ساعدوني بسفره رمضان تشرف متورطه

للرفع و ان شاء الله لي عودة

سوي سلطات و ايدامات و مكرونة ومعجنات وحلا

عندك سفره الفراشات
وعندك المقادير وسوي مثلهم

قدامك اسبوع كل يوم صلحي شكل وحطيه في الفريزر
واكتبي قائمة باللي بتسوينه وتفرزنينه وباللي بتصلحينه في نفس اليوم عشان ما تتلخبطين حتى القهوه والعصير اكتبيها وحددي متى تصلحبنها
المعجنات صلحيها قبل بيوم ماتتغير
حطي كاسين دقيق 2 ملعقة صغيرة بكنج بودر 3 ملاعق سكر ملعقة خميرة رشة ملح كأس لبن وربع كاس زيت واذا كانت العجينه مرره لينه حطي زيادة دقيق عجينه رهيبه وبتضبط معك من اول مره بس في البداية حطي كل شي في الزبديه الا الدقيق واخفقيها بالمضرب الكهربائي كلما زادت مدة الخفق احسن بعدين اضيفي نصف كمية الدقيق واخفقيها بعدين النصف الثاني واعجنيها بيدك واذا عندك عجانه استعمليها افضل
العجينه تصلح خلية نحل بيتزا فطاير
للفطور مع القهوه والتمر صلحي لقيمات خلية نحل اصابع جبن بف باستري
صلحي نوع سلطة وصينية مكرونه وطبق رئيسي كبسه مثلا وشوربة
ونصيحة من مجربه عشان ماتتعبين
قللي الأنواع وكثري الكميات افضل وابرك واسرع من كميات قليلة وانواع كثيره

لحظة حنان
الله يسعدك دنيا واخره يارب
فرحتيني بمقادير عجينتك باسويها واقولك شو يصير
الله يوفقك شكرا لك
اخر جمله عكستي اولها واخرها بس فهمت قصدك
شكر الله ويوفقك

سوسن الروح
ارسلي او حطي لي الرابط هنا الله يسلمك
وشكرا لمن شارك بموضوعي

اختي لو بتسوي معجنات سويها من الان وحطيطها بعد ما تبرد شوي من الحرارة بعلب فريز وطلعيها يوم العزيمة من الفجر بتكون كأنك سويتيها الان، قبل بيومين من العزيمة لفي ورق عنب بالزيت لو تحبي وقبل بيوم حطيه على النار وخليه يستوي وخليه بالجدر تقريبا 5 ساعات يبرد وبعدها حطيه بصحن التقديم وغطيه وما راح يصير له اي شيء لانه بالاساس طبق بارد لكن حطيه بجو بارد مو بالثلاجة افضل يعني عند تكييف عشان لو في حر ما يخترب، والطبق الاساسي يوم العزيمة الارز وعليه لحم او دجاج، لو تحبي تسوي اللحم مشوي بالفرن ، والدجاج يسلق عشان تاخذي المرق منه، ولو بتزيني صحن الارز بالمكسرات اقليها من الان وحطيها بالفريزر، وعشان تكوني مرتاحة الحلو جيبيه جاهز لا تسويه بالبيت ، قبل يوم من العزيمة سوي لازانيا وحطيها بصحن الفرن لكن لا تدخليها الفرن الا يوم العزيمة يعني ثاني يوم.

الله يعطيك الصحه والعافية
تقدري تمدي احلى سفرة مع التنظيم والتحضير المسبق وعندك وقت كافي للتجهيزات
بقولك الفطور اللي اجهزة واصنافي اللي غالبا تكون فسفرتي
المشروبات/ موية + عصير برتقال + توت + عصير قمر الدين
الاطباق الاساسية / رطب + شوربة شوفان+ سمبوسة + فول وتميس
اطباق اضافية / صينية مكرونة فوتشيني + بيتزا + فطائر اما بالسبانح او بالجبن + كبة بطاطس
سلطات/ فتوش + تبولة
حلويات / كريم كراميل + خلايا نحل + صينية كنافة
أصناف اخرى ممكن تختاري منها::::
صينية مسقعه - مكرونة بالباشميل - لقميات - اي نوع فطائر بالفرن - يُغمش او فرموزة
ام علي - بسبوسة - كيكة التمر او كيكة الدخن او كيكة التمر والقرفة << كلها حلوة مع القهوة في رمضان
سلطات مثل / سلطة الملفوف - سلطة الذرة - السلطة الطبقات اللي بالبطاطس العيدان << مره خطيرة
اعتمدي عالصواني اذا العدد كبير لأنها ماتاخذ وقت ومجهود زي الفطائر
السمبوسة لفي كمية كافة وفرزيها
كبة البطاطس بالدجاج او بالتونة سوي كمية كبيرة وفرزيها
جهزي صلصة البيتزا وفرزيها واخلطي بعلبة زيتون شرائح وقطع فلفل رومي وقطع مشروم وارفعيها بالفريزة او الثلاجه تكون جاهزة للتوزيع عالبيتزا طبعا قبل بليلة او ليلتين
صواني تقدري تسويها قبل بليلة بس تحتاج فرن يوم الفطور مثل:
صينية المسقعه صينية مكرونة فوتشيني او مكرونة بالباشميل او صينية التوست بالدجاج والكريمة او صينية بطاطس بالدجاج او صينية الخضار المقلية بقطع اللحمة وكمان الفطائر تقدري تفرديها وتحشيها وتحطيها بصينية وعالثلاجة يوم الفطور تدهني الوجه و بس فرن__ والكنافة تتجهز قبل
وتقدري تجهزي قبل بليلة سلطة المفلوف والسلطة الطبقات والتبولة
وجهزي الحلى الكريمة او المهلبية او اللي تحبي وغلفيه وفالثلاجه
العصيرات تقدري تجهزيها برضه بدري لو قبل بليلتين مو مشكله اهم شيء تكون متغطيه تمام التمام
وقبل بليلة وزعي الرطب بصحون وغلفية بالتغليف اللاصق الشفاف
وخلي الصحون بمكان مكيف اذا ماله مكان بالثلاجه
اغسلي الصحون والزبادي والملاعق والكاسات اللي حتقدميها للضيوف ونشفيها وغطيها بمنشفة
حضري صينيتين تقديم وحده للحريم وحده للرجال فيها فناجين القهوة الكاسات والملاعق لاتنسي ملاعق الحلى والليمون والشطة
ترامس القهوة بخريها بمستكه وحطي الهيل جوتها وقفليها تمام تكون جاهزة لصبة القهوة
هذا اللي فبالي الحين لو احتجتي شيء اسأليني انا حاضرة ان شاء الله