ساعدوني في حل مشكلة اعز صديقاتي مع زوجها

1. اقروا السالفه بعدين قرروا اللهيسعدكم

مساء الخيرات
بدون مقدمات صديقتي حصل بينها وبين زوجها خلاف وعلى شي تافه

اقروا السالفه بعدين قرروا اللهيسعدكم

المهم السالفه ان اختها اتصلت عليها عليها وقالت نشوف بعض في الملاهي مانبي البيوت المهم ان صديقتي قالت اشوف زوجي وارد لك .....لما كلمت زوجها قالها مافي روحه ليش هي ماتجيك في البيت ؟
قالت انهم ملوا من روحت البيوت المهم جلس يسب في اختها وفي زوجها>>قبل فتره ماهي بعيده بينه وبين زوج اختها سوء تفاهم لكن الامور تصلحت الحمد لله >>>فقالها نطلع انا وانتي وعيالنا لمجمع دوبه مفتوح ....قالت ماشي اوكي ....
وتهاوشت هي وزوجها في المجمع ورجعوا للبيت بعد ساعه ونصف وجالس يهاوش عليه في السياره ...المهم شوي الا وقال لها لا تخليني ارمي عليك يمين الطلاق يابنت الناس اعقلي .....قالت له يالله طلق قولها ...
وما قال شي ...المهم نزلهم للبيت ورااح للاستراحه مع ربعه وما رجع الا الساعه 3 الفجر ...ولما رجع الا هي معصبه حيل ..ولما شافته قالت له انت وش فيك انت ماتحس فيني ..دائما سهر في هالاستراحات ومن ذا الكلام ...المهم هو اول مره يسهر برى البيت الى هذا الوقت .....فقالت له انت ليش سهران لهذا الوقت انت ما سهرت برا لمثل ذا الوقت الا انه عندك بلا ....قال زوجها ليش تبيني اجلس هنا وما احصل الا النكد؟ قالت قول لي يا اما انه عنك وحده ثانيه والا عنك شي ثاني .....المهم هو طنشها ....
ولما جاء اليوم تغدى هو وعياله وهي ما تغدت ولما انتهوا من الغدى ارسل وحده من بناتها وقال نادي امك ..
المهم لما جات قالت له نعم وش بغيت ؟ قال لها شيلي السفره قالت وليش والبنات جالسات ليش ما خليتهم يشيلونها ...قام هو وتهزى بها قدام عيالها وقال لها اللي يشيل السفره (...)وتلفظ عليها بكلمه ما تنقال وقال لها لانك انتي (....)نفس الكلمه ....وجلس ولدها عمره تقريبا 10 سنوات جلس يضحك لما شاف ابوه يتهزى في امه ....المهم صديقتي انقهرت ..وقالت لولدها ياقليل الادب ليش تضحك ...المهم جلس الولد يضحك زياده...فهي عصبت ونزلت الشبشب وانتم بكرامه وهي تضربه وتطرده برى الغرفه ....
المهم رجعت وقالت له انت(...)ردت له نفس الكلمه وقالت انت وقح وقليل ادب ولو فيك ادب كان ما تلفظت بهالألفاظ قدام العيالوالله الاتصل على ابوك واعلمه بكل شي ....المهم قام هو و عليها وضربها بنفس الشبشب اللي هي ضربت ولدها فيه .....وجلس يضرب فيها ويقول الكلام اللي هي قالت له وبعدين اخذ جوالها منها وطلع برى البيت ....
هذي هي السالفه ادري اني طولت عليكم لكن والله انها محتاره ايش تسوي تقول لابوها مع ان ابوها رجال ضعيف وعنده ضغوطات ...والا تروح عند اهلها ...والا تكلم ابوه ......
الله يخليكم يابنات شوروا علينا واللي عندها حل ثاني بليز لا تبخل علينا ...الله يسعدكم والله مالنا الا الله ثم انتم ...ايش االحل ....مع العلم انها تقول انا كرهته ....وهي ما شاء الله عليها الكل يثني عليها من جمال واهتمام لزوجها وعيالها ....