زوجي منجن علي والسبب أهتمامي بنفسي قولو ماشاء الله

1. واهم شي الكلوتات استخدمها من عند الصيدليه الأستعمال اليومي هي افضل شي


2. واهم شي لازم تعتنين بنفسك وخصوصا الأكل افطر وأتغدا وأتعشا

CENTER] بسم الله وبه نستعين
موضوعي عن اهتمامي بزوجي وبنتي وبيتي طبعا هذا الموضوع كاتبته للأجر فقط لأن فيه بعض البنات الى الآن مايعرفون ينظمون حياتهم وانا حاسه بمعاناتهم على شان كذا كتبت هذا للأستفاده
أول شي
قبل ماأنوم ارتب الصاله وأغسل الحمام وارتب اغراض زوجي واحط شوزه وأغراضه كلهم جنب بعض علشان إذا قام يلقى كل شي جاهز
بعدها انوم وأصحى قبله وأصلي الفجر بعدها اصحيه وإذا لبس وخلص ماأنوم لازم أطلع أوادعه عند الباب (ترى الرجال يبون الحرمه اللي تفهمهم والشاطره اللي تفهم رجلها)
بعدها ارجع انوم واصحى على آذان الظهر بتقولون متأخره انا زوجي مايجي الا الساعه4.30 علشان كذا ماأخذه راحتي أذا صحيت بديت أدهر اي اشتغل
ا صحى وعلى طول أحط حمام زيت ويتكون من فاشكول الثوم وشوي كثيرا هذي عشبه تباع عند العطار تأخذين مقدار الكف وتحطين عليها كأس مويه وتخمرينها 6 ساعات بعدين تطحنينها وتحطينها في علبه زجاج وتآخذين اللي يناسب شعرك وأخلطيها مع فاشكول بالثوم وأحطها على شعري بعدين أروح للثلاجه وحاطه فيها بخاخ يتكون من كأس ماء ورد وكأس خل تفاح وأبخه على جسمي وألبس بجامه قطنيه مخصصتها لبيتي أثناء الترتيب و بعدها اقوم بنتي وافطرها وازين غداي كل يوم اشكل وأنوع أهم شي أني صرت أعرف الكميه اللي تناسبنا من الأكل لأن أول ماتزوجت مره اقلل ومره اكثر واللحين صرت أعرف والله يخل فراشات المطبخ وش كثر الطبخات كل يوم مري عليهم وشوفي جديدهم وسويه موشرط لازم رز او لازم مكرونه شكلي والتنوع حلو ودايم خلي في ثلاجتك ليمون ودبس رمان ومتبل لبن هذي في كل شي تسوينه ضيفي شويه منهم وشوفي أكلك وش راح يصير طعم جنان وغريب والبهارات إذا شريتي لاتكثرين لأنه بعد شهرين راح تروح ريحتها ولاتنسون بهارات الكاري ضيفيها في السمبوسه حتى العاديه بيصير طعمها روعه
بعد المطبخ ارتب غرفتي بعدها أتروش وقبل ماأتروش لازم كل يوم اسوي خلطه لجسمي يوم أحط شويه زيت اللوز وشويه سكر ويوم احط حنا وشاي اخضر و العنايه بالبشره والجسم وشكثر الخلطات أدخلي وجربي بلا كسل الشامبو أجدد يعني مره آخذ طقم العطور الفرنسيه من نكتار وأذا خلص أشري من عند زهور الريف طقم زهرة الكاميليا وأذا خلص أشري طقم لوكس وعلى هالحاله جددي في ريحتك دايم واللحين عند نكتار فيه الآيس كريم يخلي جسمك 24 ساعه بارد تطلعين بارده كل اليوم بعدها البس كل يوم اشكل طبعا من فساتين قصيره ومن بناطيل ومن شورتات وهكذا حتى لبس الطلعه البسه حتى مايحس اني افضله على غيره ولاننسى المكياج ناعم خفيف مره ثقيل على حسب الوقت اللي معي ويكفيني قبل لا يجي ولاننسى الكعب والشوز الفلات شكلي أذا لبستي قصير لازم تلبسين كعب وأذالبستي بنطلون ماسك حلاته بالشوز الفلات ولاننسى ان نشريها من محلات رخيصه فيه بالعويس حركات حلوه وتنفع للبيت وختى أذا سير عليك احد بيكون شكلها حلو
طبعا فيه بيننا اتفاق قبل مايدخل الحاره يدق علي بعدها على طول اجهز الغدا وأحطه على الطاوله وأشغل الفواحه وأذا دخل طفيتها لأن إذا طولت بتطلع ريحتها شينه أنتبهي لهذه النقطه
يتغدا وينوم
ب عدها أستلم الكمبيوتر وأدخل على طول على الفراشه
وأذا قام لازم الشاي يكون جاهز عاد نتقهوى بعدها نطلع او على البلاي ستيشن او اي شي نسويه طبعا حنا وجبه واحده فاليوم محافضين بسم الله علينا بس مو دايم
اهتمامات أخرى
كل يوم جمعه اجيب شغاله بالساعه اخليها تقلب البيت قلب واكون مجهزه لها حشوه ورق عنب وحشوة سمبوسه وحشوه سبرنغ رول وبعد ماتخلص أخليها تلف ورق عن وسمبوسه وسبرنع رول وسمبوسه جبن
وبعدها تكوي أذاكان عندي كوي
الشغاله أندنوسيه سعرها بالساعه 20 ريال والسواق يأخذ30 ريال
أهتمامي بوقت الدوره أخلي زوجي ينجن من ناحية لبسي اشتري من عند ايشو بجامات فيها رسومات وشباشب عليها رسومات
يعني اي شي فيه رسومات يعني فتره تغير ولا فيه صلاه بأستفيد

واهم شي الكلوتات استخدمها من عند الصيدليه الأستعمال اليومي هي افضل شي

واهم شي لازم تعتنين بنفسك وخصوصا الأكل افطر وأتغدا وأتعشا

علشان الخراب أكثرنا تخرب وقت الدوره اهمتوا يابنات زين أنا آخذ من وحده عندها أعشاب وهي معروفه مره هنا بالمنتدى والله أستفدت منها مره وراحت الأصوات والفطريات اللي كانت تجيني وانا بنت وأنا جربتها فترة ولادتي وصراحه رجعت بنت اللهم لك الحمد
وخلي دايم ريحتك تكون زي البيبي خذي طقم شور البيبي وخصوصا هالفتره علشان الريحه ماتستشمين منها
ولازم بعد الدوره أسوي حلاوه فيه سودانيه تجيني تسويلي حلاوه يدين ورجلين 120 ريال انا من النوع اللي ماأحب شعري يطلع أكرهه وكل 6 شهور أسوي حمام مغربي يعني بالسنه مرتين وعندها برنامج رائع للعروس وبرنامج رائع للنفاس
اتمنى الكل يستفيد
واي شي بذكره أبرجع أكتبه
واي أستفسار أنا حاظره
الموضوع لا يكتمل الا بردودكم كل وحه تقول هي بعد وش تسوي على شان نستفيد يمكن أنا أستفيد منها بعد