زواجي بالصور والتفاصيل من جديد لعيونكم اتمنى منكم دعوة حلوة

1. بسم الله ابدى بمراحل تركيب الكوشة وحوسة العمال

ماشاء الله تبارك الله
حبايبي الصور حملتها كلها من جديد
وكثيرين يسألوني انا من وين انا من الرياض زواجي بالرياض حبيباتي
فراشاتي نزلت موضوع زواجي بكل تفاصيلة و لان الصور مدري وين اختفت وطثيرن يسالوني يبون يشوفونها حملتها من جديد لعيونكم
الي يبي يقرى التفاصيل يتفضل هنا موضوعي الاول
http://alfrasha.maktoob.com/alfrasha20/thread1318669/
طبعا انا بترتيبات الزواج ماحست للمحلات ولا شي ع طول الي سوت زواج اختي جربيرا خليتها تسوي زواجي بس وربي الشاهد من كثر الاشياء الحلوة احترت وش اخذ مرة تجنن الاشياء الجديده
انا بوريكم صور كوشتي الي الكل اعجبتة وكثير بنات جلسو فيها يصورون ومبسوطين
ويسالوني من صلحلك زواجك ووحدة من اخوات زوجي جايين حمولتها وعرفو المحل وسوو مثل كوشتي بس غيرو باللون
يقولون كوشة ملكية
الحمد لله كان الديكور مرضيني ويجنن بعد ومبهر الجميع

بسم الله ابدى بمراحل تركيب الكوشة وحوسة العمال

هذي الكوشة بعد ماخلصت طلعت روعه ماشاء الله تبارك الله والممر طاولات مثل مانتم شايفين حطيت اسمي واسم زوجي فيها والطاولات تنور خليت اضائتها اصفر
وهذي الطاولات خليتها شكلين مثل الكوشة والشكل الثاني كريستال لان كوشتي فيها كريستال بكل مربع موجود فيها وماحطيت قماش ع الطاولات المرايات احلى واجدد مرة طلعت روعهالدرج طبعا درابزين حلو بس حيت اغير بشكلة وسوتلي حركة جديده مو ورد وقماش عادي لا الدرج فكرتة مرة غريبة وانا نازلة منه اعطاني شكل هيبة تجنن
نجي الحين للتسريحات تسريحتي من قدام مثل ملفوفه الصورة كنت حاطتها بموضوعي الاول بس خسارة مالقيتها عندي
بس سويت لف مرة شوي مو مشدود ومن ورى مثل الي بالصورة بس نزلت شعر من ورى لانة موضة وخليتة فوق الطرحه مره روعه ومثل ماقلت لبست تاج
تسريحة اختي جربيرا يحبيلها
الي عاليمين مرة طبقتها مثل الصورة تجنن طلعت
والي ع اليسار زوجت اخوي بس سوتها من قدام لف طايح غريبة ماسوو لف مشدوه
بالنسبة للمطربة نغم الجزيرة بس نكبتني بشي جت الساعه 11 من جد تاخرت مره تقهر
والضيافة متنوعه تجنن والصياني بني فخمه برضو اخذتها من الي سوولي الكوشة وعبولي الحلى مرة يمدحونه
وفية صور اعذروني ما قدرت انزلها لان الاهل موجودين فيها بس الحمدلله تقييم الزواج من الناس يقولون روعه
واهلي اخذو من الورد
تقولي امي وردك تسقية وجلس اسبوعين كل ماشفناه وشمينا ريحتة عورتنا قلوبنا وبس ادعليك
الورد يجنن وكله جوري ويليليو واوركيد ولونه اوف وايت
هذا زواجي واتمنى من اي واحد تبي تسال عن اي شي لا تستحي انا ماحطيت لكم هالموضوع الا للفائدة الي استفدتها منكم وبي افيدكم
اتنمى منكم الدعوات الحلوة مثلكم ياارق فرشات