زعلانه وضايق صدري ومحد حاس فيني

1. صباح / مساء الخير للجميع

السلام عليكم ورحمة الله وبركاته

صباح / مساء الخير للجميع

آكيد الكل يعرف قصتي وسبب طلاقي آو البعض منكم آطلع عليها وشفتو معاناتي مع اهلي وتعاملهم القاسي معاي بسبب طلاقي
طيب انا تطلقت وش ذنبي وشو الجرم اللي انا سويته ياما فيه بنات تطلقو واهلهم واسوهم ماحسسهم بالنقص ليش انا حسيت بهالشي ليش كل ماشافو وجهي تغيرت نظراتهم لي ليش يحاولون يسمعوني كلام جارح عاملوني كالخادمه نظفي غسلي سوي اكل ليش مارتبتي الغرفه ماشاءالله جالسه على النت ايوه هذا اللي انتي فالحه فيه غير انه اخوي يقولي اول ماشافني داخله البيت اهلن اهلن الله جابك على بالك بتجلسين مرتاحه والله لاكرفكي مثل الحم...... كملوها واخليكي شغاله عند زوجتي وعيالي آآآآه يابوي لو كنت عايش مقدرو يسمعوني هالكلام
انتي مطلقه من بياخذكي << الكلمه هذي جرحتني والله من سمعتها تمنيت اني ضغطت على روحي ولا تطلق واسمع هالكلام
الحين من وين نجيبلك زوج من بياخذكي <<< انا لو على كيفي ما تطلقت بس القرار الغلط دمر حياتي
ياغبيه ماتعرفين تتعاملين مع الرجال هو ليش اخذك علشان تصيرين فرند والا زوجه يرتاح من ينام جنبها تريحه <<< هالشخص سببلي نزيف وجروح عيفني بالعلاقه الحميمه بين الزوجين
خسرتي رجال كل بنت تتمناه << هذي الكلمه خلتني ابكي بحرقه لانه هالشي غصب عني وانا وهو نحب بعض بس هو اختار الطلاق لانه فقد صبره وماراعى شعوري
اخواتي كلهم ضدي احنا ماصدقنا على الله تتزوجين ونرتاح من همك ماقدرتي تستحملي الالم < محد قالكم تشيلون همي المفروض انتم توقفون معاي ضد اخوي مو كل ماشفتكم كان على روؤسكم الطير آآآه بس
امي خسرتيه يابنتي وهو رجال ينحط على الجرح يبرا << عارفه وانا ندمانه بس هو ماراعى اني توي جديده على هالشي يعني المفروض يامي يصبر علي كم اسبوع بس تفكيره جنسي اغلب شي << قلت هالكلمه عصبت علي لو عندها رشاش ذبحتني فيه << الرجال ايش يبغى من الحرمه الا هالشي في بداية زواجه
الحين تطلقتي جار الزمن عليكي بتبقين مطلقه ومحد بيبقى لكي اخوانك كل واحد بيروح مع زوجته اخواتك من فين لفين بيزوروكي كل وحده لاهيه بزوجها وعيالها يعني بتبقين لحالك لو صبرتي
آآآآآآآآآآآآآآآآآآآآآآآآآآآآآآه يارب صبرني طلاق طلاق طلاق وربي تعقدت يارب صبرني يارب صبرني وارحمني وحنن قلب اهلي علي يارب
آآآآآآه يازوجي ليتك ماتسرعت وطلقتني وربي وربي تعبانه طلقتني بسرعه وبغضب منك وانا عارفه انه من وراى قلبك لاني شفت دموعك اول ماقلت لي شيلي ملابسك حسيت انك تسرعت بقرارك وندمان بس وش بيفيد الندم الحين دامك طلقتني ياحبيبي وزوجي
اللهم اجرني في مصيبتي وخلفني خيرا منها يارب العالمين عاجلا غير اجل