سؤال بخصوص الزفة

انا زفتي ان شاء الله ابغى اخليها بس تركيب اغاني مع بعضها ابغاها بصوت المغنين نفسهم بس اش تفرق عن اذا سويتها بمحل او عند وحدة غير السعر فيه فرق في الجودة او المحل يزبطها اكثر ولا ما تفرق كلو سوى ؟
وزفه العصير والتوزيعات تنحط بسي دي واحد مع زفة العروسة ولا كل وحدة بسي دي ؟
انا مو عارفة كيف ارتب الزفه اول شي الدبل بعدين يمشو شويه وبعدين يقطعو الكيكة صح يعني لازم تكون بهذا الترتيب قاعتي فيها بلكونه ارضيه كيف الترتيب يصير ان شاء الله ابغى ازفو معايا للكوشة
وابغى اغاني لزفه العصير والتوزيعات ؟
لحد الآن لسى ما سويت الزفه والملكة بقيلها 3 اسابيع تقريباً او اقل
ما اعرف استديوهات للزفات في جدة
واذا بس تركيب اغاني كم ممكن تكلفني الزفه واذا زاد السعر ليش يزيد جودة افضل ولا بس كذا على حسب سمعة المحل يزيد السعر ؟