سويت تشيز كيك الاوريو شوفووها وسووها وبالعافيه

1. ودخلينها بالفرن 45 دقيقه

السلام عليكم يا أحلى فراشات
ها شخباركم اليوم؟؟ تطبخون ولا رجييم خ<<ماتفكر بالرجيم
المهم طبعا اكيد تعرفون تشيز كيك الاوريو لانها كانت قبل كم يوم بالمنتدى وانا اليوم سويتها <<< مستانسه نادر ماتسوي شي بالمطبخ
والي مايعرفها هذي مقاديرها
الطبقه الأولى:
بسكوت اوريو مطحون بالكميه الي تحبينها انا عن نفسي حطيت ثلاث مغلفات من هذي
طبعا تطحنين البسكوت وتسيحين نص زبده عالنار وتعجنينها مع البسكوت وترصينه بقاع صينية التشيز كيك
والله لو ماكان البيت حوسه وازعاج عيال عمي كلهم كانو عندنا <<<الصغار يختي عليهم خ ولا كان صورت لكم الطريقه....
ن رجع للمقادير
الطبقه الثانيه:
علبتين جبنة فيلادلفيا - علبة قشطه - نص كاس سكر - 4 بيضات - ملعقه صغيره فانيليا - واوريو مكسر على حسب الكميه الي تحبينها انا عن نفسي حطيت مغلف واحد
بعدين تخلطين مقادير الطبقه الثانيه مع بعض بدون الاوريو ولما تتجانس حطي الاوريو المكسر

ودخلينها بالفرن 45 دقيقه

ولما اطلعينها من الفرن حطيها بالثلاجه عشان تزينينها بعدين انا زينتها بدريم ويب واوريو وتوفي وشوكولاته هيرشي وطلعت روعه جربو هالزينه وماراح تندمون والله خبصت من عندي وشوفو شطلع معاي وقولو مشالله خ << تخاف من العين
ههه لا ادري ان الفراشات عيونهم بارده
يله عاد اخليكم مع الصور
طبعا هذا الشكل والطعم ولا أحلى لذيذا
ويله جربوها و اكلووها وصحتين وعافيه ...يارب تعجبكم