زوجي قالي ما ابيك والسبب بنت غازلته

1. السلام عليكم ورحمة الله وبركاته


2. ثاني شي زوجي يقولي طحتي من عيني وراح سكر على نفسه الغرفه ونام

السلام عليكم ورحمة الله وبركاته

اقولكم سالفتي انا عند بنتي موعد في المستشفي وكل مارحت الموعد فيه بنات اقصد حشرات بالأستقبال قليلات ادب بمعنى الكلمه كل ما رحت يتغير زوجي وينقلب بكل موعد اصير بالسياره متهاوشين قلت الموعد هاذا ما ابيك تروح معي اصرف نفسي انا بس لا تعصب المهم اخذت ولد اختي ورحت باللموزين واتفاجائ ان زوجي جالس وينتظرني عند البوابه ومااد بوزه علي استغربت واذا دخلنا اقتلبت الموجه وانا مدري شسالفه الين قلت ماني جالسه بنتظار النساء ابشوف حتى اذا كلمته صار مايدري وش يقول ومبسوط استغربت
الدعوه ان الكلبات الي في الاستقبال ينادونه وهو مسوي مستحي وبس يوزع ابتسامات وواحد ثاني قدام عيوني مدخل يده جوى يعطيهم الاوراق وهي ماسكه يده وتلمسها وزوجته ياحياتي جالسه معها رضيع ماتدري شسالفه والثاني جواله بيده ولازق جنب شباكها والمصيبه عياله معه انا انقهرت وسكت وقلت حسبي الله ونعم الوكيل ناداني زوجي قال جيبي البنت انا حسبالي ان خلاص نبي ندخل عند الدكتور راح دخلها عند البنات اخذو بنتي ويحببونها وانا جيت فتحت الباب واخذتها هو عصب علي مره يقول انتي شكاكه انتي ماتثقين فيني انتي كل يوم تفتشين جوالي انتي وانتي الرجال فقع علي وجرحني بكلامه انا ما الوم زوجي او الرجال البنات لابسات لثامات وحاطات مكياج زواجات وجنز ضيق وعطرها يفوح وضحكتها يسمعها الي بعيد اثناء هواشه طلعت بنت الكلب هي وصديقتها قسمن برب الكعبه الله يحرمني بنتي ان كذبت عليهم انها حطت يدها على شفايفها وتمشي عليها وعطته بوسه والثانيه تضحك بصوت عالي تقول خلاص ياعسل يكفي وترفع بلوزتها تبين مؤخرتها بالجنز انا ياعالم طلع الجني الازرق فيني لحقتهم قلت ياحيوانه يلي ماتربيتي واتفل عليها وافصخ نعلتي واصك راسها فيها زوجي يصرخ علي يقول تعالي ويدخل عند الدكتور وارجع وادخل عند الدكتور انا ماني بوعيي الدكتور يسئلني عن بنتي ووشلون صحتها عن اول وانا قمت وطلعت فيني حره واللحقها وانا اركض قلت شوفي ان كان اهلك ماربوك انا اربيك قالت لي وتضحك صح النوم حبيبتي وزوجك هو حبيبي وعاجبني وداخل مزاجي انا ولعت تدخل الامن انا رحت لمكتب المدير ادوره قالو لي خلص دوامه زوجي سحبني طلعنا ومشينا والله يهاوشني مثل الحشره بالسياره وانا اقول حسبي الله ونعم الوكيل
فراشات تكفون تصرفي غلط ؟؟

ثاني شي زوجي يقولي طحتي من عيني وراح سكر على نفسه الغرفه ونام

انا وش اسوي انا في حيره علموني اخذت رقم الهيئه ابدق قلت اشاوركم اول مالي احد اشاوره غيركم علما ان المستشفى مستشفى الشميسي للأطفال قسم المواعيد
قل اللهم انت الملك القادر القائم القوي القاهر الناصر ذو البطش الشديد الفعال لما يريد الهي عبد من عبادك بغى علي وتجبر وانت الحكم العدل وقد خاصمته اليك وتوكلت في كشف مظلمتي عليك فانزل عليه ياربي بلاء يعجز عن دفعه اهل السماوات والارضين حتى يعرف قدر نعمتك عليه وعافيتك له وارسخ على هامته رسوخالسجيل على اصحاب الفيل واقصمه ودمره ونكسه وخذه اخذ عزيز مقتدر , وحسبي الله ونعم الوكيل