زوجي ودموعي اللي مو راضية تخلص

السلام عليكم
كيف احوالكم يافراشات
بصراحة نفسيتي تعبت بقوة من كثر مافكر في نفسي
مشكلتي قلبي ضعيف حيل حساسة حيل
دموعي جاهزة للسقوط
من يقولي كلمة انقهر وتطيح دموعي
في البداية كان يعطيني وجه الحين زهق مني
يقولي انتي ضعيفة وانا ماحب المرة الضعيفة
بس كله تصيحين ماصارت
كانج جويهله<< يعني طفلة
انقهر حيل من كلامه وتطيح دموعي غصبا عني
مافي فايدة واذا قلت له انا وحدة حساسة يقولي زهقت من حساسيتج الزايدة
مصختيها
تخيلوا كرهت نفسي والله احاول امسك دموعي بس مو بيدي انا دموعي مجهزة شسوي
عطوني حل زوجي مل مني
واخرها البارحة سافر وانا ماقدرت اتحمل وقمت اصيح يقولي صرتي ام وللحين تصيحين شلون بتربين بنتج
ابي حل لهالمشكلة العويصة اللي مو راضية تنحل
ابي يرجع زوجي من السفر وكل شي متغير مو بس لوكي ابي حتى نفسيتي تتغير
لاني بعد دائما اشكيله وهو يتضايق مني اذا اشتكيت
يعني انا في نفاس الحين فايام النفاس مملة انا طفشت واذا اشتكيت يهزأني مايسمعني كلش
طيب ابي حل لهالدموع اللي مو راضية تخلص
ابي انسى هالدموع ابي هالدموع تختفي
بشكل عام ابي قلبي يصير قوي اتحمل كل شي
شوروا علي