زوجي تزوج علي ودخلها علي وأنا في غرفة نومي

زوجي تزوج علي ... ودخلها علي وأنا في غرفة نومي
بنات كنت قبل كم يوم تعبانة .... وكنت فاتحة على منتدانا ... لأني ما أستغنى عنه
وحسيت بإجهاد فسرت أنام
شوي والا زوجي داخل غرفة النوم .... وجايب معاه وحده .... متعدله ... وراعية البلاد ... ومعاهم شنطة ملابس
طار عقلي منو هذي اللي دخلتها غرفة نومي؟؟
هذي زوجتي الجديدة
قلت له ووصلت فيك المواصيل اتدخلها غرفة نومي
قال دوري لج على غرفة ثانية في البيت .... هذي الغرفة الرئيسية لزوجتي الجديدة
ضاق صدري بشكل ما تتخيلونه
قلت له مب مشكلة .... أنا أتصل على أهلي يشوفون لهم صرفة وياك .... والا ظنك ما وراي ظهر ؟؟؟
واتصل على أهلي .... وانتظرهم على أحر من الجمر
وأول ما دق جرس الباب ركضت أفتحة ... علشان أقول لهم شو صار فيي ....
فقال لي زوجي .... قومي قومي دق المنبه علشان صلاة الصبح .....
قعدت أتطالعة .... وأنا نظرات الكره ماليه عيني ....
قال لي شو فيج ؟؟
قلت له إنت قد هاي الحركة إللي سويتها ؟؟؟
وصلت مواصيلك تجيبها في غرفة نومي ؟؟!!!
قال قومي يا بنت الحلال .... شكل الدواء ماخذ مفعوله معاج صح ....
وشكلج حلمانه إني متزوج عليج
أكيد قارية موضوع وحدة زوجها متزوج عليها ... أو شايفه مسلسل
لا يا بنت الناس .... ارتاحي ...
أنا ما تجننت أتزوج عليج ... واستأثم في بنت الناس
أدري بتخلينها ترجع بيت أهلها وهي تقول
الأسماك تزين السماء
والنجوم تسبح في البحار
قمت وأنا طفرانه منه .... ومب راضية أقتنع إنه حلم وخلاص
بس يوم سمعته وهو يقول لي هاي الجملة
الأسماك تزين السماء
والنجوم تسبح في البحار
قمت أضحك ضحك
قلت خل أكتب لأخواتي شوي .... أفرفشهم معاي .....
تدرون بنات كل ما أشوف شي .... وأرقد وأنا متأثرة بهذا الشي ... لازم أحلم
مثلاً
1- كنت أقرأ قصة وحدة زوجها تزوج عليها .... علشان جذي حلمت إن زوجي متزوج بسم الله الرحمن الرحيم علي
2- مرة كنت أحضر مادة التاريخ ... وكان عن العثمانيين .... نمت فحلمت إن السلطان العثماني ماخذ أمي
3- مرة كنت أشوف مسلسل الكرتون ليدي ليدي ... فحلمت إن مرة أبوها البارونه ... هي مرة أبوي
4- مرة كنت أحضر مادة التربية الإسلامية .... فحلمت إن أنا المسلمة الوحيدة والباقي كفار .... والحلم كان باللغة العربية الفصحى
5- مرة كنت شايفة الفلم الكرتوني الرجل الأخضر .... حلمت إن أنا وزوجي نتحول إلى الرجل الأخضر
الله يعين يا بنات