ساعدوني ابي اصمم كوشة ملجتي وعباره عت التراثالامارات

هلا فيك اختي ام عذبه
مبروك مقدما
وعندي كم فكره بقولها لك
اول شيء سوي الكوشه من اللون الاخضر الزري اللي يلبسونه جداتنا
وسوي معه مساند كبيره بنفس اللون
وانتى البسي ثوب وحطي ذهب مال قبل الطاسه وغيرها
بدور لك صور لو لقيتها بنزلها لك

حبيبتي والله مشكوره اكيد من طيب اصلج حبي تراج من الدوحه احب بناات الدوحه وربيعتي منكم فديتها؟؟
وبسوي فكرتج وايد حلوه اما عن الذهب انا حاطه فبالي؟! حبيبتي يزاج الله خير.. وانا بخاطري احط بعد مناديس خشب تعتقدين حلوه الفكره؟؟!!
اشوفج ع خير

اختي مثل ماقالت لج الفراشه وضحى
الكوشه لونها اخضر
وتقدرين تسوين مكان يلستج مثل خيمه بالقماش الاخضر
وهذي صوره توضيحيه
حطي قدامج طاوله وفيها صينيه العود والبخور مع المبخر
ومله حطي فيها عجينة الحنا وفيها الشموع الطوال
ومله ثانيه تحطين فيها مثلا بيض ملون ( طعلي الصفار والبياض ولوني البيض )
وعالارض حطي صندوق مبيت وطالع منه قماش اخضر او تسدين فتحة الصندوق وتحطين عطورات او المبخر يكون داخل الصندوق بس طبعا تفتحينه عشان الريحه تطلع
وحطي مساند على لون الكوشه حق ربعج اذا بيجون يقعدون
وبعدين فرشي من تحت كرسيج لين باب الصاله او الدري اللي بنتزلين منه نفس القماش الاخضر (( يعني مثل السجاده الحمرا مالت الفنانين ))

ملسونا
مبروك الف مبروك طبعا اختي ما قصرت بس لو تزيدين تحطين فوانيس ملونه من الجانبين بتعطيك شكل حلو للخيمه واذا تذكرت شي راح اقول لك

فديتكم والله
مشكورين وعقبالكم واللي معرس الله يوفقه؟؟
افكاركم وايد حلوه ؟!؟!؟!؟!

عندي رقم وحده متخصصه بشغلات وتجهيزات ليله الحنا ...
واكيد عندها افكار تراثيه .. شنوو رايج تكلمينها ...
انا بدز لج الرقم .. وانتي اسأليها عن افكار تراثيه ..