ريحي بالج وخلي تقسيمت مهرج علي موضوع حاصل على شعار التميز

1. السلام عليكم ورحمة الله وبركاته


2. 2-نفنوف العرس راح يحتاج الاتي ..


3. لازم اصير اقتصاديه


4. حرام قطع ما ينسلم من لسانا ..


5. الحين راح نبلش بالاساسيات ..


6. ملابس الاستقبال ..راح تكون تقسيمتج كالاتي ..

السلام عليكم ورحمة الله وبركاته

2-نفنوف العرس راح يحتاج الاتي ..

• جواتي ((عزكم الله واللي تشتري جواتي فخمه وغاليه هبله ومو صاحيه اخذي جوتي مريح وحلو من الحوش يكون لونه ابيض او اوف وايت لانه ماراح يبين كلش وكل ماكان الكعب عريض والجوتي من جدام عالي كان اريحلج لا تتفلسفين وتشترين جوتي فوق الخمسين يعني اذا طار سعره 12 والله جوتي عرسي خذيته 12 والحمدلله كان نعوم وذرب ومافيه اي شي لانه اساسا مابين))
• المسكه حرام تاخذينها باكثر من 150 دينار ((مسكة عرسي من 150 دينار خذيتها 80 دينار نشفت ريجه وطلعت زوغه والكل سأل من وين انا خذيتها من المحل اللي على سطرة مستشفى دار الشفا يمه بالضبط يعني تروحين للمستشفى مشي شغله روعه ورخيص وانتي وشطارتج ))
• اكسسوار العرس انا افضل اذا ماخذيتي شبكه الماس عالاقل تاخذين شبكه فضه ماتفرق عن الالماس شي وتطلع بحدود 500 او 600 بس تكون شي شي تاخذونها من سوق المباركيه هناك محلات الفضه بالهبل بس كاسري ولفي عدل انا فصلت التراجي مع التاج والاسواره لانه كان شغلي شوارفسكي مع لولو والحمدلله طلع ناعم ويهبل ))
• طبعا اتصلت على الصالون اللي كنت ناويه احط عنده واستقريت على بريجيت الميك اب عندهم ناعم وحلو وعلى حسب اللي تطلبينه ((طلع علي 300))
• طبعا دبلتي كانت الماس يابها حقي ريلي لاتنسون لازم تشترون دبله الماس ودبله ذهب اصفر وفيه دبل ذهب ابيض جنهم الماس يطلعون عليكم ارخص
• الساعه وماادراك ما الساعه شريتها 60 دينار كانت كلها شوارفسكي الناعم لصغير وبرقتها وايد حلوه وذربه

لازم اصير اقتصاديه

• الحين خلصت من ليلة العرس ..اف مابغينا الله يعينكم ياربي بس نصيحه لوجه الله يابنات لاتبدون باي شي الا لمن تخلصون من اول ليله وشغلها لانها راح تكون اللمحه الاولى حقج عند اهل ريلج والناس كلهم ومن خلالها راح ينطبع بذهنهم اذا انتي كشخه وذويقه او هيلقيه وماتقطين على عمرج ليش لانه من بعدها مهما شافو عليج من لبس راح يقولون لا اكيد غالي لا حلو يهبل اصلا فلانه من عمرها كشخه نذكر من عرسها كانت جذي

حرام قطع ما ينسلم من لسانا ..

• حطي ميزانيه حق بدلة استقبالج اذا كانت فالبيت او بصاله يعني من 200 الى 600 هذا الواقع لاتقولون ابالغ اللي تبي تكشخ تهتم بهاليومين
• طبعا راح تحتاجين حق ثاني يوم شي تلبسينه على حسب بدلتج ياذهب اصفر يا تراجي حلوين وكشخه انا خذيت تراجي فضه فيهم فص احمر كانو روعه وفخمين جنهم الماس خذيتهم 180 تقريبا
• النعال عزكم الله راح تكونين اكيد كاتبه بالسته نعال لون ذهبي وسلفر فهالشي راح يوفر عليج لاتشترين اكتفي بنعال ذهبيه وحده حق الدراريع والمناسبات والسلفر نفس الشي
• فلوس الصالون راح يدفعهم بو الشباب واذا ما دفعهم قوليله ناسيه بوكي فبيت اهلي وطبعا قوليها بخجل راح يقط عليج اللي تبينه استغلي الموقف ونظفي بوكه خ اتغشمر لا تصدقون
• خلصنا من ثاني يوم الحمدلله ..

الحين راح نبلش بالاساسيات ..

ملابس الاستقبال ..راح تكون تقسيمتج كالاتي ..

• 5 بدل استقبال نظام دراعه على بدلة استقبال مع فناتق حلوه ويا كثر المشاغل الحين واللي يبي يسأل طبعا 5 كحد اقصى لا يزيدون عن هالحد يعني حطي ببالج جم مره راح تنعزمين مره عند خالته مره عند عمته مره عند بيت جده مره اهلج مسويلج استقبال صغير يعني من 4 الى 5 حلوين واسعارهم تكون متفاوته مو كلهم فوق الاميه لا اللي بخمسين واللي بستين واللي 90 واللي 100 حاولي تنوعين بستايل وخليج حريصه على مهرج حتى لو تطلعين موديلات وتركبين فكره على فكره راح يطلعلج شي حلو خيطيهم عند هندي الفرع ترا حتى المصممين لكبار خياييطهم هنود يعني تطلع البدله مع خامها 40 او 30 وناسه وللعلم انا احب اصمم شغلي بنفسي يطلع شي حلو وغريب وراح اساعدكم بافكار صدقوني
• بدلة طلاعتج لازم تكون فخمه والوانها زاهيه ولو يكون لها ذيل وماتكون علاق او كت احسن يعني مثلا نفس لستايل الروماني شيفونات على حراير والله يعافي المشاغل مو مشكله تكون فوق الاميه واللون الاوف وايت حلوو مع الذهبي
• بدلة عرس ناعمه حيل اذا نعزمتي بعد عرسج مع خالتج ..لو تخيطينها تطلع عليج ب30 دينار او اقل اختاري موديل بسيط وراقي
• عشر دراريع حق البيت من العربيد او من المشاغل وانا انصح وبقوة من العربيد لانه عندهم اشياء تهبل واسعارهم مناسبه يعني مو شرط بروحه وحده تخيطين كل شي لا نقي الغريب والذرب وردي روحيلهم كل اسبوع مو عروس لازم التعب فيج فيج تحملي واسعارهم من 10 دنانير الى 25 دينار ((اول اسبوع راح تنزلين مو ثالث يوم لبسي بدلة حلوه نعومه لو نفنوف قصير حلو مع اكسسوار وشعرج تسنعينه وقعدي بصالتج ريحي اليوم الرابع لبسي شي من الدراريع الحلوه افخم وحده من دراريع البيت ونزلي فيها يكون ملفعج صافطته على اييدج اذا فيه احد من الشباب لاتنزلين لانج مستحيه ثقلو مو تركضون عالدرج اذا راحو ضبطي شكلج ونزلي واذا دخل احد ولا شي ملفعج معاج لبسيه ))
• الصنادل الكشخه الالوان الاساسيه ((اسود -ذهبي- سلفر- ملون رملي مع بيج على بني -باقي النعال على حسب البدل اللي عندج يعني النعال والجناط تشترونهم بعد بدل الاستقبال عشان تنسقون الالوان ولا تشترون اشياء ماراح تلبسونها حتى الاكسسوارات طقمي على كل بدله مو تخلين اغراضج دثره والله اخر شي تحطون الربع فوق الربع خليكم حريصين على شغلكم
• طقمين جنطه مع الجوتي او النعال حق طلعتج مع ريلج شوفي قس او روكوبروكو او محل من هالمحلات اللي ييبون اشياء حلوه وذربه وتعبي عالشي الغريب الحلو لاتقولين باخذ شي عملي لاتقطون فلوسكم على عميان انتي عروس شنو تطلعين بشي عملي بعد العرس بشهر روحي اشتري اشياء عمليه حتى لو فلات كيفج
• الجناط لازم اذا انتي من النوع الكشيخ تاخذين جنطه عالاقل لي شافوها باييدج يسرحون ههه الله يعينا عندج محل بالمثنى ياربي نسيته عنده جناط حق التسيوره وهالسوالف روعه وتييلج الجنطه فيها اكثر من لون يعني تفيدج وايد واسعارهم توصل 100وشي يعني كشخه وهمن بازار تطيحين احيانا على جناك ذهبيه وسلفر روعه عندهم لاتستعجلون حتى لو قبل العرس باسبوع تشترين استمتعو بايام التجهيز عندج قوشي عندهم جناط من 300 وتحت وهمن جفنشي وهمن ال في يعني فري وشوفي مو خسرانه شي واللي ميزانيتها مو شي تشترين جناط السهره يفيدون حيل مع بدل الاستقبال وحتى بالعروس ومع عبايات المناسبات يعني نقول اجمالي الجناط العاديه الى الكبيره 3 جناط وطبعا اذا من بينهم لون اسود ماتاخذين لون اسود ثاني عن الفسقه وحده كافي والجنطه اللي تمشي مع اي بدله لبسيها معاها مو لازم مع كل بدلة جنطه واتوقع لو خذيتو وحده ذهبيه ووحدة سلفر كافي مو محتاجين اكثر من جذي الا جنط الطلعات تكون فرايحيه شويه