سنكرزشغل بيت اتحدابه سنكرزالسوق لذيذ وشكله روعه

دبدوبه الحبوبه

19-10-2022 - 01:14 pm

سنكرز شغل بيت أتحدابه سنكرز السوق لذيذ وشكله روعه *_^
مرحبا ملايين
وياهلا وغلا اشتقت لكم وحشتوني
جبت لكم اليوم حلى السنكرز انما ايه اذا ذقتنه بتكرهن السنكرز حق السوق
المقادير :
باكيت ونصف بسكوت اولكر
بيضتين
ربع كوب حليب محلى نستله
ربع كوب سكر بني
0جم زبده غير مملحه
فنجانين زبدة فول سوداني
0جرام لوح شوكولاته
الطريقه
الطبقه الاولى
باكيت ونص بسكوت اولكر+ملعقتين بودرة كاكاو
زبده سايحه كميه تكفي لعمل عجينه من البسكوت المطحون ..
نطحن البسكوت ونخلطه مع الزبده السايحه+الكاكاو ونكون عجينه نقدر نمدها في قالب..
نحضر قالب ونمد عليه ورق شمع او ورق زبده عشان ماتلزق العجينه ونقدر نطلعها بسهوله ..
وهذي صورة ورق الشمع عشان تعرفونه
نمدها في قالب ..وندخلها الثلاجه ونحضر الطبقه الثانيه..
الطبقه الثانيه
نجيب وعاء ونحط السكرالبني+الزبده ونخفق بالخفاق لين يندمج السكر مع الزبده
وهذا بعد مااندمج
وبعدها نضيف الحليب المحلى+زبدة الفول السوداني+البيض وملعقة فانيليا
نخفقهن زين لين يستوي كذا
يتبع

التعليقات (7)

دبدوبه الحبوبه

19-10-2022 - 03:43 pm

ونصبه على الطبقه الاولى وندخلها الفرن 15 دقيقه او لين يحمر الوجه
وهذي صورتها بعد ماطلعناها من الفرن
ونخليها تبرد تماما
والحين نحضر الطبقه الاخيره ..
كوب كريمه +300 غرام لوح شوكولاته مبشور او مقطع قطع صغير كالتالي
هذا نوع الكريمه اللي استخدمتها واجد حلوه وممتازه للحلويات ونباتيه بس لذيذه يم يم
نسخن الكريمه عالنار ويوم تسخن نضيف الشوكولاته ونخلط لين تذوب ويكثف نطفي النار
ونخليها تبرد
وهذا بعد ماذابت الشوكولا يم يم
ونخليها لين تبرد شوي
ونصبها فوق الطبقه الثانيه كطبقه اخيره وندخلها الثلاجه عالاقل ساعتين او 3 لين تجمد طبقة الشوكولاته تماما عشان نقدر نقطعها
وبعد ماتبرد تماما نطلعها من الثلاجه ونطلعها من القالب ..نمسك اطراف الورق الشمعي ونطلع الحلى ونحطه في صينيه كبيره عشان نقطعه
وهذا شكلها مابعد ماطلعتها من القالب سوري عالصوره صورتها بدون فلاش
والحين نقطعها قطع متساويه او على حسب ذوقك
انا قطعتها مربعات وحاولت انها تكون متساويه بس ماقدرت ههه شي كبير وشي صغنوني المهم طعمها وشكلها يميي يمي وشكلها بعد روعه
ماشاء الله والحمدالله
و بعد ماقطعتها حطيت كل قطعه في قالب ورقي وجاهزه للتقديم
صوره للتشويق ههه
وبعد التقطيع رجعنها في الثلاجه لمده 10 دقايق او 15 دقيقه قبل التقديم احلى بارده
واذا بقى منها شي عقب التقديم احقظنها في الثلاجه لانها بارده الذ ..
جربنها لانها صدق لذيذه وكل اللي ذاقوها حبوها واجد وطلبو زياده ماشاء الله طعمها سنكرز بس شغل بيت والذ عن مال السوق بواجد
منقول

وعــــد الرياض

19-10-2022 - 04:44 pm

واو حمستيني اسويها
شكلها يجنن بجربها
واقولك النتيجه تسلم الايادي

اميره الكهرمان

19-10-2022 - 06:46 pm

واو روعه نفسي فية
الله يسلم ها الديات

كلـ ًٍي حـ ًٍـلا

19-10-2022 - 07:47 pm

روعه
تسلم ايدينك

متجر سومي للشنط

19-10-2022 - 09:49 pm

يسلموا ايديكي