زوجي عازم اصحابه فطور

مرا قليل العدد ويمديكي تبدعي ..
السمبوسه طبعا لازم مافي غنى عنها والشربه ..نوع واحد تكفي ..
زيدي صينيه مكرونه او لازانيا ..او صينيه منتو كذاب الي عليه خلطه قشطه وجبنه ..
فطاير جبنه او سبرنج رول ..اشتريها جاهزه واحشيها بخلطه خضار ودجاج مع صويا صوص
سلطه مكرونه مثلا ..الي تجي فيها ذرره ومعلبات ..وبدعي بالتقديم وتزيين الصحون ترتيب السفره من مناديل وترتيب الكاسات والصحون الكبيره والشربه ..
حلى كاسات ..وكنافه تحطيه بعد الفطور مع القهوة ..
كدا يكفي .. ويارب تتشرفي قدام ضيوفك اهم شي خلصي قبلها بوقت ..ورتبي سفرتك ..ترتيبها يعكس ذووقك ..
موفقه

يعنى السمبوسه اكيد والشوربه
واذا تقدرى تلفى الورق عنب من دحين وتسوى مكرونه فوتشينى بالكريمه والخضار والدجاج
وبيتزا وصينيه لازانيا وبسس
والحلى ياكثرها بالنت يعنى قطايف بالقشطه والكنافه اسهل شى
واهم شى انك ترتبى السفره مو مهم الاكل كثير اهم شى يكون لذيذ
والله ييعنك

ربي يوفقك حبيبتي ......
سوي شوربه بااللحم وتزينينها باالبصل المشقر وسوي مكرونه فوقها لحم مفروم وسوي سلطه خيار وطماطم وجزر
حاولي تسوين سلطة فواكه مكونه من برتقال اليوسفي تقشرينه وتقطعينه مع شوية كيوي وتفاح اخضر
اهم شي السمبوسه واللقيمات ابدعي فيها
باشميل وحطي انواع العصير الموجود ولبن وحليب واهم شي القشطه مع التمر ولاتنسي المويا على السفره
طلعي مواهبك بااي حلى بسيط مثلا سوي حلا الجالكسي
ولاتنسي الجلي والكريم كراميل طبعا حطيه كله ع السفره مره وحده عشان تكثر الاطباق اذا قدرتي سوي رز ابيض منثور مع
سمك مقلي وقبل هذا بعد ماتطلعي الشوك عظم السمك احشيه فيليه سمك عشان يطلع منظره احلى
السمك جيبي مبهر وجاهز من محله اذا ماامدا الوقت ..
هذا اللي قدرت عليه طبعا انا عندي فطور اليوم وزوجي عازم اخوه وزوجته وعياله تو جايين من لندن
وراح اسوي كل اللي قلتلك عليه والتمر طبعا مسويته جايبه العجو وكورته بجوز الهند هاه وش رايك ان شاء الله عجبك
وان شاء الله تبدعي يارب ... دعواتك ...

واو مشكورين وربي انبسطت لما شفت ردودكم مره يسلمو....ان شاء الله لما اسوي العزيمه اصور لكم سفرتي واحطها لكم تشوفونهاا...

شوفي حبيبتتي انا لو مكانك بسوي
طبعآآآآآآآآآآ اول شي تمر مع قشده و زبادي وعصيرات وكذلك قهوه ولقيمات اذا امكن او حلى خفيف وبعد الصلاه ضعي الفطور بحيث اذا راحوا يصلوا ترتبينه برواق
سمبوسه لازم و فطائر وكذلك بيتزا واهم شي الشوربه والحلى نوع واحد يكفي واختاري صينيه تضبطينها واهم شي اشكال الفطاير حتى تفتح نفسهم وابدعي بالحشوات وسوي سبرنغ رول أو بف باستري ترى اشكالهم روعه ومابتاخذ وقت يمكنك تسوي بعض الاشياء بالليل حتى تلحقي على الباقي مثل الحلى والحشوات والسمبوسه

حبيبي اعملي صينية الشاورما من كتاب النخبه اكيد كلهم بتعجبهم ميه ميه
ولو ماعدك الكتاب بنزل لك الطريقه

اول شي الله يعينك
ثانيا جهزي من الليل صحون حطي فيها التمر والزبادي او القشطه او الطحينيه وغلفيها وحطيها بالثلاجه
وسوي حلى نوع واحد مع القهوه عندك هالحلى انا سويتها وماياخذوقت جدا سهل
تجيبين كب كيك لوزين بالشوكولاته ورصيها مثل ماهي بالصينيه وسوي برا خلطة 2 مارس 2 سنكرز وواحد قشطه وذوبيها بالمكرويف او على بخار الماء وبعد ماتذوب صبيها على الكب كيك ورشي عليها جوز الهند وحطيه بالثلاجه الين يجي وقت الفطور ووزعيه كل حبه لحالها يطلع واو
وطبعا سمبوسه ولقيمات
على السفره الثانيه شوربه كويكر وشوربه كريمة الدجاج تلاقينها بالسوبر ماركت من كنور سهله وروعه
وسوي صينية التوست بالتونه او مصقع
وكمان مكرونه باللحم المفروم
والمعجنات عجينه وحده سوي منها بيتزا وكروسان والاقماع بالجبنه البيضاء مع البقدونس او الجزر ودونات
حلى قدرة قادر تقدرين تسوينها قبل بيوم
او حلى الكاسات
وكمان تبوله او فتة الباذنجان يمديك تسوينها بالليل
اي طريقه تبينها ارسلي لي على الخاص لانه لو بكتب هنا بفتح موضوع كامل ههه

مرحبا حببتي
اول شيء اتكلي على الله وهونيها
ترى انا قبل كنت زيك وشايله الهم والحين الحمدلله
البنات ماقصروا
وبالنسبه لي انا
بقولتس على الي اسويه لما يكون الفطور دوريته عندي
اولا السمبوسه والشوربه اساسيه
ثانيا جيبي توست ويفضل لوزين
و(((وامسكيه وحطي اثنين على بعض وامسكيها وافرديها كانك تفردين عجينه
وبعدين جيبي صحن او اي شي دائري وقصيه فيه على شكل دائره
وكذا لين تخلص الكميه ((ممكن تسوينه قبل بيوم وتغلفينه ببلاستيك حتى ماييبس من براد الثلاجه )) بيوم العزومه
العصر طلعيه وكملي شغله جيبي بيض وغمسي التوست فيه ثم غمسيه في بقسماط ....شابوره مطحونه....
ثم اقليه بالزيت
وبتلاحضين ان التوست انتفخ طلعيه
وبعد ماتخلصين
قصيه نصفين يطلع زي الخبز
احشيه دجاج مفروم واذا تحبون المايونيز حطي مع الحشوه)))))))
ثالثا ((( جيبي توست وقصصي اطرافه وصفيه بصينيه
وسوي كشنة تونه
بصل يحمس بزيت ثم تحطين عليه ملعقه معجون طمام ثم تحطين عليه تونه وتحركينهم شوي
ثم تمسكين التونه وتحطينها على التوست
ثم تحطين طبقه ثانيه من التوست
وتخلطين بالخلاط علبة قشطه بوك و نصف كاس جبن صغير سايل
وتصبينه على وجه التوست
وتدخلينه الفرن من تحت شوي بس لحد مايتماسك القشطه
ثم لما تجين تقدمينه قصي التوست نصفيين عل شكل مثلث
وقدميه))
رابعا ((جيبي ورق عنب جاهز الي محشي جاهز
وصفيه بصحن تقديم وقصي عليه ليمون وقدميه)
خامسا((سوي مكرونه بلحم او لحم مفروم او بالبشاميل
الي يسهل عليك وقدميها))
سادسا ((سوي كريمه وحلا ثاني معها
سويها من اليل حتى مايروح الوقت عليتس )
وسوي العصير كله من اليل
(طبعا اذا عصيركم سنكويك وتانج وفمتو سويه من اليل وحطيه بالثلاجه ))
وجهزي
الفناجيل والبيالات والاكواب والصحون والملاعق من قبل بيوم
حتى ماتحتاسين وقت الفطور
انا اجهزهم قبل بيوم
واحطهم بمجلس الرجال واغطيهم بسفره مستهلكه حتى مايجيهم غبار
ووقت التقديم اسوي سفرتي واقربهم منها وبس
طبعا سفرتك لازم تكون نظيفه وانتبهي لنظافة البيت والحمامات
لان مهما سويتي من اكلات اذا البيت مونظيف مايبين
والقهوه والشاي
عبي ترامس زياده احتياط
انا اعبي ترمسين مع الدله
وكل مارجعوا الدله اعبيها بس
والله ريحني كثير
واهم شي لا تخافيني ترى المساءله هينه ان شاءالله
واذا بغيتي شي
عندتس الخاص
وان شاء الله ماراح اقصر معتس
((ترى انا حاسه فيتس لاني بيوم كنت مثلتس ))
اسال الله ان يسهل لكي كل عسير وكل مسلمه

اب لعيونك