سؤال لبنات قطر أبي فزعتكم

هلا حبوبة..بالنسبة لفساتين الأعراس عندج محلات سوق الاحمد..يعني مثل ماقلتي ناعمة وسمبل..وأما فساتين السهرة عندج خياطين الغرافة..والله يوفقج.

توته الدلوعة
تسلمين ان شاء الله..
بس ما عندج اسم خياط محدد شفتي شغله لأني والله توهقت وياهم هالخياطين من كثرة ما يخربون..
بعد سؤال لو سمحتوا:بحدود كم أجارات الفساتين لأنه في فساتين شفتها بحدود 5 آلاف ما أدري ذي حد طبيعي ولا لا؟؟

وين بنات قطر؟

هلا حبيبتي بالنسبه لفساتين العرايس عندج دار لارا في شارع النصر تاجر فساتين راقية اعرف وحده اجرت فستان عرسها منه ب4000 الاف بس كانها مفصلته والخيايط في واحد اسمه العنود للفولك في الريان رخيص واقي

بالتوفيق اختى وبنات قطر مايقصرون

حبيبتي خياط لارا في في شارع السد
حبيت اصلح المعلومه وخياطه حلو واسعاره وايد زينه

حبيبتي انا ماأنصحج بدار لارا لانه شكهم كلش مب راقي ومب ناعم واسعارها بصراحه ماتستاهل انا انصحج بواحد في الغرافه اسمه كاليزوني هم مصمم فلبيني وربي انه فستان عرس اختي الكل تهبل عليه واختي اول مادشت من الباب في القاعه كانت تلمع وفستانها يلمع لانه يستعمل الفصوص الاصليه ولو سالتيه بيقولج انه يجيب الرينبو من برع ومو من الدوحه وانا ان شاء الله عرسي قريب بعد شهر من الحين وخذيت فستاني من عنده ماتتوقعين بكم اجرته من عنده والله فستان راقي وناعم والشك وردي وابيض بألفين وخمسميه كل من شافه من خواتي طبعا ماتوا عليه والطرحه مليانه حدها وكلها رينبو
اما بالنسبه للخياطين عندج خياط الخضري روعه وخياط السنيوره في النصر للتنانير انا انصدمت يوم شفت تنانيري اللي سويتهم عند الخضري والله تقولين جاهزين مب خياط وعندج خياط اليرموك للفساتين بس لج في الاسعار عند اليرموك شوي يبالغ في اسعاره اما بالنسبه للخضري اسعار التنانير من 60 الى 100 للتنوره على حسب الموديل وفستناي الصباحيه سويته عند الخضري وربي انه روعه سويت موديل اليسا الوردي وان شاء الله مااكون قصرت

لارا اسعارها غاليه و كلامها في خراط لانه انا يوم عرسي ماجره فستان من عندها وقالت لي هذا ما يلبسونه الا ثنتين له رسم وبعدين ينقط وبعد عرسي بكم سنه شفت كم وحده لا بسته ،،، اما عن فساتين السهره مثل ما قالو الاخوات عندج خياط الفولك بالريان ومجمع الغرافه بصراحه شغلهم روعه وشي نظيف اما عن التنانير انصحج بالخياطين اللي في النصر شي ولا اروع واهم شي تروحين الخياط وتختارين اللي تبينه وبعدين تروحين تشترين القطعه لانه احتمال يطلب منج اشياء وبعدين تظطرين تروحين مره ثانيه السوق ويضيع وقتج على الفاضي 000 نصيحه من مجرب 000

تسلمون والله ما قصرتوا..
على فكرة أنا أخيّط عند سانيورا تنانيري والله فنان وموديلاته تهبّل..