سااعدوني زوجي عازم اصحابه

هلا دينا حبيبتي
هذا حلى منزلته مشرفتنا الرائعه الارجوان
بسمره طعمه جنان انا سويته كذا مره
((كيكه الجزر))
المقادير (1)
3 بيضات
نصف كأس سكر
ثلاث أرباع كأس زيت
كأسين جزر مبشور
م صغيره فانيليا
(( هذه المقادير تخلط في الخلاص ))
مقادير ( 2 ):
2 ملعقه بكنج باودر
2 كأس حليلب بودرة جاف ...
الطريقه :
يحمس الحليب حتى يصبح لونه بني ثم يضاف له البكنج باودر
ومن ثم يصب على المقادير (1) المخلوطه وتحرك جيدا ثم توضع
في الصينيه ( البايركس ) وتدخل الفرن لمدة تقريبا ربع ساعه
ثم تدخل الثلاجه ...
مقادير الطبقة الثانيه :
علبه قشطه 4 حبات جلكسي ..
الطريقه :
تخلط مع بعض وتوضع في حمام مائي وتخلط جيدا
ثم توضع على على الكيكه وتدخل الثلاجه وتقدم حينما
تبرد ....
واتمنى اكون افدتك

الف شكر لك حبيبتي ونشاء الله راح اجرب حلاك وارد عليك وش سويت مشكوره جزاك الله

شوفي حبيبتي اول شي قدمي لهم موكا اول مايجون قبل القهوه يعني هم ماراح يجون مع بعض اكيد واحد يبي يجي قبل الثاني سويه وحطيه بكاسات حلوه وقدميه شكله غريب ويجنن وإذا إكتملوا حطي ماعندك
فيه عندك السينبون انا يعجبن احس إنه يواجه خصوصا لصارن كبار وحطيتي عليها مكسرات وهيرشي وحليب نستله وخليتي كل وحده بالقراطيس حقات الحلى ورتبتيهن بسله والله شكلهن حلو
سوي دونات وحطي عليها كاكو ونفس الحكايه حطيهن بقراطيس وسله وإشتري الشوكولاته اللي تكون بسله قزاز يعني شكله غريب وتواجه اكثر
احس هذا يكفي مع القهوه
اما الشاهي حطي بيتفور وسوي كروسان وبيتزا صغيرات وصفيهن بشكل مرتب بسلال شوفي انا احس السله احسن شي لانه تعطيهن منظر رايق وحلو وكانهن جاهزات مو بالصحون العاديات احسهن يجيبن الهم فانتي وذوقك
وبعدين سوي عصير مانجو وطريقته
حطي بالكاس الخلاط منجى مثلج وكل كاس له ملعقه حليب جاف مع ملعقه زبادي وحطي ماء وإخلطيه وبعدين جيبي الكاسات وحطي اللي لهن كوز المعروفات حقات العصير وحطي بالكاس شوي توت وبعدين صيبي عليه العصير الطهعم خيال والشكل يجنن وغريب بالمره
واي سؤال انا حاظره