زوجك ضابط تعالي نفيد ونستفيد

أنا زوجي مو ضابط بس دخلت اقولك ان الفكرة حلوة
وين البنات الباقيين؟؟؟؟؟؟؟؟؟؟؟

تسلمين يالغاليه مرورك اسعدني

كلمه ولو جبر خاطر

السلام عليكم ورحمة الله وبركاته كيف الحال اتمنى انكم بصحه وعافيه وسعاده دائما يارب% المهم انازوجي ظابط وشدني الموضوع وحبيت اشاكك فيه بصراحه في بداية زواجي لما كان يستلم زوجي يضيق صدري وامل وفي الليل الله لايويك انواع الخوف اجلس احوس بغرفتي لين الصبح
ولما يرجع استقبله واكشخ تقولين غايب سنه مو يوم وبعد ماجبت وليدي وبنيتي ملو علي البيت الله يخليهم لي يارب وينفعني بهم قولو آمين ويهدي لي زوجي ويسخره لي يارب ومره انتدب ل جده ورحت معه بس مو كثير رحت اسبوعين ورجعت لانه يستلم في الليل وتعرفين عاد لين صرتي غريبه ماتعرفين احد من الجيران توحشين ومره راح للجنوب والله لا يوريك هناك كرهت حياتي اول ماوصلت مرضت حراره وانفلونزا تغير جو الرجال جابني وتوهق لا وكنت توي طالعه من النفاس بعد عاد الحمدلله يومين وخفيت وتعرفت على زوجات زملائه وفليناها في الحبله ومدري وش الثانيه والله نسيتها جبلهم ذاك البارد اكيد عرفتيه وبس لما الان ماراح خارج الرياض الحمدلله كلها في الخرج والرياض .{ياالله نبي تفاعل من حريم الظباط}

عجبني موضوعك احم احم بتكلم
بالنسبه لي زوجي الله يحفظه ويخليه رتبة نقيب لما يستلم أفلها وناسه عند الاهل لكن مره أو مرتين كل ست شهور
يعني مو دايم كل شي كوم وهالفتره كوم من بداية ذي القعده لحد آخر يوم حج المسكين انتداب فمكه الصراحه أطفش بالمره
طبعا كل سنه على هالحال
أما عن السفريات وناسه انتدابات العمل حلوه مافي شي مارحته
لندن كندا باريس آمريكا جلست فيها بس سنه يعني فله هذا غير الشرقيه وجده خر مر دايم <قولو ما شاء الله>
بس آه من انتداب الحج منكدها علينا الله يرجعه بالسلامه
واللي بتعزمني تراني فاضيه داجه ماعندي شي ههه

انا زوجي ضابط ورحت معاه في دورة لوادي الدواسر وكانت وناسه مع حريم زملائه ورحت مرة ثانية لطائف ونيسة الديرة بس ماتعرفت على احد وسجلت بنادي اضيع وقتي فيه واذا استلم انواع الخوف ودي يجينا دورة خارج المملكة نغير

&&ناعمة العود&&
وعليكم السلام ورحمة الله وبركاته
حياك الله يالغاليه
وقت الاستلام لو تنظفين البيت كله تحسين انه طويل وممل انواع المعانات الله يعين بس
اذا انتي بالخرج ترا قهوتك بكره ان شاء الله عندي قولي تم
الله يخليلك عيالك وزوجك ان شاء الله

مغرومة الرياض :
هلا وغلا فيك وحياك الله
الوحده اذا كانت ساكنه بنفس المنطقه اللي به اهله تنتظر استلام زوجه على احر من الجمر خاصه اذا كان زوجه
من اللي يرفضون انهم ينامون عند اهلهم يكون ذاك اليوم بالنسبه له شي
اما اللي بعيدين عن اهلهم انواع المعانات <<<<< كانت تعاني اول
اما سفرياتكم وانتداباتكم شي
ياليت لو ينتدبون زوجي لدبي <<<<<< قنوعه <<<< اقول احلمي بس
ان شاء الله يرجع زوجك بالسلامه والله يديم عليك السعاده

ام مودي :
حياك الله اختي
حلو اذا كان في نفس المنطقه ناس نعرفهم مب شرط من الاهل كذا تهون شوي
والاستلام صاير بالنسبه لنا مثل الكابوس
مشكورات يالغاليات على تفاعلكم