شابه في صدري من أمس

احساس المها

19-01-2022 - 12:37 pm

صباح/ مساء الخير يافراشات .......
بكل صراحه امس شبت داخلي نار حاره ماطفت الا يوم خمت الساعه 7 وخمدة معي
السالفه ومافيها >> أدري بتقولون ماعندك سالفه عادي ليش مسويه لنا سالفه ع الفاضي ....
بقول لكم ياحريم المتزوجات وعايشات مع أهل زوجها وحموانها المتزوجين في بيت واحد.. وأسمعوا سالفتي ...
أمس ولد حماي طاح وتعور وصار مايقدر يمشي على رجله يبكي ويمسك رجلها<< ياقلبي صراحه حنيت عليه ...
ام الولد كلمت على ابوه وقالت له تعال نودي الولد للمستشفى .. قال الابوا .. خل فلان( زوجي) يوديكم أنا بعيد
وسئلتني عن زوجي وانا مسويه فيها وكلمته قال انا بعد بعيد ليش بغيتي شي قلت لا ...
وقلت لها ان زوجي بعيد ولا هو قادر يجي لانها رايح مع أخوي لمحلات الاثاث..
ورجعت حماتي الله يهديه وتدق على زوجي وتقول افلان طاح وتعور وخايفين عليه أنه منكسر ...
وزوجي مسوي فيه حنون وتركوا مشورهم وجو طيران علشان يودونه للمستشفى ...
وابو الولد وين ؟؟
المفروض هو الي يترك شغله ويجي طيران على شان ولده مو زوجي والمشكله رايح يلعب كوره وتارك المسؤليه ع زوجي
أاه ياقهر ...
والي قاهرني مرة حماي عقب ماجو وطلع الولد فيه كدمابسيطه وأبشركم اللحين يمشي طبيعي ..
وتعلمنا وش قال الدكتور وفي كل سالفه وسالفه (وشاله عمه . ومشاه عمه . ودخل مع عمه في الاشاعه )
حسيت ان ضغطي أرتفع ..
منها ومنه ...
أمانه حطوا نفسكم مكاني ولاتتركوني من دون ردودكم ..

التعليقات (9)

فداكـ الروح

19-01-2022 - 03:54 pm

بصراحه انا اشوفه شي عادي خصوصا انها هي اللي دقت عليه اكيد بينحرج بيقولها لا يعني
وخصوصا انها خوفته

ريف الاشوااق

19-01-2022 - 04:55 pm

عادي يختي الله يجزاه خير واذا كل شوي تقول عمه فعلا عمه اللي وداه لاتاخذين الامور بحساسيه زايده وانا معك المفروض ابوة يوديه

كساندرا الشرق

19-01-2022 - 05:56 pm

الله يهديك حسيت الموقف عادي ومايستاهل قلبي
ولد اخوه مثل ولده واكيد بيخاف عليه

أم كيمو الحلو

19-01-2022 - 06:57 pm

هوني على نفسك ما صار شي ...
هي اتصلت و خوفته يوم جابت طاري الكسر ... و انت تمونين و تتحملين زوجك لو رفض لك شي لكن استحى يقولها لا ما ابغا اجي او يتجاهل ... عشان اخوه و ولد اخوه مو لأي سبب ثاني .... هو خاف لو رفض ينقدونه يقولون ما وقف معانا ما يهمه احد و ياحبيبتي يوقف اليوم مع اخوه و ولد اخوه بكره لو احتجتيهم (الله لا يحوجك لأحد) تلقينهم ... صح؟؟

RoSeLeeN

19-01-2022 - 07:58 pm

مادري احس الموضوع عادي وهذا الشي من زود اخلاقه
استحى من الحرمه و الولد ماهو غريب يصير ولد اخوه
يعني لا تكبري السالفه
واحمدي الهل احسن من انه زوجك فشلك و طلعو عنه انه مايخدم حدا

العنووووده

19-01-2022 - 08:59 pm

الله يهديكي ليش كل هذه الغيره عاتي عمه يسعف ولد اخوه مافيها شي كان تفرحين بهذاالشي الله يخليكم لبعض ويبعد عنكم وساوس الشيطان وسعي صدرك ولاتكوني حساسه

الزين كله أنا

19-01-2022 - 10:00 pm

وش يصير اذا خاله هو الى راح فيه للمستشفى ترى كلهم اهل والواحد يسد عن الثاني وحطي نفسك في مكانها لو انتي ولدك لا سمح الله هو الى صاير له وطلبتي من عمامه ولا خواله يااختي الموضوع تافه ولا تصيريه حساسه وتزعلين على اشياء ما تسوى الله يهديك بس

&& ريــتــال &&

19-01-2022 - 11:01 pm

الحمد لله على سلامته
ومسألة كل شوي تذكر عمه هذا من الاعتراف بالجميل وهذا الشي يفرح مايزعل
لكن سؤال؟؟؟
ليه مو انتي اللي رحتي مع زوجك؟؟
انا اذا صار مثل هالموقف اخذ الطفل واروح انا مع زوجي
واذا الام قلقانه على ولدها تروح معي

انوار طه

20-01-2022 - 12:02 am

ما اظن هذا السبب ..
بالعكس كل واحد طيب يحب يخدم الغير ويحب يشوف زوجه يخدم الغير
صارحي نفسك ليش سبب زعلك !!
معقولة لانه زوجك ساعد ولد اخوه اللي من لحمه ودمه !!
صار احسن و احن من ابوه هذا يرفع الراس

سؤال بخصوص فحص ماقبل الزواج←
شكلكم ناسين شي مهم→