زوجي بيتزوج علي أكبر مقلب عشته بحياتي

1. تخيلوا عيشني ايام في عذاب وخناق مارجعت شقتي الا بعد فترة.


2. وصلت السالفة لأبوه واهله كلهم اعرفوا وتاليتها يقولي مقلب.


3. تعرفون ليش سوا فيني هالمقلب..؟؟

السلام عليكم
كيف احوالكم..؟؟
طبعا جيت لكم بعد غيبة طويلة معذورة فيها اكيد لو بقول لكم شاللي صار لي.
طبعا انا جيت وكتبت موضوع ان تخيلي تكون هدية طلوعك من النفاس زوجة ثانية.
وهذا اللي صار طبعا ان زوجي قالي انه بيتزوج علي مع ان تونا سنة من تزوجنا.
لكن لو بقول لكم الواقع بتتفاجئون.
طلع كل اللي قاله كذب في كذب..قال ايش قال مقلب.

تخيلوا عيشني ايام في عذاب وخناق مارجعت شقتي الا بعد فترة.

ودائما اذا فتحت الموضوع وياه يقولي انا بحاول انساها انا احبها لكن عشانج ماراح اخذها.
في البداية كنت اعصب واتهاوش واصيح واعفس الدنيا عليه لكن مع الأيام كلما انفتحت السالفة قلت له ماعاد يهمني شي ..بالطقاق يطقك انت وياها..اهم شي اذا بتتزوجها تتركني..انا كثير رجال يتمنوني ماراح اتعطل..وكنت اسأله عنها وكل مرة يقولي كلام متناقض عن المرة اللي قبلها..
تخيلوا.

وصلت السالفة لأبوه واهله كلهم اعرفوا وتاليتها يقولي مقلب.

تعرفون ليش سوا فيني هالمقلب..؟؟

يقولي كنت ابغى اشوف زوجتي قوية ماكان عاجبني ضعفج وعلى كل شي بتصيحين..فكنت اتعمد كل يوم افتح السالفة وياج واشوف ردة فعلج شفتج كل يوم يقل اهتمامج بالسالفة واشوف في عيونج نظرات قوية غير اول مرة قلت لج اللي لقيت نظرات ضعف وبعدها دموع.
انا كل اللي سويته عشانج..عشان حياتنا.
قلت له ليش تعيشني هالايام كلها في هالمقلب الكبير.
قالي انا مو قصدي فيه امزح معاج انا قصدي مصلحتج والحمد لله وصلت للي أبيه.
يقولي ماكنت ناوي اقولج كنت ابي تظل الكذبة عالقة في ذهنج عشان لو يصير شيصير ماراح يكون اقوى من اللي صار الحين وبكذا ماراح تتأثرين.
يابنات انا عشت ايام..اغمى علي ايام..بكيت ايام..تعذبت ايام..كرهته ايام..ندمت اني اخذته ايام وايام.
وفي الاخير تطلع السالفة كذبة.
طبعا خليته يحلف عالمصحف ان السالفة كذب وحلف.
انا فرحانة حيل ان السالفة مو صج لكن في نفس الوقت ضايق صدري.
الحين السالفة صار لها خالصة مدة طويلة بس انشغلت كثير وماقدرت ادخل اقول لكم وش صار.
والحين انا معاه والحمد لله مثل السمنة عالعسل.
ادعولي يابنات ان الله يهديه لي ويخليه لي انا وبنتي.
حبيت اطمنكم بهذا الموضوع وافرحكم معاي.
تحيآآآتي