روايه لحظات غريبه بين اثنين

الحلقة الثانية ..
لا يستعجل ..مو حلوة ينكب على البنت مرة وحده..خله ثقيل شوي ..هي لولا عمتها ...كان آخذ راحته معاها ..تمدد على السرير ...ونام ..
***
الدانة في اسوأ حالاتها ..منيرة نازله فيها شتايم وسب ..ونايف مو موجود علشان يسكت منيرة ..
منيرة أنا بنتي ثانوية وعندها دراسة مب شغالتج تآخذينها تخدم بيت خالج..أنا أتحملتج وايد..كافي انج مأثرة على بناتي وكله يعصوني ..
على هالمنوال استلمت منيرة الدانة ..
الدانة أنا بريحج مني ..وبروح بيت أخوي ناصر ..
ركضت الدانة لغرفتها وطلعت شنطة حطت فيها كل أغراضها.
قمر أرجوج عمتي لاتزعلين ..لا تتركينا ..
بدر عمتي لا تروحين ...لولاج كان حنا طفشنا من زمان ...أرجوج عمتي انتي ونستنا في البيت ..
الدانة مليت..أنتوا تبوني علشان أونسكم ..لكن أنا شاللي يحدني على كلام امكم لالي يسم البدن.. أنتوا الحين ماتبوني أظل إلا علشان وناستكم؟؟ كله انتوا تبون تبون ..ولا قد مرة قلتوا عمتي شاللي أفضل لها ..
شلت شنطتها واطلعت من البيت ..
راجو خذني الوكرة ..
راجو زين ماما ..
(راجو سواق ام الدانة ..وماقدرت الدانة تطرده ..فطلبت من ناصر انه يخليه (
قمر عمتي الوكرة بعيده والساعة الحين تسع ..وين رايحه كل هالطريق ..والمدرسة؟
الدانة احتارت .. وين أروح ؟ وين أروح ؟؟
قمر روحي بيت خالج ..أقرب للمدرسة ولبييتنا ..
الدانة طالعت قمر نظرة احتقار تبين تستغليني علشان تشوفينه؟؟
قمر لا والله عمتي ..لاء ...
الدانة أنا رايحة بيت خالي ..بس بعدين بروح الوكرة ..
قمر كلها شهر ونخلص المدرسة ..ومنها خالد يدرسج انكليزي ..
الدانة مع السلامة ..
طبعا ...كان أسوأ شعور مرت فيه الدانة ...مالها ويهه تتكلم وتقول اللي صار ..
أبو خالد الدانة ؟؟ شييايبج هالحزة يابنتي؟؟
الدانة قوة خالي ..بتخليني واقفة عند الباب؟؟
أبو خالد البيت بيتج ..تعالي ..
***
خالد كان نايم في غرفته ..ولاحاس باللي حوله ..
***
خالي أنا قلت أيي أدرس هنا لان البنات مثلي ثانوية بس هم قسم علمي وأنا أدبي ...وأنا أبي عبير تساعدني في الانجليزي ..اذا ماعندك مانع ..
ابو خالد أنتي بنت الغاليين أمانع بوجودج في بيتي؟؟ البيت بيتج ..خذي راحتج ..
حست براحة .. لكنها تذكرت أن خالد موجود ...بتتحاشاه ..وبتظل في غرفة العنود طول الوقت ..
دخلت الغرفة ودموعها اللي كبتتها طلعت .. حست أن مالها حظ أبد ...قدرها أنها تشقى ... وتتشحطط ...
طلعت ورقة وكتبت عليها شعورها ...
لاتظلميني يالدنيا .ولاتعذبيني .أمي يابتني بالصدفة ...
ولا تحكمين علي بالشقى .ترى النور في حياتي يطفى ...
اتمنى ان الحظ يمشي معاي ..ونية الناس لي تصفى ...
وتصطلح أموري ..والجروح اللي في قلبي تشفى ..
==============
)أهم شي ..أحبس نفسي في هالغرفة ,,ولا أحسس حد أني موجودة ..لا أحتك بخالد ..ألتزم دراستي ,,,,وبس !(
**
صباح الخير ,,
خالد صباح النور ..
عبير بتروح للمستشفى من اليوم؟؟
خالد لازم أشوف تعييني ...جهزتي لي ريوق؟؟
عبير الحق عليه لاتخلصه العنود ..صايرة ديناصور ..
ابتسم خالد ..ونزل تحت ..
صباح الخير ..
العنود هلا خلود ..صباح النور بدكتورنا .. اقلط حياك ..
خالد وين عبير؟؟
العنود راحت تصحي دندون ..
خالد دانة؟؟ بنت عمتي؟؟
العنود اييه ...
خالد قطيعه ..وهذي شتسوي هنا؟؟
العنود بتم شهر على قلوبكم ..الله يعينكم ..
خالد الله يجيبك يا طولة البال ..شهر؟؟
العنود ثانوية ..ما بتشوفها وايد .. تراني اليوم ان شاء الله بعد الدوام ما بيي البيت ..برجع بيت ريلي ..
خالد كيفج ..
العنود بعد ماخذت غرفتي ما لي خاطر أيلس هني..
خالد أنا ماطيق هالبنت دقيقة ..شلون بتحملها شهر؟
العنود ما أدري .يلا باي الحين .. أسمع صوت سيارة ...أكييد ريلي ..
**
ابتسمت دانة بانكسار ..
صدقيني ماني يوعانة ..وأنا هني أدرس ما ييت علشان أزعجكم ..فانسي اني موجودة ..واذا يعت بخدم نفسي بنفسي..
عبير دانة ..يلا اهون عليج اتعب في تجهيز الريوق وماتتريقين؟؟
دانة الدريول تحت جاهز ..بروح الحين ..وخشي لي الريوق اذا رجعت بآكل ..لاتخافين ..
تهربت دانة من عبير وتحججت بلبس ملابسها ..
***
العنود هذا دريول بنت عمتك ..مب ريلي ..
خالد كملي ريوقج ...أحسن لج ..متى موعد الولادة؟؟
العنود بعد ثلاث شهور ..ان شاء الله ..
نزلت دانة من فوق وحطت غشوتها على ويهها ..
العنود مابتتريقين؟؟
دانة صباح الخير ..أنا مستعيله ..
وأول ما تأكدت أنها طلعت من الباب ..
العنود زين ذكرت تصبح علينا ..
خالد بس مالاحظتي ان محد رد عليها؟؟
عبير مالكم شغل في دانة ..أرجوكم إذا لي خاطر عندكم لاتحسسونها انها غريبة ..
خالد وهي شتسوي هنا ؟؟
عبير شكلها متخانقة مع مرت أخوها ..بس ما ترضى تقولي ...متحججة انها ياية تدرس بهدوء ..
خالد المهم بعد شهر لايكون أشوف ويهها هنا ..
عبير خالد أنت للحينك؟؟
خالد للحين ولبكرة ولبعد سنة ...هالبنت حاولي قد ماتقدرين تطفشينها من هنا ..
عبير هذا وأنا ناوية أطلب منك تدرسها!!
خالد هالبنت لاشفت ويهها أنغث ..تبيني أجابلها ساعتين ولا ثلاث ؟ آسف ماعندي وقت ..
عبير مالكم شغل فيها ...ولا حد يضايقها ..اذا لي عندكم خاطر ...
*****
دخت المدرسة وهي تحاول تبتسم ...
ليلى صباح الخير الدانة ..
دانة صباح النور ..
ليلى وين قمور وبدور ..
دانة بيتأخرون شوي ..جهزتي لي أوراق الانجليزي؟؟
ليلى جهزتهم لج .. ..بعطيج اياهم بعدين ..
دانة فديتج تسلمين لي ..
ليلى ماسويت شي وانتي تستاهلين ..
دانة عاد يبتي كافي؟؟
ليلى يبت مارس وجلكسي و سنيكرز ...
دانة أنا يبت البرينجلز ...الهوت والسولت والاونيون ..مثل ماطلبتوا ..
ليلى وريموه يابت الميرندا والشاني.. ومثل ما اتفقنا قمور بتييب الحب والمكسرات ..سناء المصاص والعلوك ..
دانة اوكي ...في الفرصه نلتقي؟؟
ليلى أكييد ..في الصف القديم ....أوكي؟؟
***
كان الضحك على أقفى من يشيل ..والجلسة كانت روعة ...
سناء عاد بنكرر هالحفلة ..لازم .
ليلى بس المرة الياية مع ميوزك وراب ..
قمر من قال لكم مافي ميوزك وراب ؟؟ شتبون ايمنيم؟؟ لوز يور سيلف ان ميوزك؟؟
سناء عندج سوري ماما؟؟
قمر لا والله . ...بس ..في بيونسيه نايتي قيرل!! وفي بريتني سبيرز اي لوف روك أند رول ..
ريم حطي بريتني ام نوت أقيرل ..
دانة حرام عليكم شتخربطون ما أفهم شتقولون ..
ريم بغني بس محد يضحك على صوتي ..
قمر غني أرجوج غني ..
ريم ام نوت اقيرل ..نوت ييت أوومن ..اول اي نيد از تايم ..امومنت ذارز ماين ...وايل ام بتوين ..ام نوت اقيرل ..
دانة بس بس ..مافهمت من الكلام اللي قلتيه الا كلمة وحده وومن ..
ريم الاغنية معناها..أني مب فتاة ..وماصرت امرأة بعد ..كل اللي احتاجه هو وقت ..لحظة تكون ملكي ..ودام اني في الوسط ..ماني فتاة ولاني امرأة ..هذي البداية بس ..
دانة غني شي عربي دام صوتج حلو ..
ريم اوكي ..تمشي معاج اغنية لمحمد عبده؟؟ سمي ؟؟
دانة تمشي ..غني ..
قمر خلوني أحط لكم بيونسيه احلى ..
ريم ترى اغنية كلماتها لج عليها ..
قمر اوكي ..بحط لكم شي بسيط ...لوز يور سيلف ان ميوزك ..
سناء عندج أسيري ها ..هي اهي؟؟
دانة لاتحطون شي ما افهمه ..
سناء هالغنية كلنا مانفهمها ...خلي نرقص علبيها .
الدانة انا رايحة البيت ..
ليلى مايصيير تروحين انت وقمر ..
الدانة قمر مابتروح ..بروح بروحي .,,باي ..
الدانة حست انها مزيفة ..تكابر وتضحك بدون صدق..بس هي محتاجة اشياء ووايد ... طلعت من المدرسة مختبصة ..
(شفكر فيه ؟؟ أنا هبله؟ وين أروح بيت ناصر ؟ ؟؟ أنا نعسانه ..مو من النوع اللي يتأقلم في مكان غريب ..ماقدرت انام أمس ..وماراح أنام طول الايام اللي يايه ...(
حست بقهر وانزلت دمعة من عيونها ..
اووه اوراق الانجليزي نسيت اعطيج اياهم ..دانة؟؟ ليش تصيحين؟؟
ليلى ..مشكورة ..
ليلى دانه ..ليش دموعج ..ارجوج دانة انت غالية علي ..قولي لي اللي في قلبج ..
دانة مافي شي ..
ليلى دانة ..من ييتي الصبح وانتي مو على بعضج ..شصاير؟؟
دانة رهبة من الامتحانات ...وعقدتي من الانكليزي ..
ليلى لا ..ما أصدق أنتي بحياتج مااهتميتي لهالاشياء ..
دانة قبل غير والحين غيير ...نلتقي بكره؟؟
ليلى تذكري ..أنا موجودة دايم ...اذا حبيتي تفضفضين لي ..
دانة الله يخليج لي ... ولا يحوجني لغيرج ..عن اذنج ..السايق ناطرني ..
****
عند الباب كان موجود ..ترددت الدانة ...وقالت انها مابتدخل قبله ..
***
تنهد بعصبية ..
(مالي خلق اتواجهه معاها ..هالبنت أتشائم منها ..خليها تدخل أول (
بعد ربع ساعة ..
)خليني أدخل اول دامها مانزلت من السيارة (
(خليني أنزل تنقعت هنا والسبة هالمغرور ...(
*
وتصادموا ..لفت دانة إلا كتف خالد ملتصق في كتفها ..كانت تتحاشى تطالع له وهو نفس الشي.. واللي صار انه هو هي تصادموا ..
محد اعتذر ومحد تنحى ..وكملوا طريجهم عناد في بعض ..
اركبت للغرفة وهو راح للمطبخ ..
***
بنتلاقى في الصف القديم ..
صكت التلفون ...وابتسمت ..
عبير ماتغديت ولاتريقتي ,,الحين ماتبين تتعشين؟
دانة قلت لج .. لا يعت بخدم نفسي بنفسي ..والان الحين طلبت من ليلى تطلب لي من مكدونالدز وحسبت حسابج في وجبه ..وبأي لحظة دريولها بيوصلها لنا ..
عبير ليش الاكل من برا ؟؟ وأنا أطبخ زيين ؟؟
دانة يلا بلا تغلي علي ..قلت لج اني في بيتي بآخذ راحتي ...وما أبيج تزعجين نفسج بخدمتي ..
**
حاس بوزه وهو متردد ..
عبير شعندك ؟؟
خالد هذي قمر كم عمرها؟؟
عبير كبر عمتها ..سبعطعش ...
خالد مخطوبة ؟؟
عبير لا ..هنا السالفة شكلها جد ...انت من صجك؟؟
خالد عيل أمزح معاج؟؟ من صجي البنت فلقة قمر ..ما أبيها تطيير من يدي ..
عبير كيفك ...اللي سمعته انه محد خطبها لين الحين ..بس امها متشددة معاها وايد ...هي واختها ..
خالد وهذا هو المطلوب ..وين امي خليني أكلمها ..
عبير في غرفتها ..بس أفضل ماتكلمها اليوم ..
خالد ليش؟؟
عبير استقر أول في شغلك ..داوم فيه ..وبعدين افتح موضوع الزواج ..
خالد رايج وايد في محله ...باي ..
عبير مع السلامة ..
**
ام خالد دانة ..دانة ..
دانة هلا خالتي ..
ام خالد اخوج نايف على التلفون ..
(هذا نايف ...شقول له الحين لاطلب مني أرجع؟؟ (
دانة الو ..السلام .
نايف وعليكم السلام ..شلون تطلعين من البيت بدون ماتقولين؟؟
دانة نايف لا تصارخ علي .. أبي مكان أدرس فيه بروحي ..
نايف تروحين تضقين على الناس في بيتها ؟ وشلون تعيشين في مكان فيه ريال غريب .
دانة اي ريال؟
نايف خالد ..
دانة أرجوك عاد هذا ريال؟؟ وينه وين الرياييل ..هذا بزر ..ياهل ..
نايف استحي على ويهج في بيت الريال وتتكلمين عنه جي ؟؟
دانة خلاص نايف فكني من ويع الراس هذا ..
نايف تعالي ردي البيت ..
دانة نايف ..أنا كنت بروح بيت ناصر ولا بيت ثامر ...بس انا عندي امتحانات وهم ساكنين بعيد ماني قادرة على الطريق ..
نايف ردي بيتي ..
دانة نايف ..أنا انهنت في بيتك ...ومرتك ماتبيني .. عندي امتحانات ومالي خلق لعزار الراس أبي أركز ..ولا تخاف علي في بيت خالي أنا هنا في غرفة العنود طول الوقت وصدقني مافي أي احتكاك بيني وبين خالد ..
نايف مالج شغل في منيرة ..وان قالت لج كلمة بعد اليوم مابيصير طيب لها ..ويلا بلا ثقالة دم وارجعي البيت .
دانة نايف ,,آسفة ..ماني راجعة ..سو اللي تبي ..ماني راجعة ..مع السلامة ..
صكت التلفون في ويهه أخوها وهي تأفف ..
أنا بزر!!!!
عضت دانة على شفايفها ...هالصوت تعرفه ..خالد!!!!
**
خالد كان ماسك أعصابه بالغصب وهو يسمع الدانة شلون تتكلم عنه ...بزر؟؟ ياهل ؟؟؟
خالد ريال عمري خمس وعشرين سنه داخل على الست وعشرين تقولين عني بزر؟ متخرج من كلية الطب في جامعة الأردن بتقدير جيد ..وتقولين عني بزر!!!
الدانة اسكتت .
خالد ماتتكلمين آنسة دانة ..اشوفج انخرستي؟؟
الدانة اييه ...بزر ..عندك اعتراض؟؟ شتبي تسوي تضربني؟؟ تطقني؟؟ ..جرب ...جرب وتشوف من هي الدانة حسن ..
خالد للحظة كان بينسى نفسه ويضربها ...بس مسك نفسه ..كانت ومازالت انسانة قليلة أدب لسانها طويل ..
خالد الدانة حسن ..مشتطة وايد بنفسج ...ماألومج ..عليج لسان ماشفت أطول منه ..
انسحبت الدانة للغرفة ...وهي معصبة..بس شسوت؟؟ مو عدل تسب الريال في بيته ...وبعدين معاه حق ؟؟؟واحد بمكانه ماينقال له بزر ..بس شتسوي ؟؟ تكرهه من كان صغيير ..وللحين مشاعر الكره في قلبها تجاهه ..
**
أما خالد ..فحط نية سودا لدانة ...بس تذكر كلامها ..أنها ثانوية وان زوجة اخوها اهانتها .. فسكت ..وماقال شي ..والا كان شرشحها ...
**
بعد اسبوع من هالموقف ..
قمر قولي لي ...شلونه خالد؟؟
دانة ما أدري ..أنا أحبس نفسي في الغرفة طول اليوم وما أطلع إلا في الفير ...أكل وأصلي وأرجع أنام ...
قمر أمانه ..ماسأل عني ؟؟
دانة وأنا شدراني ماسمعتيني من قبل شوي؟؟ أقولج ما أشوفه..
قمر عاد هالاسبوع بنغيب ..ما أدري شلون بتبدرين حالج هناك ..
دانة ماعليج مني .. المهم انتي وبدرو ادرسوا ..
قمر بزورج ..
دانة كيفج ..ادري انج مو ميته علي ..بس تعالي الساعة ثمان يكون توه راجع من المستشفى ..
قمر الساعة ثمان؟؟ شيطلعني من البيت؟؟
دانة مابيكون موجود قبل هالوقت ..عبير قالت لي ..
تدخلت ليلى ها دانة من هذا اللي تتكلمين عنه ؟؟ عامر؟؟
قمر لا ..خالد ..ابن خال عمتي ..
ليلى اييهع وهالعامر من خطبج مارد؟؟
دانة لا ..مارد ..أحسن ..قت لكم أكبر مني بوايد ..وكانت أختي نوير زوجته ...ما أقدر أحل مكانها ..
ليلى زين ماعنده عيال ولا بنات ..
دانة عنده ولد ...بس تربيه امه..
ليلى ربيه انتي .ابن اختج ..
دانة حرام عليج ..عمري سبعطعش سنه ..وهو عمره اربع وثلاثين ...كبير وايد ..وولد اختي مب صغيير ...عمره خمس سنوات .
قمر الله يرحمها عمتي نوير ...
ليلى زين وشقصة خالد ..
قمر هذا ابن خال دانة ..دانة تكرهه ...مع انه مافيه شي ينكره ..
دانة قصدج مافييه شي ينحب ..
ليلى شكل قمور هي اللي ذايبة ..
دانة عليج نور ..يلا الحين بروح مع السلامة وأشوفكم أول أيام الامتحانات ..
ليلى قمور منتي رايحة قبل لاتقولين لي كل شي ..
قمر وهل أجرؤ؟؟
ليلى أحلى عربي !!
**
فكر خالد ..وقرر انه يفاتح أمه بموضوع الزواج ..
طق الباب ..
ام خالد مفتوح ..
دخل خالد ..
عالقوة يمه ..
ام خالد الله يقويك ..ادخل ...
****
دخلت دانة البيت واستغربت ان خالد موجود ..طلعت لغرفة خالتها تسلم عليها قبل لاتدخل الغرفة ...
لكنها اسمعت الكلام ..
ام خالد انت شتخرف ..وبنت عمتك؟؟
خالد بنت عمتي؟؟ أنا أقولج أبي بنت ابن عمتي ..شدخل هذي في الموضوع!!
ام خالد يا وليدي بنت عمتك موجودة تآخذ وحده عيال عمها رايدينها؟؟
خالد أنا سألت عبير قالت محد خطبها !
ام خالد يمه ابن عمتك حاط عليك الامل انك تآخذها! رفض وايد بس علشانك ... والبنت اللي تبيها عيال عمها يبونها ..هي وختها ..عيال ناصر يبونها ..
خالد بس يمه ..أنا أبيها ..البنت عجبتني ..
ام خالد الدانة لك ..وهالشي انتهينا منه من زمان ..
خالد مب بكيفكم ..الدانة ما أبيها ..ولا أطيق أشوف ويهها .. تبيني اتزوجها ؟؟؟
ام خالد أحلى من بنت اخوها ...شتبي بعد؟؟ وأخلاقها احسن ..
خالد ما أبيها قليلة أدب ولسانها طويل ..
ام خالد ياكبرها عند الله ...دوينه؟؟ والله في حياتها ماغلطت على حد ..بنت محترمة وأنا اللي ربيتها!!
خالد يمه أنا خابزها وعاجنها هالبنت ما أبيها ..بروح الحين المستشفى ..دبريني وفكيني منها ..
دانة في هاللحظة ارتبكت وركضت للغرفة وصكت الباب على نفسها ...ما انتبهت ان شيلتها طاحت جدام باب غرفة ام خالد ..
طلع خالد وتعثر فيها ...رفعها واستغرب ..حطها على جنب وكمل طريقه ...
****
الدانة ماقدرت تنام ولا تدرس ..ولا تشتهي تآكل ..لفت نفسها في اللحاف ولا قامت ..عبير طول اليوم كانت في السوق. وام خالد ..مرت عليها بس تظاهرت انها نايمة .
...........
الساعة ثلاث ونص الفير ..طلعت دانة من الغرفة ..وشافت شيلتها ...خذتها ونزلت المطبخ ..تشرب قلاس حليب ..
وهي تراقب الحليب لايغلي ..سمعت صوت وراها ..كان خالد ..
البست شيلتها بسرعة ..
كان شايل بيده أغراضه .وغترته ...وعلى ملابسه بقع دم .اخترعت دانة ..
خالد لما شاف ويهها ..ابتسم وقال ..
آثار الشغل ..توني طلعت من المستشفى .. ..كان في حادث ..
دانة أحط لك كاسة حليب؟
خالد ياليت ...
انتبه خالد للشيله اللي كانت لابستها ..كان فيها خطوط زرقا ..فاستنتج انها هي نفسها اللي كانت جدام غرفة أمه ..
حاول انه يغطي الدم اللي على ثيابه علشان ما تلوع جبد الدانة ..
الدانة خالد ..
خالد لبيه ..
الدانة اوعدني وعد ..
خالد وعد؟؟
الدانه اييه ...
خالد اذا اقدر عليه ..
الدانة خالد اوعدني انك ماتتزوجني ...أنا ما أبيك ..ولاقادرة أتخيلك زوج لي!!!!!!!!
(بس ؟؟ ماطلبتي شي ...من عيوني ..لاني أبادلج نفس الشعور !!! )

الحلقة الثالثة ..
(بس ؟؟ ماطلبتي شي ...من عيوني ..لاني أبادلج نفس الشعور !!! (
كانت أمنية دانة أن خالد ينطق بهالجملة ..وأمنية خالد بعد ...بس للأسف ..الأمنية ماتحققت لأي منهم ..
خالد...... كلام دانة كان وقح معاه ...شلون تتكلم بهالطريقة عنه؟؟ ما أبيك؟؟ مو قادرة أتخيلك زوج!!! ششايفته علشان تتكلم معاه بهالطريقة ؟؟ سواقهم ولا الصبي ؟؟
أما دانة فغمضت عيونها ناطرة الوعد ..
خالد ما علق ..خذا كوب الحليب اللي حطته قدامه وطلع من المطبخ..سمعت دانه خطواته ..وانصدمت ..توقعته يقول لها اي شي ..يوعدها ..وهي كلمته بطريقة استفزازية علشان يرد بعصبية انه مايبيها..ليكون زعل؟؟ يمكن أن يكون خالد رجل حساس؟؟ خليني أخذ منه الوعد ..هذا هو المهم ..
خذت كوب الحليب مالها ...ولحقته ..
خالد ..خالد ..
كان على الدري ..وقف ..صعدت دانة علشان ماتصرخ ..
دانة خالد ..لا تآخذ كلامي على انه اهانة ..أنا كان قصدي انك مثل أخوي ..وما أشيل بقلبي أي مشاعر تجاهك تنجح هالزواج ..
خالد وانتي ليش واثقة اني بتزوجج؟؟
دانة أنا أعرف ..وبس ..وأنت مو مثلي تنغصب على هالزواج .
خالد نعم؟؟ .تعرفين وبس ؟؟ دانة أنا ما أقدر أوعدج بشي..بس أنا واثق من شي واحد..أني أكره فكرة أنج تكونين زوجتي ..
انصدمت دانة ..الاشمئزاز اللي على ويهه ...والتحقير اللي مغلف كلماته وصل لها ..حست باهانة ..راحت غرفتها بهدوء.. رجعت للسرير ..وتمت لين الصبح والارق رفيجها ...
أما بالنسبة لخالد ...حط راسه ونام ...ولا فكر في الموضوع أبد ..
*******************
ابتدا مارثون الامتحانات..ودانة مرتبكة وايد ..عبير قد ماتقدر تساعدها..كان محد يشوف دانة في البيت..كانت كله حابسه عمرها في الغرفة تدرس .
بالنسبة لخالد ..كان مركز بشغله.. (محد كان يحبه في القسم اللي يشتغل فيه..لانه كان وايد جاف معاهم ولا يعرف شي اسمه دبلوماسيه ولاشي اسمه مجاملات..كان انسان صريح جدا لدرجة السخرية..عنده كل شي جد ..مافي شي اسمه هزل أو وقت راحة ..فالكل يتحاشاه .(
الممرضة دكتور حالة تسمم ...
خالد مرريها بدكتور بهاء ...خلي يسوي اللازم ..أنا عندي هنا حالة حرجة ..
الممرضة تمت واقفة تراقب خالد وهو يحاول ..
خالد وليش واقفة ؟؟ ماتروحين؟؟ المريض لايموت وانتي اتتفرجين ..
انتهى خالد من الحالة اللي عنده ..وراح لمكتبه ..
شي واحد كان الكل يمدحونه في خالد ...انه رجل يعتمد عليه ..في الاوقات الحرجة..رغم أن عمر تعامله معاهم ماتعدى الثلاث أسابيع لكنهم اكتشفوا هالميزة فيه ..
وفي المكتب كان موجود ...
فهد قالوا لي أنك رجعت ..لكني ماصدقت ...
خالد فهد؟؟ وينك ياريال؟ ماشفتك من زمان ...
فهد صار لي ثلاث أسابيع في الدوحة ,,واستخسرت أشيل التلفون أكلم ربعي .
خالد لا عاد ...بتلومني أنا ؟؟؟ التهاني ملت الجرايد برجوعي ...ماعرفت تتصل تهني؟؟
فهد قول نطرت الاتصال الاول منك ..
خالد شخبارك يا ريال؟؟ شسوت فيك هالدنيا؟؟
فهد رفيجك صار مدير بنك ..وأبو سالم ..
خالد صحيح؟؟ مبرروك ... وأنت متى عرست؟؟
فهد من سنة ونص ..أحسن من رفيجك مناحي المسكين تزوج من ست سنوات ..أول ماتخرجنا من الثانوية ..
خالد انت من صجك؟؟
فهد اي والله والحين عنده ماشاءالله أربع أطفال ..
خالد أربع؟؟ وهذول من وين بيوكلهم؟؟
فهد يمشي حاله لاتخاف عليه ...أنت شخبارك ياريال ..ماصدقت لما قالوا لي انك ييت هنا الدوحة من كم سنه .
خالد لاتشتط وايد .. ييت يوم واحد بس ورجعت أكمل دراستي ..وماطبيت الدوحة إلا هالسنة !!!
فهد زين خلصت شغلك؟؟
خالد لاء ..ماخلصت ..
فهد الساعة سبع ..وماخلصت شغلك؟؟
خالد أنا اليوم مستلم الشفت لين الساعة 12 ...لان اثنين من الدكاتره خذوا اجازات اضطرارية ..
فهد لا ...وأنا كنت متأمل بسهره صباحي؟؟؟
خالد ليش وين ام سالم عنك؟؟
فهد اليوم بتبات عند أهلها ..فقلت أسهر معاك ..
خالد أنا من الساعة عشر الصبح وأنا هنا ..ما تزحزحت من المستشفى والمكان الوحيد اللي بروح له بيكون البيت ..بس مشكور على العزيمة ..وان شاء الله قريب ..نتلاقى ..
فهد أنا كنت مار عليك ..آخذك في طريقي ..بس بما أنك مابتطلع من هنا ..بروح بروحي للديوانية ..الربع ناطريني ..ولاتنسى ..مرة ثانية ان شاء الله ..
خالد وأنا على الوعد ..
**********
الساعة 1:37دقيقة .. في غرفة الطعام .. الكتب كلها مفروشة جدامها ..
دانة خلاص انهارت ..القواعد هي فاشله فيها امية في المية ..وماتقدر تدرسها ..بكره الامتحان .. ما مسكت دموعها .. لان خلاص النعاس أهلكها .
ومافي وقت ..عندها بس خمس ساعات ..
ليش تصيحين؟؟
عدلت شيلتها ومسحت دموعها ..
مافي شي ..أنت الحين رجعت؟؟
خالد اييه يا زوجة المستقبل !!!
انقبض قلب الدانة ...وحست أنها ماتحمل أي شي ...انهارت في الصياح بقوة ..
خالد اخترع ..مفعول كلمة جي خلتها تصيح؟؟
خالد دانة شفيج أنا أتطنز ..
دانة صاحت أكثر وهي منهارة خلاص ..
خالد والله اني أتطنز خصوصا لما سألتيني عن يياتي وروحاتي ..
دانة انت مالك شغل فيني والله ماني ناقصتك فارج عاد ..وراي بكره امتحان ..وماعندي وقت ..
خالد فهم السالفة ..امتحان ..ثانوية ..
خالد امتحان ايش؟؟
دانة انجليزي ..
خالد لهالسبب كنتي تصيحين؟؟
دانة اي ..ولا ..
خالد عجيب هالجواب ..(تذكر أن عبير طلبت مرة منه أن يدرس الدانة بس هو طنش ..حس بالذنب انه ماساعدها إلا في الوقت الضايع ..(
خالد دانة أنتي مادرستي شي؟؟
دانة درست كل الكلمات وتدربت على المواضيع والريدنغ كل شي .بس في قواعد ما أقدر أفهمها ..ما تدخل مخي .. وبيركزون عليها عاد ..
خالد وريني يمكن أقدر أساعدج ..
دانة هذي وهذي وهذي ...
خالد سهله ..بشرحها لج ..
دانة لا ...حرام توك رجعت من الدوام ..لا ..أكييد أنت تعبان ..
خالد لاء ...ماني تعبان ..وبعدين مابتاخذ من وقتي شي .. وريني ..
الساعة 3:50
خالد دانة ..دانة ..
دانة ها ..
خالد انتي نمتي مرة ثانية؟؟
دانة ها .؟؟
ضحك خالد ...
دانة ليش تضحك مع هالويه ؟؟
خالد روحي نامي ..عندج امتحان الصبح ..روحي ..
دانه لا ...ماخلصت ..
خالد روحي يلا .... خلصتي كل شي ..روحي ..
دانة زين ..
راقبها خالد وهي تطلع على الدري ومات من الضحك لانه خذت ربع ساعه يلا وصلت غرفتها ..حس انه مرضرض.. ..ومحتاج ينام ..قام لغرفته ,..وحط راسه ونام ..
*****
الساعة 6:40 صباحا ..
عبير دانة ..دانة ..قومي الحقي بتتأخرين عن المدرسة ..
فتحت دانة عيونها بالغصب ..ولا اراديا نطت من على السرير رجعت شعرها الطويل لين نص ظهرها في المشبك الكبير اللي تستعمله والبست بسرعه ومالبست جوتي البست شحاطة البيت والشيلة والعباة وشالت شنطتها الصغيرة..ونزلت تحت لغرفة الطعام ...لقت كل أوراقها مرتبة والريوق زاهب ..ماكلت شي من الخرعه .. خذت أوراقها وطلعت للسايق اللي كان مجهز السياره ..
دانة راجو ..بسرعه راجو للمدرسه ..
مسكت أوراقها وهي مختبصه ..راجعت أشياء بسيطة ...
راجو ماما .وصلنا ..
نزلت بسرعه ..وكانت قمر واقفة عند الباب وهي مختبصه ..
قمر الحقي دانة ..الحين اوراق الامتحانات تتوزع ..ركض أمانه ..
دانة قمور وأنتي ليش مادخلتي لجنتج؟؟ شخصج فيني ؟؟
قمر أنا استأذنت ..دقيت على جوالج لين عيزت مارديتي كلمت عبير ..اللي كانت نايمه ..اركضي ..
وأخييرا وصلت لجنه ..دخلت قمر للجنتها ..ودخلت دانة اللجنه مالتها ..
لساعة كامله حاولت دانة حل الريدنغ والرايتنق والكلمات ..ولما خلصت راجعت وتأكدت وبعدين طلعت ..
تريقت وهي تبتسم ..طول ماهي تتذكر جلستها مع خالد أمس ..كان زيين وايد معاها لأول مرة,,وكان ذكي ..شرح لها كل القواعد مع أمثله بسيطة ..بعدين تعمق فيها بأمثله صعبه .. والحلات الشاذه ..ولما يا عند الاشياء البسيطة قفلت هي ونامت ..
ليلى اللي ماخذ عقلج ..يتهنى به ..
دانه عقلي موجود .محد يتجرأ يآخذه مني ..
ليلى هذا الباين ..وينج اليوم خرعتينا ..قلنا هونت عن الامتحان ..
دانة راحت علي نومه .. كنت أدرس لين الفير ..ونمت ..ومحد في البيت اللي أنا فيه صحى بدري ..
ليلى يعني قمور هي اللي أنقذتج ..
دانه اي والله فديتها بنت أخوي ..قلبها عل عمتها ..مب مثل أختها ..
ليلى بدر البدور؟؟ أول ماخلصت الامتحان اطلعت مع ربيعتها يتريقون بره ..وبعدين بترجع للفتره الثانية ..
دانه لو تدري منور مرت أخوي بتذبحها ,,
ليلى ما سوت شي ..راحت تتريق ..
دانه شيسوى لها لو صار لها شي (اسم الله عليها) وماحضرت الامتحان؟؟ أو يات أمها تسأل عنها؟؟ أنا ما حب منها هالتصرفات ..
ليلى ياحبج حق تغيير المواضيع ..ماعلينا من هاذي بدر ...قولي لي ليش كنت تبتسمين؟
دانه اقولج وماتقولين لقمر؟؟
ليلى أكيد ..شصار؟؟
*************
عبير خالد ..بسك رقاد ..قوم ..
خالد ذلفي عن ويههي ...ماحطيت راسي إلا الفير ..
عبير كيفك ..
خالد وهو يتثاوب دانه راحت امتحانها؟؟
عبير اييه ..وأنت من متى تهتم للدانه ؟؟ حسب معلوماتي انك ماتطيقها؟؟
خالد ماعلق ...وسكت ..ورجع ينام ..
***
ليلى شمعنى اللي صار؟
دانه ما أدري ... يمكن ماله أي معنى ..بس كسرت خاطره وساعدني ..
ليلى الحين هو يبيج ولا يبي قمر ؟؟
دانه المتأكده منه أنه يبي قمر ..بس تصرفه معاي أمس كان غريب ..شككني ..خصوصا لما قال لي زوجة المستقبل وكأنه واثق ..
ليلى ولو كان يبيج؟؟
دانه بس أنا ما أبيه ...ما أبيه أكرهه ..انسان ما أطيق أشوف ويهه ..
ليلى يعني بتظلين على اسلوبج القديم معاه؟؟
دانه اييه ..لين يكرهني..هو يكرهني ما أقولج يحبني ..بس أبيه ينسى أني موجوده ..بس أول خليني اشكره على موقفه أمس معاي ..
ليلى آه ..عيل السالفه جي ..
وابتسمت ..عقدت دانه حواجبها ... ليش شاقة الحلج ولا بوزو؟؟ شنو اللي جي؟
ليلى أنتي تحبين خالد ..
غصت دانه بالعصير اللي كانت تشربه وكحت بقو ..
ضحكت ليلى ,,,
دانه ومرض يالحماره ..شتقولين؟؟ أنا أحب هالخايس؟؟
ليلى ترددج هو اللي بين لي هالموقف منج ..
دانه أي تردد أي زفت ..اقولج ما اطيق شوفه ويهه تقولين حب؟؟
ليلى شوف دندون...وحده من اثنين ..يا انتي تحبينه وهو يحبج ..ياهو يحب وانتي تحبينه ..
دانه يا سلام ..شالفرق العجيب !!
ليلى ماقلت يحبج ..قلت يحب يمكن يحب قمر وانتي معصبه من هالعلاقه فكرهتيه ..
دانه ليلى ..واللي يخليج . يا دكتورة زمانج ..جب ..
ليلى بتقولين بعدين ليلوه قالت .
دانه زين قومي ..الفتره الثانية بتبدأ وأنا ضيعتها معاج في سوالف مالها داعي ..خليني اراجع اللي قاله خالد ..
ليلى اليوم خالد ..بكره حبيبي ..
شردت ليلى من جدام دانه ..اللي طنشت كلام ليلى وركزت في المراجعات ...
***********
استغرب خالد وين حط الملف اللي يابه معاه أمس في الليل..دور عليه ما حصله ..دور في الصاله ماحصله ..وشك أنه بيكون بين أوراق دانه ..دخل غرفه دانه.. هي غرفة العنود..قبل لا تكون غرفه دانه ..بس ..دانه ماشاءالله عليها معطتها لون خاص وترتيب خاص.. احتار في الاوراق اللي موجوده ..ماعرف وين يدور ..لقى ملف لونه أسود ..شبيه بملفه قرب السرير ..استكشفه ..ماكان ملفه..بس كانت فيه أوراق كثيره ..وخط رهيب ..جميل بمعنى الكلمة ..مالحق يقرأ الكلمات ..لان دانه ادخلت الغرفه ..
دانه خالد؟؟
خالد اهلا دانه ..شسويت اليوم ؟؟
دانه ارتباك ممتاز ....
وعطته نظره معناها شتسوي هنا!
خالد توني دخلت ..لاني بروح المستشفى..
دانه عطته نظره ثانية معناها وبعدين؟؟
خالد أمس يبت معاي ملف شبيه بهالملف ..أدور عليه ماني محصله ..
عضت دانه شفايفه وهي تفكر ..فتحت شنطتها ..ولقت ملف أسود بين ملفاتها ..
دانه هذا ؟؟
خالد أيوه ..عليج نور ..ما أقصد أي تطفل ..بس خط مين؟؟
دانه خطي ..
خالد ماكان خطج أمس بهالروعه ..كان مثل نقش الدياي ..
دانه ..لا والله؟؟ . لاني ما أحب الانجليزي ..فما أضيع وقتي في التفنن ..
خالد مط شفايف مو عذر ..عن اذنج الحين ..
دانه خالد...حبيت أشكرك ..لانك أمس ساعدتني ..
خالد لاشكر على واجب ...مع السلامه ..
خالد نسى أن الملف كان بيده مال دانه..وخذه مع الملف الطبي ماله ..ودانه ماكان مخها مركز في شي فنست أن الملف عند خالد ...طبعا شيكون شعور البنت لما تلقى شخص غريب يبعثر في أغراضها؟؟ وبعدين ينتقد خطها؟؟
وسبب ثالث كانت فرحانه وايد انه لاول مره في حياتها تقدم زين في الانجليزي ..
*******
طالع الساعه كانت ست وشي ..حس أنه يوعان ماكل شي من الصبح ...راح الكافتيريا وشل له سندويتش وعصير ..
وهو في طريقه لمكتبه ...كانت في وحده حاضنه ولدها وتصيح بقوة..
استغرب ..
عسى ماشر اختي؟؟
الحرمه ولدي يادكتور في سرطان في المخ بهالعمر وفيه سرطان في المخ ولازم عمليه ....
كان الطفل سبع سنوات بس ..استغرب خالد ..
عند أي دكتور ؟؟
الحرمه دكتور محمود ..
خالد شوفي ..قبل لاتآخذين أي قرارات ...أنصحج بالسكند أوبينين..
الحرمه وش هذا؟؟ دوا جديد؟؟
ابتسم خالد ..
لا ..روحي لطبيب ثاني علشان تتأكدين ولاتقولين له عن الحاله ..وشوفي اذا اعطاج نفس التقرير ..ولا تكتفين روحي لطبيب ثالث ..تأكدي انه ولدج عنده هالمرض قبل لا يصير شي لا يحمد عقباه ..
الحرمه تنصحي اسأل دكتور ثاني؟؟
خالد أنصحج تروحين لمستشفى ثاني ...واذا نفس التقرير هالحاله علاج هنا غير مضمون شيلي ولدج وعالجيه بره .
اسكتت المره وهزت راسها بزيين.. راح خالد لمكتبه لما دخل عليه دكتور محمود معصب أنت ازاي تقول كده للست ؟؟
خالد اول شي لاتصارخ ..وثاني شي ..أي ست؟؟
محمود أنا شفتك دلوقتي تقول لها تروح لطبيب تاني ..اييه دكتور خالد أنا مش مالي عينك؟؟
خالد لا دكتور محمود ..ماشاء الله عليك طول في عرض ..شلون ماتملاها؟؟
زأل سندويش وشرب من العصير والدكتور محمود رافع حواجبه منصدم ..
خالد لا تطالعني جيه.. كلنا نعرف مسأله السكيند ابونين ..وخاصه في حالات مثل هذي لازم في رأي ثاني ..والمسكينه كانت واقفه بروحها وشكلها على نياتها..خليها تتأكد أن ابنها مريض على الاقل..قبل لا تسوي اي عمليات أو اجراءات..
محمود اييه يعني انا بتبلى على ابنها؟؟
خالد كلنا نعرف كم تآخذ ورى العمليه الوحده من هالنوع ....
محمود دكتور خالد أنا مابسمحلكش ..
خالد البلد بلدي ..وهذول أهل بلدي تسمح لي ماتسمح لي ..هذا الموضوع مفروغ منه ..
محمود يعني حضرتك تتهمني في اخلاق المهنه ؟؟
خالد أنا ما أتهم ..حد ..بس الحرص واجب ..
طلع الدكتور محمود معصب من المكتب ..وخالد كمل أكله ولا كأنه مسوي شي ..
دخل عليه الدكتور فارس ..وهو دكتور كبير في العمر من أهل البلد ..
فارس مو جن اللي سويته غلط في حق الدكتور محمود؟؟
خالد وقف على ريوله احتراما له ليش يالك يشتكي؟؟
فارس دكتور محمود من زمان معانا ..من سبع سنوات .. مو من اسبوعين ..ولا مره غلط في حق أي دكتور ثاني ولا شكك في اخلاقيات المهنه اللي عنده ..
خالد دكتور فارس..أنا ماغلطت في شي..كل اللي سويته نصحت ام مريض بالسكيند اوبنين ..خاصه ان طفلها صغيير في العمر ..
فارس بهالطريقة تشكك من مصداقية المستشفى ..
خالد آسف .. اذا كان كلامك صحيح ..بس اللي بيشكك صدق في مصداقية المستشفى فحص غلط ولا تحليل خاطئ..
فارس استاذ خالد ,,لو سمحت..التزم في شغلك بس.. وتذكر انك تشتغل هنا ...في هالمستشفى ..مب ضدها ..
رجع خالد وكمل أكله ..طبعا من السيء انه دكتور مثل الدكتور فارس يوجه له ملاحظه ..بس خالد ما يحس بأي ذنب.. لانه ماسوى شي غلط ..
الحلقة الرابعه
آخر امتحان بكره ..تنهدت دانه ,,,وأخيرا ..بتطلع من هالبيت ..حست انها تختنق هنا ..مع انها ماتشوف خالد وايد ..بس هالاسبوع كانت وحيده فيه..عبير كله في السوق ..وزوجة خالها ماتسأل وايد عنها ..حتى خالها نفسه ..راعي قهاوي ودوواين ماتشوفيه دايما..على الاقل يوم كانت في بيت نايف كانت تتكلم مع البنات وتتكلم مع نايف ...وحتى منيرة كانت معاها زينه ..ماكانت تحس بالوحشه اللي تحس فيها الحين ...
رتبت أغراضها كلها ..وحطتها في الشنطه اللي يات فيها ..واستغربت وين الملف الاسود؟؟
طول ساعتين وهي تدور عليه مالقته .. اخترعت ..في اشياء المفروض محد يطلع عليها . متى آخر مرة شافته؟؟ متى ؟؟ لما كان خالد موجود ..اييه ..
على طول لغرفة خالد ..لكنها ماقدرت تتدخل ..رجعت لغرفتها ...ماتحب تنحط بموقف حرج ..لما يدخل ويلاقيها تعبث بأغراضه لانها نفسها ماتحب حد يعبث باغراضها ..رجعت ..وحطت الكتب كلها في الشنطه ..وبالاخير مسكت كتابها وادرست ..
*************
اتصل ...
ألو ..
خالد شخبارج يا شيماء؟؟
شيماء خالد؟؟ وأخيرا فكرت تتصل فيني؟
خالد وشفيج معصبه؟؟
شيماء شهر يالظالم؟؟؟
خالد شيوم ..أنا قلت لج مجرد ما أرجع البلاد انسيني ..
شيماء خالد ...انت من صجك؟؟
خالد لا كنت أمزح معاج!! طبعا من صجي ..
شيماء عيل ليش متصل فيني الحين؟؟؟
خالد وصلج واجب على ايميلي ..
شيماء مو عذر ..كنت تقدر تدزه لايميلي ..
خالد ماترتاحين الا اذا سمعتيها مني يعني؟؟
شيماء وأنت لمين تبي تخشها؟؟ مافيها شي لو سمعتني كلام حلو ..
خالد ............ حبيت اسمع صوتج ..
شيماء خالد ..انخطبت من سامر ..
خالد ....................
شيماء مثل ماتوقعت ..هالخبر مايهز فيك شعر ...مو مشكله ..أنا مابتزوج سامر ..على الاقل لين اخلص الدراسه ..
خالد احسن لج ..مع السلامه ..
ماردت شيماء ..وصكت التلفون ..تنهد خالد ..انسانه مثلها لازم تفهم موقفه ...هي انحرمت من عايلتها ..لازم تعرف ششعور الانسان لما يفقد عايلته ..وهذا ماكان خياره ..أجبر على هالشي ..وردت ذاكرته لهذاك اليوم ...
....
انفرد فيه ابوه بعد مالصدمة طيحت امه المسكينه ...
بو خالد من هذي اللي يبتها معاك؟؟
خالد هذي شيماء يبه ..
بو خالد شيماء منو؟؟
احتار خالد في هذيك اللحظة شيرد على ابوه؟؟
بوخالد من وين يبتها من الشارع؟؟ شسم أهلها وليش يبتها هني؟؟
خالد يبه شيماء يات معاي من الاردن ..هي تعيش في ملجأ هني ..لانها كانت لقيطه ..
انصدم بو خالد ..واختفى اللون من ويهه ..
بو خالد كانت لقيطه؟؟ ليش لقت اهلها الحين؟؟
خالد لا ..بس بتزوجها ومابتصير لقيطه بعد اليوم ..
ما توقع خالد ان ابوه يضربه كف على ويهه وهو في هالعمر ..
بوخالد لاتحسب اني راضي بخرابيطك قبل يعني اني راضي تسوي اللي تبيه في حياتك..ياي على آخر عمري تبي تتزوج وحده ماعندها لا حسب ولا نسب؟؟ وحده ماتدري انها بنت حلال ولا حرام؟؟ وبكل ثقة تقولي لي انك تبي تتزوجها علشان ماتصير لقيطه؟؟ انت صاحي ؟؟
خالد سكت وماعلق ..
بو خالد لا تقولي حب وتفاهات ...خالد ...ماسألت نفسك بكره لا يبت عيال وين بتحطهم؟؟ وين بيروحون من كلام الناس؟
خالد بس يبه شيماء بنت زينه...
بو خالد ومن حكم عليها بهالكلام ؟؟ أنت ؟؟ انت لو كنت بعقلك مايبتها لي هنا ..وأخواتك في البيت ..خالد ..اذا كنت تبي ترجع للبيت هذا مره ثانيه انصحك تنسى الموضوع ..
خالد بتطردنا يبه؟؟
بو خالد بقوم معاكم بواجب الضيافه لمده ثلاثة أيام ..وبعدها ..اذا لقيتك موجود في البيت مع هالبنت .. ما بيصير خير ..لا لك ..ولا لها ...
خالد ماله داعي واجب الضيافه اللي ذابحك ..حنا طالعين الحين .. توقعت انها بتكسر خاطرك لانها يتيمه ..
بوخالد لا حشى ..هذي مو يتيمه ..هذي لقيطه ..
خالد وشو الفرق؟؟
بو خالد اليتيمه ماتوا عنها أهلها يا دكتور ..وهذي ... لا اهل ولا اصل ..من الشارع ..
طلع خالد من غرفة ابوه ...ومسك يد شيماء وركبوا السياره ..
خالد والعبره خانقته زين انا مانزلنا الشنط ..
شيماء ماعلقت ..بس خمنت سبب اللي صار ..
قلت لك ..مابيتقبلوني..انت أصريت ..خالد ..ارجع لهلك ...صدقني ..أنا عشت بدون اهل طول عمري ..وما أقدر أوصف لك شقد كانت اتجربه أليمه ..وما أبيك تعيشها ..
التفت لها خالد ..وكانت تبتسم بيأس ..الكلمات اللي كان بيقولها نساها ..نزل عيونه ..
خذنا المطار ..
تحرك التاكسي . وشيما نولت راسها ,,وقالت بطريقة مستسلمة فيها ..
نزل شنطك على الأقل ..بدل ماتروح وتيي فيهم ..
خالد مابرد من دونج ...
شيماء بس يا خالد ..
خالد ادري ..ما بخسر هلي ..لا تخافين ..بس عندي اربع سنوات ..لما اخلص بفكر ...
خيبه امل على ويهه شيماء من بعد ماكانت عيونها فرحانه ..حس فيها ا خالد بقوة ..
....
دكتور ...في حالة مستعجله في الطواري ..
التفت خالد للممرضه وحط السماعات في جيبه وبسرعه . لحقها ..
*******
عبير ليش تدرسين في الصالة؟؟
دانه ناطره خالد ..بساله كم سؤال ..
عبير سؤال؟؟؟ في ايش؟؟ ما اعتقد الماده صعبه ..
دانه لا ..مو عن الماده .. عن شي ثاني .. ما عليج مني روحي نامي ..أنا بدررس لين مايي ...
عبير ايش امتحانج بكره فلسفه؟؟
دانه لا علم نفس ..
عبير تصبحين على خير ..
دانه وانتي من هل الخير .
**********
مسكينه دموعها علىخدودها اربع اربع ..
خالد دكتورة هيام .. لي متى بتمين تصيحين؟؟ المصاب كان جبده متفتت ..مافي شي يمكن ينقذه خصوصا ان تأخروا يلا يابوه ..
تدخلت الممرضه المسكينه خايفه يلومونها بموت المريض .أهله وايد متشددين ..وعندهم المره فاشله ..وحصل معاها هالشي كتيير ..
خالد خلاص دكتورة هيام ..أنا بستلم الشفت انتي روحي البيت ..
هيام هزت راسها بأوكي ..وراحت ..
طالع خالد جثة المصاب ..انتفاخ في بطنه كبير ..نتيجه تفتت جبده ..شاب بأول عمره ...بتكون صدمه عنيفه لهله ..
طلع خالد ..وسأل عن أهل المريض ..ونقل لهم الخبر ..وكرهه اللحظه هذي ..ولما سأله الابو شلون ..شرح له بشكل مبسط ..اللي صار ..
************
الساعه 6 الصبح ..
خالد دانه ..دانه ..
افتحت عيونها ..كان خالد واقف جدامها ..عدلت شيلتها ها؟؟
خالد الساعه ست ..وبيدج كتاب اكيد عندج امتحان .
دانه انت الحين رجعت؟؟
خالد اييه .. استلمت شفت زميلتي ..
دانه زين صحيتني ..كنت صاحية ا لين الفير ..
كانت بتقول ناطرتك ..بس ما حستها مناسبه .. أدرس ..
خالد انا بروح انام ..
قامت الدانه وهي تتثاءب ..آآآآآآآآآآآه ..اليوم آخر يوم من المدرسه ..تنشطت ..وخلت الشنط كلها في السياره ...على طول من المدرسه لبيت ناصر
...**************
قمر والله انج أنانيه ..
دانه أنا الحين انانيه؟؟ الحين حطي خيارات بين راحتي ووناستج ..قمر ..تعبت من كلام امج اللي يغث ..
قمر ويهون عليج تتركيني بين كلام امي و غطرسه بدور؟؟
دانه عندج أخوي ..
قمر أخوج ما اشوفه .كله برا ..هو يهرب من البيت ..وأمي تتفرعن علي أنا وبدور ..ولا تنسين انها حامل ..يعني

فراشات وين ماحد رد على الاقل
رد واحد(وحده مو طماعه)؟
صدقوني اللي بتقراها ما راح تندم ان شاء الله والله
القصه تجنن وروعه...

لرف!!!!! ع

يالله شدي حيلك أنما أن بعشق الروايات بشكل مش طبيعي
حتى لوكانت مملة ما أتركها أمل انه بتكون نهايتها غير
الله يقويك

مشكورة قلبو على اطلاعك على الروايه
وان متاكده انها بتعجبك ان شاء الله ولعيونك راح انزل
الحلقه الخامسه

الحلقة الخامسه ...
دخل نايف للغرفه كانت دانه مو قادره تمسك دموعها ...
نايف خلاص دانه ...
دانه طلعت يتيمه ... يتيمه مع انه عندي اربع اخوان ..
نايف صدقينني يالدانه مصلحتج تستقلين في حياتج ..
دانه قصدك مصلحة زوجاتكم ...خلاص يا نايف ..اللي تبونه سووه ..
نايف دانه ..لا تزعلين ..
لكن قلب الدانه كان يقول
((خلاص وش يفيد الزعل ؟؟ والورد اللي في قلبي ذبل ..
وروحي كانت معلقه بأمل ..للأسف تخلى عنها ورحل ...))
*********
ناصر خلاص ملجناج على ضاحي ..
دانه شلون؟؟ بهالسرعه ؟؟ توك من ساعتين بس عطيته الموافقه متى صارت ملجه؟؟
ناصر الريال كان وقته فاضي ..وخير البر عاجله ..
دانه شلون؟؟
ناصر شنطتج كانت بره ؟؟هناء خذت البطاقه منها ..مبروك ..
طلع خمسمية ريال من جيبه وحطاها على الطاولة كهدية زواج ..
انهارت دانه ..وقف شعر جسمها من الخبر ..سالت دموعها ..بس ابتسمت..خلاص ..تزوجت ..ماعندها اي حل ثاني ..خلاص ..اتصل في حمد ابشره ..
اتصل على جوال حمد ..
حمد هلا ..
دانه هلا حمود ..
حمد حمود في عينج ...يا دوين ..
دانه والعبره خانقتها لو سمحت ..أنت تكلم مدام ضاحي بن محمد ..
حمد بايخه ...نكته بايخه ..
دانه ومن قال لك اني أنكت؟؟ (حاولت تشيل نبرة الحزن من صوتها وخذت نفس) ابوك توه دخل علي وقال لي اني خلاص ..صرت مدام ضاحي ..
حمد عصب وايد ...
أنا مو قلت لج يالخبله لا تخليهم يستفردون فيج؟؟ شلون رضيتي بهالسرعه ؟ توج من ثلاث ساعات كنتي معاي ..وما كنتي تبين ؟؟
دانه خلاص حمد ..خلاص ..خذوا بطاقتي ..وملجوا ..
حمد من هم ابوي بس؟؟
دانه ناصر وثامر وسعود ..حتى نايف ..
حمد زين ليش ما اتصلتي في ولد عمج خليفه ؟؟هو قاضي ..
دانه حمد ..خلاص ملجوني عليه خلاص ..مافي فكه منه ..خلاص ..
وبدت تصيح . صكت التلفون ... وحطت راسها تنام...يمكن ييها النوم ..
********
الممرضه مافيش اليوم حد ..
خالد معليش ..بقى لي ساعه من دوامي واروح ...
طالع الساعه ..كانت وحده في الليل ..
طلع يشوف اذا حد محتاج مساعده ..
شاف شخص ساند بنت ..استغرب ..هالويهه يعرفه ..
دانه ؟؟
كانت غايبه عن الوعي ..
حمد انت مين؟؟
خالد انت مين ..وشفيها الدانه؟؟ هاتها ..هاتها ..حطها على سرير الفحص ..
حمد قرا اسم خالد ..فعرف انه انه ابن خال ابوه ..
خالد نهاد ..نهاد ...
المرضه ايوه ..
***************
خالد شصار لها؟؟
حمد انت الدكتور ..عمتي شفيها ..
خالد انهيار عصبي ..وارهاق وعدم تغذيه ..
حمد ما شي خطير؟
خالد اتمنى لاء ..امس ماكانت جي ..شصار لها؟
حمد استفرد فيها ابوي وعمامي وزوجوها ..
خالد زواج؟؟ كنت أظنه خطبه بس ..
حمد وانا بعد ..لين رجعت من الدوام ..كان على بالي انها نايمه ..لين هالساعه ..حاولت اصحيها ..ماصحت ..ويهها مختفي منه اللون ..وشفايفها بيض ..خفت لايصير فيها شي ..
خالد حس بتأنيب ضمير ..شكلها مو راضيه بهالزواج ..
حمد خالد..الحين شلون حالها ؟؟
خالد تعرف مهدئات ومغذي ..انشالله بكره تكون احسن ..خلاص انت روح وانا معاها ..
حمد بس ..
خالد لا ..لا تقول بس ..الظاهر عندك دوام بكره ..روح .أنا طبيب وولد خالها ..لا تخاف عليها ..
حمد خلاص ..بكره بآخذ اجازه وايي ..
خالد الله معاك ..
نهاد بس دوامك خلص يا دكتور ..
خالد انتي روحي ..وأنا بس بكون مشرف عليها ..
دق على عبير ..
عبير الو ..
خالد صاحيه؟؟؟
عبير وعليكم السلام ..صاحيه ..
خالد تعالي المستشفى ..
عبير ليش؟؟
خالد بتعرفين بعد شوي تعالي مع الدريول ..
عبير محلاني طالعه هالحزه مع الدريول شيقولون الناس عني؟
خالد تعالي لاتكثرين حجي ..تعالي ..
***
ماقدر خالد يجلس في مكتبه ..فقام وخذ جوله في الممر ..ساعد كم طبيب ..مع انه ماكانت في زحمه ..
رجع لمكتبه بعد ساعه ..وكانت عبير مختبصه ..
عبير وين رحت خرعتني ..
خالد ليش اخرعج؟ توج وصلتي ..تعالي اقولج ليش ناديتج .
**********
صحت دانه ..وكان الكل حولها ...قمر وخالد وعبير و حمد ..ونايف ..
الكل حمدالله على السلامه ..
هز راسها وهي غير مستوعبه ..
خالد كنتي تعانين من انهيار عصبي ..مع سوء تغذية وارهاق ...شلونج الحين تحسين بأي تعب او شي؟؟
دانه ابي امي ...يبوا لي امي ..أبي امي خالد ..نايف .أبي أمي ..
قالتها وهي تعبانه ودموعها مع كل حرف ....الكل نصدموا ...حس خالد ان اللي قدامه هي طفله ..
قمر وعبير ما كتموا دمعتهم ..نايف تهرب من نظرات الدانه ...الوحيد اللي تكلم كان حمد .
حمد عن العياره ..ولعب اليهال .. من وين ييب أمج؟؟
الدانه حمد ...بموت ان ما يبتوا لي امي ...
نايف لو نقدر نييبها لج ..كان يببناها ..
حمد شوف الدلع بس..عمتي لاتصيرين دلوعه جي مو لايق لج ..أبي أمي..بعد شوي ابيي امي ابي ابوي ابي زوجي ..امبيه ما اقدر ...
ابتسمت الدانه ..
دخل ريال فجأة للغرفه ..
انصدمت الدانه ...من هذا؟؟
نايف هلا ضاحي ..ادخل حياك ...
بطلت دانه حلجها وما اكتمت شهقه ..وصرخت.. آآآآآآآآه ...آآآآآآآآآآآآآآآآآلالالالال لا ...
************
خالد انهيار عصبي حاد ..كم يوم وتصير زينه ..
البنات ذبحوا عمرهم من الصياح ..الموقف اللي صار كان اكبر من اي كلام ..
خالد أنا بروح مع اختي الحين من امس وانا مداوم ..عن اذنكم ..
خالد نفسه ماكان على طبيعته .. منتفض ...
في السيارة
عبير شكنت تقول ؟؟ يمكن أحسن منك؟؟ كله بسببك يا خالد كله بسببك ..
خالد عبير الي فيني كافيني ..حلي عني ..
عبير يمه ..والله الدانه ماتستاهل ..والله ماتستاهل ...حرام عليك ..
خالد خلاص صارت زوجته ..شتقدر تسوي؟؟ محد يقدر يسوي شي ..
عبير يا ويلي عليج يا دانه ..يا ويلي عليج وعلى حظج ..
خالد شفيه حظها ؟؟ الريال ما يعيبه الا جيبه....
عبير انت من صجك؟؟ ماشفته؟؟
خالد مافيه شي..
عبير الا يخرع يخرع ...يخر ع ...
عبير افقدت اعصابها ..وخالد حاس بتأنيب ضمير فظيع ...
************
دخل خالد غرفته .. ومارد على ابوه وامه اللي مستغربين عدم رجوعه واختفاء عبير من البيت في هاحزه ..
قفل الباب ..وانسدح على السرير ...آه يالدانه ..ياني متلوم علشان اللي صار لج .
طقات الباب القوية وصرخات ابوه وعصبيته خلته يخمن ان عبير قالت لهم كل شي ..
تذكر ضاحي ..ماينسى رده الفعل عند الكل ..حتى هو اخترع ..كان ضخم ..ويهه خالي من كل وسامه ..خشمه كبير.. وعيونه كبار لدرجه الجحوظ ..وأسمر ..من الوهله الاولى تخترع من ويهه ....المسكين شكله انحرج وراح.. بعد المسرحيه اللي صارت ..
كان خالد بهالتصرف يحاول يشغل نفسه عن غضب ابوه ...غمض عيونه ومن الارهاق نام ..
الحلقة السادسة ..
رن جواله .. رد عليه وهو نايم ..
عبير خالد ..قوم دوامك ..
خالد دوام؟؟ ليش الساعه كم؟؟
عبير دخلنا العصاري ..قوم ..
خالد زين ..
صك التلفون ..وقام ..للحين بملابس امس ..الصبح الساعه ثمان رجع البيت...تسبح وطلع ..لبس ملابسه ..وشال اغراضه وطلع من الغرفة ..
عبير بروح وياك ..
ماقال شي ..ركبت السيارة وهي مكتئبه ...
عبير ليش ماكليت لك شي؟؟
خلد ما ابي ..
عيون خالد كانت حمره وويها تعبان ..
عبير خالد ...ابوي عصب وايد ....
خالد .....................................
عبير راضيه لا رجعنا ...
خالد شسوي؟؟ شتبيني اسوي؟؟
عبير ما ادري ..بس اهم شي يرضى ..
خالد تدرين اني ما ابي اروح المستشفى؟؟ ما اقدر ..بس ضاغط على نفسي ..ما تعرفين اي شعور احس فيه الحين؟؟
عبير خالد انت تحب الدانه ؟
خالد ما احبها ..بس ما ..مو راضي عن نفسي انها ...
عبير حاس بالذنب؟؟
خالد اللي احسه ..انه دانه ماتستاهل ..واني كان ممكن انقذها على حساب نفسي ..بس طلعت اناني ...
عبير من يومك كنت اناني ..مايات على هالسالفة بس ....تذكر البنت اللي يبتها؟؟ انانيتك خلتك ماتزور الدوحه طول اربع سنين..علشانها ..امي المسكينه كانت ما تطلع من البيت في هالاربع سنوات ..يمكن تتصل وما تكون موجوده ..كل عيد أو مناسبه ..أمي تصيح دم ..مو كافيها ان بناتها بعاد عنها ..ووحيدها مايكلف نفسه اتصال ..
خالد عبير اسكتي عني كافيني اللي فيني ..
عبير طول امس وانا افكر في الدانه ..خالد ..أكرهك يا خالد ..اكرهك ..سببت العذاب لاغلى ناس عندي ..
ماعلق خالد ..وطول الطريق تموا ساكتين ...
***********
في المستشفى ...
نايف بيني وبينها ياقمر ثمان وعشرين سنه !! بينها وبين ثامر اللي هو اصغرنا خمسطعش سنه !! خفنا عليها ..لاننا مو من جيلها ..كنا نبي نزوجها وهي بنت خمسطعش ..بس اجلنا شوي ..
قمر مو عذر انكم ماخليتوها تشوفه ...وتقرر اذا تبيهه ولا لا ..
نايف انتي قلتي لها عن خالج ..ليش ما وصفتيه لها؟؟
قمر يبه ..هذا خالي ..حلو في عيني ..اقصد اني تعودت عليه ..
نايف قمر ماني رايق لج ..بعدي عن طريقي ..
خالد سمعهم هو وعبير ...اللي نزلت راسها.. طالع قمر ..اللي كانت معصبه علشان حالة عمتها ..بس لاحظ استهتارها في شيلتها ...غرتها طالعه كلها ...مخليتها طالعه جنان ..التفت لعبير اللي كانت حاطه الغشوة على ويهها ..
روحي داخل ...
عبير يلا قمر ..خلينا نروح لعمتج ..
قمر كانت عيونها على خالد ..وقالت وهي سرحانه نايمه ..طلعت من عندها توني ,,
خالد نزل عيونه ,,,قمر ما احشمت ابوها اللي واقف ..بس ابوها كان سرحان هو الثاني ..
راح داخل لعند الدكتور المسؤول ...
**************************
بعد اسبوع ..
حمد عمتي انا اجرت شقه ..
دانه ليش؟؟
حمد بتم وياج لين تتزوجين ..وما ابيج تظلين في بيت ابوي او اي حد من اعمامي ..
دانه بالعكس ..حريم اخواني الحين معاي احس من قبل بوايد ..
حمد ما يهمني ..اليوم بتطلعين من المستشفى للشقة ..
دانه حمود ما ابي اكلف عليك ..
حمد شو حمود هاذي؟ اصغر عيالج؟؟ يلا زين مافكيتي شنطتج ..خليت السواق اخذها للشقة ...
دانه مامداني ...
دخل خالد مع الطبيب المسؤول عن حالتها ..
خالد ها دانه ..بتتركينا ..
دانه اووه ..خلاص تبيني اسكن هنا؟؟
خالد شلون حالتج الحين؟؟
الطبيب لا ماشاءالله عليها ..وايد متحسن حالها ...تحدت توقعاتنا وقامت بسلامه ...ولا حد ثاني كان تم شهر على الاقل في المستشفى ..
دانه مشكور ا دكتور ..ادري ازعجتكم وايد هالاسبوع ..
الدكتور لا .. شالكلام ..هذا واجبنا وأقل من واجبنا ..عن اذنكم ..
خالد عن اذنكم ...
حمد ما علق بس الدانه اسرحت شوي ..اللي خلاها توقف على حيلها ايمانها القوي بالله ..ورضت بالي صار ..تذكرت كلام امها ..امشي ورا اخوانج ..مابقى لج غيرهم ....تمنت دانه لو انه وافقت على خالد لما كانت امها تزن على راسها علشان الخطبة تصير ...ودانه ترفض بحجة الدراسه ...
(خلاص ..ليش اتمنى شي خلاص انتهى؟؟ ليش اندم على كرامتي ؟؟ يمكن ضاحي يكون زين ومايهيني مثل خالد؟؟ مكن اعجبه؟؟ بس قمر قالت انه مو راضي ..او ما يبيني ..ما ادري شالكلمة اللي قالتها ..(
حمد دانه ..وين سرحانه؟؟
دانه ها ..ولاشي كنت افكر ...
حمد بنت اخوج هنا ..
انتبهت دانه ان قمر واقفه جنبها ..
قمر نحن هنا ,,عمتي وين سرحانه؟؟
حمد طلع من دون مايستأذن ..يمكن استأذن بس دانه كانت مشوشه ..
قمر هذا ولد اخوج مايعرف الاصول ..ماعنده مذهب ..
دانه حدج عاد ...الا حمد يا قمر ..هاذا اغلى انسان عندي .. لاتغلطين عليه ..
قمر شفتيه ماسلم ولاسأل عن الحال ..
دانه وانتي شعليج منه ماكنتي تبين خالد؟؟ وبعدين شوفي ويههج ..حمد يخاف ربه ..وشكله استحى من هالمكياج اللي حاطته والغره اللي مطلعتها .
قمر عمتي ...انا كبرت خلاص ..وهالشي عادي ..
دانه شلون كبرتي خلاص؟؟ هذا اللي يسمونه عذر اقبح من ذنب ...المفروض تخافين الله وماتظهرين فتنتج ..لانج كبرتي ..
قمر بس ,,
دانه قمر ..عدلي شيلتج ..ولاطلعت حطيها على ويهج ..مايسوى لج هالذنوب اللي تآخذينها ..
قمر .............
دانه شفتي خالد؟
قمر اييه ..توه طلع من هنا ..ماطل في ويههي حتى ..
دانه لانه نفس حمد ..مايرضى اللي تسوينه ..وأبوج موجود ماله حق يسولف عليج ..
قمر زين عمتي خلاص صكي الموضوع ..ليش ماتيين البيت عندنا ؟؟
دانه خلاص ..حمد تبرع انه يتم معاي يباني آخذ راحتي ..
قمر واذا ابي ازورج؟ وليلى تبي تزورج ؟؟
دانه تعالوا الشقة ..
قمر ماظن ابوي يرضى ..
دانه ابوج سمح لاختج تسافر مع بنات خالتها مايسمح لج تزورين اخته؟؟
قمر يمكن ..مو خايفه من النتايج؟؟
دانه متى بتطلع؟
قمر يقولون باجر ..
دانه مو مهم ..ما ظن خالج يرضى اني ادرس في الجامعه ..
قمر بالعكس ..خالي ضاحي يحب الدراسه ودايم يهاوشني ويا بدور ...لانا ماندرس ..
دانه خالج ..طباعه زينه؟؟ اخلاقه؟؟
قمر ابلعت ريقها وقالت هو زين ..كخال .كزوج ..ماعندي فكره ..
دانه الزبده ..
قمر من بعيد لبعيد ..هو زين ..مايحتك وايد ويانا ..ريال له كلمته ..شخصيته قوية .
حست دانه انه قمر شوي مترددة ...واتحاول تخبي شي عنها ..
حمد يلا عمتي ..
دانه الحين نروح؟
حمد اييه ..الدكتور قال خلاص ..حالتج الحمدالله تحسنت ..جمعت اغراضج؟
دانه من الصبح ..بس شنطتي الصغيره وجوالي ما ادري وين ..
حمد في السيارة .. يلا ...
قمر الدريول تحت..بروح انا ..مع انه كان ودي اساعدج..
دانه لا ..ما يحتاي مساعده ..
حطت قمر غشوة على ويهها ..ولاحظت دانه نظرات حمد ..كانه متلوم في شي ..سلمت على عمتها وطلعت ..
حمد هي مايات متغشية ؟؟
دانه مدري ..ماشفتها لما يات ..بس شفتها لما اطلعت تغشت ..شقال لك الدكتور؟؟
حمد ولاشي ..قال تريح اعصابها ..الهدوء ضروري لج ..
دانه اخوانك الحمير وينهم ؟؟
حمد هذول وهم اكبر منج..حي تشتمينهم ..احترميهم شوي والله يكسرونج ..لا سمعوج .
دانه مايوني الحمير الا مرة وحده ..مب جني عمتهم ..صج سبال ..
حمد للشقة عمتي ..جدامي ..
دانه انت ضابط في دوامك بس مو علي ..يالزطي . ..
حمد ترا اردج بيت ابوي ..
دانه لا فديتك ..راضية في الشقة مالي خلق اشوف حد ..لا اخواني ولا حريمهم ..
**********
انصدمت من الريحه الغاوية في الشقة ..
هم ...ريحة كباب ..اما اني اتحلم ولا صحيح ..
حسن حياج عمتي ..الريحه ريحه جبد الخروف ..بس ماعليج شويت لج معاه كباب ...
سلمان وانا سويت لج يش بتآكلين اصابعج وراه ..
خالد عمتي اليوم بتكشفين فوائد التخييم ..
مشعل (ابن سعود 14سنه ) حمدالله على السلامة عموه ...
صالح (ابن ثامر 13سنه ) حمدالله على السلامه عمتي ...
افرحت دانه عيال اخوانها محتشرين ومسوين لها استقبال ..
داانه الله يسلمكم ..كل هالاكل لي؟؟
(المطبخ مفتوح على الصاله ..والعيال حاطين سفره على طاولة الاكل ومشعل وصالح يتفنون في السلطات والعصاير ,.(
تنحنح حمد احم احم ..الدكتور قال عندج فقر دم شديد ..ولزم علي انج تآكلين وجبات دسمه يوميه ...عاد استدعيت الاسبشيلست تيم.. المتخصصين في التخمه ..وقلت لهم ابي عمتكم في اوج تألقها خلال ايام من الاكل الدسم والمفيد ..
حسن عاد الدكتور نصح بجبد الخروف ..شبه المطبوخ ..وقال مفيد جدا ..
دانه شبه مطبوخ؟؟
حسن وشفيه ويهج جيه كأنج شميت ريحه خايسه ؟؟ اييه ..انتي تبين دم . ..ماعندج دم ..
دانه لا لا لاا عاد هذي سبه ..انا ماعندي دم ؟؟
حمد عمتي ..لا تضخمين السالفه ..
ابتسمت دانه ..
انا بس اغلس عليكم ..
مشعل انا وصلوح تدبرنا كل العصاير الطبيعيه والسلطاات...
************
الدكتور عبدالرحمن آنسة دانه ...
خالد صارت مدام ..
عبدالرحمن مدامتك؟
خالد لا ...
عبدالرحمن لا ...حسافه كنت مفكر اخطبها ..
خالد ؟؟؟
عبدالرحمن لا ..لايروح ظنك بعيد ..بس اخلاقها ومؤدبه ..وشكلها حساسه وايد ..وانا ما بذكر جمالها.. لانك شايفه .. حسافه نادر ماتلقى حريم بهالصفات ..
ماعلق خالد لانه حس ان عبدالرحمن انصدم بزواجها .....عبدالرحمن اللي ماعرفها الا هالاسبوع ..بس خالد يعرفها من زمان ..يمكن يظن انه يعرفها؟ يمكن ما يعرفها اصلا؟؟؟ افكاره تشوشت ..من اسبوع ابوه ما يكلمه ولا امه.. عبير زعلانه منه وهو نفسه زعلان من نفسه خصوصا لما شاف دانه رضت بنصيبها وتحسن وضعها الصحي .حس بذنب اكبر .
|***********
حمد وذابحيني الاسبيشلست تيم ...العيش ماصخ ما ينوكل ..واللحم مافيه ذرة ملح و لا مستوي عدل والسلطات ماعليها اي نكهه ..حتى الجبده اللي مسوينها تنزف دم ...والعصاير حاره مافيها اي سكر او ثلج .
دانه الاكل مافيه شي يا حمد ..
حمد اذا انتي في صفهم ..غصب عنج تآكلين ..
حسن ميت من الضحك وسلمان منحرج وخالد رجع يشوي الكباب مرة ثانية مشعل وصالح منصدمين ..
دانه شفيك؟؟ اذا على الملح رشة خفيفة توزن الامور ..والكباب الحين يستوي والسلطة رشة ملح وزيت زيتون وسماق ونعناع وليمون وتصير احلى مايكون ..والحين بزيد على تتبيلة الكباب شوية ملح يضبط الطعم كله ..والعصير مكعبات ثلج مع سكر ..ماشي خربان يستاهل التهزيئه ..بس عطنا ربع ساعه ...
خالد كلامج يبين سهل بس الفعل هو المطلوب ..
******************************
مثل ما قالت الدانه ..يبي للاكل تضبيطات بسيطه ..وبعد ماخلصت ..انصدموا بحلاة الاكل ..
وهم ياكلون ...كان في سيخ كباب جدام دانه ....كانت دانه جوعانه صج لانها طول اسبوع على المغذي واكلات بسيطه ..اول ما مدت يدها للسيخ ..خذه حسن ..
حسن عمتي وراج عرس ..سوي ريجيم ..
خالد حسن ...
الكل سكت ..ووقفت الاشواك ولاسكاكين عن الربشه ..قفط ويهه دانه ..
مشعل اوعدج دندون اني برقص لج في الدخله ..
صالح وانا بعد ..وبشتري سيف ارقص به عرضه ..
سلمان انا مابكون فاضي بيكون تركيزي على البنات اشوف الاشكال الحلوة ..
حمد انا بزفج ..
حسن وانا بسوق السيارة جنبج ..
خالد باستسلام وانا بكون مع سلمان ..
ضحكت دانه..وحست براحه ..وخذت السيخ من جدام حسن للي طالعها باستسلام ونزل راسه كانه نبيل في المسلسلات الاجنبية ...وخلال ثواني ارجعت ربشة الاشواك والسكاكين ....
دانه ماقالوا لكم متى عرسي؟؟
حمد سمعت طراطيش كلام انه بعد شهرين ...
دانه زين ..زوج المستقبل ..
خالد انا شفته وسيم وايد ..
مشعل اييه عمتي ..أنا انهبلت على جماله ..
صالح صدق عمتي ..طويل رزه وشخصيته قوية ..
حمد سمعته زينه وملامح ويهه مش بطاله ..
حسن ترتيبه في الجمال رقم سبعه ...
حمد اييه لا ركزتي فيه شكله احلى بوايد ..
سلمان خوش ريال ..يشبه حمد ..
حمد لف على اخوه بعصبية..حست دانه انهم كلهم كاتمين ضحكة عودة ي قلوبهم ..وشافت الغيظ في عيون حمد والابتسامة الخبيثة في عيون سلمان ..
دانه حمد ,,,رد عليه ... والله طلعتوا كذابين ..
وضحكت..هم ماصدقوا خبر وانفجروا ضحك ...ولف حمد على سلمان وضربه على راسه بقوة ..وسلمان ميت ضحك ...
حسن أظن عمتي عرفتي ليش ابوي ملجج على ضاحي بسرعه ..ماكن يبيج تهونين ..
خالد والله لسانك متبري منك ..شالكلام؟؟
دانه اعرف ..ماله داعي تقولون لي ..بس ادعولي تتسهل اموري ..
حمد الله يسهل امورج و يريح قلبج يا الدانه بنت حسن ..
الكل اللهم آمين ...
دانه لاتمدحونه جدامي مرة ثانية ...أنا شايفهه ويهه ..
مشعل عاد حنا بنكون في هالشقة معاج ليل نهار ...وحلى شي انه البحر قريب ..
حمد فجأة لقيتهم عازمين انفسهم .. كلهم يبون يعيشون هنا ..
دانه حر وصيف ..وكلها شهرين ..خليهم ..
خالد تحاططنا كلنا علشان آجار هالشقة..ثلاثة ألاف وخمسمية في الشهر تصدقين؟؟ والشقة بس ثلاث غرف وصالة وحمام تكرمين واحد ..والفرش مو لي هناك..عادي ..
دانه وايد ..كل هذا علشاني؟
حسن لا تنغرين كانوا يبون سبب ييون جنب البحر وتحججوا فيج ..بكره يخلونج تروحين السوق تتجهزين مع حريم خوانج ويستفردون في الشقة ..
دانه أتجهز؟؟
حمد اييه مهرج عند مريم ..
دانه مهري؟؟
حمد اييه مهرج .مية الف ريال .
خالد عمتي انتي تحبيني؟؟
دانه لا ..ليش؟؟
خالد اذا تحبيني سلفيني خمسين الف!!
حمد بدوا اللعانه ...لا تعطينهم ويه...
****************
الاسبوع الثاني مر ..ودانه تتأقلم مع عيال اخوانها اللي كل شي عندهم وناسه حتى لاقعدوا متمللين يموتون من الضحك.. مريم عطتها نص المهر والنص الباقي حطته في البنك ..ودانه كل يوم تطلع لمده ثلاث ساعات للسوق مع مريم وقمر ...
خالد عمتي ...لحقي النتايج نزلت ...
دانه أمانه؟؟ زين كم يبت؟؟
خالد انا الحين على النت ..بس ابي رقم جلوسج..
دانه هات انا اكتبه ابي اكون اول وحد اشوف النسبه .
خلال دقايق صرخت الدانه صرخه عوده ...
طل خالد على الاب توب ...
خالد واو .مبروك ...عمتي انتي من اصحاب التسعينات وحنا ولاندري؟؟
حمد ليش الصراخ ؟؟
ركضت دانه وعانقت حمد...
يبت واحد وتسعين واثنين من عشره !!!!!!ههه ههه
خالد سكنهم مساكنهم ..عمتي شفيج؟؟ انهبلتي؟؟ انتي مو اول ولا آخر وحده تيب هالنسبة؟؟
حمد أيوه احلى غيره ..مبروك عمتي ,,,تستاهلين كل خير...
دانه الله يبارك في عمرك ..قمر ..شوف رقم قمر وبدور ..
حمد حافظة ارقامهم؟
دانه ايه ..
********
هذا هو العنوان ...
ما بدك تكتب بطاقه؟
الا ..
مسك بطاه وكتب عليها ..
(مبروك باين دروس الانجليزي يابت نتيجه (
كانت باقة ورود وايد حلوة .. كلها جوري ..حمرا ..ارفق معاها زجاجه عطر غالي ..وعلبة شوكلاه فاخره ..طالعها خالد للمرة الاخيرة ..وطلع بره المحل ..يمكن هالهدية تخفف عليه الشعور بالذنب اللي يواجهه تجاه دانه ..
******
الحفله الكبيرة اللي سووها العيال لعمتهم كانت لاتنسى ..كل واحد منهم اشترى لها هدية حتى مشعل وصالح ..وكانت ثلاثة ارباع هداياهم عطور وشغلات من داماس ... حلوة وراقية .
ماكان حد حاضر غيرهم ..حتى بدور وقمر مايوا ..خصوصا ان نسبهم كانت بالمره قمر نسبتها واحد وسبعين ..وبدور تسع وستين ...امهم كانت زعلانه منهم وايد .. فسوت لهم عقاب شديد ...
حمد عمتي ..تلفون .
دانه من؟
حمد ناس .
انتبهت دانه لملامح حمد ..كانت جاده ..
دانه الو ..
المتصل مبروك ..
دانه الله يبارك فيك من معاي؟
اللي ذهل دانه انه صك التلفون في ويهها !!! التفت لحمد ..
من هذا؟؟
حمد يعني مين ؟؟ مصطفى قمر؟؟ ولا كاظم الساهر؟؟
جواب حمد خلاها تندهش .. ضاحي؟
حمد اييه ... انا بروح ناطرينج توزعين الكيك اللي طرشه ..
دانه من طرشه؟
حمد مصطفى قمر ..
دانه ضاحي طرش كيك لي؟
حمد اييه .
سكتت دانه ..هالصوت الخشن لضاحي؟؟ ضاحي طرش كيك؟؟ شمعنى هالكلام؟؟ ياني غبية ..خلاص صرت زوجته اكيد واجب انه يبارك لي سواء كان يبيني ولا مايبيني

يالله ياسلاف مين الباقي حرقتي أعصابي لاتقولي ليش
لانك وبصراحة كاتبة قصة روعة وبعدين توقفين عند بداية الحماس
والاندماج فيها يالله نزلي الباقي وشدي حيلك معنا

لعيونك قلبو
الحلقة السابعه ...
ما ابي أشتري ..
مريم تعالي لازم تشترين ..
دانه ما ابي ..
مريم وين رايحه؟؟ تعالي ..
حاولت دانه تبعد قدر ما تقدر ..للحين ما تقبلت فكره زواجها ..وما اشترت الا اشياء بسيطه ..لكن مريم صدمتها لما يابتها عند هالمحل ..
ركبت السيارة ..
دخلت مريم ليش ؟؟
دانه ما ابي ..
مريم تبين اشتري لج انا على ذوقي؟
دانه ما ابي شي ..ما ابي . وياويلج اذا اشتريتي شي ..
مريم انتي هبله؟
دانه راجو ..امشي البيت ..
مريم لا والله انج مو صاحيه ..راجو مر الخياط ..
دانه اي خياط؟
مريم ماتبين فستان عرس بعد؟؟ شرايج؟؟
دانه ما ابي ..
مريم عن الخبال ..ماباقي شي على العرس ..اقل من شهرين ..
انتفضت دانه ...
مريم ماتبين تخيطين فستان عرس؟؟
دانه ما ابي .. هالعرس ما ابيه ..
مريم دانه ..
ما مسكت دانه دموعها ..تحاول تنسى لكن كل شي يذكرها فيه .. اقل من شهرين ويزفونها لضاحي ..من ضاحي هذا؟؟ ما تدري ..
مريم تبين تأجرين فستان؟
دانه ما أبي ..
مريم دانه ..البنت مو كل يوم تعرس ..على الاقل اذا الريل مو نفس مزاجج ..على الاقل اطلعي في عرسج أحلى عروس ..علشان نفسج ..عرسج مثل ما سمعت بيكون فخم .. المفروض فستانج وشكلج يكون فخم ..انت استانسي بنفسج ..مو كل يوم تعرسين ..
دانه خلاص ابيه آجار ..
مريم آجار؟؟
داته ابي أشتريه من لبنان ..ما يهمني كم يكلف ..كلامج صحيح .بكره انا مسافره لبنان ..
مريم انتي صج انهبلتي من بيسافر معاج لبنان؟؟ ومن قال لج ريلج بيخليج تسافرين؟
دانه وشدخله؟
مريم ما تقدرين تسافرين بدون اذن منه .!!
********
دخلت الغرفة بعد ما لقت الكل في مباراه حاميه في السيجا ..
طالعت تلفونها ...بتكلمه وتطلب منه ؟ ولا تخلي اخوها يكلمه؟؟ لحظه ليش اخوها؟؟ قمر يمكن تحل المشكله كلها ..
اتصلت على قمر ..
هاي ..
دانه هايات ...وينج؟
قمر كنت بزورج ..اتصل ابوي في الشقة واكتشف ان حشد من عيال عمي عندج .. وانتي محد ...عصب علي ..
دانه تشهدي .. لاتحسدينهم ..
ضحكت قمر لا اله الا الله ...شسوي ..مليت من الوحده اللي انا فيها ..
دانه وصلت بدور؟؟
قمر لا ..ما بتيي لي شهر ثمانيه حق عرسج ..
دانه زين بنات خالتج عندهم اخوان؟
قمر اييه ..بس في امريكا واستراليا يدرسون هناك ..
دانه تعالي لي اليوم بفضي الشقة ...بطردهم ..
قمر ان شاء الله ..
دانه وابي منج شي ..اتصلي في خالج ..وقولي له ..اني ابي اسافر لبنان ..
قمر يالخاينه ..من وراي؟
دانه بآخذج معاي ..أنتي ونايف ..بس خذي منه الاذن ..
قمر اليوم برد لج خبر ..بس ها ..فضي الشقة وجهزي القعده ..والشيشه ..
دانه ايش؟؟؟
قمر أمزح .. جهزي القعده بيب معاي ليلى ..مسكينه متولهه تبي تشوفج.والله مشتاقة لج ..من متى ماشفتج؟؟ من كنتي في المستشفى ..
دانه حياها الله ..تعالي بعد الساعه سبع ..
قمر ان شاء الله اصلي العشا وأييج .. باي ..
دانه باي .
طلعت دانه الصاله ..طالعت الساعه ست ..المغرب ..
دانه احم احم ...بيوني ضيوف بعد شوي ..ممكن تفضون الشقة ..وياليت تنظفون الحوسه اللي مسوينها ..
حسن عمتي حنا الحين في خضم مباراه هامه ..تقدرين تقدمين طلب للديوان ..وراجعينا خلال ثلاثة ايام ..
دانه هيه ..الساعه سبع بيوني ضيوف!
سلمان بنات؟؟ أحلى ضيوف ...
خالد احلى أحلى ..كم وحده؟؟
دانه عن المصاخه عيال اخواني المحترمين ..يلا ..ابي أرتب البيت ..
حسن لا يكون قطاوتج قمور وعبور ؟؟
دانه زين ذكرتوني اعزم عبور...وانتوا شدخلكم ؟ بدخل اكلم تلفون واطلع ...واتمنى انكم تفضون الصاله!
دخلت دانه وكلمت قمر وطلبت منها انها تمر عبير وتيبها ..
أدري انج متشققه الحين ..
قمر متشققه وبس؟؟ آآآآآه على الاقل اراوي ليلوه خالد ..علشان تعذرني .
دانه خلاص لا تطولين عندهم ..يلا باي ..
طلعت دانه للصاله ..ولقتهم كلهم مثل ما هم ماحركوا شعره ..
*******************
عبير صدقني خالد ..أكيد بتكون الشقة فاضيه ..
خالد مو وارد ..
رجعت عبير للتلفون ..
عبير خلاص قمر ..لاتمريني ..
تمرها؟؟ يعني قمر بتيي هنا؟؟
خالد خلاص روحي .. قولي لها تمرج ..
ابتسمت عبير ...وقالت سمعتي؟؟
وبعدين ضحكت وصكت التلفون ..
خالد شقالت لج خلاج تضحكين؟
عبير شي ..
خالد ترى ماتروحين لو ماقلتي...
عبير اوو ..وتبتزني؟؟ مافيها شي اتصل فيها واقول لها لاتمرين ..
خالد تتذاكين؟؟
عبير لاء ...وأنا أقدر؟
راحت عبير لغرفتها تجهز نفسها ..وخالد ظل متحير شقالت قمر خلى عبير تضحك؟؟
*******************
حمد خذي ..يبت لج الحلويات ..سويتي قهوه ؟؟
دانه اييه سويت ..مشكور تسلم لي يالغالي ..
حمد شدعوه عمتي .. طلبت لج عشا ..بيبه راجو الساعه تسع ونص ..
دانه حمود ..يعل عيني ما تبجيك ..تسلم لي ما ادري شلون بطلع من يزاك. والله بس تسهل اموري ...بدور لك أحلى زوجه ..
حمد ياليت . عن اذنج ..مشعل داخل ولا طلع؟؟
دانه طلع مع الكل ..تلاقيهم في الشاليه مال رفيجهم ..يقولون قريب من هنا .
حمد اعرفه ,, تبين شي؟؟
دانه لا .يسلم راسك ما بي شي ..
حمد في أمان الله ..
دانه الله معاك ..
*******************
وصلت سيارة قمر ,,
خالد طل من الدريشه .. نزلت قمر ..وما كانت حاطه غشوه على ويهها ..ونزلت ليلى وظلوا واقفين في الحديقه .. كانت قمر عاجبه خالد وايد ..جمالها في نظره فريد ..بس للاسف ماله ويهه يطلب يدها هالسنه لانه متحجج لناصر انه ما عنده استعداد للعرس شيكون موقفهم منه لاخطب قمر ؟؟ على الاقل ينطر سته اشهر ..
عبير على الاقل قلط البنات ..مخليهم واقفين بره ..بس تطالع ؟؟
خالد ما طقوا الباب..يعني ما بيدخلون ..وحركتهم هاذي مكشوفه ..هم يبون يسولفون ..يمكن يحشون فيج ..
عبير يحشون فيني؟؟ انت صاير لعقلك شي؟؟ شدراك ..يمكن يحشون فيك.
خالد احسن انج تطلعين لهم ..قبل لا اكنسل روحتج ..
عبير زين سلفني فلوس ..ما هديت دندون شي ..
خالد خذي هذي ثلاثمية ريال ..مافي غيرهم ...
عبير يمشي الحال ..باي ..وبس عن مطالعه خلق الله ..
*********
قمر وافق ..بس بشرط ..ماتطولين عن اسبوعين ..
دانه صحيح؟؟ الحمدالله ..توقعته مايوافق ..
قمر هو صراحه في البدايه ما وافق ..بس بركات بنت اخوج أقنعته..وقلت له اني وابوي بنسافر معاج .تردد بس وافق ..وقلت لبوي وقال ان التذاكر بتكون عليه ..بس ما بيسافر معاج ..بيسافر اي حد من اعمامي الباقيين لان امي على وشك ولاده ..
دانه هالتفاصيل موب الحين ..خلينا نطلع لليلى ..ونستانس ...
***********
ليلى أمانه دانه ..ششعورج بعد ما أصبحت حرم ضاحي؟
الدانه شعوري اني خلاص انتهيت ..دانه بنت حسن اللي تعرفونها خلاص ..انتهت ..
قمر اكيد بتبدأ دانه الزوجه ..البنت وصارت مدام .. شناوية تشترين فستان العرس ؟؟ ششكله موديله؟
دانه ما خططت للحين ..بشوف وأختار اللي يعجبني ..
ليلى معقوله ما كان عندج أحلام لليله العمر؟
دانه هذي الفاضيه المدله اللي عندها هالاحلام . انا كان وقتي متوزع بين عيال اخواني فما فكرت بهالزواج ابدا ..
قمر صراحه ..أنا أعتبر عمتي القود ماذر ...الام الروحيه لنا ..لانها هي الوحيده اللي وقفت معانا في قمه احتياجاتنا .
دانه لا هالكلام كبير ..انا مثل ما قال ناصر ..كنت اؤدي دوري كعمه .
التفت دانه لعبير ..اللي كانت ساكته وما تعلق ..
دانه عبير ليش ساكته ؟ حتى ما كليت ولاشربتي شي ..
عبير ما في شي ..اسمعكم ..بس .
دانه لا ويهج يقول شي ثاني ..
ليلى صحيح في السياره كنتي تتكلمين ..شاللي خلاج تسكتين؟
عبير اسمع كلامكم بس ...
******************
كان واقف عند الباب ..نزلت قمر مع عبير ..وسلمت عليها ..ورجعت اركبت السياره ..دخلت عبير البيت وهي مكتئبه ..
خالد شلون كانت الزياره؟؟
عبير بس تأكدت من شي واحد ..
خالد وشو هالشي؟؟
عبير انا أكرهك ...
ركضت عبير لغرفتها ودموعها في عيونها .
فكر خالد ..
(كملت..فوق ان امي وأبوي ولا مفتكرين فيني ..أطلع وأدخل ..ولا حد داري عني.. عبير الحين تكرهني وهي الشخص الوحيد اللي كان عادي معاي ؟؟ حتى اخواتي جافات في معاملتي ..أحسن لي اني اطلع من هالبيت .. قبل لا أختنق من السكوت والتوتر ..(
حط ثيابه وأغراضه في شنطه ..صغيره ..ملابس تكفيه اسبوع ..وطلع بره غرفته..كانت امه في الصاله وبيدها كتاب تقرأ فيه ..
خالد يمه .. انا بتم عند صديقي كم ليله ..لا حد يحاتيني ..
ام خالد ..............................
خالد مع السلامه يمه ...
ام خالد ولا رفعت راسها من الكتاب وقلبت الصفحه ...خالد حس بحرج (( اروح بلا احراجات .))..وطلع من البيت ..
عاد أي صديق هذا؟؟ خالد ما يعرف حد من ربعه ساكن لحاله ..ربعه فهد ومناحي متزوجين ..بيتم في فندق ..لين ما يلاقي شقة أجار ..
**********
حمد دانه..دانه ..تعالي ..
دانه نعم ..
حمد بتسافرين بروحج؟
دانه اسبوعين بس ..للبنان ..
حمد من بيسافر معاج؟؟
دانه قمر .. وما ادري من اللي بيرافقنا من اخواني نايف اعتذر ان زوجته بشهورها الاخيره ..
حمد أنا أسافر معاج ..
دانه يعني ما بتنحرج من قمر؟
حمد قمر ماراح تسافر ..خل تستحي على ويهها ..
دانه وأنت شحارك؟؟ قمر ابوها مرخصها تسافر مع عمتها ..
حمد انا بروح وياج ..وهي خليها في بيت ابوها ..وخلاص .
دانه حمد ..اذا تعزني خليها ارجوك ..انا محتاجتها معاي ..
حمد بيكون شكلها غلط اذا سافرت معانا ..
دانه حمد ,,أنا مو كل يوم اسافر ..على الأقل لبي لي هالطلب .
حمد بشرط!!
دانه وتتشرط؟؟ قول ششرطك؟
حمد انا ادفع التذاكر ..
دانه لا ..كافي الشقه أجرتها لي ..
حمد خلاص قمر ما تسافر ..
دانه أحسن ..ولا تدفع أنت ..
حمد وانا ما ني مسافر ..
دانه لا حمد ..أنا ما ابي حد من اخواني اتضايق لا شفتهم ..احسهم السبب في تدمير حياتي ..
حمد خلاص ..أنا أدفع ..
دانه خلاص ..تدفع تذكرتك وأنا أدفع تذكرة قمر وتذكرتي ..
حمد الثلاث تذاكر على حسابي ولا ..مافي ..
تنهدت الدانه ..
ليش؟ أنا ما أبي أكلف عليك ..كافي الحفله مالت نجاحي ..وتأجيير الشقه ..ووالهدايا ..كافي ما أبي أثقل عليك .
حمد أبي أفرح فيج..خواتي صغار ومافي زواج لين عشر سنوات على الأقل ..وأنا مأجل الفكره لين سنتين يايين ..وأخواني للحين ماخلصوا الجامعه ..على طاري الجامعه .. ممتى بتقدمين؟
دانه بعد العرس على ما اعتقد ..
حمد لما ترجعين من السفر قدمي على طول ..بس اي تخصص بتدخلين؟
دانه ما ادري شكلي ادارة واقتصاد .
حمد يو الخبول ..
الشباب السلام عليكم ..
حمد +دانه وعليكم السلام .
سلمان شفيكم يالسين متحنطين كأن على رؤوسكم الطير ؟
حسن سلمان ..ليش قاطعت اجتماع الامم المتحده ؟؟
سلمان اووه ..لا ..قررتوا تحرير فلسطين ؟؟ أخيرا ؟؟ قررتوا ان تتحدوا؟؟ الى الامام ..سر ...
حسن هذا ين وقعد .سلوم ...شسالفتك؟
مشعل والله اثنينكم ينيتوا ..ما فهمت ولا كلمه....
سلمان هذي خطط للمستقبل ..
دانه أراجوز؟؟؟
سلمان اراجوز في عينج ..ان شاء الله ممثل عظيم ..
دانه خيبه ..ممثل؟
حسن عمتي بكره عازمج على العشا ..
صالح والباقين مالهم رب؟
حسن كل واحد يدفع عن نفسه ..مالي شغل فيكم ..امس عشيتكم على حسابي ..وعمتي بكره ..
دانه أنا بكره بسافر .
صالح وين؟
دانه لبنان ..أسبوعين تسوق ...
صالح اسبوعين.؟؟ مع مين .
حمد معاي ..وممنوع المرافقين ..
مشعل وليش ان شاء الله ..لبنان .. وبروحكم؟ انا معاكم .
سلمان انا بعد ..لبنان؟ واو ..أكيد البنات الحين في عز الصيف كله على البحر ..
حسن واو ..وينك يا خالد ..
خالد دخل في نفس اللحظه ..
خالد سمعتكم تطرون اسمي .
حسن العمه تبي تسافر لبنان ..
خالد أو . شالتطور؟؟ انا بسافر أول واحد ...ممكن اشوف هيفا ولا اليسا على البحر ..
دانه عوذه ..وش فيكم ميتين على البحر ..
ضحك صالح من صجج عمتي ما تدرين شيقصدون؟
دانه يقصدون؟
مشعل يبون يشوفون البكيني والمايوهات ..
دانه خيبه ..قوموا ..قوموا ..محد رايح معاي لبنان ..قوموا العن اليوم اللي شفتكم فيه ...
حسن حنا شفناج ..قبل لاتشوفينا ..
حمد عنبوا الذاكره ما بينك وبينها الا كم سنه ..كم كان عمرك سنتين؟
حسن مايهم اذكر ولالا ...بس انا شفتها قبل ..صح ولا لا؟؟
حمد يمكن هي شافتك اول؟؟
حسن لا كانت مسكره عيونها ..
حمد ليش ما تكون انت اللي مسكر عيونك ؟؟
طبعا الكل كان يراقب حمد وحسن في اهتمام ..يبون يشوفون وين بتنتهي هالمحادثه لسخيفه ..
خالد المهم ..يا عباقره ..انا اللي بسافر ..
***************
يتقلب في فراشه وهو ملان..وين يروح هالحزه وهو عنده دوام الصبح؟؟ فتح شنطته وطلع ملفاته ..وكان بينهم ملف اسود ..ملف دانه ..تذكره ..كان بيرده لها ..بس هو ما قرأ منه الا ورقتين بس ..فتح الملف ..ولف عن الصفحات الاولى ..لقى قسم ..مكتوب عليه كلمه سيدي ..
(( سيدي ..كف عن ايذائي .
.فلست سوى جلاد امره القدر باقصاء رأسي ..))
* من صار اللي صار ..وأنا تفكيري كله فيك انت ..صرت شغلي الشاغل ..ما اعرف شسوي ..شلون اتصرف ..انا ما اكن لك اي موده ...يمكن في ..بس الكرامه فوق كل شي... ..ماعدا امي ..امي الوحيده اللي فوق كرامتي ..وهذا يعني ..*
ما كملت دانه الكتابه ..احتار خالد ...من تقصد؟؟ وليش؟؟ شالسالفه؟؟ قلب الصفحه ..
((سيدي ...
حاولت نسيان ماضيك ...وحاولت تذكر حاضرك ..
فكان الماضي اقوى من أن ينسى ..
والحاضر اضعف من ان يبقى ...
فتبا لمستقبلك الذي حاولت اغرائي به ...))
* لا ..لا ..مستحيل بعد اللي شفته اليوم اغير قراري .. شفت انسان اناني ..هالانسان بيحطمني يمه اليوم ولا بكره .. على الاقل ..بيحطم شي فينني .
احتار خالد ..عن مين تتكلم دانه؟؟ من هذا اللي واثقه انه بيحطمها؟؟ معقول في حياتها حد؟؟ قلب الصفحه ..وكانت ممزعه ومقطعه وبعدين لصقتها دانه ببعض .. كانت رساله ..
((اليك ..نهاري ..وليلي .يومي ..وأمسي ..اسبوعي ..وشهري ..لك كل ايام عمري ,,,بعتها لك ..مقابل نظره من عينيك اشعر خلالها باسمى المشاعر تغزو قلبي ..وأجمل الاحاسيس ..تسري في جسدي ))
وتحته كتب
((وصلتني رساله ..مليئه بعذب الكلام ..لكن الصدمه ان من وقعها لم يكن انت ..ولم يقصد ان يرسلها إلي .. فتساءلت ...متى ستخطئ انت وترسل مثيلتها إليَ؟؟ ))
ما فهم خالد .. في الاوراق اللي قبل كتبت انها مب مهتمه ..والحين تكتب انها تمنى؟؟ يمكن هذي خواطر ما تقصد بها احد ..قلب الصفحه ..
((كرهت وحقدت ثم نسيت ....
ثم عدت فعشقت من نسيت ...))
* اكتشفت اني احبه..لا كلمه الحب قويه ..يمكن الفت وجوده ..تعودت وتفكيري اليومي انه جزء من حياتي سواء في الماضي ولا الحاضر ولا المستقبل عودني على تقبله ...بالمنطق ..شخص افكر فيه 22ساعه في اليوم ..ما أألف وجوده في حياتي؟ ما أحبه؟؟ بس ..ضروري اني ما أتعلق بهالحب ..علشان ماتبان خيبتي قدام احد ..وما يبان انكساري ..اللي في قلبي ملك لي..ولهالأوراق ..وهذا عهد بيني وبينها ...انا احبك ..يا ...... بس ..حبك للحين ما استقر في قلبي .بيظل دايم متشتت ..لين أعرف نهايه هالحال ..
_
عصب خالد وايد ..ليش ما اذكرت اسم؟؟ من هذا اللي في حياتها ؟؟ يمكن الاوراق تكشف له الحقيقه ..بس هو حاليا تعب من القراءه ..وعنده دوام بكره..بيكمل بكره ..دس الملف بين الملفات ..بيقرأه بكره في الاستراحه ..
*********
تكره الطياره ...حمد واقف جنبها ..وقمر محتره واقف وراهم ..
قمر تهمس عمتي عمتي ..
لفت لها الدانه لبيه ؟؟
قمر تعالي ,,
ارجعت دانه خطوتين ورى .. شو؟؟
قمر ابن خوج هذا اللي ما يستحي ..ليش مو عادني موجوده ؟؟
دانه مافهمت ؟؟ شتبين منه ؟؟
قمر يعطيني ويه ..مايخليني كأني الخداامه امشي وراكم ..
دانه حطي غشوه على ويهج ..ما يعاملج جي ... اكيد مستحي منج على كثر الميكياج اللي في ويهج ..الله يهداج ..
قمر حنا رايحين لبنان ..وهالشي عادي ..
دانه عادي ؟؟ تحطين مكياج سهره احمر ..عادي؟؟ لفي ويهج بالشيله ..تراه ساكت لان نايف اخوي واقف ..ولا علمج الاصول عدل ..
حطت قمر الغشوه على ويهها ..
دانه لاركبنا الطياره روحي الحمام ومشيه ..
حمد وين أوراقكم؟؟ وجوازاتكم ؟
طلعت قمر اوراقها ودانه نفس الشي ..لفت قمر وسوت باي لابوها ..
حمد هيه ..انتي ..لمن تأشرين؟؟
قمر وأنت شعليك ..مالك خص .
عصب حمد ..تدخلت دانه
قالت باي لنايف ..عمك شفيك صاير جبريت ..
سكت حمد ..ولف ويهه ..
خلصوا الاجراءات ..وركبوا الطياره ..حمد قدامهم .,..وهم يلا يلحقون على خطواته السريعه ..
اجلسوا ..كان حمد على الطرف ..وبعدين دانه وقمر داخل ..
دانه كانت خايفه موت ...كانت ماتقدر تتنفس ..أول مره تسافر بالطياره ..سافرت مره عمره مع امها بالسياره ..
دانه حمد لا طاحت الطياره ..وأنقذوك ..انت او قمور ..عط خالد مهري ..اوكي ؟؟
قمر خالد ؟؟ ليش خالد؟؟ دكتور وما عليه قصور ..
كانت قمر تتكلم بغيره ..وحمد تحولت نظراته ناريه ..صححت دانه ..
خالد ولد أخوي نايف ..موب ولد خالي ...صج خبله ..
حمد ليش واثقه انهم بينقذوني ؟؟ ليش ما ينقذونج وأنا أموت ..
دانه اسم الله على عمرك ..أنا ولا انت ان شاء الله ..بس انا اعرف حظي ردي ...فما بيساعدني ..
حمد شالكلام ..كوني متفائله ...تفائلوا بالخير تجدوه ..شفيج عمتي ..يلا الحين الاقلاع ..تأكدي من الحزام ..
انتفضت دانه .,..وحست بكل ذرات جسمها تتراقص ..مسك حمد يدها ..ومسكت قمر يدها الثانيه ..
قمر عمتي ,...لو هالرحله بصاروخ شصار فيج؟؟ الرحله ان شاء الله سهله ..بس بتحسين بدوخه بسيطه من الضغط ..وحتى بعض الاحيان ما بتلاحظين ..
حمد ساكت ما علق ..
دانه يا ساتر ..
اقلعت الطياره وقلب دانه اقلع معاها ..حست بدوخه ..ولوعه ..كانت ترتجف ...المضيفه لاحظت هالخوف عند دانه وارتجافها وشحوب ويهها يابت لها عصير برتقال ..
خذي ..البرتقال منيح ..
كانت قمر متغشيه ..ودانه نزلت الغشوه ..بس ويهها مافيه اي مساحيق تجميل ..عكس قمر ..
بعد ربع ساعه .
همست دانه قمر قومي للحمام ومشي هالمصايب من على وجهج ..
قمر ليش عمتي مو حلوه؟؟
دانه بالعكس طالعه جنان ..بس ولد عمج مايحب هالحركات ..قومي ..
قامت قمر ..ومشت قدام دانه ..وبعدين قدام حمد اللي كتم نفسه ..
حمد اوف ...حاطه غرشه العطر كلها؟ هذا بنت اخوج لاحيا ولا مستحى .
دانه بس ..عن العياره ..عطرها عادي ..
حمد شفيج ماسكه مسند الكرسي جي؟؟ دانه لاطحتي ما بينفعج التمسك ..بيطيح الكرسي معاج ..