روايه جروح هند لا تفوتكم

1. لمى :- أخت هند الصغرى عمرها 4سنوات دلوعه البيت

هذي أول قصه اكتبها فى حياتى بس قلت بجرب واكتب اذا جاز لكم اول جزء كملت ولا ماجاز وقفت بس أبي رأيكم بصراحة بدون مجاملات
قصتى كلها تدور حول فتاه سعوديه اسمها( هند )
ابدأ بتعريفكم بعائله هند
الأم :- اسمها رحاب أم طيبه جدا حنونه وقريبه لبنتها هند
الأب :- اسمه محمد دايم الانشغال بعمله لايأتيهم آلا في نهاية الأسبوع بسبب ظروف عمله

لمى :- أخت هند الصغرى عمرها 4سنوات دلوعه البيت

هند (بطله القصه ) :- عمرها 17 سنه جميله حيل العيون الواسع وبشرتها بيضاء عيونها كنها مكحله ومملوحه حيل يعنى جذابه أي احد يشوفها >>> يفتح فمه من جمالها اما اخلاقها طيبه حيل بس فيها صفه ماهي حلوه عنيده جدا
نبدأ القصه
فى الصباح الباكر كاعاده رحاب تذهب لحجره بنتها هند لتوقظها من نومها حتى تذهب الى مدرستها
الام :- هند هند هند قومي تأخرتى بسرعه السايق جاهز وانتى نايمه ماصارت لازم يعنى معاناه لجيت أصحيك
هند وفيها النوم :- ماما عطينى خمس دقايق واقوم على طول
الام :- بعد تبين خمس دقايق !!!!!! اقول قومي من النوم وماراح اتحرك لين تقومين
هند وهي تقوم من السرير :- يوه خلاص قمت
الام نزلت تحت وهند ذهبت للحمام (وانتم بكرامه ) تغسل وجها ثم لبست مريولها حق المدرسه وضعت مسكرا لانها تحب تكون فى قمه الجمال >>> وانتى ياهند ناقصه جمال خ علشان تحطين مسكرا
هند وهي تنزل بسرعه من الدرج متوجه الى باب الشارع امها تناديها بصوت عالي هند والفطور
هند :- معليش ماما ابفطر بالمدرسه
وسكرت هند الباب وراها
الام فى خاطرها :- البنت هذي بتجيب لي المرض
فى المدرسه
هند توها داخل تفسخ عبايتها بهدوء جدا سمر اول ماشافت هند ( سمر صديقه هند الروح بالروح وهي بعد جميله ومملوحه بس ماتجي لمستوى جمال هند )
سمر تصارخ :- صباح الخير هند تو الناس كان تأخرتى هالحين بيرن الجرس توك تجين
هند وهي منقهره :- اوه سمر بعدين معك الظاهر أمي موصيتك تكملين كلامها فى المدرسه
سمر وهي تضحك :- ههه طيب خلي الهذره وبسرعه الطابور
فى بيت هند
رحاب تكلم زوجها محمد بتلفون :- محمد ماهي بحاله متى تجي الحمل زاد علي
محمد :- رحاب ماصارت كل ماتكلمينى تقولين نفس الكلام ماتعودتى على بعدي لهدرجه انا غالي عندك
رحاب وهي منحرجه :- ايه غالي بس وجودك بالبيت مهم لاتنسى هند كبرت وفى سن مراهقه لازم تكون بالبيت ثلاثه ايام بالأسبوع على الاقل
محمد :- عارف والله بس شاسوي الأشغال ماتخلص المهم إخبار بناتي
رحاب :- لمى شغل بروحها صارت شقيه هاليومين حيل وهند يافي المدرسة واذا جت بالبيت يانايمه ياعلى التلفون
وهكذا الام تشرح لزوجها محمد معاناتها مع بناتها .......
فى المدرسه
سمر وهى تصيح :- هند انا ماعاد اتحمل مصخره البنات علي وش ذنبي انى مريضه الله اللي كاتبه
هند وهي تحاول تهديها :- ماعليك منهم والله ماوراهم الاالهم وربي راح يبلاهم
شوفي ياسمر الواحد لازم يصبر على امر الله والمرض ماهو عيب وصدقينى بكرا راح تشفين وتقومين بالسلامه صدقينى راح اذكرك.
( طبعا تتسألون وش مرض سمر .. سمر مريضه بالقلب عندها ضعف فيه من وهي صغيره )))
هند :- يالله سمر بطلع هالحين السايق جاء راح اكلمك اليوم بالتلفون واكيه
سمر : طيب انتظرك الليله
هند وهي تلبس عباتها : سي يوو
هند وهي تركب السياره:- يالله مصطفى حرك بس لاتروح للبيت على طول روح لمحل الحلويات بشتري لمى نسيت اشتري لها من المدرسه
مصطفى ((مصري )):- اوكيه انسه هند
وصل مصطفى للمحل ونزلت هند مسرعه ودخلت فى المحل وهي تشتري ومانتبهت انه فى واحد قدامها يشترى وعلى طول تصادموا هند وهي طايحه على الرجال طاحت غطوتها
الرجال مصدوم وهند موقفها صعب قامت على طول وغطت وجها >>> بعد ايش شافها الرحال وشبع
هند وهي منحرجه :- اسفه ماكان قصدي >>> طبعا عيونها فى الارض
الشاب :- لاعادي اذا ودك سويها مره ثانيه ماعندي مانع
رفعت هند رأسها وهي مصدومه كان الرجال وسيم حيل وجذاب وجرئ جدا
هند وهي منقهره :- صدق انك سخيف مالت علي يوم اعتذرت لك
الشاب وهو يقرب منها :- حلوه ولسانها طويل
هند :- حدك لاتقرب ولا اصارخ عليك
الشاب :- ههه على بالك هامتنى لا والله بس على فكره حركت الطيحه واضح انك قاصدتها ههه
هند وهي معصبه عطت الرجال كف محترم وهو مسك يدها قبل لا توخرها وقربها من فمه وباسها بقوه حيل وهند مصدومه منه
ومشي وخلاها
هند نست كل شي ومشت طالعه من المحل وركبت السياره وهي تحس انها مخنوقه
يوم وصلت للبيت دخلت وهي معصبه ولا انتبهت انه فى سياره غريبه قدام البيت وهي تنزل عباتها وتنادي امها : ماما...ماما
الا وفي رجال طالع من المجلس عمره تقريبا 50 او اكثر شافته هند وانصدمت وقال الرجال :- انتى اكيد هند والله وكبرتى ياهند وحلويتى
هند بتعجب وهي تحاول تغطي وجهها
الرجال مد يده لطرحت هند وقال :- لاتغطين أنا ...........
الا وسمعوا صراخ قوي وراء الرجال هند بخوف تناظر مكان الصراخ
وش راح تتوقعون من الرجال ؟
وش هو هالصراخ ؟
هل هند بتنتقم من الشاب اللي شافته بالمحل ؟