زوجك يسافر تعالي شوفي

الله يكون في عونك حبيبتي انا اقول انتي عارفه زوجك وايش قصده من السفر وعلى حسب المكان الي بيروحه خليه يسافر بس انا اخاف انه يتعود والمره مهما سوت بصراحه ما تمنع الرجل عن السفر الي في راسه حبه ما انطحن صعب المره تطحنه والرجال ها الايام السفرلوحدهم صار عندهم موضه كلن يبي يسافر انا زوجي ما كان يسافر اللحين كل عطله بيبي يسافر ولا الاخ نزل قرار سفره لي معه وسفره لحاله مع الربع بس انا عارفه زوجي ليش يسافر ومع ذالك اكيد انا ما ودي واغار لانه لانه اكيد راح يشوف البلاوي الي هناك ولانه ما يقدريسكر عيونه هناك كلشي على الهوى سوى وانا اقول لاتمنعينه عشان ما يعاند بس فهميه انه صعبه يسافر وانتي نفا س المره تكون في حاجته زوجها وقت النفاس لانها تتعب نفسيا عني انا لما كنت حامل لمح انه بيسافر اذا ولدت بس زعلت وقلته ليش تبي تزيدني هم على هم النفاس انتو ما تفكرون الابانفسكم وغير رايه وراح لما طلعتمن الاربعين

وش مطير عقلي غير سفرياته مع اخوانه واصحابه
اكثر واكبر عيب بزوجي هوالسفر سواء عمل وتجارة او تمشي مع الشباب
؟؟؟؟؟؟؟؟؟؟؟؟؟؟؟؟؟
نعم انا واثقة منه وسافرت معه لمصر وسوريا والأمارات والبحرين وداخل المملكة ياما الحمد لله
ونجهز للسفر لنا ثلاث سنوات لماليزيا بس ماحصل للحين اننا نروح؟؟؟؟؟؟؟؟؟؟؟..........لكن هو مافي مكان ماراح له مصر هاذي جارتي على قولتي لزوجي الله لايجيب لي الجيرة يمكن اكثرمن عشر مرات راح لحاله ورحت معه مرتين بس!!!!!!!!!!
تصدقين عاد طلع للسودان يقول صيد ..............
طبعا انا ماأكذبه مصدقة زوجي الحمدلله وواثقة منه وواثقة من نفسي
بس عدي معي سفرياته مع اصدقائه واخوته
مصروسوريا ولبنان واندونيسيا وماليزيا والهند والصين وتركيا
منها عمل وتجارة ومنها تمشي مع الشباب
تصدقين في الأجازة الصيفية راح مع اصدقائه لاندونيسيا عمل وطلعوا على ماليزيا تمشي !!!!!!!
يوم حاجيته اننا من زمان نخطط للسفرلماليزيا ولاحصل لنا
وش رد علي !!!!!!!!!!!!
عنده اسلوب اقناع يقول اولا اروح اشوف البلد واتعرف عليها وثانيا سفرياتي مع الشباب ماتكلف ربع سفرياتي معك لأنه على قولته سكنه معي فنادق خمس نجوم ومع الشباب اي شقة طارفة على قولته تعبرهم!!!!!!!!!!!وعلى ذلك قيسي من مطاعم وتمشيات واسواق وغيره وغيره
بس الحمدلله اني مااشوف من زوجي الا كل خير قبل وبعد السفر
مع انه والله مرت علي ليالي مايعلم بها الا الله تتقرح عيوني من البكاء والصياح اذا خبرني عن سفرية جديدة هذا غير الزعل والخناق والهوش و
بس وش نسوي يابنت الحلال نسأل الله حفظه وستره
وادري طولت بس افضفض لك ............
نصيحتي لك اذا قدرتي تقنعينه بعدم السفر احسن علشان مايتعود ويكون الله بالعون..........
تقبلي مروري..........

اما السفر لم دخل بيتنا زوجي صار يسافر طول السنه ومااشوفه الا مره وحد ولم اقول له ليه تسافر يقول عندي دراسه وتجاره انتى اهتمى بالعيال وربيهم وانا اشتعل وادرس وهالحين بكمل سنه ماشتفه
والحمدالله على كل حال انتبهى ترى رجل تعجبه وربى ماتشوفينه بعده انتبهى
الله يوفقك وشكرا لك

والله السفر مشكله الحريم
انا رجلى شغله كله سفر كل شهر اوشهرين لازم يسافر اتعذب اول الامر كان الوضع مزعج بالنسبه لى والحين من كثر ماسافر صار شبه عادى
اشيل هم بيت اهلى وشيل العفش وعيالى
بس فى الاخير صرت اقعد فىبيتى اريح
حطيت ايدك على الجرح وقصت لك حياتى
تقبلى مرورى

اخ جيتي على الجرح
من اكبر المشاكل اللي تواجهها الحرمه
لو على الرجل نفسه اكيد كل حرمه تعرف زوجها وشو لكن المصيبه في الربع اللي ما تدرين من الصالح من الطالح منهم لو اضمهم كان ما عندي مشكله
ثانيا اني دري وين بيروح مره وحده اعرفها زوجها بغا يسافر المهم ما قال لها ولا شيئ بس هي لا حظت عليه ان عنده شيئ ومخبيه طبعا هو مخبي علشان انه عارف انها ما تبيه يسافر فقال خلني ساكت لين يجي موعد السفر واعلمها وفعلا ما قالها الا يوم جاء يوديها لبيت اهلها وين بيروح بالضبط وبطلعه الروح بعد ومع مين وقال لها يا ويلك لو قلتي لاحد اني بروح مع فلان
هي اللي قهرها في الموضع مو سفره لا
انه مخبي عليها ليش هالحقران او لو انها من هالحريم القويات بس هي يا حيل الله كان قلنا معه عذره
اصلا زوجها شخصيته قويه وسوا رضت والا ما رضت هو مسافر مسافر
بس هو كان ساكت علشان ما يوجع راسه من الاسئله وين بتروح ومع مين وكم بتقعد مع اني (اشوف انها هالاسئله من حق الحرمه) والا انا غلطانه
وهذا اكبر غلط سواه لان اللي بيخبيئ يعطي انطباع لزوجته مو زين عن هالسفره اقلها انه بيسافر من وراها والشيطان ما يقصر يكمل لنا الباقي
الله يهديهم ويصلحهم ويروقهم الرفقه الصالحه ويصرفهم عن كل شيئ حرام
معليش هذري كثير بس والله انه موضوع مضايقني حيل وحبيت افضفض

الله واكبر جينا للكلام اللي ما منه مهرب
والله قاتلني بسفره وجربت جميع الوسائل من زعل وبكاء ومنع من الكلام بعدين درت النغمه حب ولهفه والم الفراق ورسايل حب
مافي فايده المرأه لاتستطيع ان تمنع الرجل من شئ في راسه
بس وش نقول الله الهادي

انا زوجي بيروح بالاجازة مع امه لمكه والمدينه

حبيبتي كلمة يمكن تاثر فية ان الحرمة مرة تكون بحاجة زوجها جنبها في النفاس وترا هالكلام سمعتة من دكتورة حتى اذا حست بكتاب النفاس لازم يكون زوجها جنبها اريح لها والل ةيكو نفي عونك

انا الحين حامل ومن يوم ماحملت قاعده المح له انه مايكثر روحه للاستراحه حقتهم جعلها تنهد
فكيف لو قال ابسافر
بصراحه الله يكون بعونك وحاولي معه وادعي له ان الله يكره بالسفر الا معك
ترى الدعاء يابنات له سر عجيب نجهله
والله معك......