ساعدوني في طريقة اللقيمات

انا العسوله

23-10-2022 - 06:47 am

الله يسعدكم بنات صار لي فتره اسوي لقيمات بس لما اقليها تطله عجينه داخل اللقيمات يعني ماتكون هشه ان شاء الله فهمتو علي
ياليت اللي تعرف طريقه للقيمات حلوه وتضبط معاي يعني لما ناكلها تكون مجوفه من الداخل يعني مافيها عجينه

التعليقات (7)

ام حمد22

23-10-2022 - 10:20 am

هلا ياقلبو شوفي انا اخذت هالطريقة من امي ,, 2 كاس طحين وعلى كل كاس ملعقة كبيرة نشأ
2 ملعقه ك حليب بودره / 1 م ك خميرة فورية / 1 م ص بيكنج بودر /رشة ملح ورشة سكر / ونص بيالة شاهي زيت
تخلطينهم مع بعض لما تصير عندك ماهي رقيقه كثير لكن اثخن من خليط الكيك ..
انتي شكلك يالغلا تخلين خليط القيمات ثخين عشان كذا تجي من داخل عجين وشكلك برضه تقللين الخميرة ,,
بعد ماتعجنينها خليها ساعه كامله تختمر في مكان مافيه مكيف ,, بعدين اقليها في زيت يكون حار وغائر ,,
وقوليلي ايش النتيجه ,,, موفقه ...

بقاياالامس

23-10-2022 - 11:21 am

هلابك والاخت اناعجينتي الحقيقه مره تعجبني وتكون محافظه على شكلهاماتعجزبعدما احط الشيره ونوعاما مجوفه والطريقه
كاسين دقيق مع ملعقتين نشاوربع ملعقه ملح ونص فنجال زيت وذرة سكروتعجن بلبن موحليب لبن وتكون عحينتهازي ماقالت الاخت اغلض من الكيك شوي وخميره ملعقه وحده صغيره مليانه لانوالخميره الزايده تخليهاتشرب زيت وعطيها وقتها ف التخميرلين تنتفخ
ووقت تقلينها لاتستعجلين عليهاحمي الزيت ويكونحار ولماتبدين قلي وطي النارشوي واجلسي قلبيها بروقان
وسلامتك

إيلينا راي

23-10-2022 - 12:22 pm

صباح الخير جربي هي الطريقة وإن شاء الله بتظبط معاك
اللقيمات
المقادير : كاسة طحين و علبة نشاء كرتون و ماء وملعقتين متوسطة خميرة ونص ملعقة ملح وملعقة سكر
الطريقة : على جنب في كاسة خلطي السكر والملح والخميرة السريعة في نص كاسة ماء وخليها تخمر 10 -15 دقيقة لين ما يرتفع مستواها ثم أضيفيها إلى الطحين والنشاء في الزبدية
وزيدي عليها ماء حتى تصبح لزجة كثيفة شبه سائلة
خليها لمدة 10 دقيقة
ثم حطيها في كيس وقصي طرفه وهاتي ملعقة مبلولة في الزيت وابدأي صبها في الزيت
وقلبيها حتى تحمر
وبالعافية والصحة عليكي
رمضان كريم

Red Velvet

23-10-2022 - 01:23 pm

هلا حبيبتي ...
انا توني متعلمه الطريقه .. لاني بديت اطبخ حق زوجي .. ( عرسان جدد ) ههه
والطريقه حقت الغاليه جدتي ام فهد ربي يحفظها ..
المقادير .. كوب طحين كويتي
ملعقتين نيدو
ملعقتين نشا
ملعقه خميره فوريه
وفنجان زيت
بيضه
وشوي زعفران
الطريقه ..
تخلطين المقادير وتضيفين ماي لين تصير العجينه ثقيله شوي
تخلينها تخمر لمده نص ساعه ..
وتكسرين بيضه وتخلطينها ..
مع شوي زعفران مخلوط بماي علشان اللون ..
وتخلينها شوي تخمر ..
ويلا صبيها بالزيت ولازم يكون حار ..

Red Velvet

23-10-2022 - 02:24 pm

ويه ياحسرتي نسيت اقولك ..
ان الكميه لشخصين ...
وراح تطلع خيال عندك ...

انا العسوله

23-10-2022 - 03:25 pm

الف الف شكر لكم وكثر الله من امثالكم ورزقكم الجنه وان شاء الله اطبقها وارد عليكم

ღالماسهღ

23-10-2022 - 04:26 pm

البنات كفوا وفوا جربي كل يوم طريقه من الطرق لان كلهم اعجبتني طريقتهم
اذا اضفتي زبادي للقيمات علبه تخلي الطعم روعه ونشا وبيضه وخميره ملعقه كبيره وبكينج نفس الشي ونيدو فنجال
وملعقه ملح واضيفي مويه واعجني لين تتلف يدك لان العجن اهو الي يخليه كويسه حتى تكون اثقل من خليط الكيك مثل ماقالت الاخت وخليها تتخمر ساعه بجو حار وسخني النار واذا سخن قصري عليه وابدي الشغل وبللي يدك بمويه واشتغلي حتى بالزيت اهي من نفسها تتكور
تجي روعههه وعليك بالعافيه

عاجل جدا ابغى طريقة بيتزا سهله و هشه←
بنات ساعدوني بطريقة الكبة بليز→