سمه دلع سمه غرور سمه عوابه سمه اللي تسميه قصه كويتيه واقعيه

بسم الله الرحمن الرحيم
احبائي اعضاء المنتدى .. لم اجد مكان افضل من هذا المنتدى الغالي لأضع بين احضانه
قصتي اللي كتبتها من واقع حياتي مع اجمل صديقات عمري وكل مادار بيننا من احداث عشناها معاً
وذلك بموافقتهم ,, حيث انهم شجعوني لاكتب هذه القصه التي سأضعها بين ايديكم واتمنى ان تنال
بعض اعجابكم وتصل الى قلوب الكثيرين .. الكاتبه (ظبية الجنوب)
سمه دلع!!سمه غرور!!سمه عوابه!! سمه اللي تسميه!!
القصه هذي ماهي قصه فلم من نسج خيالنا هالقصه تمثل شي كبير بالنسبة لنا تمثل لنا ذكرياتنا
مواقفنا مراحل من حياتنا مراحل بكينا فيها ..و ضحكنا واستهبلنا.. و تألمنا و انكسرنا ..و ردينا وقفنا على
رجولنا هذي قصه بنات جمعتهم صداقه تعدت كل الحدود.. لين صارو مو مجرد صديقات صارو خوات و بنات
خالات و بنات عم و كل شي.. هالبنات صارو أقرب لبعض من أقرب الناس لهم ..هالبنات صاروا علاج لبعض
اللي حتى لو ما قدرو يسوون شي كافي وجودهم يخفف الصدمات على بعض بنات لا ضاقت فيهم الدنيا
..ما يتوجهون الا لبعض لأنهم عارفين انهم يتوجهون لأنفسهم بنات بكل بساطة تنطبق عليهم اغنية راشد:
!!أشكي عليك الحال يا عارف الحال
و لو ما بيدك شي يكفي لك أشكي
و يكفي تروح بكلمتك ضيقة البال
و يكفي تحس بضيقتي دون ما أحكي!!
فنتمنى اللي ما يتقبل واقعنا ان ما يكلف على نفسه و يقرا لأنه راح ينصدم بواقع يعيشونه بعض بنات
جيلنا و يمكن الأجيال اللي سبقونا رااح نتكلم عن مواقفنا و هبالنا و ضحكنا ..و المغامرات اللي سويناها
بحدود الواقع طبعا (( فأهلا بكم على متن رحلتنا الى الذكريات الرجاء ربط الأجزمه سنطير سنطير سنطير
<<<< رحلة عنابة يا قدمي
الفصل الأول:
الشخصيات
1_ مها :- سنه19 بنت حبوبه جسمها حلو عيونها كبار بنيه شعرها اسود حنطااويه جميله ملامحها باارزه حياويه وخواافه لكن تجيها حالات تفصل تدرس بتكنولوجيا
2_ منيره :- 20 سنه ضيعفه ناعمه وبيضه طوويله شعرها اسود طويل جريئه فصله وتوقع الغير متوقع منها وبنت خالة مها تدرس بجامعة الكويت علوم اجتماعيه
3_ ريم :-20سنه تشبه مها لحد كبير والاكثر يظنون انهم خوات لكن هم صديقات وتلاقوو بالكليه هم نفس التخصص وريم حيويه حيل وخواافه وفرقها عن مهاا انها قصيره ضعيفه حيل
4_ دلال :- 19 سنه جسمها حلو حنطاويه دايم تصبغ شعرها جميله تحب البساطه سواء باللبس او الميك اب تدرس بكلية التربيه الاساسيه
طبعا تسألوون شلوون تعرفوا مها ودلول كانوا مع بعض بالثانوي ومنور بما انها بنت خالة مها فكانوا
قرووب ولما دشت مها الكليه تعرفت على ريووم واصبحووا توأم لان كل محاضراتهم مع بعض ونفس
اللبس والشبه فوق هذا قلوبهم على بعض
في مجمع شرق كانت مها مع امها بالسوق تمشي وتتمخطر( طبعا مها من يشووفها يظن انها مغرووره بسبب نظراتها هي وريم هذا شي مشترك بينهم وهم منقبات وعيوونهم كبار)
مها:- يمه تعالي ابي هاذي الشنطه
أم مها:- ماصارت رايحه تنصبين انتي جنه محد دش كليه الا انتي
مها:- اوه يمه شنو بكشخ ماصدقت تخرجت من الثانويه وابي ادش حياه جديده ابي كل شي كشخه
أم مها:- الله يهديج بس
مها:- اوكي خل نرووح شووي ستار بوكس (طبعا مها تصرف عشان ماتبدى امها المحاضره الدينيه )
أم مها:- يالله وودي بكووفي لاتيه . نريح بس ها عيونج بالارض مالي خلق للمصاابن ودوري مكان صاد
مها:- اف انزين
مها بنفسها تقوول الله يسلم البلووتووث ههه
Stop
للعلم ام مها انساانه دينه صج شبابيه وصغيره جنها اخت كبيره لبنتها بس فيها خووف على بناتها وطيبه حيل وتخااف ربها وداايم تنصح
من جهه اخرى
دلال:- اف ساره مااصدق بااجر ببلش دوام بدون مها بفقدها حيل حيل
سااره:- عادي في تلفوون بعدين ماكو بعد انتي بالشاميه وهي بالشويخ
دلال:- انتي ماتحسين بموت بالفراغات بدونها
سااره:- رفيجاتكم اللي بالثانويه هناك
دلال:- لا بس مها غير
سااره:- عادي تتعودين
دلال:- يالله برووح اسبح عشان بااجر
طبعا راح نتكلم اولأا عن العائلات
عائلة (مها)
أم مها =عائشه 36 سنه سكرتاريه بمدرسة ابتدائيه ,واجتماعيه حيل هذا اللي مجنن بناتها
الاب= عبدالله40 سنه انساان متحرر دكتور بجامعة الكويت
حسين= 18 سنه اكبر العيال بس مها اكبر وحده بالعائله وهو بدووي بحت ومايحب الدرااسه رااعي بر ودواين يدرس بالسعووديه ومجنن ومتششدد
راشد= 16 انسان متفتح يحب خوااته ويسوولف معاهم وهو رياضي شااطر بدراسته وكل حلم يكوون لاعب مشهوور
منال:- توام رااشد بس من مشيمه غير مايتشابهون سمره حلووه عيونها عسليه جسمها حلو اندفاعيه حيل وجريئه دجه تااخذ من منيره بنت خالتها العرق دساس ههه
جود:- اخر العنقوود 14 سنه السانها متبري منها وطوويله وضعيفه حيل ودجه بعد وتحب تدخل نفسها بشي مالها دخل فيه
عائلة دلال
الام:- نوير ربة منزل 45 سنه طيبه على نياتها
الاب:- 50 سنه عصبي حيل يشتغل بالسلك العسكري
بدور:- الاخت الكبيره متزوجه من ابن خالتها عمرها 25
ساره= 22 سنه ماتحب الدرااسه عبيطه ملياانه شووي من قعدة البيت ماالومها طالعه من الثانويه نعوومه
جراح= 18 سنه مسجل بالاكاديميه هادي حيل ويحب النت وشوي فري
اليوم الاول للدراسه بالكويت وزحمه وكلن نفسه بخشمه طبعا
في بيت دلال
ساره:- ياحماره سكري الليت بناام
دلال:- انطري بلبس
ساره :- الله يعيني
دلال:- انطمي خليني اكمل شغلي
ساره:- تكفين كلها كحله وقلوس ذابحتنا فيهم اخلصي بس
دلال وتكمل تحط مسكره وتلبس عبايتها الناعمه حيل لانها كما ذكرت تحب البساطه وعندها ان الكليه يبيلها لبس سبوور قامت ولبست الفلات البربريز مع شنطته وترششت بعطر لاكوست لانها تحبه حيل
ونزلت
خاله نوير:- دلال اخلصي تعالي تفطري يمج
دلال:- انشالله وتشرب شااهي وتقطع بالتوست
جرااح تو ناازل صباح الخير
دلال:- صباح النور شعندك قاعد
جراح :- والله برووح اودي اورااقي للاكاديميه
دلال:- اها يالله قطني بطرييقك
جرااح: اوكي
ام جراح:- الله يوفقك وعقبال ماافتخر فيك ويقولولي ام الضابط جرراح
دلال:- اف حدج قديمه يمه اللي يسمعج مهندس مشكله البدو
جراح: اقوول شكلي بخلي جعفر يقطج
دلال:- لا خلاص حقك علي حضرة الضابط جراح
جراح:- ياشين التمصلح اخلصي قوومي
دلال:- يمه ابي فلوس
ام جراح:- هاج يابنيتي تمد لها دينار
دلال:- بققت عيوونها شنو دينار الله يهداج بشتري بقاله رايحه كليه مو ثانويه زيدي فديتج
ام جرااح:- خلاص هاج 5 دنانير الله يرحم ايام اول
جرااح:- ههه
دلال:- يالله يمه تامرين بشي(مالها خلق محاضره عن ايام اول)
ام جراح:- ها مااوصيج عن التعرف مع بنات الناس ديربالج لايغشوونج
دلال:- يمه خلاص وربي فاهمه ولااطلع مع أي احد للجمعيه دريت دريت حافظه الدرس
جراح:- ههه
دلال:- في شي يضحك
جراح:- ههه لا
دلال:- مشينا
وطلعووا وركبوو السياره
جرااح:- دلال انتي اختي وماوصيج على نفسج لاتخونين ثقتنا فيج
دلال:- ومنبطه جبدها انشالله لاتوصي دلال تقول في نفسها (اف كل وحده تدش كليه جذي اهلها يقولولها درينا خلاص)
وسكت جرااح حس ان اخته اكتفت نصاايح وطول على الروويشد وكملو طرييقهم
في بيت مها
منال:- جود ياحماره تعالي كسري شعرري عشان لاقطيت حجاابي تعرفين المعجبات
جود:- اف شفيها نانسي ابتلشنا
منال:- انطمي واشتغلي بذمه وضمير
جوود: وهي تكسر شعرهاا وتدعي ربها ان امها تدش وتزفها عالتاخير
مها:- يااربي أي شدو احط بحط النحااسي بدمجه ببني وادخل الاسوود عالاطرااف
وتكمل رش لمعات الا جوالها يرن
مها:- يالبيه
دلال:- لبيه انتي
مها:- شخباارج
دلال:- زفت ماتخيل بدش كليه بدوونج
مها:- اف لاتذكريني دلوول
دلال:- جراح قصر شووي
مها:- انتي وين
دلال:- بطريق رايحه الكليه
مها:- ههه ماكو شغل حدج مستعجله
دلال:- ليش انتي وينج
مها:- بالبيت اتمكيج
دلال:- تمكيجيين متى محااضرتج
مها:-8
دلال: وماخلصتي
مها:- اول يووم شنو بيعطووني وتعرفين لازم اكششخ
دلال:- اقوول كليه مو عرس
مها:- اف جتني امي رقم 2
دلال:- أي هذا الصج
مها:- لاتخاافين بحط مكيااج ناعم حلو مو زرري نفس الهيلق
دلال:- برااحتج
مها:- يالله ضفي وجهج بكمل شغل
دلال:- جبي جاو
وكملت مها شغلها ولبست عبايتها اللي جابتها من الرياض
وشوي الا والباب يطق بقوه
مها انتفضت من الخوف
مها:- منو
ام حسين:- متى انشاله بتخلصين
مها:- يمه زين خالصه
أم حسين :- ياالله بسرعه
وراحت ام حسين غرفت البنات وتفتح الباب وتنصدم
منال وجع وين رايحه دهن عوود وعطور
منال:- وهي تلبس دلاقها شنو بعد اليووم بيطييح خدي من كثر السلام لازم اتعطر
ام حسين:- والسايق
جود:- شنو يمه رفيجاتتنا نفسنا كلهم يتعطوروون
ام حسين:- جود تعالي قربي
جود:- بخوف ليش
ام حسين:- قربي
جود: تقرب
وام حسين:- تمسكها وتقربها متكحله والله ومرض
وتاخذ الفووطه وتمسح وعيوون جود(طبعا مايحتااج اووصف شقت عيون جوود من التفرك)
جود:- آآآآآآآآي رمووشي قطعتييها
ام حسين :- احسن وين قاعدين شقولون الابلات والا جاراتي بالهده لاشافووكم
منال:- عادي منيه ليما الهده رااح الكحل
ام حسين:- راحت رووحج تعالي انتي اشووف
منال:- لايمه مااحب احط كحل جمالي رباني ههه
ام حسين:- بعد ماتاكدت انه ماكو شي مالت اخلصووا تاخرتو
وهم ينزلوون الدرج منال وجوود
جوود:- اف خربت كشتختي عيووني حمر
منال:- ياحماره احد يحط بالبيت
جود:- هاشتبين
منال:- وطلعت من جنطتها مقلمه صغيره فيها مكياج وتغمز عين
جود:- الله يالهبله شنو جايبه ماتخاافين تفتييش بالمدرسه
منال:- شخباري تفتييش قديمه اذا شاافووه اقول موضوع انجليزي برزنتييشن عن المكياج ههه (طبعا هاذي الحجه طايحين فيها بنات الثانويه الحين)
وتفتح مها الباب والصاعقه امها بوجها
ام حسين:- شنو هذا
مها:- عادي كليه
ام حسين:- لاحول ولاقوة الا بالله
مها:- تاخرت بااي
ام حسين:- الله يهدييكم يابنااتي
وترووح ام حسين تلبس عباايتها عشان ترووح للدوامها بعد ماارتفع الضغط عندها من بنااتها
مها وهي ناازله
شورايكم بنات
جود&منال:- اوه روعه والعبايه شي امي ماقالت شي
مها:- ههه بغى يوقف قلبها
طلعووا البنات ومروو بالدوانيه ويلقوون راشد منسدح نايم
منال:- أنت هيه يالله قووم
راشد:- اف زين
مها:- لانتااخر ورااي كليه تمشي ومعاها كوب النسكاافيه رايحه للسياره
مها وجود وراها
وبالسياره كانت حرب طااحنه ومها كل شووي تتأف
في انحاء بعيده شوي
في منطقه تبعد اميال عن منطقه دلال ومها
نزلت ريم وهي منغثه
ولايعه جبدها ماودها تدااوم لانها ماتعرف احد خصوصا عقب ماسحبت اوراقها من كليتها القديمه وقدمت بهالكليه اللي ماتعرف احد فيها
ام فهاد:- ريم حبيتي تعالي افطري
ريم:- مو مشتهيه لارحت الكليه اكل
ام فهااد:- طيب اشربي لج حاجه ماتشووفين شكلج صايرتن عود
ريم:- تشرب كوب كووفي تبي تسكت امها
فهااد:- صباح الخير
الكل:- صباح النور
فاطمه:- الله ونااسه برووح المدرسه مشتااقه للمدرسه
فهاد:- مشتااقه ليتج من كثر شوقج تنجحين بدال كل سنه دور ثاني
فاطمه وضااع وجهاا:- اصلا انا اتعمد اجيب دور ثاني خايفه من العين
فهاد:- لاوالله اسكتي بس
ام فهاد:- يالله اخلصوا تاخرتووا
فهاد:- ريم يالله انطرج بالسياره
ريم:- وتصحى من شروودها اوكي جايه
وتمشي تبوس راس امها ادعيلي يمه
ام فهااد:- الله يوفقج يمه تعالي مااخذتي مصرروفج
ريم وتوها تتذكر انها مااخذت:- يووه زين يمه والا كان صج تورطت
تاخذ مصرووفها وتمشي وهي تدعي بقلبها ان يعدي هاليوم بسرعه
Stooooooooooop
عايلة ريم
أم فهاد:- ميثه 48 سنه ربة منزل من النوع اللي يحااتي اولاده كثير
ابو فهاد :- 52 سنه عنده مكتب عقار ومشغول داايم طيب حيل
فهاد:- 24 سنه يشتغل باحدى الوزارات بالكويت عصبي بدووي مايحب سوالف التحضر الزاايد والتفتح بس قلبه ابيض متملك على وحده من جماعتهم ولنا وقفه معها
حوريه:- 22 سنه متزوجه ولد عمتها بسعوديه جميله وطيبه ولها دوور وتعرفوون قصتها لاانسى ونكته ومرحه حيل عندها ولد وواحد
مناير:- اكبر بنات ميثه 27 عندها بنتين وولدين موظفه بمنطقة التعليميه
مثال رائع للاخت الكبرى اللي تحس بخوااتها
فاطمه:- 16 سنه طيووبه وحلووه بس شيطاانه وملقوفه
عبدالله:- 12 سنه مشااغب ويحب يتدخل بكل شي
عالبال كل التفاصيل عالبال واحلى التفاصيل
والحلم والترحال والنار والهيل.....
والقمره اللي نورت ليل ورى ليل..
والبسمه المقهوره اه
والنظره المكسوره اه
واحلى التفاصيل دايم عالبال
مها وهي سرحانه بكلمات محمد عبدو تفكر بحالتها وتحس بعبره فجاه طوط وانتفضت من مكانها
مها:- الله يرجك يابابو وجع
بابو:- ماما هذا نفر مايعرف يسووق
مها تلف على جيب لاند كرووز اللي يمها وكان معصب وزف السايق
راعي الجيب:- الله يلعنك ماتعرف تسوق بغيت تخمنا
مها بقرف تنزل الدريشه:- لايكثر ياشيخ انت اللي بغيت تطيرنا
راعي الجيب وهو منهبل من عيونها:- انا اانا لاهو
مها:- بس بس لايكثر برووحك ماعرفت تقط كلمه بابو امش ناس قرف
مشت
وراعي الجيب:- انا قرف اعلمج القرف كيف يصير
مها وترفع موبايلها تدق:-الو
منيره من غير نفس:- خير قطعتي علي نومتي
مها:- انتي للحين نايمه
منيره: أي حلمت بفارس احلامي تو بيجيني وانتي قطعتي علي
مها:- ههه مولايق قوومي
منيره:- شتبين
مها:- بس استغربت مااتصلتي علي بما انه اول يوم لي بالكليه
منيره:- مشكله المستجدين
مها: عشتوا تصدقين بطني يعورني
منيره:- ههه لايكون حامل
مها:- جب من وين ياحظي توتر
منيره:- عشان اول يووم ههه ذكرتيني بايام الروضه
مها:- ليت دلوول ويااي
منيره:- ياحليلها
بابو مها مها
مها:- خير شتبي
بابو:- جيب في يجي ورى يبي سووي دعم
مها:- شنو الله يستر
منيره:- هي شسالفه
مها:- هذا واحد تو زفيته بغى يدعمنا
منيره:- ههه اول يووم مسرع بدوا يلحقون
مها:- ببعرف كليتي ياويلي
منيره:- ههه الكليه فيها مليوون وحده صج مستجده
مها:- لا تتطنزين اوريه بضيعه
منيره:- ههه
مها:- صج مو كفو وتسده بوجها