سؤال محيرني اعطوني رايكم يالله دعوة للنقاش

قرأت مره بكتاب ان الحياة الجنسية هي من مقومات الحياة الزوجيه وسعادتها
اذا صلحت صلح الزواج
وانا اقول ان الحياة الزوجية اذا بنيت علي اساس الموده والرحمة هي مقومات الحياة الزوجيه وسعادتها
يعني كلاهما يكمل بعض
يسلمو

يلالله يابنات

أستغفر الله العظيم الذي لا إله إلا هو الحي القيوم و أتوب إليه

والله حتى اللي مستمتع جنسيآ يرفض اشياء تطلبها زوجته...
والله يابنات تقريبآ على شهر 6 كلمت زوجي اقوله نفسي اطلع طفشانه من البيت بطق
يا اني عند اهلي او عند اهلك خلاص ابغى احس اني اتزوجت واطلع متى ما ابغى وارجع متى ما ابغى
مع العلم انه كان يطلعني بأستمرار لكن فجأه قلب علي وما يبغاني ولا يكلمني....
واذا طلبت اطلع جلس معاي بالبيت واهله اذا عزمون على مطعم ولا طلعه برا مافي اسرع منه
وصبرت وتحملت ودعيت ربي يسخره لي...
وطبعآ انا لي مصروف 300 ريال شهريآ ذاك الشهر اخذت مصروفي وقلتله يلا انا عازمتك اذا بترد العزيمه هذا شي ثاني
وجبتها له بطريقه ثانيه وقلت انت داايم تعزمني وانت اللي تطلعني هذي المره انا بسوي كل شي وخلينا ننسى كل شي
راح ونعتبر انفسنا البارح كان زواجنا وعجبه ورحنا لمطعم انا اخترته وحاولة ما يكون غالي مرره عشان اسوي كل شي
وانبسط وتعشينا وبعدها رحنا الشلال وجلسنا هناك الين الساعه2 الليل واشترينا اشرطة ديفيدي ورجعنا البيت مبسوطين
ونتابع افلام الين الصباح وكان يوم ولا اروع منه وقلت له انبسطت ولالا قالي طبعآ اكيد وماتقصرين واوعدك كل شهر لك طلعه
وين ماتبغين اطلعك حتى لو طلعه بسيطه واعذريني كنت مقصر معاك...ومن بعدها تغير والحمدلله
يعني نجيبهم بالسياسه يقدرو يتعدلوو...
سوري طولت عليكم بس احكيلكم كيف يتغيرو بسهوله..
اللهم اني اسالك ان تسخر لي زوجي وتحنن قلبه علي وتجعله قرة عيني وتجعلني قرة عينه..

يا بنات صراحه زي هذي المواضيع الواحده تحاول أنها تفيد اخواتها بس صراحه
ما اتوقع ان اي وحده را تقدر تقول اي شئ لانها تعتبر من الخصوصيه المحرجه..
وشكرا

حبيبتي الزووج يبيله وحده تطيعه باللي براسه
يعني مايحب اذا طلب شي من زوجته تكون مو جاهزة له
والاجانب ع قولتج عندهم استعداد يرضوونه بكل النواحي
أهم شي الناحية الجنسية يعني في طلبات كثيره يبييج
تسوينها قبل لا يطلبها فمابالك يطلبها وتردينه او تأجلين
كثير بنات هناا يكتبون بعض الطلبات لازواجهم وانهم ينحرجون
يلبونها .. ابسط مثال الرقص وهالشي واايد يأثر بالزووج ..
ترى الرجال اذا اشبعتيه من هالناحية عمره مايقصر عليج بشي
ويشيلج فووق راسه .. صح ان بعض مجتمعاتنا والتربية تمنع
هالجرأة الزاايده ..بس انا ماقلت ان هالشي يكون للكل
بس للزوج حلالج .. تدلعي .. تغنجي ...رقصي... انبسطي
بصراحه كوني له بنت من بنات الهوى لاجل مايشووف غيرج
وايد يشتكون ان ازواجهم يكلمون بنات ويشحنون لهم ..
ويصرفون عليهم من هدايا وغيره .. بالله ماكو وحده فكرت
وش اللي يفرق بينها وبين هالبنت .. كل بنت لها مقومات اغراء
تجذب الرجال لها بس الشطاره شلون تطلعها .. بالله الحين زوجك معاك
24 ساعه ويشوفج مستحيل بيقدر يقاوم اغراءج حتى لو قسى معاج
هالبنت اللي تكلم الرجال وتقدر عليه وتلعب بعقله وتصرفه عن اهله
احتمال كبير يكون هو مو شايفها بس من ثقتها بنفسها ودلعها
وغنجها له بالفوون اغرته وخلته مايفكر الا فيهاا .. فالزوجه أولى بهالشي
ان تدخل له من هالمدخل مو عيب ولاحرام ولاتقولين عندي عيال بطولي واستحي
اذا طلع الزوج ارسلي له مسجات بسيطة تبين حبج وشوقج له .. اذا كلمج بالفون
وضحي له مشاعرج وانه وحشج وان ماتقدرين ع فراقه .. طلبي منه طلبات مجنونة
ليش تنحرجين منها وهو حلالج .. بتكلم بجرأة يمكن تزعج غيري بس للمصلحه ..
بعض الأزواج اذا زوجاتهم بعاد عنهم وكلموهم بالجوال يكون بحالة اثاره ويطلب
من زوجته ان تكلمه بكلام جريء بس الزوجه تنحرج وترفض .. طلبتكم لاترفضون لان
غيرج تبيع له الهوى وتخليه يبيعج ويبيع عشرتج وبيته .. الرجال اذا وصلت الاثاره عنده
نسى نفسه وممكن يصير شي مايرضيج .. ويجرحج ويخليج ندمانه ..
اعرف ان طولت عليكم بس ان شاء الله ان قدرت افيدكم ولو بشي بسيط

كلامكم روعه يابنات يالله كملو خلونا نستفيد

انا رأيي لا ازم المرأة تكون زكية يعني لازم زوجها يشبع نظرو منها بكلشي والجماع يكون نتيجة مو هدف يعني ماتطفي الضو دائمأ وكلمة لا تلغيها اي شي بطلبو لازم يتنفذ لانو اذا رفضتي او طنشتي ما تستغربي انو ماراح يعيد طلبو مرة تانية.. والمبادرة والوقاحة والطلب الصريح مفتاح سري لمعظم الازواج .واهم شي انتي تستمتعي مو يكون هدفك من الجماع اسعادو والزوج بفقد عقلو لما يحس زوجتو استسلمت ووصلت معو للمتعة والباقي عندكم ....سوري للتعبير بس هاي الحقيقة

اب