ها النوعيات ابد ابد ما احبها

السلام عليكم ورحمته الله وبركاته
كيفكم ياسنعات يا عسولات
يا بنات انا كتبت هذا الموضوع اليوم عشان الي شفته والي سمعته البارح
انا البارح كنت معزومه بجمعة حريم لبست وتكشخت وطرت هناك << ما صدقت احد يعزمها
والله با البدايه كنا مبسوطين وش حلاتنا ضحك وناسه
بس بعد ما تتطورت الهرجه وسخنة الجلسة في بعض السوالف والعلوم
والله يا بنات انها طقة تسبدي <<< اسئلوني ليش
راح اقولكم من غير ما تسئلون
كانت هناك وحده << الله يستر عليها مو بنية اني احش فيها بس عشان اوريكم طبع بعض الحريم الله يصلحهن
يعني طول الجلسه كل ما تكلمنا بشي قامت ونطط ودخلت زوجها في الموضوع
يعني زوجي جابلي زوجي حط لي زوجي قالي زوجي الخ الخ الخ <<< وكله يعني ان زوجها جنتل مان
ولا من كثر ما تكلم عليه مره تقوول زوجي ومره ابو فلان ومره فلان ومره حبيبي <<<< طيب اثبتي تكفين ع مسمى دخت
وربي لما تجلس تتكلم عن زوجها بهذي الطريقه انه نجلس نطالع ببعض ونضحك
احنا جالسين ومجتمعين وحاطين ها الصحون ها الحلى والقهوه عشان نسمع صفات زوجك المصون
وربي اتبلد تسبدي انا من النوع الي ابد ما احب كذا وما احب ابد الزوجه تتكلم عن زوجها لا شينه ولا زينه قدام الناس
لان لو افترضنا انها صادقه وان زوجها شايله من الارض شيل
يختي ما تقول هذا الكلام قدام الحريم لان العين حق
مع اني انا عندي فلسفه<< خفي علينا يا افلاطون
انه اللي تتكلم زي كذا انا اقول ان زوجها ما عنده ما عند جدتي يعني بختصار مطلع عيونهها <<< بس حاسه بنقص عشان كذا تحبب تتكلم بهذي الطريقه عشان توري للناس الي اهي تبيه يشوفوه
بعدين خبري العرايس او الي تو متزوجه اهي الي تتكلم كذا بحكم انها جاهله ما تعرف وش تقول وش الي ما تقوول
بس ها الاخت حرمه عندها ولدين وحامل بثالث يعني مو جهل بس شتقولون
المهم بختصار الوحده لازم تمسك لسانها وشي ينقال وشي ما ينقال واذا احد سالك عن زوجك وعن حياتك
قولي حمد الله وبس
والله يعجبني الحريم الا ما تدرين شي عن زوجها وعن حياتها
ابغاكم تشاركوني بقرقرتي الي ما تخلص
قد صادفتي زي هذي النوعيات من الحريم وكيف يكون ردك عليها وايش رايك في ها الموضوع ؟؟
والصراحه صراحه صراحه فيكي ها الطبع؟؟ << اذا فيكي ها الطبع رجاء اقرب مخرج وطلعي برى الموضووع
ههه لا والله امزح حياكم في مووضوعي جميعا
دمتم بود