سؤال أرجو الإجابة عليه

معقولة ياجماعة مافية فراشة تعرف شي عن اللمسة الأخيرة ، مو معقوله مافيه خبيرة تجميل في المنتدى خلاص انا زعلت ولازم تراضوني .

أم مازن فديتج كلش ولا زعلج بس والله انا عن نفسي ما احط مكياج كامل
الا بالمناسبات يعني مو خبيره وايد بالمكياج لان انا طبعي احب المكياج الهادي مره
ولا اتمني اساعدج فديتج

والله يا ام مازن لما احط ميك اب كامل دايم بالصالون << ما تعرف تحط
بس الاحظ في الصالونات يكون اللمسه الاخيره بودره بس ما ادري شنو هي
بس احيانا يستخدمون رش ما ادري شنو هو
اللي تعرف للمكياج ترد على ام مازن تستاهل كل خير

واله مادري بس ودي أعرف شنو هالبودرة

عزيزتي ام مازن ماعاش من يزعلك يالغاليه ..
وابشري باللي يرضيك..
خليني اقولك التدرج في ميكياج الوجه .. بعد ماتنظفينه وترطبينه طبعاً..
1- الكونسيلر-خافي العيوب - تحت العين وفي زوايا الانف والفم
2- كريم الاساس..
3- البودره المضغوطه لتثبيت الميكياج .
4- البلاشر (احمر الخدود)
5- بودره حره بلمعه .. لاضاءة الوجه (وتستخدم بالفرشاه الكبيره تحت العين وعلى استقامه الانف والذقن)
اتمنى افدتك ياقلبي ..
واي سؤال احنا بالخدمه بس كل شي ولا زعلك

مشكورات ياغاليات والله يوفق الجميع

بصراحة انا ما فهمت بالضبط شو قصدج بالمسة الأخيرة..
عن نفسي لما اخلص الميك اب...
ارجع انظف ويهي بفرشاه عبيتها بالبودرة..بحيث اي لون نزل على ويهي يختفي..
و بعدين استخدم بودرة يكون فيها لمعة خفيفة...خاصة تحت العيون...وتعطي مظهر رهيب..
بعدين ممكن ترشين ويهج بمثبت المكياج.... بتلقينه عند ميك اب فو ايفر....
هاه...ان شاء الله راضيناج..؟؟
السكوون

مشكوره السكوون خلاص رضيت واللمسة الأخيرة هي نفسها البودرة بلمعة

الحمدلله..
فيه ماركة اختي اسمها..Beyy
عن نفسي أشتريها من محل مكياجي...
هذي الماركة فيها شغلات بلمعة وايد حلوة...
عندكم بودرة رهيبة...فيها لمعة...و عندهم لمعة ترشينها على الوجه بعد الميك أب...وحتى غلوساتهم اللي بلمعة رهيبة...
واذا ما لقيتي هالماركة...بتلقين اللمعة هذي عند ميا اب فور ايفر...وبألوان متعددة..لكني انصحج باللون الفضي..أو الذهبي...لأنهم يناسبون اي مكياج...
وبعدها ممكن تثبتين هاللمعة بالمثبت..