زوجك يكتب مشاكله معاك بالمنتديات

بسم الله الرحمن الرحيم
كيفكم بنات وزوجات وامهات
انا من زمان اتابع المنتدى وكذا منتدى
ولاحظت شي وترني وقهرني
اش هو؟؟؟
اقلكم عليه
دحين مو المنتديات لتبادل الخبرات وحل للمشاكل المزمنه والمستعصيه واللي منتي قادره توصليها لاحد
طيب اللي انا شايفته ما صار كذا
صارت الوحده لو زوجها عطس جنبها راحت وسوت موضوع طويل وعريض
وانا عندي مشكله وعندي هم
ولما نجي نقرأ نحصل ان زوجها بس عطس
لا ضربها ولا جاها سكران من برى وابتلشها ولا حصلته نايم مع وحده
يعني باختصار اللي انا شايفته مو مشاكل اللي شايفته قلة تقوى للزوج
والله حرام يا بنات اللي جالس يصير
كل ما سوى شي زوجك جيتي وخليتيه موضوع
هذي اسرار بيوت لاتقولي ما حد عارفني الله عارف انتي اش تكتبي على زوجك
واش تقولي فيه
طيب اتخيلي زوجك او الازواج كل ما صارت مشكله بينهم وبين حريمهم راح وكتبها بالمنتديات
والله هذا اللي في نفسي وقلتلكم عليه وكل وحده تتقي الله في زوجها
وتصبر وتحتسب الاجر عند الله
وكل وحده تقول كيف نضرتها راح تصير لزوجها لو عرفت انه يكتب مشاكله معاها بالمنتديات