ستيك يطلع طعمه مثل المطاعم

مرحبا بنات كيف الحال ..
اليوم جايبتلكم طريقه ستيك لذيذ وسهل بنفس الوقت ..
المقادير :
ستيك لحم (أي نوع تفضلين مو مشكله )
نص كوب من الكريمه مشروم طازج بصل شرايح زبده .
مقادير التتبيله :
2 عصير ليمون
5-6 فصوص ثوم صلصله الصويا صلصله HB
فلفل اسود--انجي موتو-ملح قليل من الكاري والكمون .
خل ابيض .
الطريقه :
تاخذين قطع الستيك وتبلينهم بمقادير التتبيل وتخلينهم تقريبا 4 ساعات واذا تبلتيهم من الليل يكون احسن..بس الملح يكون قبل لا تسوينها على طول اوكي ...
بعدين تاخذين الزبده وتحطينها بالمقلاه وتقلين فيها قطع الستيك وتقلبينهم كل شوي علشان ما تحترق واذا خلصت الكميه كلها من الستيك بنفس المقلاه والزبده الموجوده فيها طبعا يكون لونها بني تحطين البصل وتحمسينه وبعدين الماشروم وتحطين عليه ملح وفلفل اسود واذا نحمسو تصبين الكريمه الي عندج وتصير صلصه لونها بني فاتح اوكي ..نجي للستيك مره ثانيه وتحطينه بطبق التقديم وتصبين فوقه خلطه البصل والماش روم والكريمه ..
ما اقولكم على الطعم عجيب والله مثل الي يسونه اكبر المطاعم ..
أتمنى انكم تجربوه وتدعولي سواء عجبكم ولا لأ موضوع منقول وبانتظار ردودكم