سوالف خطيبين

1. المهم


2. أنا بنت ادرس بثاني ثانوي ومخطوبه وسعيدة ولله الحمد


3. لما تكوني أنتي وهو في بيت واحد


4. المهم


5. ياشيخه ايش أقول


6. عاد أنا شيطونه أحب أخليهم ينحرجون أقولهم ايش قلنا وكأن حد معطيهم كف


7. لا يااخوي وأختي


8. تبون تعرفون طريقتي


9. بقولكم سر يصلح للخطيبين


10. اسئالك أنتي ياللي تقرئي ليه تخدمينه ؟


11. اللي تقول الحب


12. بقولك


13. المهم


14. لازم الصراحه والصدق بفترة الخطوبة


15. أبي أتكلم لكم عن شي ماكنت اعرفها لكن تعلمته من حزن النبلاء >> خطيبي


16. طيب بقولكم شي كنت أسويه قبل لاانخطب وبعده


17. المهم


18. طيب نرجع لسوالفنا ونصايحنا القيمة


19. يااخي العزيز لاتحبط معنويات زوجتك تراها من كلمه تتأثر

السلام عليكم
اهلين وسهلين
للي راح يكمل الموضوع كله
واهلين بس للي نصه >> من بدايتها نذالة
كيف الحال ؟
إن شاء الله بخير
على فكره انا مو ياكبر حظي معاكم انا بنتها الكبيره
المهم أنا بدخل بالموضوع دوغري >> على طول >> وش عندها

المهم

بصراحة مثل ماتشوفون اسم العنوان سوالف خطيبين يعني بفترة الخطوبة ايش يصير وايش اللي لازم نبتعد عنه ونتقرب منه بوجهة نظري
طبعا بما إني بنت ومحيطي كله بنات طبيعي إني اسمع سوالف وقصص عن المخطوبات بعضهم كنت استغرب وأتعجب باللي يقولونه وبعضهم كان اللي يقولونه طبيعي إنما عادي جدا وبعضهم مافي ثقة ولا صدق بكلامهم وكان فيني شعور أبي اكلمهم انصحهم أقولهم وجهة نظري لكن بالنسبة لهم فرق السن يفرق كثير بما إن عمري 17 سنه ولازم أنا اللي استفيد منهم وهم الصح دايم يفكرون بالعمر لكن بصراحة الفكر والعقل والتفكير نسوه الثقافة والقرائه نسوها المهم ماعلينا من هذا كله

أنا بنت ادرس بثاني ثانوي ومخطوبه وسعيدة ولله الحمد

اللي يبي يقرأ تجربتي وايش بكتب وسوالفي وسوالف من حولي من بنات وايش سمعت من سوالف بعض الشباب وايش استفدنا وايش ابتعدت عنه من تجارب غيري كامل يعطيه ألف عافيه واللي ماعنده وقت ويقرأ النص يعطيه العافية مو ألف خ
يالله بتكلم بصراحة وانتم تقرؤون لازم تصارحين نفسك وترتبين أولوياتك
أنتي سعيدة مع خطيبك مره تهاو شتي معه أو معها مره ماعجبك أسلوبه أو أسلوبها مره حسيتي انه مافهمك أو مافهمتك؟
طيب
الاحترام الصدق الصراحة الحب النقاش التفاهم
ايش مفهومها عندك بين الخطيبين
بناء مستقبل
بناء أسرة
بناء قاعدة أساسيه وكيان راح يمشي معك طول العمر
صح وإلا لا ؟
هنا الأساس
راح أتكلم لكم عن نفسي شوي
مايثمنك إلا اللي يعرفك
بالبداية كنت رافضه رفض قاطع إني أتزوج وكنت دايم أقول
لازم ادرس واخلص هندسه
شفت شوي شوي طموحي تنزل
وتغيرت كثير
وجاني الخبر الصاعقة أنتي انخطبتي بكل برود أنا رفضت لكن كلام بابا وماما أزعجني أكثر بما إني دلوعة ويأخذون رأيي بكل شي مو على شان شي لا لان رأيي ينفع في بعض الأشياء واني لازم أفكر
جلست أسبوع مااحب أناظر بابا وماما ودايم بالغرفة وابكي وكنت حاطه في بالي متى يجي الأربعاء وأقول لبابا عن تأكيد رفضي لكن لما تخيلت حياتي بعدين قلت أنا كذا أو كذا بالأخير راح أتزوج
أخذت فكره خطا انه لما أتزوج راح تنتهي حياتي والوناسه وانه قيد وكله مسؤليه وطلبات
لكن أنا معذورة لان هذا اللي نقراه بالمواضيع هذا اللي نسمعه من البنات ليوم الخطوبة وأنا أقول اوف الحين من جدهم هذولا لان كنت أحس إني اقرأ رواية مثل مانا اقرأ كثير أو أتخيل بما إني خياليه وبقوه لكن طلع حقيقة تعرفت عليه وعرفت هو من ؟ وكيف يتصرف أطباعه
كنت صريحة جدا وصادقه ومااجامل
ايوه المجاملة
ترى كثرت الخلافات بعد الزواج سببها المجاملات اللي تصير بفترة الخطوبة
مثال
الحين أنتي وأنت تجاملون على كيفكم بهذه الفترة طيب بعد الزواج بتجاملون ؟
أكيد لا لان بيجي فتره متطلباتكم واحتياجاتكم مايبي لها مجاملات وسكوت
هنا يصير صدمه للي قبالك سواء زوجك أو زوجتك
راح تقولك أو يقولك بس أنت أو أنتي ماعودتيني على كذا بفترة الخطوبة وبيصير غير التصرفات مو نفسها بفترة الخطوبة الكلام
دائما حطي هدف هو إن هذه الفترة تهيئه لفترة مابعد الزواج

لما تكوني أنتي وهو في بيت واحد

المهم

بعد فتره حسيت أن هالانسان شخص مهم في حياتي ويفهمني بسرعة الحمد الله لقيت أفكاري متقاربة منه يمكن لأني أفكر تفكير ناس اكبر مني في الأمور الكبيرة لأني اعتدت من وأنا صغيره إني أفكر ولازم يكون لي رأي وقياديه بطبعي فكان الكل يقول لي عقلك اكبر من سنك على شان كذا ارتقيت لمرحلة تفكيره فكان الحمد الله التواصل سهل وسلس جدا بيني وبينه
لاحظت على نفسي أحب أتكلم معه وأحب استمع له
كان الكلام دايم عن أمور حياتيه
مو مثل بعض البنات المخطوبات لازم يتكلمون في حبني وحبك وازعل وأراضيك والعكس لا خلو عندكم هدف سواء من المكالمة أو لما تقابلينه هدف تتكلمون فيه صحيح مايمنع تعبرين بحريه عن رومانسيتك واشتياقك وحبك
بس بعض البنات الله يهديهم بس يعرفون انه جاكِ أو كلمك إيه إيه ايش قلتو ها اعترفي

ياشيخه ايش أقول

عاد أنا شيطونه أحب أخليهم ينحرجون أقولهم ايش قلنا وكأن حد معطيهم كف

تقول من جدك أنتي أقولها إيه والله بالعكس يقولون حد يتكلم عن كذا بأيام الخطوبة أقولهم إيه أنا وهو لأن أمور الحياة ماتمشيها كلام غزل وبس والحين ولله الحمد لما أتكلم معه مااحس في حواجز لان عارفه إن كلامي مايضايقه بالعكس راح يخفف عنه
تتوقعين أنتي لما تجاملين وتسكتين ويعرف هو بالحقيقة راح ينبسط لا راح يتضايق لان اكره ماعلى الرجال انه يكتشف انه فاشل أو انه ضايق حد عزيز عليه يمكن هو مايشوف نفسه انه اخطأ هنا أنتي لازم تقولين له
لأنه راح يجي ويقولك ليه ماقلتي لي ؟ هنا بيزعل وراح تبدأ مشكله اكبر اللي هي ليه تخبين علي وأنت كذلك لاتخبي شي لاتنسون انتو نصف بعض كل واحد يكمل الآخر
لكن الحياة مو كلها حب بعضهم يقولون أنا مااطيق خطيبي لما تقولين لها ليه ؟ تقول مايحترم وجهة نظري ويبي كل شي على كيفه وزعول ولازم هو الصح وتطيعين كلامه مايناقش بارد مايهتم لأمري مايسأل عني

لا يااخوي وأختي

لازم ترتبون أولوياتكم الاحترام أولى من الحب لازم تحترمون بعض وتتفهمون بعض وتقدمون العذر لبعض ومن هنا يبدأ الحب لازم تحترمها وتحترمك تحبها وتحبك تبدي اهتمامك لها وهي كذلك لازم يصير عندك حب انك تعرف ايش صار في يومها الشيق كله حتى لو كان يوم ممل وروتيني اصر عليها انك تعرف كل شي كأنك معها وأنت كذلك قول لها لاتقول بتطفش لا بالعكس راح تعرف أشياء عنك وتفهم شخصيتك من أسلوبك ويومك وكيف تفاعلك بالموضوع وأنت تتكلم لازم تعرف إن مالها من بعد الله غيرك وأنت بعد
أبي اسأل سؤال
كم مره تضايقت/ي منه/ها ؟
كم مره زعلتي وزعلت
بعضهم يقولون كثير والله يستر من الجاي وبعضهم يقولون الحمد الله ولا مره
لكن تقولين له تشكين له تخلينه يخفف عنك وتخففين عنه
بعضهم تقول مايتقبل
يابابا خلاص هذه زوجتك وأنت زوجها لازم تتقبلون لازم تتكلمون لازم تتفاهمون الحياة مو كلها عسل لازم تذوقون البصل شوي لو مو منكم من اللي حولكم
ويا الاخو اللي تقرا الموضوع سو مثل خطيبي العزيز
إذا زعل يقول لي
(أنا زعلت راضيني ) مايتعب نفسه على طول راضيني
طبعا مو زعل زعل لا الله لايجيب الزعل بينا ولايجيب الزعل لكم >>> امين
اعرف ناس يقولون لي انه ماتسكر منه إلا وهي متضايقة وبعض الأحيان تبكي وبعض الأحيان مقهورة
ليه ؟
ايش اللي حادك خليه وقولي له اللي بقلبك
طيب بعلمكم طريقه يمكن تنفعكم أنا أسويها إذا ماعرفت اعبر
افتح دفتر وأجيب قلم واكتب اكتب كل اللي بخاطري وإذا جاني أعطيه إياه

تبون تعرفون طريقتي

بقولكم سر يصلح للخطيبين

لما تزعلي تتضايقي تفرحي تضحكي تبكي مشتاقة له خوذي ورقه أي ورقه إن شاء الله أوراق الطابعة عادي وأقلامك ملونه لامعه للي تحب الترتيب وتتفنن تاخذ ألوان وتخطيط انك تبرزي أشياء وتخلي أشياء واللي ماتحب قلم ازرق بو ريالين ترى ينفع المهم تحركي لاتصيرين سلبيه باردة واكتبي اللي تحسين فيه كله وكأنك تكلمين نفسك وتقدرين تسوين شخصيتين كأنهم يكلمون بعض اللي تبي تعرف كيف تكلمني بعدين ترسلي واعلمها >> تراني خطيرة خخ
المهم
لما تكتبين وعطيتيه إياه صدقيني لها اثر كبير ياشيخه بتشوفي انه كل مايجي ينام يفتحها يقراها ويضحك وينام يضحك هذه بالنسبة لي لأني لازم ادخل بالأشياء الجدية شوية مزح وضحك
مثال بسيط بو الشباب خطيبي لازم اكتب له وإذا ماكتبت له يقول لي ليه ماكتبتي ايش عندك وليه وليه تحقيق لان خلاص صار عنده هالشي مهم ورسمي وتعود عليه بصراحة حتى أنا لما مايرسل أو يكتب أحس في شي ناقص
حتى الايميل ليه مانسخر هالاشياء لتقريب كل منا للآخر حتى المناقشات
أرسلي له إيميل كل يوم ماتقدري طيب أرسلي كل أسبوع ماتقدري روحي نامي
المهم
لا صدق صدق ماتقدري رسايل جوال ماتقدري عن جد أقولك اهنيكي على مجهوداتك الرائعة وقومي ارقصي أحسن لك لان كذا بتوقفي ومراح تتقدمي ولا خطوه
في وحده تكلمني عن واحد تقول يبي ياخذ وحده مخلصه ثانوي وهو عمره 22 تخيلتو لما سألتها ليه ؟ تقول انه يقول لان بنت الثانوي ماتشيل بيت
ليه ياقلب أمك أنت جايبها تشتغل وتكرف وإلا ترتاح وتريح لاتقولون لي هذا الواقع هذا واقع انتو اللي اسستوه وخططتو له وإلا ايش أتزوج على شان تخدمني ماقلنا لا بالعكس تخدمك بعيونها لكن ليه تخدمك

اسئالك أنتي ياللي تقرئي ليه تخدمينه ؟

أنا عن نفسي لأني أحبه لأني ماابيه يحتاج لااحد غيري لأني راح افرح لما أحس انه مكان سعادته في بيته وجنب زوجته اللي هي أنا حتى هو لما ابذل جهدي واسخر كل شي من حولي لحياتنا وسعادتنا هنا هو راح يريحك ويحبك
الكل يؤمن بمبدأ المشاركة بين الزوجين عادي بعدين انت علمها تطبخ وهي تعلمك كل واحد يساعد الثاني
طيب
الأولى عندكم الحب وإلا الاحترام ؟

اللي تقول الحب

بقولك

ينفع يحبك موت لكن يهينك يتلفظ ألفاظ عليك أو يضايقك بشكل دايم واليوم الثاني احبك أنا عارفه إننا بنات وقلبنا طيب الله يخلينا يارب لكن هنا كرامتك أنتي وين لاتقولون مابين الخطيبين كرامه لا يا حبيبة أمك وحبيب أمك في كرامه وبالعكس المفروض كل واحد مايرضى على الثاني ويبني شخصية الثاني وأنت يالرجال أنت بيدك تخلي خطيبتك قياديه وتناقش وتتفاهم وتعرف اللي حولها وتشارك غيرها بتشجيعك بدعمك لها معنويا تخليها أول شخص تكلمه عن أي موضوع شجعها عطها الثقة بنفسها خلها قويه مع غيرك والقوه هذه انت مصدرها ولو في شي ناقص أنت كمله معها لاتنسى مثل ماقلت من قبل أنت نصها الثاني يعني جزء منها وتشكل تقريبا حياتها كلها
واللي يقول الاحترام هنا أنا معكم لان لما يحترمك ويتفهمك ويقدرك من هذا الاحترام المتبادل راح يولد هنا الحب تدريجيا مو كل حب يجي على طول مثل ماقلت لكم أنا بالبداية كان بينا احترام لااكثر لكن بصدق بصراحة والحين الحمد الله مااتخيل حياتي من غيره ولاهو عادي أجاوب عنه هو قايل لي

المهم

اعرف وحده كانت بفترة الخطوبة يوميا تسوي حركات زعل وهو طلباته الله يهديه كثيرة سوي كذا ولاتسوين كذا ولاتروحين ولاتجين ولا تفعلي وافعلي وكانت تنقهر بس تسكت ولا تقول له تخيلو الحين تزوجت ماتقدر تكلم أهلها جنبه تخاف تخيلتو ولا تحب تطلب شي منه تخاف يرفض أو يقولها شي ماتبيه تعرفون ليه لأنها ماكانت تطلب وتناقش بأيام الخطوبة هو تعود عليها مطيعة دايم ماترفض ماتناقش أنا مااقولكم اعصوه لكن لما يطلب شي أو أنتي ترفضين أو هو يرفض عللي ليه رفضتي >> معليه متأثرة بالاختبارات
المهم

لازم الصراحه والصدق بفترة الخطوبة

أبي أتكلم لكم عن شي ماكنت اعرفها لكن تعلمته من حزن النبلاء >> خطيبي

أنا لما كنت أتناقش قبل مع أي احد في موضوع وأنا حاطه الرفض القاطع قبل وأجي أتناقش طول ماهو اللي قبالي يقول اللي عنده ووجهة نظره كنت أقول لا لا لا يعني رافضه وماابي اسمع مبررات ومابي اسمع دلائل على الكلام هذا حتى وهو صح كنت اقنع نفسي وحاطه في بالي انه خطا ولا وما يصلح
لكن الحين هو علمني انه لما نتناقش في موضوع وكل واحد مننا رأيه مختلف أو معاكس الأخر انه ننسي إننا مختلفين بالرأي وأخليه يقول كل اللي عنده ومااكون حاطه في بالي انه خطأ واستمع له واستفسر عن الأشياء اللي موفاهمتها ويشرح لي إياها ولما يخلص ابتدي أنا وأتكلم وأقول اللي عندي كله ولما نخلص نشوف الأصلح ونسويه ويمكن هو رايه مره حلو لكن فيه نواقص وأنا عندي أشياء حلوه مو عنده أكمل رايه برأيي كذا نتفاهم ونطلع بنتيجة
مو كل منا يعاند الثاني ويمشي رايه ولا كل منا يسكت وياكل بنفسه من داخل واسوي الشي غصب وبداخل العن واسب لا ماايصلح كذا
هو إنسان وعنده مشاعر وعنده أشياء يبيني أنفذها وأطيعه أنتي برضو كتله من المشاعر والأحاسيس إنسانه مرهفه تبين اللي يسمعك وتشكين له

طيب بقولكم شي كنت أسويه قبل لاانخطب وبعده

قبل كنت ابكي كثير مع أوراقي وعلى سجادتي واكتب كثير تقريبا في السنة ثلاث دفاتر الكبيرة هذه عرفتوها المهم ولما اخلص السنة كنت أقراه كله وأحب أروح بر أو بحر وأنا اقرا ه لما اخلص احرقه وأنا احرقه كنت ابكي وابتسم ابكي لأني بفارق صديقي هالدفتر لان حفظ أسراري واحتوى أفكاري خلاني اشكي وابكي أفضفض عن كل شي حزني وفرحي ضحكي ودمعتي كنت اكتب بشكل يومي ومستمر آخر اليوم افتحه وكنت اكتب لدرجة مااحس بنفسي إني كتبت 15 صفحه أو أكثر اللي اذكره اقل شي كتبته قبل الخطوبة ثمان صفحات الحين بعد ماتعرفت عليه راح أتكلم لكم عن الآن بهذه الفترة اكتب تقريبا مرتين بالأسبوع بدفتري والدفتر اللي هو جايبه لي وله اكتب فيه على حسب حالتي تعرفون ليه لأني اشكي له ابكي له افرح اضحك تقريبا اللي راح اكتبه لو هو مو بحياتي أقوله له لكن في فرق كنت اكتب وارتاح صحيح لكن ماكانت هذه الأوراق تقول لي انه صح أو خطا اللي أفكر فيه أو أقوله ماكانت تعطيني نصايح وأنا قلت لكم من قبل صحيح اقرا وافهم واعرف وأفيد ناس واستفيد من ناس لكن يظل عمري 17 اخطي وأصيب واحتاج من يصحح خطاي ويرشدني للطريق الصواب وينير لي درب الأمل لما يكون حالي مرير لما افقد شي اسمه تفاؤل يكون في شخص يدفعني للأمام شخص يبي يشوفني فوق دايم
لما هو يرتقي ارتقي معه ولما أنا ارتقي يرتقي معي >> هذا اقتباس من كلام حزن النبلاء
صدقوني سوو كذا راح ترتاحين تلاحظين الفرق حتى لما يكون مشغول تبين تكتبين ماتقدرين بس يجي اسمه في بالك صدقيني تكلمي له راح يسعده وأنت تكلم لها أيضا راح يفرحها هذا الشي لأنها راح تحس بأهميتها راح تحس انه لو مايهتم لي ويعرف إني ملاذه بعد الله لو مايحبني لو مايحس إني جزء منه وشخص مهم بحياته هذا إذا ماكنتي وكنت انتم حياة بعض كان ماقالي كذا كان ماتكلم لي كان استأمني على شكوى أو سر يخصني أنا به لو حدي لكن نصيحة مهما يصير بينكم هواش أو أسرار مره خاصة لاتقولينها لااحد إلا أشياء عاديه اوكي عادي مافي بربلم تأكدي وتأكد انك راح تكونين بالمركز الأول في أولوياته حتى بشغله تطلع مواهبه
مثلا يرسم يكتب شعر يكتب لك رسالة وإذا قلتي له ايش سويت وقالك اكلم اخوياي بالجوال لااوصيكِ هدديه بتشوفينه يتذكرك غصب مو طيب >> والله طلعت شريرة وأنا مادري

المهم

عارفه كثرت مهماتي اللي عنده شغل يروح ويرجع يكمل واللي ماعنده شي يبتسم ويشرب شاهي بالنعناع مادري كيف يشربه خطيبي استغفر الله المهم اللي ماتحبه تشرب كافي واللي مايشرب منبهات يشرب عصير برتقال فرش مثل حلاتي
واللي تبي تاكل لااوصيها تاكل وتشرب وهي تقرا بعدين ايش تسوي لا لا يا همسات الورد الحزين مايرقصون لا اللي يخلص يروح ينام تراه مفيد جدا >> خلصينا >> طيب بس كنت أعطيهم بريك >> خلاص >>> يس

طيب نرجع لسوالفنا ونصايحنا القيمة

يااخي العزيز لاتحبط معنويات زوجتك تراها من كلمه تتأثر

مثلا هي طبيعتها مرحه وضحوكة لاتقولها تغيري ابيكي جديه لاتضحكين لاتستبلهين لاتسوين نفسك إيه إيه بعضهم يقولون كذا وبطريقه جديه مو مزح تمشينها لا بطريقه جد كذا أنت خسرا راح تتغير وتتكلم بطريقه باردة معك ومع غيرك كلها حيوية البنت حلوه في برائتها تتكلم مثل ماتبي خلها تحس أنها بأمان حتى لما تخطي كون أنت المصحح لها مو تدقق لها وتعطيها علامات من غير تعليم وتصحيح أخطاء لازم تخليها تحس انه لما تكون معك تتكلم بحريه وبطلاقه مو لما تكون معك لازم تنتقي الكلمات وتخاف إنها تقول كلمه يمين يسار كله امشي بطريق مستقيم لاشمال ولاميين طيب يمكن تجي اشاره بتوقف وتطفش وبتمل وقتها تبدأ المشاكل والبربلمات >> احلا لغة بالجمع
وأنتي بعد لا تقولين له لاتسوي لاتفعل ترى بعدين يتعود وبعد الزواج الله يعينك بيكون متعود على هالاسلوب
يعني كل واحد يتصرف بطبيعته صحيح كل واحد من بيئه معينه وتربيه غير لكن ليه مانسوي خلط ليه مانعطي كل واحد مننا الأحسن ندمجه ونسويه خلاص المفروض تحس وتحسين انتي الحين كبرتو وماراح تتزوجو الا وانتو تعرفوا تتصرفون تعرفوا تتخذوا قرارات تعرفوا تفرقوا الصح من الخطأ هنا تقدروا تتفاهموا مهما تكون ثقافات وعادات العايلتي