجزء الأول والذي أرجوا أن يكون قد أعجبكم ... انتظروني مع المزيد في الجزء الثاني .
لكن قبل ما أختم الموضوع بعرفكم على الشخصيات اللي ظهرت بهالجزء :
1- لينا : عمرها 15 بنت حلوه وهي مثل ماقلنا خالة نهال وصديقتها ظاهرها إنها إنسانه بارده جداً لكن راح تكتشوف حقيقتها .. تموت بالطبخ ثم النت .
2- نهال: عمرها 15 سنه ساكنه مع أمها وأخوها في بيت جدتهم نهال متوسطة الجمال بس طيبه وعليها خفة دم! أحلى ماعندها الاسوااق ثم الاسوااق لكنها مهتمة بدراستها شوي .
3- رؤى : عمرها 15 بنت منظمه ملامحها نااعمه وتموت في اليابان حلمها تروح اليابان وتشوف الممثلين الي تحبهم وهي بنت خالة نهال بس مو ساكنه معهم هي مو هامتها الدراسه إلا وقت الامتحان زي لينا .
4- رنا : عمرها 15 بنت جيران لينا ونهال أهم ماعندها الدراسه والأفلام حلمها تروح أمريكا عندها عشق للأفلام الأمريكية والمسلسلات العربيه! رنا طييبه وهاديه بس وقت الهواش والحش تنقلب 180 درجه وهي أيضاً حلوه بس سمره شوي .
أختكم : في انتظار همس ...
لا تنسوني من صالح دعائكم وردودكم الحلوه