زوجك والكذب

1. واقول لكم على موقف ثاني .

سلام
بنات هذا الوضع ما ينسكت عليه
زوجي تعبني والله بس يكذب علي .
يصبحني بكذبه ويمسيني بكذبه .
حتى في الاشياء التافه لازم يكذب وما يقول الحقيقة . انا تعبت منه مره ونفسيتي بدت تتاثر
ولمن يجي من عند عمتي اقول له : ايش اخبار عمتي . يقول : زعلانه منك مره تقول انك ما تسالين عنها
واقوم ادق عليها واسالها : انتي زعلانه مني ؟؟ حقك علي .. تقول : انا ماني زعلانه منك ولا شي مين قالك . اقولها زوجي . بعدين تضحك علي
ولمن اقول له ليش تكذب . يقول : امزح واذا زعلت يراضيني ويقول والله ماعاد اكذب
وبعد ربع ساعة كذبه جديدة
ويالله ما ادري لين متى واحنا في حركات البزران هذي . مع اني انسانه صداقة واحب الصدق ووهو داما يمدح في هذي الصفه .
واخر مره كان هو على الحديدة مامعاه فلوس . وايضا ما معاه جوال . وفجاءه دق علي من رقمة .
قلت له مبروك الجوال . قال : الله يبارك فيك .
قلت : بكم ؟ قال 800 ريال
قلت : من وين لك الفلوس اعتقد ان تقول انك على الحديدة .
قال : سلف . وهو يضحك
قالت :مو تقول محد سلفني ؟
قل : لا مو سلف من مصروفي وطبعا وهو يضحك.
قلت : مومصروفك خلص من زمان .
قال : لا من اصحابي هديه .
قلت : طيب مو السلامة لين تدبر كذبه تنبلع .
قال لحظة ايش فيك .ذحين زعلتي عشان ماقلت لك من فين جبت الفلوس قولي مبروك وخلاص .
ياناس يحب يخلي حياته غامضة عني . . وانا ما احب زي كذا مويقولون شريك العمر.

واقول لكم على موقف ثاني .

مره جا من بره وكانت الساعة 10 بالليل .وانا اقول له :اسوي عشا . يقول لا مالي نفس وانا بموت من الجوع واحاول اقنع فيه وهو يقول مره ما ابي . قلت خلاص انام وانا جيعانه المهم اليوم الثاني عزمنا عمتي على الغدا . وهو ياكل بشراهه وهم يقولون له بشويش . قلت حرام عليكم خلوه .البارح ما تعشا .
الا عمتي وبنتها يضحكون على ويقولون : ايش ما تعشا البارح تعشا عندنا واكل نص عشانا .
واطالع فيه وهو يبتسم . ويقول : اسكتوا فضحتوني .
بعدين انا لفيت الموضوع وقلت : عليه بالعافيه . الحمد لله اطمنت انه تعشا . وانا مقهورة ومولعه
تعبت والله تعبت يابنات مين زوجها يكذب زي كذا وكيف تعاملت معاه
ارجوكم . ودي اخليه يبطل شغل البزران هذا احنا محنا توم وجيري .
قولولي : ايش اسوي دخيلكم