سنه اولى رمضان

السلام عليكم ورحمتة الله وبركاته مبارك عليكم الشهر وجعلكم الله من قوامه وصوامه ان شاء الله
يا زين رمضان وقت الفطوور وصلاة التراويح وحزة السحور وكل دقيقة وساعه برمضان تنعش القلب الحزين
سنه اولى رمضان
ا نا حابه اتكلم ع العرايس اللي اول رمضان يمر عليها في بيت الزوجيه السعيد ان شاء الله
عارفين ان اول رمضان يمر علي تعبت نفسيا
كنت اشتاق الفطور ع سفرة اهلي والجمعه والناس
وهوشاتي مع اخواني كل واحد يبي قناة
وابوي يسكتنا ويحطه ع الحرم
واشتقت لاكل اميمتي اللي يرد الروح بعد يوم شاق من الصوم
بس بعد مرور السنوات وتعدد الرمضانات <<< مدري الجمع صح
وازدايد عائلتي الكريمه
صرت احب الفطر ع سفرتي وحوللي بناتي وزوجي
ومع احب افطر الا في بيتي
اكيد فيه غيري كثير ومروا باللي مريت فيه وحسوا بها المشاعر بس اكيد هذي سنة الحياة
ومع التعود صار احب ع قلبك تفطري بين زوجك وعيالك اكيد
يا عرايسي يا حلوات اكيد اول رمضان راح يصعب عليك الامر
ويمكن من عدة زوايا
كتحمل المسؤليه والشوق لاهلك اكيد
فالابد انك تتعودي ووتأقلمي نفسك
ولا تظغطي ع نفسك
اكيد كل وحده فينا بتبين لزوجها انها شطوره بكل شي وهذا شي حلو ولابد منه اصلا
بس مو على حساب نفسك
من ناحية الطبخ اللي تعرفيه وتقدري عليه وتعلمي الطبخات اللي يحبها زوجك وتقدري تبدعي فيها
بدون اسراف وتبذير
وحلو كمان انه تعوديه ع نظام معين في رمضان اللي انتي تشوفيه مناسب
هو برمضان مافي وقت سبحان الله بس تحاوولي تعودي ع انه يحلي وتشربوا قهوة
بعد التراويح او تتفرجوا ع التي في
عوديه ع وقت تقروا قران فيه
عوديه انه يساعدك في الامور البسيطه اذا ما يضايقه المووضوع
يعني بختصار سوي لك نظام حلو انتي وبعلك في رمضان منه تنبسطي وتبسيطه
وتحاولي تسوي لك جدول يومي يعني تحددي وقت للطبخ وقت للترتيب البيت وقت
للدلع والغنج
هذا اللي عندي
واتمنى تشاركوني بهذرتي
واي شي بخصوص هذا المووضوع اطرحوه من تجاربكم ومواقفكم
واكيد مرتوا بمواقف بداية زواجكم مضحكه او محزنه
تعالي شاركينا خل نسولف
وينعاد عليكم بصحه والبركه
دمتم بود