زوجي غريب الأطباع والكلام علموني شسوي

هلا حياتي الله يعينك عليه شوفي اقرب الناس له واللي يسمع لهم ومايردهم
واحكي لهم كل شي وخليهم هم يكلموه بس اختاري الاشخاص اللي يسمع لهم
وربي يسعدش

معقول بس رد واحد؟؟

ربنا يكون معاك حبيبتي رأي رأى اسيره هواه أن شاء الله ينفعك و يا رب يسعدك و يهنيك

أنا شخصياً أبداً ما أأيد تدخل أي طرف ثالث بالموضوع
لأن الموضوع يدخل في الطباع
مو مشكلة ولازم تنحل
إنت ما ذكرتي كم لك متزوجة
بس أنا أعتقد إن الأفضل تمشين على مبدأ أعطي بدون مقابل
بمعنى إستقبليه عند الباب بحضن دافي وافصحي له عن مشاعرك وإنك كثير اشتقتي له
وشوي بعد ما يريح او بجلسة الشاي او القهوة
او حتى لو هو ع اللاب توب سولفي وخذي راحتك بالسوالف خليك عفوية
أي شئ ودك تتكلمين فيه تكلمي
واذا ما علق قولي له اش رايك اذا الموضوع يحتاج رأي
وإذا تجاهلك لا تبينين له انك زعلتي وتكدرتي ابد لان ذا بيخلق عنده احساس انك جالسه تحاولين تغيرين فيه
ولاتنتظرين ابد انه يسولف لك عن تفاصيله
يكفي الاساسيات
بس انتي دخليه بعمق بحياتك بكل تفاصيلها
وعوديه ع هالشئ
ولو قالك أنا اش دخلني او من ذا القبيل
قولي له أنا أحب انك تشاركني كل شئ بحياتي
حتى الشغلات التافهة أحس انك روحي ونفسي
ومع الايام صدقيني راح يدمن تفاصيلك ويضيع من دونها
واذا ادمنها وعرف انك واثقه فيه راح يبدأ يثق فيك ويبدأ يسولف لك ويمكن أكثر منك بعد
بس عشان يضبط معاك الموضوع لا زم تنتبهين لكذا حاجة
اول شئ واهم شئ ماتصير ثرثارة لدرجة مزعجة تخليه يكره يسمع صوتك
حااولي تعدلين بالكلام وتنقين الوقت الملائم
ثاني شئ لا تستعجلين النتيجة ممكن تكون بعد شهر وممك بعد سنة
وأنا اتوقع بحالة زوجك بتطول الفترة اكثر من سنة
فاصبري واحتسبي
اتمنى يارب يكون رأيي سديد ويوفقك ربي ويريح خاطرك

شوفي ياقلبي
بكل بساطة زوجك أذني ... من النوع الي يسمع نصايح وتجارب أصدقائه وأصدقاء أصدقائه والعائلة والأقارب والجيرآن ....
الي يجي صاحبه يقوله أصحك تعودها علي الخروج والطلوع راح تبهذلك بالروحه والجيه ..
ويجي الثاني.. ها .. أذبحلها القطه والنعامه والخروف من أول ليله ..خليك رجال ولك كلمتك .. لا تظهرلها نقطة ضعفك وتعرفها أسرآر عملك كيف وعندك كمّ فالبنك .. تري الحريم ماينعطون وجه .. !!
وللأسف كثير الي زي زوجك الي يسمحو للناس تعبئ رآسهم بالكلام الفاضي والمليان .. !!! فلا تيأسي بأذن الله كل شئ وله طريقه
الحل من وجهة نظري المتوآضعه ..
1- لاتقصري معاه بشئ.. لأنك قولتيها فيه أشياء طيبة ماشاء الله تبارك الله .. لا تنسيها حطيها ببالك وخلي سيئاته علي جنب ..كله في وقته حلو .. وأنصحك بالصبر وطولة البآآل .. لأنه النوعيه هادي صعب تغيري تفكيرها من يوم وليله
2-الطنآآآآآآآآآش .. لا تسأليه ولا تعطيه أهمية عن عمله وخرجاته وطلعاته .. لأانه كل ما تسأليه راح تثبتي وجهة نظره الخطأ الي يسمعها من فلان وعلان .. طفشآنه لازم تشوفيلك شئ تشغلي حآلك فيه ..عشان لاتقعدي تفكري فيه وفتصرفاته طول الوقت
عندك الاب توب أو التلفون مع صحباتك أخوآتك اهلك أو شغل البيت .. شوفي أنتي أيش الي يناسبك
بس ها .. مو طناش بمعني طناش في كلو لأ ..أحنا بنعالج وفنفس الوقت بنصلح ..
حبيبتي لازم تعرفي أيش الي يجذب زوجك من موآضيع أو أخبار .. ووقت ماتعرفي وبطريقه غير مباشره
شوفي بيحب يتفرج علي أيه في التي في ..يقرأ أيش في المجلات او الاب توب.. وكده يعني
وأبدأي عاد في التجميع والتمحيص .. تلاقيه قاعد جيبي قهوه ولا شاهي..وأهرجي وأتكلمي ولا تسكتي .. : )
حتي لو ما رد عليكي في الأول .. شويه ومع الوقت راح يبدأ يسمع ويرد .. فهمتي عليا
2- بالنسبة للخرجات .. زي مافهمتك هو يبغي يرّوق ويعيش حياته بكل مايعنيه وما سمعو من الشباب
لا تعوديه علي خرجاتك وطلعاتك مع أخوانك ..أصحك .. أصحك
بكدا عمرك ماراح تعدليه .. بس بصراحه أنا ماعرف قد أيش طولة بالك وصبرك في الموضوع دا !!
بس الي أكرره عليكي .. الصبر .. وبرأيي هو الي لازم يوديكي ويجيبك .. وانتي كمان لازم تختاري الوقت والظروف الملائمه عشان تطلبي منه يخرجك او يوديكي
بمعني مايكون دوبو جي من العمل .. او قاعد مشغول بشئ في الجوال أو الاب توب .. أو معصب .. لازم تختاري الوقت المناسب وتبدأي تزّني بأسلوب حلو
يقولك فين أخوانك .. ردي مشغولين.. وأرجعي أسكتي .. و زّني تاني ههه من جد تري
.. ولا تجلسي تعاتبي وتقولي له وانته وانته ومن حقي ومادري أيش لأ .. أمسكي أعصابك وطولي بآلك
طيب ما وآفق وأصّر علي عدم الموافقه .. خلاص لاتكبري الموضوع وتنكدي .. خلاص أنسي وأرجعي حاولي مره أخري : )
وأنتبهي مو شرط تكون كل طلعاتك عند فلانه ..وهادي وهادا .. جربي
تعزميه علي مطعم علي تمشية مع بعض لوحدكم.. مره وأثنين وثلاث ... ولو خرج عاد ابدعي في الطلعه هادي خليها لاتنسي .. أضحكي واتكلمي وأعزميه علي أيس كريم او عصير أو شوفي أيش الي يحبه وساويه .. وأحب أقولك ممكن يكون هو مبوّز أو مايعطيكي وجه
وانتي سوي ولا كأنك شايفه .. واتعاملي عادي .. لحد مايفك من حاله
ممكن تشوفي الأمور هادي صعبه بس هادا زوجك وانتي حابه تحافظي عليه .. فأيش الي ينقصك لو جربتي !!
اهو قدامك العمر كلو بأذن الله تجربي وتحاولي وتخسري وترجعي مره ثانيه ... وهكذا
ولو شوفتيها بسيطه وومكن ماتنفع زوجك وانه غير .. فأرجع أقولك جربي ومنتي خسرآنه شئ بأذن الله
وأنبهك علي نقطة مهمه .. أنتي أتزوجتي الحمدلله وصار لك بيتك وشريك لحياتك .. وطلع فزوجك شويه عيوب
لو ماتصلحت لا قدر الله .. حاولي تتأقلمي معاها وتتعايشي .. لو شايفه أنو يستآهل منك التضحيه .. فليش لأ ..
مافي أحد كامل ياغالية .. وما كامل إلا وجه الله ..
بكره تنشغلي أنتي كمان في وظيفة لكي أو ب بزوره ربي يرزقك ان شاء الله ..
وماراح يكون هو محور مواضيعك كلها
وربي يكتبلك الخير فين ماكنتي

ماشاء الله الأخت دانتيل ماقصرت .. وردت أسرع مني يسعدها
تقريبآ نفس الي قلتو بس مانتبهت لردها غير بعد مارديت : ) .. ربي يجزآكي كل خير علي نصايحك ويسعدك بحياتك ويكملك بعقلك
ويتمم أمورك علي خير أنتي وكل الفرآشات
تحياتي .. : )

ماقصرو الاخوات توته ودانتيل
لكن احب اضيف شي اللي هوا دايم ادعي في سجودك ان ربي يسخره لك ويحنن قلبه عليكي
يعني جربي كل الطرق معاه بالاضافه للدعاء
وان شالله تتيسر امورك ويتغيرك حالكم للاحسن

ما رح اقولك شي الاخوات( توتة و دانتيل) كفون وفون وما تركوا لاحد كلام
يسلم فمكم...
وانتي حبيبتي الله يحمل معك ويعينك

الله يعينك ياعسل اصبر ياقلبي في رجال في البداية تتعبي معاهم بعدين يمشي حالهم بالرواق والسياسة
وانا اخاف تدخلى احد يعانك زيادة وتكبر الشغلة في راسة وانتي في غني عن هذا
ادعي وحاولى تحلى الموضوع بطريقتك اكيد ياخذ معاكي وقت بس اهم شئ يعمل الشئ من طيب خاط احسن من القوة
موفقة