روايه قلوبن في هوى الحب ذابت

... الجزء الثاني ...‏
‏ ‏
اليوم الخميس الساعه 2 ونص الظهر البنات ‏كلهم قايمين ومرتبشات وكل شوي وحده تدق ‏على الثانيه وكل من ام عبد الرحمن وام سعود ‏وام يزيد مشغولين في المطبخ ‏
اما العيال مو جايبين خبر عادي عندهم ‏
حلا : ايه ولع تكفين وش البس معها الاحمر ولا ‏الزهر
ولع وهي تاكل : بكيفك اللي يعجبك ‏
حلا : يوه ما لقيت الا انتي عطيني دلع ‏
ولع : دلوعه تعالي خذي بنت عمك ‏
جات دلع : هلا بحلا خير وش عندك ‏
حلا : مااش الاخلاق خربانه المهم وش البس ‏الاحمر ولا الزهر مع البدي هذااك ‏
دلع : ام انا اقو ل الاحمر بيطلع عليك يهبل ‏بس شوفي اللبس المناسب لك لازم تكشخين ‏يمكن احد عيال عمك يطيح فغرامك ‏
حلا : صدق وحده فااضيه لا غرام ولا الجوري ‏حتى يالله ضفي وجهك باي ‏
دلع : مو منك من اللي يعطيك رأيه يالله باي
وعلى الساعه 3 العصر الكل رااح يجهز لانهم ‏بيحركون على الاستراحه الساعه 5 علبال ما ‏يوصلون وعلبال ما يوقفون عند المحطه ‏وحوستهم ‏
كل وحده من البنات راحت تتسبح وتتجهز ‏بالنسبه لغرام لبست تنوره لتحت الركبه بشوي ‏لونها اسود ولبست بدي سيور ابيض وعليها ‏اكسسوريز ورفعت شعرها بطريقه عشوائيه ‏بحيث الباقي نازل على ظهرها وجعدته ونزلت ‏خصل وحطت ميك اب خفيف ولبست بوت ‏اسود كعب عالي ابيض طلعت مره تهبل ....‏
اما عند دلع وولع .. دلع لبست بعد تنورة ‏قصيره لونها فيروزي ولها حزام عريض ذهبي ‏يلمع ولبست بدي بدرجات الفيروزي وعلى ‏الرقبه ويطلع البدي ضيق من عند الخصر ‏ومنكوت من النص وكت وحطت فيدها من ‏فوق اسوره ذهبيه تلمع ولبست اكسسوريز ‏ذهبي وكعب فيروزي عليه لمعه ذهبي وخلت ‏شعرها سايح على جنب وحطت طوق فخم ‏ذهبي وطلعت روعه ‏
اما اختها ولع لبست برمودا لو ويست ذهبي ‏وفيه خيوط متدليه وعليه بدي احمر حرير ‏مفصل جسمها طبعا سيور واكسسوريز ذهبي ‏ولبست صندل احمر << ما تحب الكعب . اما ‏شعرها فلأنه قصير سوته قرنين بطريقه مبهذله ‏مع الغره طلعت حلووة وجذابه ‏

نروح في بيت ابو سعود عند الجوري وحلا ‏
الجوري لبست تنورة قصيره حمرا منتفشه من ‏تحت وبدي اسود حرير ينربط كله من ورا ‏ويبان شوي من ظهرها ولبست اكسسورز حمرا ‏وبوت اسود ‏
وشعرها رفعته لبست طوق احمر ونفخه والباقي ‏كله سايح ومسويته بيرم صارت اكثر حلاوة ‏
اما حلا فحتارت وش تلبس يوم شافت اختها ‏لابسه الاحمر ما تبي تكون زي احد فحبت ‏تكون غير عن الكل لبست فستان حرير اسوود ‏لحد الركبه وسيقانها طالعه طريقه الفستان من ‏ورا حبال حطت بدالها شرايط فضي لميع طبعا ‏الفستان مافيه كتوف اخذت معها زي الجاكيت ‏شفاف وبلمعه عشان تلبسه لا راحت هناك ‏وعندها تاج صغير فضي لبسته بعد ما جعدت ‏شعرها القصير وطلعت ملاك بخت شعرها ‏بخاخ لمعه ولبست اكسسورز فضي وكعب فضي ‏وقرت على نفسها << موسوسه خ‏
على بال ماخلص الجميع كانت الساعه 4 ونص ‏
‏ طلعوا بيت ابو سعود اول ناس لانهم اتفقوا ‏يوقفون عند محطه معينه عشان يكملون بعدين ‏سوا ‏
وبعدين بيت ابو عبد الرحمن اما في بيت ابو ‏يزيد ‏
ولع تركض لاختها : وين شنطتي اللي عطيتك ‏هي ذاك اليوم ‏
وزياد يصرخ عليهم : يالله يا بناات ترى يزيد ‏بيروح وابوي معصب بسرعه
دلع : ايه طيب لحظة تعالى اشوفها اووف منك ‏انتي ما تجين الا في الوقت الضايع ‏
زياد : دلووعه دلال ما رح تجي ‏
دلع : الا اتوقع تجي مووب وقتك يالله رح ‏للسياره ‏
وخذوا اغراضهم وراحوا زياد مع امه وابوه ‏ويزيد خذ البنات وراح ‏
في سياره سعوود ...‏
سعود : ها بنات اشوفكم مستانين ‏
حلا : اكيد بنستانس من زمان ما شفنا بنات ‏عمي
ام سعود : ههه وهي الصادقه خلهم يوسعون ‏صدورهم ..‏
الجوري : ايه والله نوسعها وبس
حلا : عند أي خياط ههه‏
‏ سعود : ورا ما تنقطينا بسكوتك ... ‏
اما عند يزيد ... ولع : شغله الحين
يزيد : يا سلام قومي طقيني احسن ‏
دلع : يزيد شغله خلها تسكت تراها غثتني ‏
شغل يزيد المسجل على اغنيه سواها قلبي ‏
ولع تغني : سواها قلبي يا حبيبي وحبك ما ..‏
يقاطعها يزيد : الحين بتسكتين ولا اسكر ‏المسجل ‏
ولع بصوت واطي : اعوذ بالله .. خلاص سكتنا ‏
وبعد مرور سااعه ونص الكل كان عند المحطه ‏اللي عبا بنزين واللي نزل البقاله ...عند سعود ‏حلا تصاصر اختها : وش رايك نروح عند يزيد ‏
الجوري وقلبها بدا يدق : ها لا لا خلنا هنا ‏احسن ‏
حلا : يا خبله عشان تشوفيه تاخذين راحتك ‏
الجوري : سعود بيعيي بعدين مين بيقعد في ‏السياره
‏ حلا : لا ما بيعيي انا بروح مع غرام وباخذ ولع ‏وانتي مع دلع ‏
الجوري : طيب كلميه وشوفي ‏
وكلمت حلا اخوها ووافق بعد وشو وكلموا ‏البنات بعض نزلت حلا من السياره هي واختها ‏ونزلت ولع من عند اخوها وسلموا على بعض ‏
دلع : يالله بتجين عندي ادري انو مو عشااني ‏وهي تلوي بوزها ‏
الجوري : بالله عليك وش ابي فييك ‏
راحوا حلا وولع سياره تركي مع الجوري ‏
مع العلم كانت خمس سيارات سياره تركي ‏ويزيد وابوه وابو تركي وسعود ‏
عند يزيد ركبت الجوري وهي مستحيه ‏
دلع : هيه انتي ما في احد بالسياره ليش الحيا ‏
الجوري : اوه الحمد لله احسبه موجود ‏
دلع : بالله عليك خلك ساكته ابي اشوفه وش ‏يقول ‏
الجوري : اووكي ‏
اما في سيااره تركي ركبت ولع : السلام ‏عليكم ‏
غرام وتركي : وعليكم السلام والرحمه ‏
ودخلت حلا : هاي ع الجميع ‏
غرام : اسمها السلام عليكم مو هاي
حلا : وش اسوي اذا لساني ما نطقها مو بكيفي
تركي : وعليكم الهااي وحرك تركي سيارته لان ‏الباقيين تحركوا ...‏
حلا تصاصر ولع : ودي اذبحه ما اطيقه ‏هالادمي
ولع : ايه والله وانتي الصادقه يا مصله مصلاه ‏
تركي : اخباركم بنات وش مسوين مع المدرسه ‏
ولع : تمام عال العال .. غرام: وانتي حلاو وش ‏مسويه ..‏
حلا بقهر : اولا اسمي حلا موب حلاو ثانيا ‏المدرسه انتي اخبر نحمدوو
تركي ( ياهي مغروره ) : نحمدوو يالمصريه ‏
حلا : انا كلمت غرام ما كلمتك يعني لا ‏تحاكيني ‏
تركي بنفس الاسلوب: وانا اكلم غرام ما ‏اكلمك يعني اسكتي ولا تحاكيني وتراك ‏فسيارتي يعني لو ابي ‏
حلا تقاطعه : ايه وش بتسوي مستر ولد عمي ‏
تركي ( الله يرجها ): وش بسوي بقولك ضفي ‏وجهك ‏
حلا بقهر : طيب وقفني هنا وانا بنزل من غير ‏ما تقول لان سيارتك تجيب الغلقه اذا محد ‏قالك
تركي : تدرين ان لسانك طويل ويبيله احد ‏يقصه لك ‏
حلا ارتفع ضغطها : انت الل ..‏
قاطعتها غرام : خلااص استهدوا بالله اسكتوا ‏طفشتونا
ولع : وهي الصادقه تتهاوشون كنكم بزارين ‏
سكتوا كلهم وعم السياره الهدوء ‏
اما عند يزيد ... دلع : ما شريت شي يسلي ‏
يزيد : الا الكيس مليان ولا تبين شي ثاني ‏
دلع : ام ما اقول لا ‏
يزيد : بعد والله طرار ويتشرط اقول هذي ‏وتخب عليك بعد ‏
الجوري ودها تضحك بس ماسكه نفسها
يزيد يكلم دلع : الا وش فيها ولاعه ساكته ولا ‏الاط اكل لسانها ‏
دلع : مدري عنها الظاهر انها نايمه ‏
يزيد : نايمه هذي تنوم في السيارة ولا عمرها ‏سوتها ‏
ويكلم الجوري : ها ولاعه غريبه ما رديتي علي ‏
دلع : ولع مع تركي فسيارته ‏
يزيد مستغرب : اما ولا تقولي التبنه اجل من ‏هذي ‏
دلع : من بتكون اكيد بنت عمك ‏
يزيد يناظر الجوري من المرايه : يا هلا والله ‏بنت العم اخبارك ‏
الجوري بصوت يالله ينسمع : الحمد لله ‏
يزيد : وش دعوى عااد ارفعي صوتك تراني ‏منيب اسمع زين ..‏
الجوري : الحمد لله بخير .. و و وش اخبارك ‏انت ‏
يزيد : تمامو عاال العاال ‏
يزيد : ام الا أي وحده من بنات العم ‏
دلع : بما انك ما تعرف بنات عمك فما رح ‏تعرفها
يزيد : انتي اسكتي محد حاكاك ويرجع يكلم ‏الجوري : ما قلتيلي ‏
الجوري : ا ا انا بنت عمك احمد ‏
يزيد : ايوه اكيد انتي جواري صح ‏
الجوري ذاابت ( ويدلعني بعد ) : ايه انا ‏الجوري ‏
اما في باقي السيارات فكانت هدووء سعود ‏يسولف مع امه لين غفت ... ابو عبد الرحمن ‏مع زوجته وتصبله القهوه وحااله وكل شوي ‏يدق جواله الله يالبزنس هع .. اما عند ابو يزيد ‏
زياد : يبه بيجوون ناس وااجد ‏
ام يزيد : وانت وش عليك بتحطهم فوق راسك
ابو يزيد يضحك : ههه ايه يبه بيجون ‏ناس وااجد ليش تسأل
زياد بطفش : اووف اجل الله يعيني حتى فهد ‏الغثه بيجي
ام يزيد : انت وش تبي منه بيقعد فوق راسك ‏
زياد : لا بس بينشب لي ذا البزر
ابو يزيد: انت خاله خلك قدووة له خلك ‏رجاال
زياد ينتفخ : لوو منيب رجال كان ما صبيت ‏القهوة ‏
ضحكوا عليه امه وابوه لانه هو اللي يضيف ‏الرجاجيل يعني سنع من جد ..‏
اما فسياره تركي حااله ثاانيه ‏
ولع : لا ميب حلوة ذي الاغنيه صدق ما عندك ‏ذوق
غرام : اقول طسي بس والله كلماتها مرره ‏روماانسيه اسمعيها انتي وشوفي ‏
حلا : ياي جاتكم الثانيه قال ايش رومانسيه ‏اقول لا انتي ولا هي انا اللي بختار ‏
غرام وولع : وشو ضفي وجهك بس ‏
تركي بطفش : يا جماعه الخير خلاص لا انتي ‏ولا هي انا بحط اغنيه على مزااجي اسكتوا ‏انتوا بس ‏
شغل تركي المسجل وحط اغنيه عزاه لراشد ‏الفارس لانه يحبها ..‏
حلا استانست وبرجه : ايواا هذاا الذووق ولا ‏بلااش انت اكووس شخص والله ‏
كلهم ضحكوا على الكلمه اللي قالتها ‏
تركي : اجل اعجبتك ..؟ ‏
‏ غرام : اكيد هذي من اغانيها المفضله ‏
ولع : اجل اتلم المتعوس على خايب الرجا ‏‏<<( مثل مصري ) ‏
حلا ناظرتها نظره .. ولع : خلاص سكتنا اعوذ ‏بالله ‏
وعلى الساعه 7 ونص وصلوا للاستراحه نزلوا ‏البنات والحريم وراحوا الشغالات يجيبون ‏الاغراض ‏
والرجاجيل في بيت الشعر ومعهم العيال ‏
عند الحريم يسلمون على بعض وحالتهم حاله
والبنات خذولهم غرفه مستقله كبيره شوي ‏
الجوري : ها ابفصخ عبايتي والكل يغمض ‏
ولع : الحكايه بالدور ورا ما نفصخ مع بعض ‏اصرف
غرام : ايه جبتيها احسن شي ‏
وبالفعل فصخوا عباياتهم وكل وحده مبهوره ‏بالثانيه
دلع : واو ماشاء الله تجننين يا حلا وانتي ‏يالجوري ماشاء الله عيني عليكم باارده
حلا : ادري اني اجنن شوفوا غراام انتم ماشاء ‏الله ‏
الجوري : تسلمين وولع اووهو تطورات والله ‏وصرنا حلوين بعد ‏
ولع : عاالم فااضيه وجات بتطلع
غراام : على وين ياا حلو
ولع تستهبل: ابروح اتلزق عند اميمتس يمكن ‏تخطبلي واحد من اخوانك ‏
كلهم ضحكوا عليها ‏
راحوا البنات عند الحريم اول ما دخلوا
ام سعود تناظر دلع : ماشاء الله لا اله الا الله ‏عيني عليك بارده طالعه قمر ‏
وام يزيد : ايه والله ماشاء الله عليهم حلوين ‏
ام عبد الرحمن بإعجاب : اقروا على نفسكم يا ‏بنياتي عن العين ‏
البنات يضحكون عليهم وراحوا يتمشون في ‏الحوش .. الاستراحه كانت كبيره جدا جدا ‏وفيها مزرعه يعني اللي ما يدل يضيع فيها طلعوا ‏البنات وكان فيه زي الحديقه فيها مراجيح ‏وكذا قعدو في الارض على العشب يسولفون ‏
حلا : وش ذا علبالكم الحين كبار وقاعدين يالله ‏قوموا نلعب ‏
ولع : وانتي الصادقه يالله قمنا ‏
‏ غرام : والله انكم بزارين ‏
الجوري : الشرهه على اللي يدخلكم مدرسه ‏بدري ولا انتوا وجيه ثالث لا ومعنا بعد ‏
دلع : اخ بس صاروا يقارنونا مع بزارين ‏
حلا : يا شينكم لا تفلسفتوا وراحت هي وولع ‏يتمرجون ..‏
اما في الخيمه ابو عبد الرحمن : يا تركي رح ‏جيب القهوه ‏
تركي يتمنذل : يبه هذاهو زياد حالف انه ‏يجيبها
زياد لف عليه بقووه وطير عيونه: انا ما قلتا ‏عمي تراه ينصب عليك
ابو يزيد : قم يا زياد انت احسن منه قم الله ‏يوفقك
انقهر زيااد وقام يتوعد تركي وهو يضحك عليه ‏‏: على امرك يبه
سعود بنذاله : زيااد تعاال اجلس هذاهو تركي ‏بيقووم يقولك استريح استانس زياد وجلس اما ‏تركي قام غصب عنه لانه ابوه وعمه يسمعون ‏خاف لا يهزؤونه بعد هو الكبير
اما يزيد جاله اتصال واستأذن منهم ‏
‏ عند البنات حلا وقفت : بنات من يقوم معي ‏
ولع : على وين سرى الليل ‏
حلا بابتسامه : ابروح اسوي استكشاف ‏
البنات كل وحده : روحي لحالك .. ما عفنا ‏اعمارنا .. اللي يسمعتس تدلين الاستراحه
حلا لفت على ولع : وانتي بتجين ‏
ولع : مع السلامه والالب داعيلك ‏
راحت حلا تتمشى تحب المغامرة والاستكشاف ‏راح تلف لحالها مشت مساافه كان فيه انوار ‏بس خافته شوي الا تسمع احد يتكلم ‏
يزيد : قلتلك يا عمري بعدين الحين مقدر
سحر بزعل : طيب خلاص بعدين ‏
يزيد : لا ما اتفقنا على كذا اذا بتزعلين ماراح ‏اسكر لين ترضين ‏
حلا تسمع وهي متفاجئه معقوله هذا واحد من ‏عيال عمي خلني اشوف مين ‏
مشت حلا لين صار ما بينها وبينه الا شجره هو ‏كان وراها ومع الخرفشه سمع يزيد ‏
يزيد : اقول عمري اكلمك بعدين الظاهر ان ‏احد جا .. وسكر منها حلا حست انه بيسكر ‏فقالت انفذ بجلدي وجات بترووح الا تسمع ‏صوته : على وين
حلا خاافت : ا ا ابب ابروح للبنات عن اذنك ‏
يزيد : اول اعرف من انتي وراح تقدم لها
حلا كانت منزله راسها وخايفه جا يزيد وقف ‏قدامها
حلا رفعت راسها وناظرته ‏
يزيد ذاب وش ذا الحلا وش ذا الجمال قمر ‏ونزل للمزرعه : انتي ملاك ولا انسانه ‏
حلا بقهر من وقاحته : صدق انك وقح وجات ‏بتروح
يزيد قرب : لا لا امزح معك الا انتي وش ‏تقربيلي ؟
حلا ( وش ذا التخلف ) : بنت عمك ‏
يزيد : اجل عندي بنات عم كذا ولا انتبه صدق ‏مالت علي ..‏
حلا عصبت: انت واحد قليل ادب ولا عنده ‏احترام لبنات عمه فاحسن لك روح عني قبل ‏لا اناديلك اخوي يتفاهم معك ‏
يزيد بابتسامه : كل شي منك حلو يا حلو طيب ‏وش اسمك ..؟
حلا بقهر : للاسف اختي ما عرفت تختار يوم ‏حبت رح للي كنت قاعد تحاكيها وراحت عنه ‏حلا وهي معصبه على الاخر ‏
اما يزيد وقف مكانه منصدم ( اختي ما عرفت ‏تختار يوم حبت ) ‏
‏: اختها مين اختها وحبت حبتني انا وانا ويني ‏توني اعرف بس مصيري اعرف من هي وراح ‏يزيد للخيمه وكلامها شاغله ‏
حلا يوم راحت ما قدرت تروح عند البنات ‏حاسه بخوف ورجفه وريقها نشف راحت ‏المطبخ من ورا عشان لا يشوفونها البنات ‏دخلت المطبخ وكان في الشغالات ‏
حلا بسرعه حاطه يديها على قلبها : ا ا ابي ‏مويه .. ‏
غمضت عيونها : هني جيبيلي مويه لو سمحتي ‏
تركي كان عند الثلاجه تفاجئ بالصوت و ‏التفت ‏
قال فنفسه اقطع يالزين وش ذا الجمال لا اله ‏الا الله من هذي ووش فيها كذا ..‏
هني : مسز هلا هدا مويه تفزل ‏
تركي جات الاجابه لحد عنده هذي حلا اللي ‏كنت اتهاوش معها مساع والله كبرت واحلوت ‏
حلا فتحت عيونها وهي تشرب الا تشوف تركي ‏قدامها حطت الكاس ووقفت مكانها مصدومه ‏
تركي حس على نفسه ونزل راسه ‏
حلا بصدمه وخوف : انت وش جابك هنا ..؟
تركي : انا هنا قبلك انتي اللي وش جابك ‏
حلا ما تكلمت وطلعت على طول من المطبخ ‏
وطلع تركي وراها على طول ‏
تركي : حلا .. حلا وقفت وهي معطيته ظهرها ‏
تركي : اسف على لقافتي بس وش فيك كذا ‏مرتبكه وخايفه ..؟
حلا ( اقوله ولا ما اقوله طيب هو وش دخله ‏فيني هو صديقه ولازم اقوله ) لفت عليه : ‏شوف انا بقولك بس مو لاني مهتمه لا .. انا ‏بقولك لانه خويك واذا ما وقف عند حده له ‏حساب ثاني ‏
تركي بقهر : منهو ذا ..؟
حلا تقولها بقرف : ولد عمك اللي اسمه يزيد ‏ابيك توصله هالكلمتين يحطها حلق فإذنه ‏قوله تقولك بنت عمك هالوقاحه وقله الادب ‏مو علي انا ‏
‏( خنقتها العبره ) تحسب ان ابوي متوفي يعني ‏ما وراي ظهر لا يا بابا عندي اخوي سعود يقدر ‏يوديه ورا الشمس ويكون في علمه انا اذا ‏سكت ابسكت بمزاجي لكن والله ان كررها ‏مره ثانيه له حساب ثاني معي ودقتله تحيه ‏بيدها سلام وراحت
اما تركي منصدم من كلامها تتكلم بقوه عين ‏وبثقه بعد اما انت ياليزيد حسابك عندي يا ‏الخسيس وراح بعد ما خذ القهوه ‏
عند الحريم .. ‏
ام عبد الرحمن : الا دريتوا من بيجي اليوم
ام يزيد باهتمام : مين ..؟
ام عبد الرحمن : بيجي ابو محمد اللي ساكن ‏ببريطانيا بيجون هنا يستقرون ‏
ام سعود : عز الله جوا بمشاكلهم ‏
ام يزيد : والله انك صادقه حنا ناقصينهم بعد ‏ولا بيستقرون بعد
ام عبد الرحمن : الله يعين بس ‏
ام سعود : الا متى بتجي يمه منيره << ام ‏رجلها ينادونها يمه ‏
ام يزيد : الظاهر انهم بالطريق ‏
‏ ‏
في الحديقه ..‏
غرام : يا شيخه قهرتني وتقولها بكل ثقه ممكن ‏نصير اصحاب ..‏
دلع : هالنوعيات موجوده بكثره في المدرسه ‏
الجوري : بس تبون الصدق يخوفون ‏
ولع تقاطعهم: الا وينها حلا وحشتني ‏
غرام : بسم الله ما امداك توها راحت ‏
ولع بحزن مصطنع : بلاكم ما تحسون راحت ‏من زماان ‏
الجوري : خلك منها الحين تنط ما تعرفونها ‏قطو ‏
وعلى جية حلا الكل قااعد يضحك ‏
حلا : هاو وش بلاكم لايكون تحشون فيني ‏
ولع : ايه توها جواري حشت فيك الا انتي ‏جيتي ‏
حلا : ايه جواري تموون وخيتي وقعدوا ‏سواليف ‏
في الخيمه ..‏
يزيد : يوو مسرع ما وصلك الخبر امداها
تركي : انت ما تحترم نفسك وهذي بنت عمك ‏والله لو اخوها يدري يدفنك بالحيا ‏
يزيد بغير اهتمام : انا ما قلت الا الصدق ولا ‏وش رايك انت بذمتك مو قمر ‏
تركي يهز راسه : عمرك ما تتوب انت ‏
جاهم سعود : ها وش تحشون فيه انتم ‏
يزيد خاف : ها لا ابد سلامتك بس نحش ‏فواحد من الربع ياهو كريه ما ينبزى ‏
سعود : وانتوا هذي سواليفكم صرتوا كنتكم ‏حريم فلان وعلان ‏
تركي :: ههه وش نسوي عدوى ‏
ابو يزيد : يا عيال انتو معنا ‏
سعود : سم عمي ‏
ابو عبد الرحمن : سم الله عودك يا ولدي ‏تدرون من بيجي اليوم ..؟
يزيد : مين يا عمي ‏
ابو عبد الرحمن : بيجي عمكم عبد الله ‏
اعتفس وجه تركي : وش يجيبه ذا بعد ‏
ابو يزيد : تريك احترم نفسك هذا عمك ووش ‏بيجيبه هنا جااي يستقر ‏
سعود بصوت واطي : ويستقر بعد عز الله انها ‏كملت ‏
‏ ابو عبد الرحمن : قلت شي يا ولدي
سعود : لا ابد اقول الله يحيه ‏
يزيد : اوه الله يستر منهم بس عيال عمي ‏منيب احبهم ‏
تركي : مو بس انت كلنا ما نطيقهم ‏
سعود : بس لازم نتحملهم يمكنهم تغيروا
الا يدخل عليهم جدهم عبد العزيز : السلام ‏عليم والرحمه ‏
كلهم قاموا : وعليكم السلام والرحمه ورحوا ‏يسلمون عليه ‏
اما عند البنات دخلوا داخل يسلمون على ‏جدتهم ‏
الجده : يا هلا ببنياتي والله وكبرتن وصرتن ‏عرايس ‏
ولع : تسلمين يا يمه كيفك انتي ‏
ام حمد : نحمد الله بخير الله مير يسلمتس ‏
وقاموا يسولفون والبنات تسحبوا لين طلعوا ‏للحوش ‏
على الساعه 11 وصلت سيارتين للاستراحه ‏وكل سياره اكشخ من الثانيه ....‏
يا ترى من اللي وصل ... ارائكم في البنات ‏
انتظروني في البارت الجاي .. ‏

ملاحظه // ترى الروايه كامله
اذا عجبتكم نززلت باقي الاجزاء

‏... الجزء الثالث ... ‏
اول شي نبي نعرف بعايله ابو محمد ‏
ابو محمد ( عبد الله ) : اصغر اخوانه سافر برا ‏لتجارته من سنوات ولا يدري عن اخوانه ‏شخص متسلط وما يحب الا نفسه قرر انه يستقر ‏في الرياض بعد ما خلص تجارته بالخارج وكان ‏ماخذ اهله معه
ام محمد ( حصه ) : انسانه متكبره وشايفه نفسها ‏وتبي الناس دايم اقل منها حقوده وما تحب ‏اخوان زوجها ولا حريمهم ..‏
محمد : شاب عمره 23 سنه حلو حلو بمعنى ‏الكلمه ابيض وما يستغل توه مخلص دراسته ‏ماجستير طب اسنان اخلاقه لا بأس بها الصفه ‏الحلوة اللي فيه متواضع بس جرريء بحكم ‏دراسته بالخارج ..‏
بعده طلال : شاب عمره 19 سنه وسيم طبعا ما ‏كمل دراسته الثانويه وعااطل انسان مستهتر ‏وصايع يعني عيال عمه احسن منه مغرور ودايم ‏رافع خشمه هل بيتغير الله اعلم‏
بعده تجي غرور : بنت اسم على مسمى مغروره ‏جمالها هاادئ بس مع الميك اب تطلع توب ‏عمرها 20 سنه انسانه تاخذ من صفات امها ‏الكثير ما تحب الا نفسها بحكم دراستها بالخارج ‏فكل يوم مع واحد انسانه متحرره وبعيد عن ‏العادات والتقاليد كل البعد ‏
واخر العنقود سرور: بنت عمرها 18 سنه ‏جذابه بمعنى الكلمه هي ابد مو زي اهلها ‏عادي عندها تصاحب أي احد تحب السواليف ‏والضحك يعني بالعربي وسيعه صدر ومالها دخل ‏باللي حواليها ‏

على الساعه 11 وصلت سيارتين للاستراحه ‏وكل سياره اكشخ من الثانيه ....‏
راحوا الشباب يستقبلون عمهم والبنات جالسين ‏بالحديقه يراقبوون من بعيد لبعيد
نزل ابو محمد ومحمد من السياره ومعهم ‏طلال ‏
‏ سعود بابتسامه : يا هلا والله وغلا حيا الله من ‏جانا ‏
جاهم ابو محمد نافخ نفسه : الله يحيك هلا ‏بولد المرحوم ‏
سعود حز بخاطره كلمه عمه : هلا بك عمي ‏
تركي انقهر ( هذي اولها ) : لا يا عمي سعود ‏اخوي وابوي ابوه هلا عمي ‏
استانس سعود من ولد عمه وتمنى ساعتها يحب ‏راسه ‏
يزيد : صدق تركي هلا بك انت وعيالك اقلطو ‏اقلطوا حياكم ودخلوا الخيمه سلام ودنيا ‏
اما ام محمد وبناتها ما عجبهم الوضع ...‏
ام محمد : وش ذا الله يعينا عليهم بس ‏
غرور : من جد هذا استراحه احد يستأجر فيها ‏
سرور: وش فيها والله تهبل ‏
غرور تناظر اختها : خلك على جنب بس ‏
ام محمد : حتى محد جا منهم استقبلنا ‏
‏ سرور وهي تمشي: بكيفهم انا بدخل يالله يمه ‏
دخلوا وسلموا على بعض الحريم ‏
ام سعود : هلا والله زارتنا البركه وش اخبارك ‏ام محمد ‏
ام محمد : يا هلا فيك والله يبارك فيك ‏
ام محمد : وش اخباركم انتوا ‏
ام يزيد : بخير نحمد الله عايشين بنعمه ‏
ام عبد الرحمن : وش اخباركم بنات .؟
سرور بابتسامه : الحمد لله خالتي شلونك انتي ‏وشلون الرياض معكم
ام عبد الرحمن ارتاحت لسرور : والله بخير ‏والرياض هذاهي تسأل عنكم ‏
غرور : الا وين البنات ما اشوف احد ‏
ام سعود : تلقينهم برا في الحديقه ‏
سرور وهي تقوم : انا بروحلهم عن اذنكم ‏
طلعت سرور للحديقه عند البنات ‏
حلا : هذي الاولى الله يعين بس ‏
الجوري : اسكتي فضحتينا ‏
دلع : اسكتوا بس وقوموا سلموا ‏
جات سرور عندهم : هلا والله ببنات عمي ‏
البنات : يا هلا فيك .. وسلموا على بعض ‏
غرام : وش اخبارك وش مسويه ‏
سرور: تمام الحمد لله انتوا اخباركم وش ‏الدنيا بكم
حلا بغرور ملحوظ : هذانا عايشين الحمد لله ‏
سروربمرح : الا ما عرفتوني على اسمائكم مع ‏انكم بنات عمي بس اعذرووني ‏
ولع : اوكي انا بقولك ووقفت تعرفها عليهم ‏
اولا وتأشر على نفسها : معك ولع ويدلعوني ‏ولاعه ‏
سرور تضحك وهذي تأشر على اختها اختي ‏دلع وادلعها دلوعه وهذي بنت عمي حمد ‏واسمها غرام وهذولا بنات عمي احمد ‏الجوري وحلا ‏
سرور : يا هلا بكم عاشت الاسامي ماشاء الله ‏كل وحده فيكم اسم على مسمى وانا سرور ‏
الجوري : اهلين والله عاشت الاسامي ‏
دلع : ها وشلون بريطانيا ‏
سرور : تبون الصدق والله انها ممله وتجيب ‏المرض
حلا : وش دعوى عاد كلن يمدحها ‏
سرور : ادري بس العيشه فيها موب حلوه ابد ‏
دلع : وانتي درستي هناك ‏
سرور : ايه درست الابتدائي والمتوسط واولى ‏و ثاني ثانوي اما ثالث بدرسها هنا ‏
حلا : اجل ابشررك كلنا ثالث ‏
سرور تفاجأت : ههه ماشاء الله عليكم ‏
شوي الا تجي غرور : هاي ‏girls
‏ البنات : هلا وعليكم السلام ‏
تفشلت غرور : اهلين كيفكم ‏
الجوري : الحمد لله بخير ‏
وتأشر عليها وكنه مو عاجبها : انتوا بنات عمي ‏
حلا : ايه ولا منب عاجبينك
غرور بغرور : لا عادي تنفعون ‏
ولع : وش ننفع له حنا بنات عمك يعني شويه ‏احترام وابتسمت ‏
غرور طنشت : الا وين عيال عمي ما شفتهم ‏
البنات يناظرون بعض مستغربين منها ‏
سرور : روحيلهم في الخيمه
حلا بانفعال: وش تروحلهم هيه انتي ترانا ‏بالرياض موب بريطانيا
غرور : ‏so what ?‎
ولع : يعني مارح تشوفينهم ‏in your drems
غرور : لا رح اشوفهم الوضع عادي ( وبسخريه ) ‏ولا بتقولون بعد انكم تتغطون
الجوري : لا ما نتغطى من اخوننا بس جلسات ‏مع بعض ما تجي الا في النادر يعني
غرور : ايووا بس رح اشوفهم وتشوفون وقامت ‏عنهم
غرام : صدق خبله من جدها ذي ‏
سرور : ههه وسعي صدرك اختي فري ع ‏الاخر
عند الرجاجيل بعد ما تشاوفوا ‏
يزيد : الا وش تدرس يا محمد ‏
محمد : انا خلصت دراسه ماجستير طب ‏
سعود : ماشاء الله عليك وما توظفت
محمد : تو الناس على الوظيفه ‏
تركي : أي تو الناس المفروض الحين انت ‏تشتغل
محمد : والله اذا بغيت اشتغلت بس انا الحين ‏ما ابي باخذلي فتره راحه ‏
طلال يتهزء : وانتوا وش تشتغلون ..؟
تركي : والله الى الان ما نشتغل ‏
يزيد : ما لقينا وظايف سنعه ‏
طلال : ولا رح تلقون اصلا ‏
سعود يبي يقهره : انا اشتغل بسابك وان شاء ‏الله قريب بيجون معي عيال عماني ونشتغل ‏سوا
تركي استانس هو ويزيد اما طلال فانقهر ‏
يزيد : وانت يا طلال وش تشتغل ‏
طلال : ما اشتغل انا ابي اخذ رست شوي الا ‏دق جوال طلال وكانت غرور ‏
طلال : ها نعم وش تبين ‏
غرور : ابي اشوف عيال عمي ‏
طلال : طيب تعالي الخيمه ‏
غرور : لأ ابيك انت تجي وتجيبهم عشان ‏تشوفون بنات عمانك كل وحده احلى من ‏الثانيه لاني بصراحه مالي خلق عماني وجدي ‏بعد ‏
طلال استانس : من جدك تتكلمين صواريخ ‏يعني
غرور : والله جد تراهم قاعدين في القاردن ‏
طلال : اوكي انا بجي بلحالي واذا ما يبون ‏بكيفهم
غرور : ‏‎ ‎‏ ‏ok deal ‎‏ ... وسكرت
محمد : وش تبي اختك ..؟
طلال : تبينا نسلم على بنات عماني ‏
تركي ويزيد وسعود : ها .. وشو ‏
طلال : نسلم على بنات عماني وش فيكم
يزيد : هيه يابو تراك بالرياض منتب فيذااك
طلال : طيب عادي يالله قمنا ‏
سعود يكلم تركي : من جده ذا يبينا نروح ‏للبنات
محمد : ايه عادي وش فيها كلها سلام يالله ‏وقاموا طلال ومحمد ..اما تركي والباقيين ‏قاعدين ‏
سعود : اقول هذولا ماحد يضمنهم خلنا نقوم ‏معهم
تركي : أي والله وانت الصادق قاموا كلهم ‏وراحوا بعد ما استأذنو من الشياب ‏
في الحديقه جات غرور وجلست معهم ‏
حلا : هاا عساك سلمتي عليهم ‏
غرور رافعه خشمها : ما بعد شوي واسلم ‏
الا ويجي طلال ومحمد ووراهم تركي وسعود ‏ويزيد ‏
البنات كلهم خافوا ووقفوا مع بعض باستثناء ‏غرور وسرور الوضع عادي عندهم ‏
طلال : هلا والله بهالطله هلا ببنات العم ‏
البنات :............ نو انسر ‏
محمد : وش بلاكم كذا تكلموا ‏
تركي : خلاص شفتوهم يالله مع السلامه ‏
طلال : وش مع السلامه تونا جينا ‏
حلا : وش قله الادب هذي تراك في الرياض ‏اذا كنت ناسي ‏
طلال : في الرياض في الرياض عرفنا واذا في ‏الرياض وخير يا طير بنات عمي وابي اجلس ‏معهم ‏
سعود محتر بس ما تكلم ويزيد يناظر في حلا ‏ويفكر في اللي قالته تركي الوحيد اللي يتكلم ‏
دلع ميب قادره تتحمل قلبها يرجف طبول ‏سعود قدامها راحت ركض لداخل ووراها ‏الجوري وغرام وبعدها ولع واخر وحده حلا ‏وهي تمشي بثقه مرت من جنب طلال لسانها ‏متبري منها : يا سبحان الله قبل ما تجون كنا ‏وش حلاتنا ما فيه احلى مننا من يوم جيتوا ‏جبتوا العواصف معكم ‏
طلال عصب وقف : اقول احترمي نفسك ولا ‏تكثرين حكي ..‏
حلا تناظره بقرف : انا محترمه نفسي من قبل ‏اشوف وجهك ..‏
غرور بلقافه : تراني ما اسمحلك اخوي
حلا تناظرهم : تسمحين ما تسمحين مشكلتك ‏انا ابسكت بس مو لسواد عيونكم ابسكت ‏احتراماً لاخوي وعيال عمي تركي ويزيد ولا ‏انتم موب وجهه احترام ودخلت للبنات ‏
‏ لحظه صمت مررت ع الجميع ‏
تركي فداخله مستانس منها وده يحب راسها ‏ويزيد كذلك اما سعود فرح من اخته الصغيره ‏عجبته طووله لسانها في الوقت المناسب‏
محمد يضحك : ههه والله انها ام لسانين ‏صلخت جلودنا صلخ ‏
غرور ما تحملت تتفشل قدام عيال عمها خذت ‏اختها ودخلت ..‏
طلال : تخسي الا هي تهزئني ‏
سعود : اقول لا تتعدى حدودك لو سمحت ‏وراحوا للخيمه ...‏
عند الحريم .....‏
ام محمد : ها يابنات شفتوا عيال عمانكم ‏
غرور : ايه يمه شفناهم مره عسل ‏
ام عبد الرحمن ويزيد وسعود استغربوا
ام سعود : وين شفتوهم فيه
غرور : وين بعد برا في الحديقه ‏
‏ البنات راحوا للغرفه اللي فيها اغراضهم بعد ما ‏دخلت عليهم حلا ‏
الجوري : ها حلو وش صار وراك ابطيتي ‏
غرام : والله صدق قليلين ادب كذا من الباب ‏للطاقه جو عندنا ‏
دلع : لا ويبون يسولفون معنا بعد المشكله ياليت ‏نعرفهم من قبل ‏
حلا : والله ما نقصنا غير القهوة الشاهي ‏
ولع : المهم وش سويتي فيهم ‏
حلا بابتسامه وسيعه : اعجبكم انا لعنت خاامس ‏خاامس والديهم
الجوري تصفق : هذي اختي اللي اعرفها ‏
دخلت عليهم سرور : ممكن اقعد معكم ‏
البنات : تفضلي حياك
‏ سرور غير عن اختها واحيانا تستحي من ‏تصرفاتها بس ما باليد حيله ‏
سرور : معليش والله اسفه على اللي سوته اختي ‏بس هي كذا طبعها تحملوها ‏
الجوري : ولا يهمك حصل خير ‏
دلع اللي كل فكرها مع سعود قامت عنهم : ‏بنات انا استأذن ‏
حلا : على وين يا بعد تسبدي ‏
دلع تبتسم : ودي اروح اتمشى شوي
حلا : طيب عادي احد يجي معك ‏
دلع : ههه تبين تجين تعالي ( ولفت ع ‏البنات) : ها فيه احد بجي ‏
البنات : بسلامتكم روحوا .. طلعوا البنات ‏
غرام تصارخ : هييه انتي تعالي سكري الباب ‏خلي الغرفه تبرد يالدبه
دلال : منيب مسكره وش بتسوين يعني ‏
البنات كلهم : دلول جيتي وقاموا يسلمون ‏عليها
ولع : وينه بعد دنيتي وينه
دلال : مع ابوه عند الرجاجيل ‏
الجوري تكلم وعد: والحلو ليش مستحي ‏
وعد دااخله فأمها دلال : وعوده يحاكونك ‏ردي
ولع : كيفك وعوده عرفتيني << سؤاال غبي
وعد : اييه انتي هالتي ثح يوم ازي ذاك اليوم ‏وتعطيني حواواه مله كتيل ثح ( ايه انتي ‏خالتي صح يوم اجي ذاك اليوم وتعطيني ‏حلاوة مره كثير )‏
ولع تكش عليها : يا شينس طالعه على امس ما ‏يهمها الا بطنها ‏
دلال : وجع يوجعك يالتبنه هذي الضيافه
وكملوا سواليف في حال ان البنتين ..‏
‏ راحت دلع وحلا يتمشون طول الوقت ‏ساكتين حلا تمشي وتناظر الارض : وبعدين ‏يعني متى بتعترفين بحبك لسعود ‏
وقفت دلع وناظرت حلا بصدمه ( لهالدرجه انا ‏مفضوحه ) : ها ومن قال اني احبه ا انا بس ‏انتي وش تخربطين
ابتسمت حلا : يا دلع انا حلا ما يمشي علي ‏هالكلام انا اعرف الشخص اللي قدامي وش ‏فيه من عيونه من عيوونه ولا نسيتي ‏
دلع : لا ما نسيت بس امانتك محد يدري
حلا : افا عليك انا ما سمعت شي
دلع ارتاحت نسبيا : وش اقولك يا حلا انا ‏امووت فيه والله امووت فيه بس ما ادري وش ‏نهايه هالحب
حلا :ان شاء الله خير اخوي عمره ما حب ‏يمكن اذا شافك يروق قلبه وتغمزلها ‏
دلع : ههه الله يسمع منك وراحوا للمسبح ‏
‏
في الخيمه ‏
ابو عبد الرحمن : يا هلا والله بسعد وشلونك ‏
سعد : والله بخير يا عمي وشلونكم انتوا ‏والرياض معكم ‏
ابو عبد الرحمن : يسررك الحال ويكلم زياد : ‏زياد صب القهوه لرجل اختك
اما زيااد قام بطفش : ان شاء الله عمي وقام ‏يصبلهم بما انهم بيعلموه المرجله من الصغر ‏ورااح للشباب يمد الفنجال : سم يا سعوود
سعود يبتسم : سم الله عدووك تسلم ‏
يزيد : يالله صب لا اعلم جدي ‏
زياد بقهر : علمه وش بيسويلي يعني ‏
يزيد : يبه التسبير << يستهبل ‏
الجد : نعم يا يزيد وش عندك ‏
زياد خااف : خلاص امسك امسسك وصبله ‏ينكفي شره ‏
فهد : ههه ليش تخاف من جدي يا خوواف
زياد : اقول ورا ما تسك لا اصكك بهالدله افقع ‏وجهك
فهد رااح يصيح لابوه
قام سعود عنهم: عن اذنكم .. يزيد : على وين ‏
سعود: ودي اتمشى شوي .. ‏
تركي : عادي اجي معك ‏
يزيد : وانا بعد .. سعود : بكيفكم بس تخلون ‏عيال عمي .. سعد : طسوا بس انا معهم اصلا ‏هذاهو جدك نشب لهم يستاهلوون ‏
قام يزيد : انا بجي تريك خلك بعدين عندي له ‏كلمه راس ‏
تركي : الله يالكلمه اشوا انك مشغول بذا ‏الجوال مع ( ويستهبل ) : اعلم
يزيد يناظره : لا تكفى ابوس ايديك ‏
سعد : والله مارح تعقلون لو تشيبون حتى
تركي : ههه وهو كذلك
طلع يزيد مع سعوود
‏
عند المسبح
البنات قاعدين يسولفون شوي الا يجيهم يزيد ‏وسعود ‏
سعود : هلا والله بالحلوين ‏
دلع من سمعت صوته قلبها قام يدق طبول ‏
حلا ابتسمت لاخوها : هلا والله بسعوودي ‏
سعود : سعوودي منهو ذا اصغر عيالك ‏
يزيد : ههه نيو لك حتى بالاسامي
‏ حلا ناظرته بحقد ولفت على دلع شافتها ‏مستحيه ومحمره ‏
حلا :اقول سعود ما ودك تسلم على بنت عمك ‏
سعود : اكيد هذي تاج راسي هلا والله دلع ‏وشلونك ..‏
دلع ( وااي عرفني من غير ما يشوفني << ‏حالتهم صعبه ) : هجري هلا سعود بخير انت كيفك ‏
سعود : بخير يا وجه الخير .. ولف على يزيد :‏
يزيد خلك هنا انا بروح انادي تركي واجلس ‏مع القلق اللي هناك ‏
يزيد ( فرصتي ) : اوكي انا استناك لا تتأخر علي ‏‏..‏
راح سعود وخلاهم بلحالهم ‏
دلع راح الحيا : والله يا عليك عيال عم يجيبون ‏المرض ..‏
يزيد : من تقصدين سعود
دلع بعجله: لا وش سعوده بالعكس سعود ينحط ‏ع الجرح يبرى سكتت تستوعب اللي قالته ‏
حلا كاتمه ضحكتها وباين عليها ‏
يزيد ( يغمز ) : اجل ينحط ع الجرح وضحك ‏هو وحلا ..‏
دلع قامت بسرعه : اووف منكم بس ‏
حلا قامت وراها بسرعه : يالخبله وين بتتركيني ‏
جات بتروح وقفها يزيد ‏
حلا : عندك كلام ثاني وما قلته ‏
يزيد : ايه انا بس كنت بقولك والله اسف بس ‏انا كذا متعود لازم اتغزل في اللي قدامي بس ‏ممكن اسئلك سؤال
حلا بقله صبر : تفضل اسئل ‏
يزيد : انتي حلا ولا انا غلطان ‏
حلا ناظرته : لا انا حلا وش عندك ‏
يزيد : طيب وش تقصدين يوم قلتي اختي ما ‏عرفت تختار يوم حبت ‏
حلا ارتبكت بتفضح اختها : ما اقصد شي ابد ‏
يزيد : حلا تكفين قولي الصدق جواري تحبني ‏صح ؟
حلا ما لقت الا انها تقول الصدق : ايه تحبك ‏وش تبي بعد ‏
يزيد ( وانا ويني ) : من متى طيب ..؟
حلا : وشهو تحقيق .. يزيد بجديه: جاوبيني ‏
حلا : والله يمكن من يوم ما امي ولدتها ‏
يزيد : وليش ما قالتلي .. حلا : انت واحد ‏فاضي ومرره فرري وش تقولك وعلى فكره انا ‏الحين بقولها بسواياك عشان تفتح عينها عدل ( ‏وبتهديد )وان حاولت تلعب بمشاعرها يا يزيد ما ‏تلوم الا نفسك راحت عنه وقعد يزيد على ‏الكرسي يفكر ‏
تركي يمشي لحد المسبح بعد ما ناداه سعود ‏الا تجي حلا مقلعه و طراخ تصقع فيه ..‏
حلا : اي وش ذا جدار ولا ادمي وجع ما ‏تشوف
تركي : قولي لا اله الا الله لا تنظليني وبعدين ‏انتي اللي جايه مقلعه موب انا ‏
حلا : طيب انا اتأسف من سيادتك يا مستر بن ‏غفله
تركي : ههه من ذا بعد ‏
حلا : انت هذا اسمك الجديد المهم يالله ‏سلام ما لي خلقكم يا عيال عمي من جد ‏تجيبون الغلقه
تركي يرفع حاجب : لا تجمعين انا مو منهم
حلا : وانت اولهم بعد ولا تزعل ‏
ضحك تركي لين بانت غمازاته مع عيونه ‏العسليه طلع يذبح
حلا تناظره ومفهيه ( والله ولد عمي يخقق ‏يااحلاته والله ) ..‏
‏ تركي استغرب : حلا وش فيك ‏
حلا انتبهت : شوف ابقولك شي بس انا بقوله ‏لاني انا ابي اقوله مو لانك عاجبني ترا حلوه ‏ضحكتك لانها تبين غمازاتك وعيونك العسليه ‏مره تطلع رهيب ‏
تركي متنح ومستغرب من صراحتها : ها وش ‏قلتي ‏
حلا تناظره بغرور : كلام الشيوخ ما ينعاد وجات ‏بتروح .. تركي : حلو ممكن اشكرك ‏
حلا : اولا انا اسمي حلا ومحد يدلعني الا اللي ‏احبهم وبعدين تشكرني على وشو ‏
تركي : بسم الله علي منك وش فيك تطيرين ‏في الواحد كذا وثانيا ليش اللي تحبينهم انا مو ‏من ضمنهم يعني ..؟
حلا بطحتها فوجهه : لا مو من ضمنهم ولا رح ‏تكون انت مجرد ولد عم لا راح ولا جا ‏
تركي ( يا قوتك بس ) : وتعرفين تفشلين بعد ‏المهم انا ابشكرك على اللي سويتيه في عيال ‏عمك الجدد مرره اعجبتيني بصراحه
حلا ضحكت يوم قال الجدد وبانت غمازتها ‏هي بعد .. تركي فقلبه فديت هالضحكه انا ‏
حلا : ايه الجدد هذولا ما بزيتهم ولا دخلوا ‏مزاجي وناويه عليهم نيتن قشرا بس اصبر علي ‏شوي ترا اللي سويته لهم اليوم ولا شي ‏
تركي : كل ذا وولا شي والله مساكين احسهم ‏تفشلوا لانك سكتيهم خصوصا هاللي اسمه ‏طلال ‏
حلا : يستاهلون يحسبون بجيتهم بيخربون ‏حياتنا والله يخسون انا حلا بنت احمد مو أي ‏شي ‏
تركي : والله انك مغروره ‏
حلا : يحقلي انغر دام الكل يحبني ويعتبروني ‏احم احم قدوتهم .. المهم فرصه سعيده ورح ‏لولد عمك شكله انفقع من كثر ما يحتريك ‏وانت لاهي مع شيخه البنات وابتسمت ‏
تركي : يا شين الثقه الحين باكل تهزيء منه ‏يالله سي يو قريبا ‏
حلا : ‏I,don’t wont to see you that’s engfh‏ ( ما ابي اشوفك هذا يكفي ) ‏وراحت عنه
‏ تركي فنفسه : هذي بيجيها اللي يكسر خشمها ‏‏..‏
‏ ‏

اما عند الحريم ...‏
ام يزيد : اجل يا ام محمد بتستقرون هنا ‏
ام محمد : اكيد هذي ديرتنا مالنا غناة عنها ‏ورح نسكن ان شاء الله في منطقه قريبه منكم ‏
ام عبد الرحمن ( ياذا النشبه الله يعين بس ) : ‏والله هذي الساعه المباركه ‏
ام محمد بتكبر : سااعتك ابرك ( وتوجه كلامها ‏لام سعود بقصد التجريح ) : الا يام سعود ‏وشلون حياتكم بعد المرحوم يعني من يصرف ‏عليكم وزي كذا ‏
الجده تتدخل : وانتي وش اللي حارقن رزتس ‏كثر الله من الخير ‏
ام محمد ( يالقفك ) : لا والله بس اسئل .؟
ام سعود عرفت مقصدها : الحمد لله الخير ‏واجد وسعود مو مقصر علينا بشي ‏
وغرور قاعده تناظر فيهم وهي ساكته وبالها ‏فمكان ثاني ..‏
وعد بلاقافه تكلم غرور : هيه انتي هنا كلهم ‏عزايز ليث ما تلوحين للبنات هناك ( هيه انتي ‏هنا كلهم عجايز ليش ما تروحين للبنات هناك )‏
غرور تفشلت وابتسمت لها
ام يزيد مستانسه : يالبى بنت بنتي وبعد تعرف ‏العجايز
الجده وكنها تنافخ : وهي الصادقه غرور ورا ما ‏تروحين تجلسين مع البنات بدال جلستس مع ‏الحريم مالها داعي
غرور تقوم من غير نفس : طيب هذاني رحت ‏
دخلت على البنات اللي كانوا يسولفون ‏ومندمجين بالسواليف ‏
غرور واقفه ومتركيه على الباب : وش تسوون ..؟
دلال : نحش فخلق الله
غرام : شوفة عينك قاعدين نسولف
سرور بفرح : غرور تعالي معنا والله السواليف ‏معهم ما تنمل تعاالي ‏
غرور تدخل وتجلس على الكنب : سرور متى ‏بنروح البيت ‏
حلا : ليش يا عيوني الجلسه ما اعجبتك ولا ( ‏وتقولها باستهزاء ) محنا من مستوااك ‏
غرور : لا بس تعرفين سفر وحوسه اكيد الواحد ‏بيتعب
ولع : الله يعز الغرف اللي موجوده خوذيلك ‏غرفه ونامي ..‏
غرور طقت كبدها منهم : من غير ما تقولين ‏وقاامت .. ‏
دلال : وش فيها اختك كذا شوي وتشب فينا ‏
سرور : والله هي كذا شايفه نفسها على الفاضي
‏ في الخيمه‏
ابو محمد : مالي نيه ارجع مره ثانيه اسافر ‏ماعاد لي مصلحه هناك
الجد : مالك مصلحه ولا فليساتك قضن ‏
ابو محمد يمسك اعصابه : يبه قلتلك انا فنعمه ‏الحمد لله بس سفر مارح اسافر
ابو عبد الرحمن : يبه خله براحته يسوي اللي ‏يبيه ‏
الجد : انا ما قلت الا الصدز بعد حتى الحتسي ‏محسوب علي وانا ابوك ‏
ابو يزيد : لا حشاك يبه ابو عبد الرحمن ما يقصد ‏
جهة العياال ..‏
محمد : الا اقول سعود انت عندك خواات
سعود : وليش تسأل ..؟ محمد : مو من حقي ‏اعرف بنات عمي
سعود بقله صبر : ايه عندي خوات عندي ثنتين ‏ويزيد ثنتين وتركي وحده ارتحت الحين
طلال يتدخل :طيب من فيهم خواتك ‏
سعود : اعتقد الى هنا وكاافي اسئله ‏
محمد بغرور : بصراحه عقليتاكم متخلفه مع ‏احترامي ‏
سعود ( وانت خليت فيها احترام ) : الحمد لله ‏هذي شهاده نعتز فيها ويوجه كلامه لسعد : ابو ‏فهد وش مسوي في الشغل ما تشوف ولد عمي ‏
سعد : افاا عليك صرنا اخويا بعد اذا ما جا ‏للدوام تصدق اجلس اصيح
سعود : ههه الله يرجك انت متى بتعقل
سعد : اذا صررت ابو ان شااء الله
محمد : وانت وشو ام ‏
سعد : يااخي استهبل انتم وش بلاكم ويكلم ‏زياد : زيوود ورا ما تلعب مع فهد شوف وشلون ‏مسيكين طفشان قاعد بلحاله ‏
زياد : وشوو تبيني العب مع بزر
طلال بسخريه : عااد من كبرك الحين
زياد بفخر : صحيح اني صغير بس على الاقل ‏اعرف علووم الرجاجيل موب مثلك حتى ‏الفنجال ما تعرف تمسكه ‏
طلال بقهر : اقوول ورا ما تذلف
سعد : ههه ايووا احسنت وانا ولد ‏اختك ‏
سعود : ههه رح بس الله يصلحك ‏
زيااد : الحين كلمه الحق تسوي كذا وراح وهو ‏يتحلطم يحسبوني بزر عندهم الحين من ‏كبرهم كل ابوهم ابو عشرين سنه
طلال : الا وين العيال وين راحوا له ‏
سعود : الظاهر انهم يتمشوف في الاستراحه

يزيد : عسى ما بدري << مدري وش تبي ‏الكلمه ‏
تركي : والله عليك بنت عم ي

... الجزء الراب ع ...
من بعد الاستراحه بشهر كلن لاهي في نفسه ‏ودراسته خصوصا البنات شادين حيلهم بحكم ‏انها اخر سنه وكل وحده تخطط لبعيد اليوم ‏كان الاربعااء في المدرسه في فصل ثالث ‏علمي 1‏
حصه رياضيات الاستاذه تشرح والبنات كلن ‏لاهي ماغير الدوافير اللي في المقدمه ‏
جواهر بطفش : يااربيه وش ذا الحاله من ‏الصبح وذي تبربر ما تعبت ‏
دلع : يالله هانت اخر حصه تصفر بدري ‏
شروق تناظر السبورة وحاطه يدها على خدها و ‏مفهيه
جواهر تأشر عليها : شووفي الناس المركزة بس ‏الله يخلف علينا ههه
في جهه ثانيه من الفصل ‏
غرام : جواري وش رايك تجون اليوم عندي ‏مع بنات عمانك ‏
الجوري تناظرها بطرف عين : بنات عماني هم ‏بنات عمانك وبعدين نجي عندك وش نسوي
غرام : وش تسوون يعني نبي نستانس نوسع ‏صدورنا تعرفين الاختبارات ما بقى عليها شي ‏والبيت فاضي بناخذ راحتنا وزود
الجوري : والله مدري اشوف سعود وامي مو ‏بكيفي
غرام : لا ما رح تقول شي خالتي اعرفها انا ‏بكلمها ما عليك‏
الاستااذه : يا هوانم انتي وهيا عندكو كلام ‏كملوا برا حصتي ما بتروحش ع الفاضي انتوا ‏فاهمين ‏
الجوري بزهق : خلاص استاذه هذانا سكتنا ‏
ولع : ها حلو وش رايك نطلع اليوم ‏
حلا : انا ما عندي مانع نروح نستانس خصوصا ‏ان يوم السبت اووف ما فيه اختبارات
الاستاذه : يابنات يوم السبت عليكو اختبار ‏ريازيات ومفيش تأجيل بعد كده ‏
ولع تناظر بنت عمها : حشا موب عين عليك
البنات قاموا يعترضون : يااستاذه تكفين .. خليه ‏يوم ثاني .. نبي نستانس بالعطله
حلا تتدخل : يااستاذه والله مالك دااعي ‏
الاستاذه : احترمي نفسك يا بنت انتي وتأجيل ‏مش عاوزه وطلعت من الفصل بعد ما صفرت
حلا بصوت واطي : والله ما اكون حلا ان ما ‏كسرت كلمتك ورااحت تلحقها ‏
شوي دخلت عليهم حلا والابتسامه شااقه ‏الحلق : يا بنات يا بنات‏
البنات : ايوه .. حلا : وانا بنت ابوي مفيش ‏اختبار يوم السبت وسعوا صدركواا ‏
البناات : هذا حلا يا حبنا لك ‏

اتفقوا البنات انهم يروحون بيت عمهم ابو عبد ‏الرحمن ويمرحون ( يعني يبيتون ) عند غرام ‏يعني بالعربي يوسعون صدورهم قبل الهم ..‏
‏
بيت ابو يزيد ‏
‏ دلع تكلم اختها : ها وش رايك ‏
ولع : والله بنت عمك ذي ما تنبزى منيب ‏احبها ‏
دلع : طيب سرور مالها ذنب ‏
ولع بطفش : سوي الي تبينه بكيفك بس لا ‏هزأتك ام لسانين لا تجين لمي ورااحت غرفتها ‏‏..‏
دقت دلع على بيت عمها ابو محمد وهي ‏خايفه لانها اول مره تدق عليهم .. ردت حرمة ‏عمها
ام محمد : نعم .. دلع : السلام عليكم خالتي ‏
ام محمد : خير مين .. دلع ( يا كرهنيلها ) : انا ‏دلع بنت ابو يزيد ..‏
ام محمد : هلا وش عندك يا بنت سطام ‏
دلع بقهر : لا خالتي بس حبيت اقولك حنا كلنا ‏معزومين اليوم لبيت عمي حمد وحابين يجون ‏معنا سرور وغرور اذا ما عندك مانع ‏
ام محمد : حنا مشغولين اليوم ما يمديهم ‏يطلعون يالله مع السلامه ‏
دلع ( والله قله ادب ) : مع السلامه وسكررت ‏وهي منقهره ‏
وعلى قريب المغرب كلن يجهز طبعا البنات ‏لبسوا بنطلونات وبرمودا اريحلهم وخذوا معهم ‏اشياء بسيطه وعلى اذان المغررب في بيت ابو ‏عبد الرحمن ..‏
غرام : يمه انا قلتلك بيجون بنات عماني ‏بيمرحون عندنا لين بكرا ‏
ام عبد الرحمن : الله يحيهم انا كلمت امهاتهن ‏وما عارضن ‏
ترركي جا وهو فرحان: يمه سمعتي اخر خبر ‏
غراام : وش هي اخبارك اللي تجيب الكاّبه ‏
تركي يناظرها : ما حاكيتك .. ويناظر امه : يمه ‏اليوم حزري مين بيجي ..‏
ام عبد الرحمن : مين يا وليدي بيجي بعد
تركي : ام بيجي اخوي عبد الرحمن ‏
ام عبد الرحمن بفرحه : يافرحه قليبي على ‏ولدي نظر عيني ورا ما قالي انا مكلمته امس يا ‏بعد حيي متى بيجي ‏
غراام : الله الله هذا كله لدحيم وحنا الله لنا ‏
على دخله عبد الرحمن : عااد وش اسوي اذا ‏انا سبيشل عنكم ‏
غرام بفرحه قامت تسلم : هلا والله بعبد ‏الرحمن هلا بالزين كله تو ما نور البيت والله ..‏
عبد الرحمن يضحك : ايه ادريبك تسلكين ‏وراح يسلم على امه ‏
ام عبد الرحمن : هلا بوليدي يا مرحبا فيك ‏
تركي يضحك : ههه والله لو انك ساكن ‏في بريطانيا ‏
عبد الرحمن يناظره بتكبر : احم احم انا عبد ‏الرحمن والاجر على الله ‏
ام عبد الرحمن : ههه هذا وليدي تعال ‏استريح متى جيت وليه ما علمتاني ‏
وقعدوا يسولفون وتركي طلع مع اخوياه وغرام ‏راحت تشوف بنات عمانها ‏
بعد المغرب على الساعه 7 طلع غرفته عبد ‏الرحمن يرتاح بعد السفر لانه جاي بالسياره وام ‏عبد الرحمن راحت ترتاح بدارها
شوي الا يدق الجرس وفتحت الشغاله كل ‏البنات جوا بوقت وااحد دخلوا للصاله ‏
حلا تناظر ما فيه احد : هاو ( اداة استغراب ‏لغير الناطقين بها هع ) وراهم وين اهل البيت ‏
نزلت غرام : موجودين موجودين حيااكم الله ‏
دخلوا وسلموا على بعض ‏
الجوري : يوه والله تغير بيتكم ‏
دلع : وش فيك من كم سنه ما جينااه ‏
ولع : اقوول بس متى بنطلع ‏
غرام : يالعن اووم الطيره اصبري شوي خلنا ‏نتقهوى .. المهم قعدوا البنات شوي وطلعوا ‏غرفه غرام اللي كاانت مقابل غرفه عبد ‏الرحمن وجنب غرفه تركي ‏
البنات كل وحده ابقولكم وش لبست على ‏السريع ‏
دلع لابسه برمودا جينز ازرق وبدي اسود كت ‏وشعرها رافعته ذيل وولع جينز ازرق غامق ‏
لو ويست ( خصر نازل ) عليه بدي ابيض سيور ‏وفاله شعرها اما الجوري لابسه لبس رياضي زهر ‏ورمادي وبعد شعرها ذيل اما حلا لبست برمودا ‏جينز مع بدي احمر بدون اكمان ورافعه شعرها ‏مع خصل نازله وغرام بنطلون جينز وتي شيرت ‏رمادي وكلهم ميك اب خفيف ‏
في غرفه غراام ‏
ولع : يابنت النااس مو الحين وش بلاك مطيوره ‏
غرام : الله اكبر مدري مين اللي تو يلح علينا
دلع : طنشيها ذي ما عندها كلمه ‏
حلا عند المسجل : اقوول غرووم وشلون يشتغل ‏الاخ هذا ‏
الجوري تناظر تلفزيون : الحين بيذن تعالي ‏اجلسي ‏
حلا طبعها ما تحب تقر فمكان لازم تلف : لا لا ‏غرروم انا ابروح الف في البيت اذا سمحتي ‏طبعا
غرام : طسي بدون استئذان هذا بيتكم يالخبله
ولع باستهبال : طيب وراهم مو ساكنين فيه ‏
الجوري خبطتها بالمخده : اقول تلايطي بس ‏
طلعت حلا وسكرت الباب ماخذه راحتها ع ‏الاخر لانها تدري ان تركي مو في البيت وعبد ‏الرحمن مسافر بزعمها نزلت على المطبخ ‏سوتلها عصير برتقال فرريش وطلعت في الصاله ‏اللي فووق
حلا : ياازينه من عصير والله من صنع ايديا .. ‏قطر على البدي حقها .. حلا : يالله لهالدرجه ‏عيني حااره راحت تمسحه وهي تغني : ‏مشكلتي اهواه وحبه هو مجنني والمشكله عن ‏هوايا ماهوب دااري وعلى غرفه غرام : وه ‏بس توني ادري ان عيني حاره ‏
دلع : من زماان (وشافت العصير ) اوف ‏يالخاينه ولا تسويلي ‏
حلا تجلس : روحي بنفسك ترا تعبت وانا ‏اصلحه
دلع وهي تطلع : الله يالمفطح اقوم بنفسي ‏اصررف وطلعت
اما عند عبد الرحمن تسبح وبيطلع مع اخوه ‏عند اخوياهم وهو طالع من غرفته سمع صوت ‏في الصاله استغرب يووم رااح وقف فمكاانه
اما دلع طانت تطقطق بجوالها ولاهي هنا : ‏
يوه هالبنت تنكه من جد الحين اقولها لا ‏تدقين وتدق ‏
عبد الرحمن الى الان يناظر فيها مفهي ‏
على طلعه غرام شافت اخوها : هيه انت وش ‏تناظر في البنيه ‏
دلع التفتت جات عينها فعينه ما تحركت ‏منصدمه اما عبد الرحمن فأول مره قلبه يدق ‏كذا وهو يناظرها لف عنها وكلم غرام : معليش ‏سمعت صوت احسبه انتي ووجه كلامه لدلع : ‏اسف يا اختي والله ما قصدت ونزل بسررعه ‏طلع للشارع ‏
اما دلع تناظر فغرام ومتفشله : يووه قلبي طااح ‏ياربيه من هذا ..؟
‏ غرا م: هذا عبد الرحمن اليوم جا من الشرقيه ‏ونسيت اقولكم يعني امداك تنسينه ‏
دلع : يوه والله تغير دحيم احلو والله ما عرفته ‏
غرام تغمزلها : ايواا بدينا نتغزل فعيال عمي ‏
دلع وهي تمشي عنها : اقوول لا تقعدين ‏تخربطين علي انا ولا افكر حتى احب ( ‏وفقلبها الا سعود ياجعلني افداه بس ) قال ‏اتغزل قاالت .. ودخلت الغرفه اما غراام قعدت ‏تضحك على بنت عمها وجهها تغير 360 ‏درجه . .. ‏
في جهه ثانيه عبد الرحمن طلع وهو تفكيره ‏فيها ياترى من هذي وليش يا قلبي تدق يوم ‏ناظرت عيونها انا لازم اسئل غرروم وعلى طول ‏دق على اخته ‏
غرام شافت رقمه وضحكت توقعته يدق : يا هلا ‏والله وغلا ‏
عبد الرحمن : هلا غرروومه معليش على اللي ‏صار اليوم اتمنى انها ما تزعل اللي مدري من ‏هي ‏
غرام فهمت انه يبي يعرفها : لا ما عليك ‏هذاهي تسولف ولا كن صار شي ‏
عبد الرحمن بتردد : غرام ممكن اعرف من ‏هي ‏
غرام تضحك : ههه طيب قول من اول ابي ‏اعرفها .. عبد الرحمن : بتتكلمين ولا اسكر ‏
غراام : هذي يا طويل العمر بنت عمي سطام ‏دلع رتحت الحين ‏
عبد الرحمن : ماشاء الله تبارك الله اول مره ‏اعرف ان بنات عمي كذا ‏
غرام : قصدك حلوين لا يكوون طحت فغرامها ‏
عبد الرحمن بعصبيه : اقول ضفي وجهك بس ‏باي وسكر .. اما غرام قاعده تضحك على ‏اخوها وراحت للبنات عشان يجهزون ... ‏

في بيت ابو محمد ( عبد الله )‏
طلال : يمه اليوم بنروح مع عيال عمي ‏
ام محمد ناظرته بنص عين : ماشاء الله ومن ‏متى هالحب اللي نزل عليهم ‏
محمد يحاول يقنع امه : يمه كلها طلعه نستانس ‏فيها وبعدين حنا مو كل يوم معهم وحتى لو كان ‏هذولا عيال عمي ‏
ام محمد بعصبيه : عيال عمي وعيال عمي ‏ذبحتونا رووحه معهم ما فيه وان عرفت انكم ‏رايحين مايصير لكم طيب ‏
طلال بقهر : يمه حنا منب بزارين عشان تمشينا ‏على كيفك كلن عقله براسه يعرف خلاصه وقام ‏عنهم
ام محمد بزعل: شف على اخر الزمن وصاروا ‏عيالي يطولون لسانهم علي ما اقول غير حسبي ‏الله على اللي كان السبب ‏
محمد فهم ان امه تقصد عيال عمه فقام بدون ‏لا يحكي ينكفي شرها ..‏

في المملكه كانوا الشباب قاعدين في قسم ‏الافراد اللي هو قسمهم ..‏
فيصل : اقوول يا شباب ما تحسون بملل من ‏النوع القوي ..‏
تركي يضحك : ههه اجل اليوم ما خذيت ‏ولا جرعه وحده ‏
عبد الرحمن مستغرب : وش جرعته لايكون ‏يتعاطى شي والله ان اشتكي عليه ‏
فيصل : والله تسويها يا ولد حمد بس هالجرعه ‏من نوع ثاني ‏
محمد : يقصد انه ما كلم بنات او بالاصح ما ‏لعب على كمن وحده
عبد الرحمن يهز راسه : الله يهديك بس انت ‏الى الان على سواليفك وانا احسب عندك ‏سالفه
اما الشي اللي مستغربين منه الجميع ان يزيد ‏قاعد معهم ولا علق ولا فتح فمه بكلمه بس ‏سرحاان ‏
محمد يوجهله الحكي : اللي مااخذ عقلك يا ‏سي السيد يشبع بوه ‏
يزيد : اقوول منيب فاضي لهرجك ذا خلني ‏فحالي
عبد الرحمن : هوصادق تبي تجلس معنا لا ‏تهوجس ولا ضف وجهك ‏
يزيد فتح عيونه : وشوو دحيم انت تقول ‏هالحكي وين الجديه والزره ولا تفركشت انت ‏مع هالخشه والكل ضحك عليه
فيصل : ههه وانت الصادق شاال ‏القنااع ‏
عبد الرحمن توه بيتكلم : اقوول انت و ..‏
طلال ومحمد : السلام عليكم
وقاموا يسلمون عليهم وجلسوا معهم سواليف ‏
اما البنات على الساعه 9 وصلوا المملكه وسياره ‏شباب يلاحقونهم ‏
حلا :الله يااخذهم من اول يلاحقونا ‏
الجوري بخوف : اقول وش رايكم نرجع البيت ‏
ولع : ليه عيوني حنا محترمين نفسنا ومتسترين ‏ليش هالخوف ‏
غرام :اجل يالله ننزل بسرعه قبل ينزلون معنا ‏
نزلوا البنات بسرعه عشان الشباب يضيعونهم بس ‏للاسف ملاحقينهم من بقعه لبقعه << حلوه ذي ‏
واحد من الشباب اللي هو سلمان : يقولون ‏الثقل صنعه بس مو علينا يا حلو ‏
حلا فقلبها خافت وشلون عرف اسمي << ‏الناس في الناس والعنزه في النفاس ^_^‏
متعب : يلا عاد عطونا وجه نظره منك تنسيني ‏الدنيا وحليب امي بعد قاعدين يضحكون ‏
اما البنات .. دلع : تكفون خلنا ندق على واحد ‏من العيال ‏
غرام : وش نقولهم في حمير يلاحقونا والله ان ‏يحرمون علينا الطلعه عقب كذا ‏
حلا : والله لو تخلوني ارد عليهم وربي اسكتهم
الجوري : اقول خلك فحالك انتي الثانيه ‏
في هالاثناء راح طلال ويزيد يتمشون لعلهم ‏يلقون صيده << بيتووب يزيد‏
ومن حسن او قراده حظ البنات وهم يمشون ‏الا فجأه ..‏
حلا : ايهههئئ مو كنهم عيال عمي ‏
ولع بخوف : الا والله انه اخوي ‏
دلع مو احسن منها : يا ويلي عز الله حفرت ‏قبري بيدي ..‏
غرام : لا تكبرونها امشوا خلنا نروحلهم ‏
الجوري : لا وش نروح نرز وجيهنا انتي بعد ‏
حلا وهي تروح لعندهم : وهي الصادقه امشوا ‏والله لا اوريك في اللي ورا راحت حلا ‏وتقدمت لعيال عمها وهي مرتبكه يااربييه وش ‏اقوولهم ذولي ‏
يزيد وطلال استغربوا من اللي جايتهم ذي وش ‏تبي .. حلا وقفت قدامهم ورااح الحيا : زيوود ‏شوف هذولا يلاحقونا من الصبح وحنا شوفنا ‏متسترين والحمد لله وما سوينا شي غلط فإذا ‏تبي تهزئنا فنروح ابركلنا واذا بتوقف معنا ‏تصرف معهم
يزيد ضحك عليها لانه عرفها من اسلوبها : ‏ههه هلا حلا زيود اجل انا اتصرف معهم ‏هالسرابيت ولا يهمكم انتم بس روحوا على ‏جنب وراح يزيد وهو معصب ‏
اما طلال واقف يناظر حلا اللي احترت منه : ‏وانت وش فيك واقف تتمقل فيني رح مع ولد ‏عمك بعد والله وراحت للبنات ‏
اما يزيد وقف قدام الشباب وكانوا 4 : وش قله ‏الادب هذي تلاحقون بنات الناس لو احد ‏سواها فخواتكم بترضون يعني ‏
سلمان باستهزاء : هد اعصابك يالحبيب حنا ‏بس بنعطيهم الرقم ونتوكل ‏
طلال اللي جا طلع جواله من جيبه : طيب ‏وش رايك تعطيني الرقم وانا اوصله لهم احسن ‏بدال ما نتعبك ولا شي ‏
سعد خويهم : انت عارف قاعد تحكي مين ‏
يزيد باحتقار : شويه بزران لا راحوا ولا جوا ‏
سلمان بعصبيه : انت قد كلمتك ‏
يزيد بتحدي : لو مو قدها كان ما قلتها لواحد ‏مثلك ‏
وقاموا يتهاوشون اما البنات يووم شافوها ‏بتوصل لطق ... غرام : ياويلي راحوا فيها عيال ‏عمي وتدق على تركي ‏
تركي : هلا غرووم وش فيك ‏
غرام بخوف : الحق علي يا تركي يزيد وطلال ‏يتطاقون مع عيال الحق عليهم لا يكسرونهم ‏
تركي قاام والكل يناظره : وينكم فيه وينهم انا ‏جاي ‏
غرام : فوق عند المصاعد اللي تودي لمملكه ‏المرأه بسرعه يا تركي بيتذابحون‏
قام تركي بعد ما علم الباقيين وقاموا معه وطلعوا ‏وصارت مطاقه والناس متجمعين يتفرجون الين ‏جوا حراس الامن وفكوهم
رجل الامن : انتم تعرفون وش سويتوا فمكان ‏محترم زي هذا ‏
تركي بعصبيه : والله حنا محترمين بس الاشياء ‏اللي زي هذي ويأشر على اللي قدامه او ‏الحثاله بمعنى اصح ما ينفع معهم احترام وراح ‏عنهم هو وعيال عمه ... يزيد : مرره ثانيه ان ‏شفتكم مارح يندم الا انتم يا ( باستهزاء) يا عيال ‏الطبقه الراقيه ههه وراح ‏
اما الشباب ماتوا قهر وطلعوا بكرامتهم بعد ‏التهزيئه المحترمه ‏
تركي بعصبيه: اشووف يالله قدامي انتي وياها ‏على البيت ‏
غرام : بس حنا وش ذنبنا ‏
تركي : اقول امشي بدون نقااش ‏
حلا بهدوء : طيب يا تركي زي ما قالت غرام ‏حنا فحالنا خلنا نقضي اللي نبيه ونروح ‏
ولع : ماتبونا نمشي لحالنا تعالوا معنا الله لا ‏يهينكم
تركي هدا : اوكي انا ابجي معكم منب فاضين ‏نقابل زي الاشكال هذي ‏
راح تركي للعيال ‏
تركي يحاكي اخوه : عبد الرحمن روحوا انتوا ‏انا بقعد مع البنات واذا تأكدت انهم راحوا ‏البيت الحقكم ‏
يزيد : ترووك انا ابجي معك ‏
طلال : اوكي روحوا انتوا وبعدين الحقونا ‏
وبعد ما اتفقوا يتقابلون في صدى التحليه ‏راحوا الشباب وظل تركي ويزيد ‏
تركي : ادري انك جاي معي مو لسواد عيوني ‏
يزيد : ههه وشوله الاتهام انا ما رح احاكيها
راحوا مع البنات من مكان لمكان دخلوا ‏البنات محل والاثنين ينتظرونهم برا ‏
شوي الا تجيهم بنتين متلثمات ‏
الاولى تكلم خويتها : يا حلوهم يا هند يهبلون
الثانيه : من جد يخقون ممكن الرقم
تركي ويزيد يناظرون بعض مستغربين من وقاحه ‏البنات ‏
الاولى : ياحلو عطنا وجه نظرة بس ‏
في المحل ‏
حلا : ايهههئ
غرام : نعم وش هالشهقه وش فيك بلا ‏
حلا تاشر على عيال عمها : شووفي تريك وزويد ‏مع مين واقفين يغازلون عيني عينك ‏
جاات الجوري : وشو يزيد يغاازل لا غلطانه ‏
ولع : الا والله اخ بس لو اني جريئه كاان ‏وريتهم
فهالوقت الثنتين يناظرون بعض ولع وحلا ‏ويضحكون ضحكه خبيثه ‏
جاات دلع : لا يكون ‏
حلا تسحب ولع وتمشي : والله اسويها وانا بنت ‏ابوي ..‏
طلعوا من المحل وين ما واقفين العيال جات ‏حلا وتقدمت من عيال عمها قدام البنات ‏بهدووء يعني ناظروني انا هنا ووجهت كلامها ‏لتركي : اقول حياتي وش تسوي هنا ومن ‏هذولا ‏
ولع جات ومسكت يد اخوها : وانت حبيبي ‏وراك تحاكي الاشكال هذي ‏
اما البنتين تفشلوا وانقهروا ‏
الثانيه : بس كانوا يرقمونا لا اكثر ولا اقل ‏
حلا باحتقار : تقصدين العكس لانه لا يمكن ‏يسويها خطيبي وانا اعرفه عدل ف يا انك ‏تنقلعين بكرامتك انتي وخويتك ولا الله يعز ‏الهيئه تجي تضفكم ...‏
الاولى بقوه عين : يعني تهددين ‏
ولع : ايه نهدد ضفي وجهك لا يجيك اللي ما ‏يرضيك ..‏
البنات ما استحملوا اكثر من كذا راحوا بسرعه ‏اما حلا وولع ضربوا ايدهم فبعض وضحكوا ‏بصوت عالي وهم رايحين حتى ما شافوا وش ‏ردة فعل العيال : شفتي وشلون وجهها انقلب ‏
ولع : احس انها سوتها على نفسها ههه
حلا : مزدي فيهم والله حسيت اني قويه ‏
يزيد وتركي فووق راسهم اكبر علامه استفهام ...‏
تركي : والله انهن قوياات بنات عمي ما ‏توقعتهن يسوونها ‏
يزيد يضحك : ههه بس اعجبووني والله ‏كفوو
تركي : لا وخطيبي وعمري ههه من جد ‏صدقت انا وجهي ‏
يزيد : ههه هالثنائي المرجج الله يستر منهم
بعد التقضي والتمشي والتعشي << على الوزن ‏خ ‏
‏ رجعوا البنات عند غرام للبيت لانهم ناووين ‏السهره صبااحي على ما يقولون اما العياال ‏فأكيد دشره ودجه ماوراهم مسؤوليات ‏
في بيت ابو عبد الرحمن وتحديدا في ‏الملحق حق الحرريم قايمه الدنيا ‏
جايبين البنات استريو كبير واغاني على كيفكم ‏اللي تتفرج فيديو واللي ترقص واللي يسولفون ‏واللي تبلع يعني مره مسويين جو ‏
حلا حطت اغنيه سواها قلبي وقامت ترقص ‏البنات تحمسوا قاموا معها كل وحده رقصها ‏احلى من الثانيه ‏
ولع بخباله : يالله على قلبي تنكسوا يا بناات ‏
غرام تصفق: ورا عاشوا اتنكس بحبكم والله ‏
جات الجوري وطفته ‏
حلا بقهر : وجع ليه طفيتيه ‏
الجوري ولا تكلمت ببرود طلعت الشريط ‏ورمته على اختها اللي منقهره منها وحطت ‏اغنيه تامر حسني الله يباركلي فيك ورراحت ‏مسكت يد اختها وترقص معها بهدوء ‏
البنات سااكتين ويناظرونهم حلا تجاوبت مع ‏اختها لانها تعرفها لا سرحت لا يمكن تقول ‏كلمه وحده وكل وحده سرحت بعالمها ‏الخااص يووم وصل للمقطع سألت البي ‏بيحبك اد ايه وقلي البي دا حب جديد عليه ‏الجوري ناظرت في البنات وابتسمت : وش ‏فيكم تناظروني حلا : اسئلي نفسك يالخبله ‏علبالس رومانسيه يعني بتنكبين عفشك
الجوري : خليهم يعرفون وش اسويلهم ‏
غرام راحت لهم : جواري حبيبتي وش فيك ‏
دلع : جوجو وراتس وجهتس قايلن كذا ‏
ولع برجتها المعهوده : ايه تذكرتي حبيب ‏قلبتس يالله اعترفي من هوو ‏
ضحكت عليها الجوري : ههه اقولك وما ‏تعلمين ‏
ولع قربت لمها : سرك في برركه اقصد بير لا ‏البير صغير سرك في بحر ‏
الجوري : ههه قربي اذنك وقربت ولع ‏وهي تبتسم فجأه تلاشت ابتسامتها يوم عرفت ‏الجوري من تحب ‏
دلع : ها وش فيك انخطف لونك ‏
حلا تستخف : والله ما خطفته يمكنها غرام ‏
ولع فجأه : يا حماره ولا تعلميني اثررك ‏طايحتن في غرامه وراحت تخمها وتضحك ‏
البنات زي الاطرش في الزفه ‏
والمهم علمتهم وتفاجئوا لانه موب باين عليها ‏وعااد كل وحده علمت الثانيه بحبها طبعا محد ‏يحب الا الجوري ودلع اما الباقيين ما ‏عندهم سالفه يحبون مع الايام الله اعلم ... ‏

عبد الرحمن : وش رايكم عندنا خلونا نفلها ابي ‏استانس اليووم ‏
تركي : والله جابها ابو دحيم ‏
يزيد : اووكي يالله وش تحترون ‏
وشغلوا سياراتهم وراحوا بيت ابو عبد الرحمن ‏وللملحق ما يدرون ان البنات في الملحق ‏والبنات ما يدرون ان العيال بيجون ‏
دخلوا للملحق الرجاجيل وطبعا تعرفون ‏الشباب قهوه وشاهي وافلام و بلووت شي ‏اساسي ‏
عبد الرحمن يكلم تركي : ياا ولد قم جيبلنا شي ‏ناكله احس ابي اكل
تركي يناظره بنص عين : خير وش قلت يا عمي ‏عيد ما سمعتك زين ‏
يزيد : يقولك قم ضف وجهك جيبلنا شي تراني ‏جوعان مره ‏
طلال بابتسامه مصطنعه: قم يلا يا شاطر بلا دلع
تركي وهو قايم : بعد والله معطيهم وجه ‏ويتفلسفون ابقوم مو لسواد عيونكم ‏
راح للمطبخ ويسمع صوت اخته قال اشوى ‏اخليها تسويلنا شي << نعنبو المصالح بص‏
دخل المطبخ بسرعه : غروومه حبيبتي ‏
حلا وغرام ارتاعوا : يمه ‏
تركي يوم شاف حلا تفشل : سووري احسبتس ‏بلحالتس ‏
حلا يوم سمعته يتكلم بالسين ابتسمت : انا ‏وغراام وااحد وسع صدرك يا ولد العم ‏
تركي بابتسامه عريضه : ايوه كفو والله بنت العم
غرام : خير والحين وش تبي ‏
تركي يتميلح : والله عيال عمي جايعين ‏ويقولون لي خلي غرومه تصلح شي من يدينها ‏الحلوه
حلا وهي رايحه : داام فيها طبيخ اجل مع ‏السلامه غروومه ‏
‏ غرام تسحبها : لا