روايتي عند قبره تراني حاجز لي محل

1. لطيفه : عسى اعجبك الضرب ياهانم


2. ندى مقهوره وتبي احد تحط حرتها فيها قامت بسرعه واعطت لطيفه كف قوي

السلام عليكم
انا اول مره اكتب قصه وحبيت انكم تقرونها وتشجعوني عشان اكملها وبكون شاكره لكم
سميت قصتي
عند قبره تراني حاجز لي محل
..
..
..
استغفر الله العظيم من كل ذنب عظيم
..
..
ريوف : يمه تكفين اقنعي ابوي يوافق على البعثه
فاطمه < ام محمد > : وليه انتي ماتكلمينه ماهو انتي اللي بتروحين
ريوف : تعرفين اخاف يعصب علي اذا كلمته
ام محمد : يعني انا عادي يعصب علي
ريوف : لا مو عادي بس لما تجي منك انتي غير وبعدين انا باروح بريطانيا وعمي هناك يعني مو لحالي تكفين يالغاليه قولي له
ام محمد :اشوف
ريوف : تكفين يمه هذا مستقبلي وبعدين انا بقدم بعثه يعني كل شي على حساب الدوله السكن وغيره وغيره الله يسعدك كلميه
ام محمد : تراك عورتي راسي بهالبعثه وبعدين انا ماقلت لا قلت اشوف لا تقعدين فوق راسي تنقين ترى احلف ماكلمه
محمد دخل : السلام عليكم
ريوف وامها : وعليكم السلام
محمد : مين هذا اللي بتكلمونه
ريوف : ابوي يعني مين بيكون
محمد : بايش
ريوف : بخصوص البعثه نفسي ياناس ادرس برا
محمد : ترى الدراسه برى ماهي سهله عشان هالكثر تحمسين ياخوفي بس ترسبين
ريوف : افا انا ريوف سالم ال//// ارسب تخسي
ام محمد : وجع ان شاء الله تقولين لاخوك تخسي
ريوف :وليه يمه ماتشوفينه يتفاول علي
محمد : اللي يسمعك الحين يقول مره جربت
ريوف : عادي مافيه مانع اجرب بس لو ابوي يوافق
دخل سعد : قالك عقلك ابوي بيوافق من غير مايسوي مجلس الشورى مع عماني
ريوف : لا عز الله رحت
ام محمد : الناس تقول السلام عليكم
سعد : وعليكم السلام ههه
ريوف : بايخه واق واق واق
سعد : مثل وجهك
ريوف : انا جميلة الجميلات تقول عني بايخه مالت عليك ماعندك نظر
سكتهم دخول ابوهم اللي اوقفوا له : السلام عليكم
الكل رد السلام : وعليكم السلام
العيال وريوف راحوا يحبون راس ابوهم
أبو محمد : يوف هتي لي كاس مريه
ريوف : ان شاء الله
ام محمد : كنك تعبان يابو محمد
أبو محمد : توني جاي من المزرعه وتعبوني هالعمال مايعرفون يشتغلون وغير كذا يماطلون بالشغل
ريوف : تفضل يبه
ام محمد : عساك ع القوه
أبو محمد : الله يقويقك
ام محمد : ياابو محمد ابي اقولك موضوع
أبو محمد : خير ان شاء الله
ام محمد : خير خير ان شاء الله باقولك ان ريوف خاطرها تقدم على بعثه تدرس ببريطانيا
أبو محمد وهو يوقف : لا
ريوف برجا : تكفى يبه هذا مستقبلي لا توقف بطرقي
أبو محمد يعصب : اه ياقليلة الحيا تقول اني اوقف بطريقك وانا اللي ابي مصلحتك صدق ماعرفت اربي
ريوف : يبه ماقصدت كذا بس انا من زمان نفسي اكمل دراستي برا وبعدين انا بروح عند عمي ماني رايحه عن حد غريب
أبو محمد وهو يقعد :قصدتي والا ماقصدتي مايهمني وتبين نثقل على الرجال وبعدين ويش فيها بلدنا ماتدرسين فيها
ريوف : مافيها شي يبه بس برا التعليم متطور اكثر من كذا بكثير
أبو محمد : انا قلت لا وكلمتي مااثنيها
ريوف : تكفى يبه حتى بنت عمتي ساره بتروح
أبو محمد : قلتيها بنت ساره ماهوب بنتي
ام محمد : خلاص ياريوف روحي صحي خواتك
يوف بقهر : ان شاء الله
أبو محمد : اتفقت مع خواني نروح المزرعه عند امي هالاسبوع ونقعد عندها
ام محمد : اللي تشوفونه
تعريف بعايله أبو محمد < سالم >
مرته فاطمه
وعياله : محمد 32 / وسعد28/ وخالد 15 اخر العنقود
البنات : مها 25 / ريوف 19 سنه
ام امل : وجع ان شاء الله ان ماقمتو الحين بجيب مويا بارده
ريماس نطت مفزوعه : خلاص قمت قمت
ندى : امي خليني شوي بس
ام امل : شكلك ماتفهمين
قامت ندى بكسل : خلاص قمت وربي قمت
ام امل : بسرعه عشان بنروح لامي
ندى بقهر : يمه الله يهداك كل القومه اخر شي بنروح لجدتي قبل يومين كنا عندها طفشنا خلاص
ام امل : تقومين يعني تقومين وتروحين ورجلك فوق راسك فاهمه مافيه نقاش طلعت من الغرفه وتركتهم
ريماس التفت على ندى : بالله وش هالحظ كل يومين واحنا ناطين عند جدتي
ندى : مو مثل اخواني من ابوي شوفيهم كيف مستانسين مالت علينا
ريماس : اقول امي لا تسمعك .. وبعدين ندى اللي تكره ابوي والا حن قلبك الصخر
ندى : ايوه اكرهه وبقعد طول عمري اكرهه وقلبي لو يحن على ابليس مايحن عليه ارتحتي قامت ندى بضيقه ودخلت الحمام
ريماس : اف وانا ايش قلت غير ان جبت سيرة ابوي
في الصاله
عزوف : ضروري يعني نروح اف
مها : خلاص فكونا ناسين ان امي توها طالعه من العده وقتها كلها كانت قاعده بالبيت
ندى وهي تقعد : ايه تطلع بس مو ببيت ثاني نروح نتمشى مو لبيت جدتي
مها : اقول لا تسمعكم امي وتصك كل وحده فيكن كف
عزوف : ولا بكره اربعاء يعني ابوي بيجي ياخذ 2 منا
ندى : وانتم لازم تجيبون هالسيره فكونا
مها :لازم نرضى بالواقع وننطم
ريماس : والله ظلم نروح عنده ليش ماعنده بنات غيرنا
لمى : ياهوه نسيتي ذولك بنات لطووف الله مايقدر على فراقها اما احنا بنات ساره لنا الله
ندى معصبه : امي احسن منه ومن اللي جابوه
صوت يقاطعهم بحده : خلود كم مره قلت لك لا تكلمين على ابوك بهالشكل
ندى : اكره اكره ماتفهمون مااطيقه
ام امل عصبت : خلود انطمي احسن لك وجعع ناسيه انه ابوك
ندى : ابوي بالاسم بس
ام امل : خلاص انكتمن وامشن قدامي السواق برا
بيت مشعل
عساف : نفسي اروح ازور خواتي
سلاف : ايوه حتى انا نفسي اشوفهم
احمد ياهوه ناسين ان ندى قنبله تنفجر لاشافتنا
سلاف : ماهو من حقها تحملنا خطاء ابونا
جواهر وهي تقعد : قصدك خطاء امي
احمد : امي ضغطت على ابوي وهو طلق خالتي بس احنا مالنا ذنب باللي يسويه ابوي فيهم
عساف : واحنا ننطم مااحنا قادرين نوقف ابوي ولا نكلم امي عن اللي تسويه بخواتي
ريم : انا يحزنوني لما يجون وامي تشغلهم
جواهر : بس ندى ماتسكت ولا تحب تسكت تذكرون كم مره تهاوشت مع امي وابوي
ريم : اصلا كل ماجت تتهاوش معهم وتاكل لها ضرب من ابوي واحنا نتفرج
دخلت عليهم امهم اللي حاطه عبايتها على يدها بتطلع : سمعوني يابنات ماابي ولا وحده فيكم تسوي شي الين بكره لما يجن بنات ساره هن يشتغلن فاهمات
البنات مافيه وحده ردت على امها وطلعت لسهرتها وتركتهم
..
تعريف بالعايله
مشعل متزوج2 الاولى لطيفه
عساف 32 / سلاف 27/ احمد24 / جواهر21 / ريم 17
الثانيه ساره وطلقها من بعد المحاكم عنده منها بس بنات
امل 25 /سعاد 25 /ندى 22/ عزوف 20/ ريماس 19/ لمى 17
..
..
..
في بيت الجدة
الجدة : يعني يابنت ياريماس لازم تروحين هالبعثه
ريماس : يمه مابراسي ماي رايحه رايحه الله لا يعوقني بشر
ندى : بعدين ريماس ماحسبت مشعل يوافق تبينيها تغير رايها الحين
ساره : ندى انتي ماتفمهين تراه ابوك
ندى : وانا مااحسه ابوي بالله ويش شفنا من وراه غير المصايب الله ياخذه ويفكنا منه
البنات شهقوا وساره اعطت بنتها كف : عشان المره ثانيه تعرفين كيف تكلمين عن ابوك
ندى : اب بالله ويش سوى لنا غير يرمي علينا المصايب وين حنانه اقل شي وهو انه يصرف علينا مايصرف وراء ذلك تبيني احترمه ويش الشي اللي سواه لنا يخليني احترمه
ساره سكتت ماتدري ويش تقول
ندى : يمه حتى البيت اللي احنا ساكنين فيه انتي اللي تدفعين الايجار وهو ماكلف نفسه يسال علينا همه بنات لطيفه وبس واحنا كلنا بالطقاق لو نموت من الجوع عادي عنده
دخل حمد : السلام عليكم
الكل : وعليكم السلام
حمد : كيف حالك ياساره
ساره : بخير الحمد لله وانت ويش اخبارك انت والعروس
حمد : أي عروس وزواجنا كل شوي يتاجل الله يعين بس
ساره : ماعليه يااخوي ربي يصبرك
حمد : على فكره قبل ماانسى ترى مشعل بكره بيجي ياخذ ندى وريماس
ندى صرخت : نعم نعم هذا اللي كان ناقص اروح مع الشيبه عند عجوز النار
ساره ماسكه اعصابها : بتروحن انتي وريماس
ندى : ويش يحملني اقعد عنده يومين
ساره : بلا اعذار مالها داعي بتروحين يعني بتروحين
ندى : طيب بس والله اذا فقعت عين احد والا كسرت يده والا رجله مالكم دخل فيني لو اعفن بالسجن اهم شي افتك من هالابو
حمد بصراخ : ندى انكتمي
ندى منقهره : الله والزين في هالشيبه عشان تدافعون عنه انت وامي
حمد : ندى انطمي لاقوم اكفخك
ندى : خلاص بنطم
..
الجدة تصير أم محمد / عبد الله / ساره / حمد خاطب اخت مرت اخوه عبدالله / فارس / هديل
..
..
..
بيت عبد الله < أبو فيصل >
أبو فيصل يكلم مرته وعياله اللي قاعدين : ترى هالاسبوع بنروح للمزرعه كلنا ومعنا امي واخواني
أم فيصل : على خير ان شاء الله
فيصل : يبه ماكلمت عمي عشان سعاد
أبو فيصل : اصبر علي ياولدي على ويش مستعجل
أم فيصل : خلنا نفرح فيه ياابو فيصل ونشوف عياله
أبو فيصل : ان شاء الله قريب بس خلوني القى فرصه عشان اكلمه
فيصل : الله يعين
خلود : ابوي نبي نروح لجدتي الحين عندها عمتي ساره وبناتها
أبو فيصل : يعني ماهو عشان امي عشان بنات ساره
خلود : لا ابوي مو قصدي كذا
ابوفيصل ويش الفرق بكره الربوع ونروح المزرعه وتشوفينهم
خلود : يبه وش فيك نسيت ان ابوه ياخذ ثنتين منهم
أبو فيصل : وانتي لازم تبينهم كاملات يكفنك 4
خلود عرفت ابوها ماراح يوافق : خلاص ان شاء الله
..
عبد الله ومرته عايشه
فيصل 28/ ياسر 25/ سهام 22/ خلود 17 /بعدين أم فيصل اخذت فتره ماانجبت وبعدها ولدت مروان 6 سنوات
..
..
..
..
يوم الاربعاء الظهر ريماس وندى قاعدات في الصاله ينتظرون ابوهم اما باقي البنات يجهزن لروحة المزرعه
ندى : احس اني رايحة لحرب مو بيت
ريماس : انا بموت من الخوف
ندى : انا لما اشوف امهم ودي اكفخها
ريماس : تكفين ندى لاتهاوشين معها اخرتها انتي اللي بتنضربين
ندى : تبيني اقعد عندها شغاله بالاحلام ياحياتي
سمعن صوت الجرس وقامن كلهن وطلعت شافوا عساف ينتظرهن عند الباب
عساف : السلام عليكم
ريماس : وعليكم السلام
ركبوا السياره وندى ركبت وراء تكره كل اخوانها من ابوها وماتطيقهم اما ريماس ركبت قدام
عساف : كيف حالكم
ندى : بشر عندك مانع
عساف : افا ليش
ندى : عشانا معاك وبنروح لشايبكم وامك عجوز النار وبيتكم المعفن ارتحت الحين
عساف سكت مايبي يتهاوش معها
وصلوا بيت ابوهم ونزلوا ومعاهم شنطه فيها اغراض ليومين بس دخلوا مع فارس لشقه الفخمه المؤقته لان ابوهم يبني فله لهم للطوف طبعا
دخلن مع اخوهن ولقوا الكل مجتمع بالصاله عدا ابوهم ندى ابتسمت وريماس خايفه ومتمسكه فيها
لطيفه : السلام لله يابنات ساره
ندى : والنعم والله ببنات ساره
لطيفه : ايه مره
ندى ماسكه ضحكتها : ماشاء الله عندكم جو عائلي فضيع
لطيفه رافعه حاجب : تتريقين حضرتك
ندى : لا استهزء ههه
لطيفه : اقول الشغل ينتظركم
ندى : لا ياشيخه شكلنا بنبدى هالمره من بدري
لطيفه : اكيد بتبدون من بدري
ندى : اسمعيني احنا ماجينا هنا عشان نشتغل عندك انتي وبناتك اصحي هيه احنا بنات ساره
لطيفه : وجع فيك انتي وامك
ندى عصبت : شوفي سكت لك يوم تكلمتي علي لكن على امي والله مااسكت لاافقع وجهك ذا اللي كنه مهرج من كثر الالوان
لطيفه انقهرت : ليه يعني قوليلي ويش بتسوين
ندى : انا مااقول انا اسوي يالطوف
دخل مشعل على كلمة ندى وقال بصراخ : ندى
ندى التفت عليه : اف يبغى لك غطرفه وتصفيق زين تعرف اسمي
مشعل : اه ياقليلة الادب صدق مااعرفت اربي
ندى انفجرت ضحك : ههه وين ياهوه اصحى ترى انا بنت ساره مو انتي اللي ربيتني انا امي ربتني وربتني احسن تربيه
مشعل : ايه مره واضح اكبر دليل لسانك اللي يلوط اذانك واخلاقك العاليه اللي تتعاملين فيها
ندى : طبعا اخلاقي عاليه وغصب عنكم كلكم الا معكم انتم لان المفروض الواحد اللي تعامل معكم يتعامل باسلوب زفت مو احترام
جاء مشعل واعطى ندى كف وبدى يضربها كالعاده << ندى هي الوحيده اللي تنضرب من بين خواتها لانها ماتسكت عن حقها اما خواتها يسون كل شي ينقال لهم بعدا عن المشاكل >>
..
..
..
في المزرعه بعد المغرب
العوايل مجتمعه وسوالف وضحك وفلة حجاج
هديل : اقول ساره بناتك ماكلموك
ساره : لا
هديل : الله يعينهم
لمى التفت على سعاد وعزوف : اتحدى اذا ماكانن متكفخات الحين
عزوف : انا خايفه على ندى تعرفون ريماس مسالمه مثلنا لكن ندى الله وكيلك
سعاد : انا بروح ادق عليهم قامت سعاد وطلعت برا ودقت على جوال ندى بس اللي ردت ريماس
ريماس : الو
سعاد : هلا ريماس كيف حالكم
ريماس وهي تبكي : مااحنا زينات
سعاد خافت : خير ويش اللي صار
ريماس : اول ماجينا تهاوشت ندى مع لطيفه بعدين مع ابوي وضربها وبعادها جلست اكرف بالبيت لحالي وتوني خلصت احس اني متكسره
سعاد : طيف ندى كيفها الحين
ريماس : زينه
سعاد : الله يعنين ويعدي هاليومين على خير
ريماس :يارب والله اني خايفه على ندى
سعاد : خليك عندها
..
..
..
في بيت مشعل
ريماس كانت تكلم الجوال وندى منسدحه دخلت لطيفه والتفت عليها ريماس وقفلت الجوال من غير ماتقول شي

لطيفه : عسى اعجبك الضرب ياهانم

ندى مقهوره وتبي احد تحط حرتها فيها قامت بسرعه واعطت لطيفه كف قوي

انصدمت لطيفه وهي حاطه يدها على وجها : تعطيني كف ياقليله الادب وبداء النزاع بينهم بس ندى كانت تغرز اصابيعها بوجه لطيفه الين مانزل الدم قامت لطيفه وشافات وجها وراحت تجري لغرفتها وصحت زوجها وهي تصارخ : شوف بنتك ندى ويش سوت فيني
شافها مشعل وقام معصب راح طيران للمطبخ وحط الملعقه بالنار الين ماجمرت وراح لغرفة بناته فتح الباب بقوه وكلهن التفتن عليه ندى كانت لابسه بلوزه لنص عضدها ساده بازارير من قدام سحب البلوزه من عند حلقها وحط الملعقه على كتفها صرخت ندى بقوه وهي تبكي وابوها يضربا ماكفاه الحرق يضرب فيها من كل مكان الين مابرد حرته وطلع راحت ريماس تجري لاختها : ندى ندى
ندى وهي تبكي : الله يشل يدينه الله لايوفقه لا هو ولا مرته
ريماس تبكي معها : خلاص ندى قومي تكفين
ندى : الله لايوفقهم استضعفونا عسى ينشل ونفتك منه والله لافرح وقتها
ريماس : خلاص واللي يرحم والديك خ..
قاطعتها ندى : لا تقولين يرحم والديك قولي امي اما مشعل الله لايرحمه
ريماس : طيب خليني اشوف جرحك
فتحت عن كتف اختها وشافت الحرق اللي من كتفها ونازل شوي كان منظره مش ولابد لون الجلد اللي صاير اسود
جوال ندى يدق وماوقف اتصالات من سعاد قامت ريماس وراحت المطبخ تدور أي عصار حروق تحطه على حرق اختها
دخل عليها عساف : ويش تدورين
ريماس انتفضت من الخوف : ابي عصار حروق
عساف استغرب : ليش
ريماس : ابوي حط ملعقه حاره على ندى
عساف انخلع وراح يجري لغرفة خواته ولحقته ريماس
عساف : ندى ايش فيك
ندى اللي كانت حاطه يدها على كتفها : مالك دخل فيني
عساف عصب : حلوه مالي دخل
ندى : تبي تسوي شي زين ودنا لامي مانبي نقعد هنا وقتها ماانسى لك جميلك
عساف يفكر : طيب بشوف ابوي اول شي
ندى : اجل لا تعب نفسك راح يقولك لا
راح عساف ودق الباب وفتحت الباب امه : يمه وين ابوي
فتحت الباب كله وكان ابوه جالس راح وقرب منه : يبه تكفى خلني اودي خواتي لامهن
ابوه وقف معصب: لا يعني لا
أم عساف بصراخ : الا خله يوديهن وش تنتظرن لما يذبحني ماابيهن ببيتي ولا دقيقه
أبو عساف : خليهن عشان اربيهن
أم عساف : ماابيهن ماابيهن .. التفتت على عساف : ودهن ماابيهن
طلع عساف وراح لغرفة خواته : بسرعه البسوا
نطت ريماس : يعني بتودينا لامي
عساف ايوه
ندى قامت بشويش وراحت لها ريماس تساعدها البسوا وطلعوا مع عساف
بالطريق وقف عند صيدليه واشترى مرهم و قطن ولصقه
ورجع السياره
عساف : هذا مرهم تحطينه على الحرق وبعدين تحطين عليه قطن ولصقه
ندى : ان شاء الله بس ترى امي مو بالبيت
عساف : اجل وينها
ريماس : كلهم راحوا المزرعه
عساف : ماهو مشكله اوديكم هناك
عساف متفشل عشان كذا قرر يوطيهم ويروح بسرعه
..
..
..
هذا الجزء الاول من قصتي ان شاء الله تكون عجبتكم البدايه
انتظروني بالبقيه
استغفر الله العظيم من كل ذنب عظيم
دمتم بود