سلطة خس و ذره صفرا

السلام عليكم يا فراشات
اليوم عملت سلطه من المكونات يلي لقيتها عندي
كنت ابي انزلها بيوميات القروب يلي مشتركه فيه
وطلع طعمها وايد لذيذ و اهم شي تشبع
هذه صورتها
طولت عليكم نبدا بالمكونات :
الصوص :

• عصير نص ليمونه +
• ملعقه صغيره ماسترد +
• رشة فلفل و ملح +
• وملعقة زيت زيتون بس لا تملينها +
• قطرة خل تفاح و خل ابيض ..عاد يلي يتوفر عندك +
• نص ملعقه صغيره مايونيز اذا لايت يكون افضل

وخلطينها بالشوكه لين تتمزج
بنات الصوص يكون سائل مو ثقيل
السلطه :

• خس +
• ذره صف راء المقادير حسب رغبتك قد ما يكفيك +
• رشة جبن بارميزان +
• مقدار ملعقه جبن موزاريلا لا تكثرون بس للنكهه

الطريقه :
حطي الصوص على الخس وخلطيه زين ثم ضيفي الجبن ثم الذره و خلطيه شوي
وبس صحتين و عافيه
اتمنى تجربونها
اختكم ورده وبس