زوجي تزوج علي مسيار مشورتكم ياعاقلات1

1. متزوجة وعندها اطفال وحامل قبل اشهر حست ان زوجها على علاقة بامراه


2. صبرت المسكينة وتعاملها معه ماتغير ابد

حياكم اخواتي المتزوجات
بدخل في الموضوع على طول ودي منكم المشورة الصائبةلقريبتي او الدعاء لها ان يفرج الله همهاوقصتها كالتالي

متزوجة وعندها اطفال وحامل قبل اشهر حست ان زوجها على علاقة بامراه

لانها كثيرة الاتصالات حتى باوقات غير مناسبة مثل نص الليل او الفجر ليش لان زوجها عنده لموزين وهذه من ضمن زباينه المهم حاولت جاهدة ان تعرف الحقيقة واكتشفتها مرة تقول على لسانها قاعدة انا وزوجي وبالصدفة كان جواله مفتوح ودخلت على الرساايل ولقت الطامة الكبرى رسايل غرام وحب على طول واجهته سكتها وقالها زوجتي قالت لا ياشيخ قال والله زوجتي (مسيار) والله تقطع القلب وهي تحكيني لانها من النوع اللي مهتمه في زوجها
من ناحية الرومانسية الفراش الاكل اللبس الكلام الحلو وفوق كل ذا ماتحب تزعله واذا صارت مشكلة تحاول تحله بدون شوشرة يعني يشهد الله انها مومقصرة حتى بشهادته هو
المهم تقول صحت ليش وش سويت وش قاصرك قال الحمد لله مو قاصرني شي خلاص قفلي الموضوع واللي يقهر في الموضوع من جد انها ارملة اكبر منه ومنها اصغر عيالها بالمتوسط واكبرهم متزوجة وعندها ولد يعني جدة عنده حفيد اقلها تعدت الاربعين وهو تقريبا في الثلاثين
قالها زوجها لقريبتي والله احبك ومالي غنى عنك بس قفلي على الموضوع ولاعاد جيبي سيرة ويهددها انه راح يعلن زواجه لو تكلمت معه او ناقشته في هالموضوع

صبرت المسكينة وتعاملها معه ماتغير ابد

بس هو وزوجة المسيار حب وعشق وغرام ورسايل على الجوال والمسنجر طبعا قالها زوجتي ماتدري وما اقدر اعلن الزواج
والله كل يوم تكلمني تبكي تقول مااقدر اقول لاهلي ماودي احد يدري لان زوجة ابوها تصير اخته وشوفي ودهم في هااليوم واللي قاهرها تقول والله لو انه تزوج عايدي وراح خطب زي الناس يعني احد قاله عنها او اهله شافوها يعني زواج شرعي بصبر وارضى بحكم ربي وشرعه لكن المصيبة انها لفت عليه مثل ابليس تركب معه في اللموزين مشاوير كثيرة وكلام وضحك وتغنج وحتى الى المطار يوصلها بدون ماتاخذ احد من عيالها ووصلت فيها الوقاحة قبل مايتزوجها مسيار انها تسوي اكل وتحطه في حافظة وملعقة وتغلفها وتعطيه
يعني لفت عليه صح وعيالها تخليهم يدقون عليه لانه من النوع اللي حبيب مرة
تقول اللحين هي صابرة ومحتسبة وموكلة امرها الى الله
بس حبت تستشيركم تقول زوجها سافرمن يومين عمل في وظيفته وقبل مايروح لقت صورة في البوك مقصوصه ومخلي عيونها وحواجبها تقول ماتدري هي حطتها او هو
اخذتها بعدين طلع من دورة المياة ولبس وفتح البوك واعطاها مصروف وعايدي
الحين محتارة تقول تعبت الرسايل اللي كان يرسلها لها صارت لزوجة المسيار حتى رسايل الايميل
اذا دقت في البيت طبعا منعته مايرد عليه حفاظا على شعورها مايتحمل يطلع ويكلمها في الحوش او اذا انشغلت بشغل في البيت
تقول والله احيانا خلاص بقوله طز اعلن ها الزواج اللي بالسر كانه حرام مصدق نفسك انت واياها بس تخاف زوجها يروح منها وتقول يارب يمكن نزوة وتنزاح ان شاء الله وموضوع الصورة ماتدري وش تقوله اذا رجع من السفر والله يابنات جت عندي وتبكي وتبكي وقلبها متقطع لانها تموت في زوجها والحين تقول احس قلبي احترق ومولع نار ماغير ادعي ربي يفرج هالهم والكرب ويرد لي زوجي قطعت قلبي قلت اشوف اللي عندها راي حكيم يفيدها وشلون تتصرف مع هالحرمة لانها مصرة تاخذ زوجها وهي تحاول انه يعلن الزواج ويعترف بها عند كل الناس لانها باتصلاتها وحركاتها تولد المشاكل بين قريبتي وزوجها ومع ذلك تمسك اعصابها بس خايفة اللحين تنهار ويضيع زوجها من يدها
معليش طولت عليكم في انتظار رد حكيم وراي سديد وشلون تتعامل مع هالمصيبة
او دعوة لها في ظهر الغيب ان يسخرلها زوجها ويرده اليها ردا جميلا