سؤال يابنات الرياض تكفون

PRIMA DONNA

08-06-2022 - 02:26 pm

السلام عليكم ..
كل عام وانتوا بألف خير ان شاء الله ومن العايدين الفايزين
بنات حبيت اسئلكم اذا تعرفون مراكز تعطي دورات للمكياج وكذا ودي ادخل بعد العيد
ابي الافضل والا هي وش كثرها بس تكفون ابي تذكرون لي الافضل ..
ولكم جزيل الشكر ..

التعليقات (7)

*ورد*

08-06-2022 - 06:06 pm

ايه بس اختي انتي ماذكرتي انتي بأي مدينه عشان نقولك

لينــــــــــــــا

08-06-2022 - 07:07 pm

اختي أنا سمعت عن مشغل دار نور يقولون حلوه عند وحده اسمها سوسو

فيروزي

08-06-2022 - 08:08 pm

انا اعرف مركز اسمه يونايتد سنتر في حي العليا ويعطي دورات في المكياج والشعر والعنايه بالبشره والشعر وكل شي تبينه وهو في الرياض في حي العليا غرب مدينة الملك فهد الطبيه وصديقتي اختها دخلته وتمدحه بس تقول اغراضهم غاليه((هي داخله عنايه بالبشره)) اتمنى اني افدتك

* كواكب *

08-06-2022 - 09:09 pm

يالله يابنات ساعدوها و ساعدوني .. ^_^

PRIMA DONNA

08-06-2022 - 10:10 pm

السلام عليكم ..
عذرا على التأخر في الرد لكن كنت مشغوله والله وتوني اقدر ادخل ..
عزيزتي ورد شكرا لردك وانا من الرياض يالغاليه ..
اختي لينا مشكوره لردك عزيزتي ما ادري يمكن انتي فاهمتني غلط انا ابي دورات وبالنسبه لدار نور وسوسو كثير مدحوها
وكنت باتهور واسوي مكياج زواجي عندها لكن رحمة ربي ردتني عنها لاني شفت مكياجها في وحده بصراحه ماتستاهل هالسمعه ..وبالتوفيق
اختي فيروزي شكرا لك يالغاليه انا بأشوف واحتمال ما احتاج ادوات انا لانه مكياج وبعدين لو كان شي يستاهل حلال عليهم بس خلينا نعرف ونفتك من هم المشاغل وزحمه وانتظار وعذاب ومشكوره عزيزتي ...
هلا اختي كواكب .. يله ننتظر آراء بعد ...

توتوه

09-06-2022 - 12:12 am

حبيباتي اسالوا في ملف بنات الرياض موجود في توقيعي وان شاء الله تلقون تفاعل اكثر..

افلاجيه

09-06-2022 - 01:13 am

بسم الله الرحمن الرحيم
اختي الغالية brima donna رعاك الله آمين
اللي اعرفه ومضمون باذن الله يعطي دورات في التجميل عموما وفي تنسيق الزهور ودورات كثيرة هو خدمة المجتمع يتبع لجامعة الملك سعود في عليشة كل اللي دخلوه يمدحونه ودون مقابل اي خدمة للمجتمع فقط
اما المشاغل الموجوده حاليا يبي من يعطيهم دورات مو ياخذ منهم دورات لذا انتي في الخيار وكذلك الاخت كواكب
ودمتم سالمين
اختك

سؤال يحتاج الى اجابه←
مكياجي→