ستيك اللحم والماش بوتيتو والخضاء السوتية لايفوتكم روعة

بسم الله الرحمن الرحيم
مشاء الله تبارك الله
اليوم اول مره اتجرأ انزل طبخه من طبخاتي << خبركم على وجه زواج وقاعده تجرب بأهلها
بس الحمد لله بشهاده جميع اهلي نجحت بالطبخ
عاد اليوم الطبق كان عباره عن :
ستيك لحم بالفلفل الاسود
ماش بوتيتو ( بطاطس مهروسه )
خضاء سوتيه
هذي صوره الطبق
" اول الصوره بعدين المقادير عشان اذا ما اعجبكم ماتتعبون نفسكم وتكملون الموضوع "
يلا نبدأ
ستيك اللحم
المقادير:
كيلو لحم ستيك اللي يجي سمكه 1 سم او 2 سم
علبه فطر مقطع
زيت للقلي او التشويح
2 حبه ليمون
1 م ك خل ابيض
2 م ك صويا صوص
ملح حسب الرغبه
فلفل اسود حب واطحنيه على يدك ( بمدقه الثوم )
الطريقة:
1- اخلطي التتبيله مع بعض ( عصير الليمونتين + الخل الابيض + صلصة الصويا + الملح + الفلفل الاسود )
2- بعد غسيل اللحمه توضع كل قطعه على كف اليد و تتبل بالتتبيله السابقه عن طريق التربيت عليها وتقلبينها على الجهه الثانيه ونفس الشي
3- بس تخلصين كل القطع اللي عندك تغلفي اللحم وتتركيه في الثلاجه ليله كامله
4- عند البدأ في عمل الطبق تحطي شويه زيت في مقلاه تيفال << عشان ماتلزق اللحمه
وتحمريها مجرد يتغير لونها
5- صفي اللحمه في صينيه للفرن
6- بنفس الزيت السابق ضعي الفطر المقطع وشوحيه على النار وضيفيله ملح وفلفل اسود
7- ضعي الفطر على قطع اللحم وضيفي عليه ماء ( الماء يغطي جزء من اللحمه )
8- غلفي الصينيه بالقصدير ودخليها الفرن لحد ماتستوي
الخضار السوتيه
المقادير:
خضار مشكله حسب الرغبة
انا استخدمت الجزر والكوسا والبازلاء والبطاطس
1 م ك زيت زيتون
ملح + فلفل اسود
الطريقة:
اخلطي الملح والفلفل الاسود مع زيت الزيتون وتبلي بها الخضار بعد غسلها وتقطيعها
بعدين حطيها في مصافه وضعي المصفاه على قدر فيه مويه وخليه يغلي على النار
ياخذ تقريبا نص ساعه
حسب الرغبه
الماش بوتيتو
المقادير:
3 حبات بطاطس مسلوقه بماء وشويه ملح
1 م ك زبده سائحه
1 كأس حليب سائل
ملح ومفلفل اسود للتبهير
الطريقة:
اهرسي البطاطس وضيفي لها الزبده والملح والفلفل
اخلطي كويس
ثم ضيفي الحليب بالتدريج واخلطي لحد ماتوصلي للسمك اللي تبيه
انا بقى بالكاسه اقل من الربع حليب
واخيرا بالصحه والعافيه على قلبوكم
اذا اعجبكم موضوعي
ادوني دعوه حلوه انه ربي ييسر لي اموري ويجمع بيني وبين زوجي بخير عاجل غير اجل
تحياتي ...
اختكم// دلوعة و بكيفي ..