زوجي وكلام أمه

حبيبتي انا مو شايفه في شي كبير ولا اي مشكله
بالاول طبيعي تحسي انه زوجك يسمع كلام اهله اكتر منك شي طبيعي يوثق براي امه اكتر منك انتي نفسك اصغر منها بكام سنه يعني نجي للمنطق اكيد هي خبرتها بالحياه اكتر واكبر
نجي لموضوع طلبات اهله شوي شوي هو زوجك لحاله بيخف انتي لا تقوليله لا الا اذا شي اثر عليكم مثلا طالعين لوحدكم ويجية شي يخرب عليكم بدون وجه حق اوكيه لكن ما فيها شي لو وصل اهله مشاوير بطريقكم وخليه يكسب رضا اهله وما عليك من اخوه العازب لا تعتبريه موجود خلاص خلي زوجك يكسب رضا اهله وصدقيني ما في شي بوفقكم بحياتكم غير رضا اهله عليكم بعد رضا الله طبعا
انتي لو تحسي انه يسمع كلام امه وانتي لا جيبيها بالسياسة مثلا موقف الشغاله افتحيه وقوليله كنت بطلب منك نفس الشي لكن امك ربي يديمها بالصحة والعافيه ويرزقها خير الدنيا والاخرة سبقتني وامدحي بامه وقوليله هالموقف اسعدك كتير انها تطلب منك هالطلب لانه هاد دليل انها تحبني وبدها راحتي ومن هالحكي وبصراحه انا رايي انه ام زوجك تحب راحتك لما طلبت هالطلب من زوجك وبوسط الكلام قوليله كنت مترددة اطلب منك الشغاله وترفض لانك تكرههم وشوفي ردة فعله
اما باقي امورك حبيبتي سهله وتتعالج الحمدلله وما في اي مشكله من وجهة نظري ويمكن لانك نفاس حالتك حساسة شوي تجاه الامور انا هيك الحين بالحمل والهرمونات تلعب بينا لعب استهدي بالله واستعيذي من الشيطان الرجيم اللي ما يحبنا وبس بده يخرب حياتنا ولا تحسسي زوجك انك متثقله من طلبات اهله بالعكس كل طلب شجعيه عليه وراح تكبري بعين زوجك اكتر واكتر وراح ينعكس هالشي بالايجاب على حياتك صدقيني
موفقه اختي

طيب
وين المشكله
والله انا اشوف انه زوجك انسان محترم لابعد حد لان يحترم ويطيع امه
والا زي كذا امني نفسك معه وانتي مغمضه
حبيبتي لا تصير راعيه مشاكل انا اشوف الموضوع جدا عادي
واحمدي ربك ان امه طيبه وقالت له جيب شغاله
واذا ع الموضوع الاول تبع زوجك يودي ويجيب
المفروض تشجعيه ع خدمة اهله حتى لو عندها ولد مو متزوج يمقن ما يطيع
وحتى زوجك ولدها واذا كان متزوج خلاص ما يودي ويجيب لاهله
والله اني انبسط وافرح اذا زوجي قام بشغل لاهله لاني وقتها احس انه طيب وحنون ويعتمد عليه وهذي امه لو قالت له ودني حتى وهو مريض يقوم يوديها

ممنووش / التوونه
يسلمو حبياأتي ربي يسعدكم ..
أنا م قلت أنها مشكله كبيره
بس يعني شيء يضايق بعض الاوقات
بالعكس أنا أحب أمه واحترمها زي أمي وهيا ممرا طيؤوبه
بس أنا م إبغى يسمع كلامها في شيء يخصنا حتى لو كان في صالحي أنا
يعني مو كل شيء يستشير فيه أمه وأنو كلامها صح
أنا كمان إبغى تكون لئا كلمه
يعني بعض الأوقات أحس إنو يحسسني اني م افهم
هو م يقول لئا إن أممي قالت لا م يقول
كانو رأائه هو
لكن أمه تكلمني وتقول أنئ قلت لزوجك كددا وكذا وسوي كدا ،،
أنا ككول إلي يهمني م إبغى شيء ياثر ع حيااتي قذام ،،

الله يسعدك حبيبتي بالعكس مافيه شي الي فيه خير لامه فيه خير لاهله

مستعجله على المشاكل ليش
احمدي الله تراك في نعمه
والنعمه زواله

البنات ماقصرو ربي يسعدهم ويجزآهم كل خير
حطي كلامهم حلقة بأذنك ولاتخربي علي نفسك
حبيبتي اتوقع سبب زعلك ومضايقتك الي من دون سبب ..
حملك ربي يتمم عليكي ..وهرموناتك تري مأثرة فيكي وبقرارتك بشكل كبيرر
أنتظري لحد ماتولدي وتستقر أمورك .. وبعدها لو شفتي الوضع زي ماهو مو عاجبك وتفكير زي ماهو ..!!
لكي حرية الأختيار بأنك تكلميه وتتفاهمي معاه ..ومادري بصرحه كيف راح تجيبيها من دون ماتظهري له أنك غيرانه أو بتحرضيه علي أهله
لأنه مالها شئ تاني بكل صراحه .. وهو كمان من كلامك دحينه .. انو بيصدك بكل أدب ..فمادري .؟؟
أختو قالت ودوني بطريقكم !!.. لو قالت انا رايحه أقعد معاكم ..خرجوني ..أيش كنتي ساويتي ؟؟
وأكتر اخوات الزوج بالشكل دا تري.. بتشوفها انها عادي اخرج وأطلع معاهم دامهم خارجين
والزوجه الذكيه تكسب زوجها .. وتكسب رآحت بالها ..عن طريق أهله .. بس الحمدلله انهم مو كدا
ثاني شئ .. صدقيني لو حسبتيها بعقلك وقعدتي مع نفسك شويه وفكرتي بتركيز
مستحيل زوجك راح يكون زي اخوه الي قاعد في البيت ..كل شئ عليه من روحه وجيه
كان ماخرجتي في مكان ولا قعد معاكي بالبيت من أساسو ..مو كدا !!
أكيد أخوه الثاني هو كمان بيخرجهم ويوديهم ويجيبهم .. !!
حبيبتي روقي وكبري رآسك عن الأفكار الي فبالك .. ام زوجك ماشاء الله عليها تحبك وتبغي راحتك
وقبل مانتي تفكري بمصلحتك وراحتك هيا فكرت !! وهادي نقطه لمصلحتك أنك تكسبيها وتشكريها عليها وتدعي الله يديمها عليكي من نعمه بأذن الله
لو وحده ثانيه كانت قالت بلا دلع بلا خرابيط خليها تنظف بيتها .. كلنا حملنا وولدنا ووقت نفاسنا نقوم نطبخ ونشتغل !!
نصيحه مني لا تكلميه بشئ أبدآ .. ودام فكرتها جات بمصلحتك وللآن الحمدلله ماشفتي شر منهم ولا أفكار شيطانيه
.. ألزمي الصمت ياغالية
لو خايفه علي شئ من بعد كدا علي حد قولك .. .. خافي من نفسك ومن كلامك وطريقة تفكيرك !!
زوجك بيحب أهله وبيسمع كلامهم ..ومافي شئ راح يغيره ..
إلا لو هو أتكلم من نفسه واتضايق .. ومن غير مايكون لكي طرف بالموضوع
علشان لايتقلب الموضوع ضدك .. لا قدر الله
.. وانتي بتحبيه وهو يحبك وأهله يحبوكي .. وخلصنا
رمضان مبارك عليكي ياغاليه

هلا ياعسل
والف الحمد لله على سلامتك
لكن لي عليك عتب بسيط
يعني زوجك حبوب وباسطك وطيوب ومافيه عيب الا إنه طيب مع أهله ؟
ياعزيزتي إشكري الله مئة مرة لان من فيه خير لاأهله فيه خير لك
ولاتستكثري على من تعبت وربت وسهرت أن يكون خادم لها !!!
ماأستغربه حقآ من بعض النساء وبدون مثاليه أو مبالغة
تعتقد أن زوجها ملكها وأن مهمة الأم إنتهت وتكتفي به قبل الزواج
لاياعزيزتي رضا الأم وطاعتها يزيد مع تقدم العمر لمن هداه الله للبر
أشكري الله أن أمه في صحة وعافية ولا تحتاج منه أي إعانة
وأحمدي الله أنها تطلب منه شي يخصك كشغالة وغيرها
وهذا معناه تهمها مصلحتك
كلما نظرتي للجانب الحسن اوبمنظور إسلامي راح تشعري بالرضا
لكن لو نظرتي في منظور دنيوي بحت أو أنانية راح تشقي في حياتك
ولو سيطر عليك التفكير السيئ والحساسية من أمه لن تشعري بالسعادة
عفوآ الأم غير الناس فقط ضعي والدتك محلها وزوجت أخيك مكانك
ياترى بماذا ستشعرين ؟
أنتظر ردك ..
عزيزتي الحياة الزوجية تحتاج لتنازل وتغاضي وتعاون
ويحتاج الزوج البار لتشجيع وحتى يبارك الله لكما في حياتكما
فرضا الوالدين بعد رضا الله هو الطريق السريع للنجاح والتوفيق والهداية ولكل خير
وفقك الله

حبيباتََي إيشبكم حسستوني أني
شريره ونذله ..!!
انتم م فهمتوني
أنا كول إلي أقصدوو
أنو لو إنا قلت له سؤوي كدا يقوول لأأ أو يتردد
لكن لو أمه أيدتني في كلامي يقوول إوككي
يعني يطمن في أي موضوع لو أمه قالت إوكي
..
على العمووم مشكورات ..
»أتمنى من بعض الأخوات الأدب في الرد !!

هلا حبيبتي
الحمدالله علي سلامتكم
ماشاء الله زوجك اهم شي انه طيب معاك ويحبك
انتي تعتبرين توك لكم سنه متزوجين ممكن انتي تعودينه علي اسلوبك بس بحنيه وروقان
حلو الزوج يقوم في اهله ومن ناحيه ان مايقصر علي زوجته
ممكن بعد الاخوان يتعاونون علي طلبات الاهل
انتي لاتدققين كثير عشان ماينفتح عليك باب مشاكل
واصلا بكره زوجك مع كثرت مسؤليات البيت والابناء يالله بيتفرق
لكم واهم شي ان امه طيبه معاك واذ تعطي ولدها كلام اهم شي انه مايكون ضدك او يضرك
صحيح الحياه الزوجيه بين اثنين بس الناس اجناس واطباع فيه منهم يعطيك خيره وفيه منهم يعطيك شره والله يكفينا وياك
والمثل يقول الابن علي ماربيتيه والزوج علي ماعودتيه