1455ه ضباب المستقبل

1. سرسر: تنكتي ؟؟

السلام عليكم ورحمة الله وبركاته
.ExternalClass .EC_hmmessage P{padding:0px;}.ExternalClass body.EC_hmmessage{font-size:10pt;font-family:Verdana;}
1455ه ضباب المستقبل
في يوم 25-5- 1455ه
سرسر : السلام عليكم
جيجو : هلا والله وعليكم السلام ,كيفك بدري من زمان ماسمعنا صوتك؟
سرسر :ياشيخة اسكتي حايسة في موضوع
جيجو: ايش هو ؟؟؟
سرسر : بعدين اقلك
جيجو: ماتبطلي هالعادة اف ترى من ايام الكلية وانا اقلك ماحب اسلوب المفاجأت والمفجعات
سرسر: اسمعي ضروي اقابلك اليوم بجي من المدينة اسوي عمرة انا والبنات وبعدين بمرك بكلمك في شغلة
جيجو: خير ان شاء الله
سرسر: كل خير وبشارة كمان
جيجو: ان شاء الله المغرب تمام
سرسر: تمام
الوصول الى بيت جيجو
سرسر: ازيك؟وكيف البنات والاولاد تمام ؟؟
جيجو: اقول ايش الموضوع الضروري
سرسر: خلاص بعدين ههه
جيجو: دب
سرسر: أيوا اخيرا سار ينقال لي دب والا انا بشبابي فيني وفين هالكروش والفخود,
جيجو قلبو
جيجو: عيوني
سرسر: جاية اخطب ولدي سامي لبنتك وسن
جيجو: مشاء الله بربربربربول >>>زغروطة 1455ه
سرسر: متى الرد ؟؟؟؟
جيجو: لاتخافي قريب ان شاء الله
سرسر : طيب يلا ياختي انا دحين بروح اتمشى في الطايف كدا كم يوم وبعدين برجع لبلدي يلا سلامو
لالالاتتااخروا الولد راح يموت لو طولتوا
جيجو : ان شاء الله
....
بعد مرور ساعة
جوال سرسريرن : سرسر انا جيجو ردي
سرسر: هلا جيجو ,خير ان شاء الله
جيجو: ايوا خلاص البنت وافقت
سرسر: وي أي تفكير هذا
جيجو: ايوا خلاص 60 دقيقة تكفي للتفكير بهالزمن
سرسر: الله يوفقهم يارب,وكم اتفقتوا عالمهر
جيجو: صراحة عشانكم غالين قلنا 255 الف
سرسر: الله يرفع قدركم والله انكم طيبين مو مثل غيركم ,تصدقي اخوه الكبير زوجناه ب 500 الف
جيجو: ياحرمة هذي المهور في هذا الزمن عادي
سرسر: نخلي الشوفة والملكة في نفس اليوم اوك
جيجو: ان شاء الله
يوم الشوفة:
الغرفة فيها
سرسر جيجو وسن
وسن: يلالالالا عاد فين سامي خلالالالالاص تعبت
سرسر: يابنتي في الطريق
جيجو: والله ولدك مرة تقيل عسى ماراح الكوفيرا تقصلو كدشه
وبعدين ليش ولد ك مكدش الدنيا كلها ؟؟على ايامنا الكدش بس للشعر وولدك مكدش الشعر والحواجب والشنب والدقن لايكون مكدش كمان ال................ الله يستر علينا عفن
سرسر: والله ولدي وتحش فيه قدامي اقول ولدي متتور انتي ايش عرفك بالحركات اصلا؟؟
جيجو: خلاص اص
سرسر: جا الولد بربربربربول
وسن: هلا والله بدري
سامي : لاوالله كنت جوت الة تنظفني بحبيبات الكريستال, وبس قفلت علي وانحبست جوتها وعبال ماجابوا المنقذين يفكوني صارت حوسة
وسن: مسوي فيها نظيف
سامي : لالالالا بس اكشخ عشان عيونك
وسن: اليوم يوم الشوفة
سامي : طيب ادري اتعلميني يعني؟؟
وسن: ياحلو شورابك سومي , ابضاي ياعيني عليك
سامي: فديت شفايفك قد شفاطة مكنستنا
سرسر: ايش بهم دولا مافي حيا ؟
جيجو: تسوي نفسك اخلاق؟؟؟افتكر ايام الشباب كان كلامك كله ........ بس خلاص مابغى اذكرك
سرسر: زمن والله عشنا وشفنا
وسن : دحين الساعة 6 ايش رايك نصلي المغرب وبعدين نملك
سرسر: انتي يابنت تراك مرة طايرة
تفكير للزواج بساعة سكتنا بس,
بس بين الملكة والشوفة ساعة مو معقول
على الاقل خليها 12 الليل عشان نسهر
وسن: يالله دحين انتي مو تبغينا نتزوج خلالالالاص اص
سرسر: يوه الله يستر على ولدي مرة بنتك مفوتة
بعد المغرب
وسن : هيا افتحوا على قناة يوم الملكة
سامي : لا افتحوا قناة يوم الدخلة,نبغى نتعلم هههاي
جيجو: بدينا بالحركات استحي ياولد,حركات كل يوم له قناة
سرسر: والله ودنيا
وسن: في قناة ليوم التخرج _ قناة ليوم الطلاق _قناة ليوم الشوفة
يعني يعلمونا ايش تسوي بالتفصيل من طقطق لسلام عليكم
هاتي الريموت يااهداب.
سرسر: يلا جيجو نسيب العرسان لحالهم
الساعة 6 صباحا
سرسر: خلاص نادو سامي بنطلع
جيجو: ياوسن قولي لسامي هيا يكفي نوم
سرسر: الشبكة بعد شهر في سنغافورة ياختي بنسويها عالبحر والكوشة انا ادبرها,اعرف وحدة تدبر الاغراض من برة وان شاء الله اتفق معاها
جيجو: من هي ؟
سرسر: اخت رؤرؤ سارة تتفتكريها,اانا افتكر انها لما كانت بالابتدائي, كانت مشاء الله تتسوق بالنت امكن دحين تطورت
جيجو: خلاص ان شاء الله
سرسر: يلا سلامو
......
في البيت سرسر تتصل برؤرؤ
سرسر: اهلين رؤرؤ كيفك بخير؟كيف حال طارق وسعود تمام
رؤرؤ: هلا سرسر الحمدالله كلنا بخير,كيف جمانة وسامي ؟
سرسر: الحمدالله تمام, اقلك كيف سارة؟
رؤرؤ: والله هي دحين باوروبا
سرسر: مشاؤ الله
رؤرؤ: أيوا والله عشانها , مشتركة في عرض تصاميم صور فتوغرافية, وغير انها عضوة في جمعية التسويق العالمية
شركة كارو عرفتيها
سرسر: اها>>من جنبها
طيب اقلك ابغى تحضرلنا كوشة من تصميم رتنا هذيك الفرنسية
رؤرؤ: اها بس مين بيتزوج ؟؟
سرسر: سميوم
رؤرؤ: مين؟؟
سرسر: يابنت سامي خطبناله بنت جيجو
رؤرؤ: يالله افتكرت ايام الكوكو لما كنتي تقولي كذا
سرسر: خلاص تحقق الحلم
رؤرؤ: خلاص ان شاء الله اكلم سارة واشوف
.......
سارت الشبكة في سنغافورة
وصار وقت الجهاز
سرسر تتصل على بيت صحبتها سرور
سرسر : الو
بشار :الو ايوا مين انتي؟؟؟؟
سرسر: ولد اديني مامتك
بشار: لالالالالالا ليش؟؟
سرسر: اقلك حبيبي هات ماما ترى انا لما اعصب اعصب
بشار : ايش بتسوي يعني؟؟
سرسر: احسلك
بشار: طيب جنبك جمونة
سرسر: ولد استحي
سرور تاخذ السماعة :الو هلا
سرسر: ولدك طالع لمين عبيط كذا؟؟
سرور: لصحبة امو

سرسر: تنكتي ؟؟

سرور: ياشيخة خليها على الله حايسين بفيلة عبدالرحمن كلها اسبوعين ويتزوج ومرة مضغوطين, وكل واحد نفسو في خشمو
سرسر: اقلك , ابغى انزل سلطانة ومافيا ادور كل الاسواق ايش في محلات للعرسان, بجهز للولدي سامي للزواجه والله صرنا نجهز اولادنا بدل بناتنا,ابغاله قمصان واستشوار اصلي شعره اللهم لاتبلانا وغير الثياب العودي الكحلي والغتر البنفسجية والتركوازية. فين الاقيها؟
سرور: مشاء الله , بنت مين ؟؟
سرسر: جيجو
سرور: يعني سويتها ولدك لبنتهها
سرسر: الحمد الله
سرور: المهم ’ والله في مركز اسمو( ذوق فوق) كان زمان اسمه الدخيل بلازا تفتكريه؟؟ وفيه هداك اللي المتطور بدل نعوومي دحين جا اللي احسن منه اللي هوا (يوم دخلتي(
صراحة احسن من نعومي مدري كيف كنا نموت عليه زمان ؟؟
فيه للرجال وللحريم كلو, وشارع (واو( كلو واو نحنا قضينا السنة اللي فاتت لمودة منو ياشيخة مرة روعة
سرسر: تسلمي ياختي ماتقصريش
ويلا نستناك عالفرح اوك
سرور: من عنوني
سرسر: يلا سلامو
سرور: سلامو
..........
سامي : امي بنسافر جدة نقضي من هناك
سرسر: طيب بس خليني اسال اسماء عن جدة امكن تغيرت
تصدق كانوا زمان يقولولها جدة غير
اما دحين قال جدة الباريسية قال
جيب الجوال
سرسر: الو
سوما: هلا
سرسر: ايش بك ياحرمة ؟؟صوتك من جنبها
سوما : خلالالاص في التاسع بموت
سرسر: خلي ابرار تولدك ههه
سوما : انا تعبانة وانتي تتريقي ؟ اصلا ابرار مو كدا تخصصها
سرسر: اجل خلي زيد اخو سوميا هههاي
سوما : اقلك اذا مافي شيء ضروري قفلي وربي ماني فايقة
سرسر: بسال عن جدة الباريسية, فين المحلات المتطورة ؟؟
سوما: زمان كان يقولوه شارع التحلية عرفتيه؟ دحين سموه ستايل وفي عندك اللي فتح بدل عزيز والصيرفي
ايش اسمو ام؟؟؟ (حركات وكشخات) وفاكرة الصحيفة دحين سموها (الاناقة) بس هذا اللي اعرفوا
سرسر: ثانكس
سوما : عفوا مع السلامة وع
سرسر: الله يعينها بس ويصبرها الناس تتوحم في الشهور ولى وهي تتوحم بالشهور الاخير
يارب يسر امرها
سرسر: اقلك سامي
سامي: هلا امي
سرسر: ايش رايك نقضيلك اشياء من الشرقية؟
سامي: بس كيف نعرف الاسواق الفخمة ,تعرفيني ماحب الا الفخم
ووسونتي ماترضى الا الهاي هاي
سرسر: في صحبتي الو هناك ساكنة نروحلها وناخذها معانا , هاايشرايك؟
سامي : خلاص ان شاء الله نروح المراكب الطيارة ونحجز لنا مركب
سرسر: ان شاء الله
بعد اسبوع
سامي : يلا ياامي جبت المركبة
سرسر: تصدق زمان كان كابتن واحد يقود الطيارة وامة لااله الله وراه اما دحين صراحة مرة اريح كل واحد ياخد مركبتو ويقلع فيها مع اللي يبغاه
سامي : احلى شيء تدخلي اسم المنطقة اللي تبغيها في الجهاز بهدا القلم وهي توصلك , وخلاص يوم ا ن شاء الله بجيب مركبة ل 4 اشخاص انا وسن وانتي وخالتي جيجو
صوت من المركبة :بقي 5 دقايق عالوصول
سرسر: وي تونا اقلعنا
سامي: نحنا في عصر الصاروخ
سرسر: اقلك اكتب في الجهاز منزل الاء الشريف خليه يوصلنا
طيب
سامي : يلا انزلي
سرسر: تعالي لما اتصل عليك طيب
....
سرسر: اللو خلي الحراس يفكوا الباب
اللو: هلالالالا وحشتيني من زمان عنك تسوي نفسك مشغولة..........وليش ماقلتي انك خطبتي بنت جيجو لولدك ها...........وبعدين ماتردي عالجوال والا شيء
سرسر :اللو بالله خلاص خليني اتكلم ,انا قلت البنات يوصللك خلاص مايحتاج ادق واسوي زحمة, الا فين توامك روز وفوز والا اني شايفة احد في الفيلة حقت اهلك؟؟مو هي اللي جنبك
اللو: يابنت البنتين راحوا لفرنسا عشان قدموا على عرض في زيادة الاوزان والحمدالله انقبلوا
سرسر: افتكر زمان امهم كانت تدور على تخفيف الاوزان
هاي
اللو: وماما سافرت للرياض عشان اجتماع موجهات عندها ورؤساء في قاعة التعليم
واما اروى فهي مدرسة رياضة من الصبح للعصر يعني مو موجودة دحين
واسيل 24 ساعة وهي وخطيبها برا يسافروا ويرجعوا تاني يوم تسوي انها فلة
سرسر: الحارث والبراء والياس؟
اللو:
الحارث والبراء : في كندا شغلة... توهم سافروا وبيرجعوا بعد ساعة
والياس امس كان زواجه ودايخ مع مرته هاهههااي
سرسر: اشوفكم تباراك الرحمان كل واحد في بلد؟؟والا لما كنا 1430ه في ينبع وماتسافروا الا البلد؟؟هههاي
اللو: تتور تتور ياختي
جوال سرسر يرن : سرسر اانا سرور ردي
سرسر: هلا والله
سرور: سرسر سوما ولدت مشاء الله
سرسر: الحمدالله هاا بنت والا ولد
سرور: توام بنت ولد رامي وسالي
سرسر: سلمي عليها كثير وباركيلها
سرور: ييلا نزورها اليوم؟؟
سرسر: لا والله انا عند ام ريان في الشرقية
سرور: مشاء الله الو وحشتني سلمي عليها
سرسر: يوصل
سرسر: يلا سلام
سرسر: سوما ولدت
اللو: بربربرببرول
سرسر: يلا بنروح السوق يلالا
اللو: يلا بس ليش؟
سرسر: عشان نرقص, ياحورمة ولدي بقضيله اشياء
اللو: يلا طيب
بعد 3 ايام
سرسر:
ياولدي خلينا نختمها بمكة جيب المركبة
سامي: تامرين امر وسونتي
سرسر: بلا فشكلك 24 ساعة وسن خلالاص ارحم نفسك
سامي: احبها ياامي والله 24 ساعة في عقلي
اوريك؟
سرسر: كيف؟
سامي : ادخل راسي هنا وتبان صورتها في الشاشة يعني هذا اللي شاغل فكري
سرسر: وريني
سامي: استحي
سرسر: احلف انك تستحي؟؟
سامي : خلاص خلاص وصلنا
سرسر: هيا اكتب فيلا سوميا مليباري
سامي : اهو وصلنا
سرسر: الو سوميا قولي للحراس يفتحوا الباب
سوميا: أي باب؟؟
سرسر: فيلتك
سوميا: من جدك انتي عند فيلتي ؟؟
سرسر: ايوا وهو ياندامة ايش بك؟
سوميا: مرة تانية تدقي قبل ماتجي ,انتي وجهك ماتبطلي اسلوب المفجات حقك,انا دحين في لندن مع بنتي بانة ,عندها تكريم لاول 10 اذكياء في الكون
سرسر: يوه طيب فين اروح؟
سوميا: خلاص دقي عالحراس وقوليلهم من طرف مدام سوميا
على فكرة بيتي كله سلالم كهربائية وسير ههه تركبيها؟؟ اولا تخافي زي زمان؟؟
سرسر: يوه مافي مصاعد؟؟
الله يقطع شرك تسوي نفسك هاي
سوميا : الا في من جهة الحديقة بس بعيد خلي الحراس يوصولك بالتلفريك
سرسر: صح ابغاك تصويرلي سامي ووسن قبل الزواج, عشان عرض الزواج جيبي معاك خلفياتك اللي في لندن, قلتيلي ايش اسم شركتك؟
سوميا: توب فوتغراف
سرسر: خلاص اعتمد عليك؟
سوميا: ان شاء الله
سرسر: يلا سلامو
.....
بعد العودة الى المدينة
يوم من الايام
جيجو: الو سرسر في حفلة بنسويها يوم السبت تعالي الطايف
سرسر: لمين وليش؟والساعة كم؟
جيجو: بشويش بشويش الله يهديك
بنسويها عشان عبود كتب كتابه وتروك خلص دكتوراه
سرسر: اهي اهي اهي اهي
جيجو: ايشبك؟
سرسر: دموع الفرح افتكرتهم يوم كنت اقلك بوسيهم لي وكنت احب اجيب لعبود اشياء لما كان في الروضة والله الدنيا صاروخية
جيجو: انتي ايشبك حتى اوقات الفرح تبكي تزيح جبل ولاتزيح طبيعه,خلاص تعالي اول معزومة طيب
سرسر: طيب ان شاء الله
يوم الحفلة
سرسر: مشاء الله اختك اروى كبرت وحلوت
جيجو: كلك ذوق
سرسر: خلاص نخطبها لاخوي عبد الملك,
جيجو: انتي ياحورمة لاتحسسيني انكم داخلين طمع كفاية سامي من ايام الكلية وانتي ملزمة ,وافقت بس عشان لالالاحرجك خلاص كفاية
سرسر: طيب ياختي الله يزوجها اللي احسن من عبد الملك
جيجو: يلا خلينا نصفق لتروك وعبود
سرسر: يلا
قبل الزواج باسبوعين
جيجو: سرسر ابغى احلى اقنعة مكياج لمصممات اوربيات او فرنسويات عشان وسونتي قرب زواجها
سرسر : اقلك دقي على نسيبة لانها تاخذ كورسات في باريس وكيف تقدر تدمج القناع في الوجه من غير سلبيات اتوقع انها كمان تشتغل على وجوه ناس كوباريه يعني اضمن لك ياختي
جيجو: خلاص طيب من جد احسن
جيجو : الو
نوسة: هلالالالالاو جيجو أي مس يو سو متش
جيجو: والله حتى نحنا اقلك انتي فاضية بعد شهر تقريبا