زوج عاشق لزوجته تبي تعرفي السبب ادخلي

والله الي بقوله من واقع تجربة لاحدى صديقاتي .... شي بسيط تسويه كل يوم لكن فوائده عظيمة سواء لكسب الاجر او لزيادة الالفة والمحبة بينك وبين زوجك ....
مرة كنا جالسين انا وصديقاتي والاغلب متزوجات ... فطبعا عارفين انتو سواليف الحريم كل وحدة تقول انا اسوي كذا واانا اسوي كذا ... ومن بينهم وحدة كلامها متحفظ ومحدود ... كلهن يتكلموا داخل الحدود وكل وحدة تتكلم عن تجارب اسعاد زوجها واش اكثر صفة فيها او اكثر حركة زوجها يحبها فيها ....
ومن بينهم وحدة ملتزمة بالصمت .. فبعد ما خلصوا سوالفهم جا دورها وهي متحفظة شوي وسبحان الله باينة السعادة عليها من ناحية الحياة الزوجية ... فسألوها وانتي اش اكثر شي زوجك يحبوا فيكي ...
قالت والله انا عن نفسي في شي اسويه يوميا يوميا واحاول بقدر الامكان ما اهمله ... اني أبدأ يومي بهدوء وروقان ... قالوا كيف ؟؟
قالت بالعربي يعني زوجي يموت علي ويعشقني ويحترمني وما يرفض لي طلب ويدلعني ومستعد يبوس رجلي ...لاني اخليه يبدأ يومه بكل راحة تامة ... بحيث اني يوميا أوقت المنبه على آذان الفجر ... انقز من سريري .. اول شي اسويه افتح نور هادئ وخفيف جدا حتى ما ازعج زوجي ... أطفي المكيف بهدوء ..وانقز للحمام الله يكرمكم .. وافرش اسناني واغسل وجهي واحط عطر الي يحبه زوجي.. واجي لابو الشباب واجلس تحت رجوله أبدأ فيها بدون ولا اي كلمة ولا اي نفس زي الشطاار .. وهاتك مساج وتكبيس لرجلينه .... عاد تخيل تكون في عز النوم واحد يجي يكبسك بهدوء يا سلام ... فتقول ابدا بمساج خفيف وشوي شوي تخليه اعمق وتروح وتجي بين رجليه ويديه وخاصة اطراف الاصابع لان التعب يرتكز فيها هذا كله واوب الشباب نايم الى ان هو يحس بان جسمه تفكك يبدا يتحرك اول ما يجي يفتح عينه تقرب من راسه وتعطيه بوسه على جبهته يعني انتبهوا فقط للجبهة لان الغرض تصحيه لصلاة الفجر ... وتقول له يلا يا عمري أذن الفجر والصلاة بتقوم الحين ... واثناء ما تقول له تحسس على رأسه .. واول ما يقول لها طيب تجي ماسكته من يديه الاثنين وتبوسها وتقومه يعني تجلسه جلوس عادي حتى يفوق ويصحصح ويستوعب ... طبعا الانسان لما يجي يصحى من نوم عميق ما راح يفكر باشياء ثانية لان يكون الجسم في خمول تام ومو فايق .. بس اهم شي لو حابة تعطيه بوسه تكون على اليدين او الجبهة فقط .. ويتجه الى الحمام اكرمكم الله ... واثناء ما يكون بالحمام ويلبس ويستعد هي تصلي وتخلص صلاة يعني ما يخرج من باب البيت الا هي ناقزة على المراية ... على السريع ترتب شعرها ... وتبخر الغرفة ... وتحط عودة في جسمها وشعرها لان زوجها يحب العودة ... وتلبس له قميص ناعم ومرتب وحلو غير الي كانت لابسته وهي نايمة ... وتستلقي بشكل مغري على السرير وتعمل نفسها نايمة .... ( طبعا الاغراء ما تسويهدايما لان مو معقولة كل يوم بيكون في رغبة لها الشي بس في الاغلب هي تسويه لان هذا الوقت المفضل لها ولزوجها ) كل واحد على حسب طبيعة الروتين الي يعيشه ... ويرجع من الصلاة بعد ما ادى حق الله ... يجي ينام جنبها وما يقدر يقاوم شكلها وريحتها وطبعا اول ما يشوفها بيتذكر ان هي الي صحته للصلاة ويجلس يتحركش فيها خ والباقي انتو عارفينه ....
وبس يا حبايبي .. ادري طولت بالسالفة .. بس فعلا الواحد لازم يكون ذكي .. واصلا هذا واجب عليكي انك تكوني حريصة على اوقات صلاة زوجك حتى يموت فيكي ويحس انك مهتمة حتى في صلاته الي هي سر السعادة في الحياة .. ولتكسبي الاجر .. والي زوجها نومه ثقيل او الي مو متعود على الصلاة بالمسج تجرب هالحركات والله لينقز نقز من سريره حتى يرجع يشوفك متزينة مثل كل مرة ...
والله يوفق كل المتزوجين ويسعدهم يارب ...وعقبال اصحي زوجي ان شاء الله ...
>>منقول<<