ساعدوني بليز

والله انا ماعندي خلفيه عن الخطوبات
لاني لسى
ان شاءالله البنات يساعدوك

أختي ما وضحتي شنو تبين بالضبط ؟؟
انتي خبرينا شنو الاشياء اللي جهزتيها و الاشياء اللي محتاره فيها
عشان نقدر نساعدج
و تحياتي لج

انا بصراحة جهزت الفستان وحجزت الصالون للشعر والمكياج
لكن ابي اعرف ما في ترتيبات ثانية اسويها غير هالاشياء

ردوا علي حرام عليكم عبروني عاد

أختي .. بقولج كم حركه حلوة سويتها في ملجتي " عقد القران " .. اتمنى يعجبونج
1- اخذي لج ورد طبيعي أو صناعي شكله حلوو و حطيه داخل الكاسات و في الكاسات حطي عصير ليمون
والله والله يطلع المنظر رهيب و جديد ..
*********
2- حطي في الصاله او الغرفه اللي بتكونين فيها طاوله حجمها كبير شوي .. و حطي فيها شمووع بأشكال
و الوان مختلفه و نثري على الطاوله بتلات ورد و تقدرين تحطين قفص ذهبي فيه عصفورين
و في مقدمه الطاوله قرآن مفتوح على سورة الرحمن "عروس القرآن "
***********
3- سوي لج 100 او 200 حبه حلاوة .. مغلفين بطريقه حلوة و جذابه بشرايط و خرز
و ورق مقوى ...الخ و وزعيها في سلال على قد الطاوله و اذا صديقاتج سلمو عليج اعطيهم من هالحلاوة
و تقدرين تاخذين افكار اشكال الحلاوة من الصور
و برجع لج بقولج افكار زيادة ..
انتظريني

عدنا ..
سمعي عندي لج كم حركه ..
1- لا تنسين تحطين على بيتكم زينه ترى يعطي منظر حلو
و يبين بيت معاريس و يلمع بيتكم بين البيوت ههه
2- الدبل حطيهم في شيء مميز .. مثلا شجرة غصون .. علبه راقيه و شكلها حلوو
3- لا تنسين الحنه .. تراه شيء مهم و حلو .. حني اليدين و الرجلين
4- حطي شريط افراح .. او موسيقى كلاسيك لما تكون العائله مجتمعه
5- حطي صحن صغير فيه عسل و بعد تلبيس الدبل اخذي شويه عسل بالاصبع الاخيرة
الصغيرة و خلي خطيبج ياكله و هو يسوي لج نفس الشيء (( يقولون تخلد الحب و تخلي ايامهم
عسل و سكر ))
5- حطي لج وعاء معدني حجمه متوسط و حطي فيه ماء ورد و بتلات ورد و غطسي رجلينج فيه
يبارك لج و يعطي شكل حلو "طقوس فارسيه "
و حبيبتي سامحيني .. هذا كل اللي عندي
و اذا تذكرت شيء بقولج

السلام عليكم والرحمه
خيتو ما اظن حفلة الخطووبه يبالها واايد ترتيب ...
ولا تتعدلين وايد لأنه وراج حفلة الملجه ...
خليج بسيطه ... واطلبي من مالت الصالون انها تسوي لج ميك اب خفيف .... احسن ...
ولا تسوي واايد اشياء مبالغ فيها ... زيني الدبله وحطيه بشي حلوو ولو تودينه محل زينه او المحمصه او محل وروود احسن ...
ولا تنسين تزهبين الحلويات شرات ما قالت نموله ... او تسوي توزيعات بسيطه ...

لا بعد انا ماقدر اقول شي انا راي من راي نمووله والله نمووله عطتج افكار وايد حلوه
انا بعد بقولج يا نمووله يسلمو

نموله افكارها مره تجنن تسلم ماقصرت