زواج القاعة ام البيت

هلا عيوني انا ارشح تسوين الزواج في قاعة او استراحة المهم تفرحين وتعزمين ناس هذا زواج مو عزيمة عادية ترا بعدين بتحسين من جد بطعم الفرح بالفستان الله يسعدك حبيبتي ..........والملكة عادي مايخالف اذا بتسوينها في قاعة او بيت بس المهم الزواج يكون في قاعة وبعدين هو يوم واحد مايتعوض افرحي عيوني .ولاتفوتينه ...... الله يوفقك يارب ويكتب اللي فيه الخير......وانا عن نفسي بسوي ملكتي وزواجي في قاعة طبعا الملكة علينا والزواج على اهل المعرس........ تحياتي

فعلا اعملي برا البيت مو ضروري قاعه غاليه اعملي في ارخص مكان بس عشان تعزمين الناس وتفرحين
اما لكه اعمليها في البيت بسيطه انا عملت الملكه في البيت والزواج ما عملت في قاعه غالية مره والحمد لله

اذابيتكم يشيل اعمليه في البيت احيانا يكون اكشخ بالبيت من اي مكان ثاني
والله يوفقك

انا ان شاء الله زواجي بالبيت
لان لو حطيت الزواج بقاعه بيكون فيه مصاريف وتكاليف مالها لازم والناس مهما سويت ماراح يعجبهم لابد من النقد ولا راح يعجبهم شي
بس بسويلي زفه بالبيت وبحط كوشه وبجيب مصوره وبونس عمري ولا الناس ماعلي منهم
واهم شي التوفيق

ماخشت مزاجي فكره العرس بالبيت .. ليه بالبيت ... ؟؟ فرحه عمرك هذي وماراح تتعوض اذا ماكشختي ولبستي وطلعتي للناس وحسيتي انك ملكة الحفله وان الحفل كله علشانك ولا بلاش..
مدري اكره العرس اللي بالبيت مره اكرهه ..
واذا ماتبين قصر غالي فيه ترا قصور بالرياض على 20 الف واقل .. وهذي ليلتك افرحي فيها زي ماتبين ..
اما الملكه خليها بالبيت احسن

اول شي مشكروين على الرد
ثاني شي حيرتوني
المشكله انه الزواج والملكه علينا مره بيكلف علينا والمهر بس 50 الف
مستحيل يكفي

انا احب زواج البيت...شوي زفه وكوشه.. دلعي نفسك بس بالبيت

انا كان مهري 50 الف وكفى وكان زواجي بقاعه
بس الملكه بالبيت ولا سويت ولا شيء فيها لاكوشه ولا هم يحزنون

شوفي انتي رتبي ميازنيتك .. لاتكثرين ملابس .. مايصلح الوقت هذا تشترين ملابس كلها بضايع قديمه اللي بالسوق
والذهب اذا الناس يعطونك طقوم احتفظي باللي يسوا واللي مايسوى بيعيه حتى الملابس الداخليه لاتكثرين ترا تتحسفين وتملين منها بسرعه ويمكن ماتكون على ذوقه
اشتري ملابسك حبه حبه
اذا تبين اسألك عن قاعات رخيصه وحلوه
القاعه اللي تزوجت فيها مرره حلوه وسعرها حلو
وممكن اخوانك وخواتك وابوك يساعدونك شوي لو ماعندهم مانع ..